التجمع السادس للحوامل اللاتي يلدن في شهر 3 ( مارس/آذار ) 2010

اهو يبند الظهر ويفتح مرة ثانية بس ما ادري الساعة جم ؟؟

او جنغل لاند اللي في المارينا ما ادري متى يفتح ؟

خاطري في واحد منهم رخيص وقوي ههه

بالعافيه حبوبه ، مادري والله اتصلي وسألي احسن ...

ما يردون :(

عيل اكيد يسكرون ويفتحون من عقب ال6 حق العشه ..

Daloo3t_Obooy;11031967:
احس يروح وياج احسن دام ماعنده شي، كلها جم دقيقه وتخلصون، الا اذا كلش حسيتي مايقدر روحي بروحج ، ربي يطمنكم ان شاء الله وتردون مستانسين اليوم ...

اتصلت عليه قال بيتفاهم معاي بالبيت

يالسه انتظر زوجي لبست وكل شي بروح اخذ رقم ان شاء الله عاد ما في احد وادخل اول الناس

ان شاء الله خير ، حبيبتي جود طمنينا عليج بعدين اوكي ، انا الحين لازم اجهز روحي للطلعه بروح بيت هلي اتغدى وان شاء الله اذا صار عندي جانس بدخل في الليل ، اشوفكم على خير وسلامه ...

قلب البتول وينها؟ احاتيها وايد :(

دلووعه كل من يحاتي شي
وكل واحد وهمه وان شاء الله قلب البتول تطل علينا اليوم ولا بكرة وهي ما فيها شي يا رب

تحملي بروحج وانتي رايحه ودعواتج لي

انا ان شاء الله اول ما اوصل بكتب لكم بالتجمع اللي صار معاي

انا بعد اجهز نفسي للطلعة علشان اروح البيت ..

شخباركم بنات احس بثقل وتعب اليوم من قومة الصبح ويجيني الم يقبض ظهري عاد اقول حق ريلي مابقى الا 10 اسابيع والدكتورة تقول يصير من 36 اسبوع اربي يعني مابقى شي

جود مرت حماي حملتها القبلية كان ماي ناقص وتوفى الياهل بس الحين تموا يعطونها ابره تاخذها بروحها في البيت عشان تمشي الدم مايصيدها تخثر انتي سالي الدكتورة عن ذي الشي

مساء الخير بنات شخباركم

جود
انااجوف الخطا من الدكتورة من البداية المفروض تعطيج كل الفيتامينات اللازمة لان اكيد عندها فكرة عن المشاكل اللي صادتج قبل يعني انا مثلا منالبداية يوم جافو عندي الضغط قالو لي مع حبوب الضغط لام اخذ الاسبرين وكنت خايفة منه وبحثت وجفت ان له فوائد وايد واهمها انه يوصل الدم للمشيمة ويقويها وبذلك يوصل الدم للجنين بصورة طبيعية واكثر شي يعطونه حق اللي يصيدهم اجهاضات متكررة عشان يحافظ على الجنين
المهم ان شاء الله تجين اطمنينا والله دعواتنا على طول لج وللبيبي والله يطمنج عليه

يله جود دخلي وطمنينا

ان شاء الله كل شي تمام

انا عندي هالاسبوع امتحانات نهائية بس ادخل عشان اتطمن عليج انتي طيوبة وتستاهلين كل خير

مساء الخير بنات شخباركم!

عيون المها \ بروكولي كل شي مقدر ومكتوب قبل لا احمل
وانا راضيه بحكمه ربي

انجنيرا تسلمين والله .. ربي يوفقج بإمتحاناتج ويسهل عليج حملج

\

انا رحت الموعد وطبعاً طلعت وانا شايله هم كبير .. الكبير الله والهم اللي عندي صغير صوبه
وراضيه باللي سمعته .. صج اني صحت عند الدكتورة بس سمعتني كلام مسحت دموعي منها
وبعدها صحت عند ابوي وقال لي نفس الكلام وكلامهم صحيح
انه احنا نسوي اللي بإيدنا والباقي نتركه على الله سبحانه
هو المعطي وهو القادر على كل شي

بشكل عام بوضح لكم الصورة

الجنين حالياً تحت رحمه الله
بما انه الدم مو يالس يوصل له من المشيمه .. والماي حوالينه ناقص
ووزنه مو طبيعي واصل743 كغ يعني ثلاثة ارباع

قالت لي السالفه معقدة .. لو طلعناه ك ولادة مبكرة مع الابر للرئتين بهالحاله
ما بين 25% و 30% يعيش حتى لو كان بالحضانه لأنه وزنه 743كغ
لو كان وزنه كيلو ونص او كيلو و4 اعطيج نسبه 70% يعيش الياهل بالحضانه
بس وزنه مو طبيعي
ولو خليناه بالرحم وتم على هالمنوال نقص بالدم والماي راح يموت في بطنج
في كلا الحالتين الحاله صعبة ومعقدة

ف انا راح اوصف لج اسبرين وفيتامينات وتعالي لي يوم الاحد الياي
راح اشوف الوزن فيه تطور ملحوظ او بطيئ

قالت انه الرحم منقسم صاير اثنين والمكان صغير والمشيمه مو يالسه
تعطي دم كافي لصغر المكان

قالت لو عاش مثلا بالولادة المبكرة احتمال يصيده شي بالسمع او البصر
او بويهه .. المهم انه بيصيده شي هذا بالولادة المبكرة ووزنه اقل من كيلو

قالت لي اذا انتي مؤمنه ومسلمة احنا نسوي اللي علينا وانتي صلي وتمي ادعي ربج
وخلي الباقي عليه
هو اللي عطاج اياه .. وما يفيدج الصياح
وانا حاسه فيج بس بنسوي اللي نقدر عليه واكثر والباقي بنتركه للي خلقه

هالكلام شوي قوى قلبي
انا الحمدلله مو يائسة من رحمه الله .. مؤمنة فيه وايد اكثر من قبل
الحمدلله على كل حال واذا الله ما اراد لي ان شاء الله بيعوضني

دعواتكم يا الغوالي محتاجتها وايد

الله يحفظ لج ولدج ويخليه لج يا جود:)

ان شاء الله يا ربي ما تروحين الموعد الياي الا وزنه زاد وكل اموره تطمن وتسر واهم شي الحين لا تفكرين لان التفكير يأثر عليه

انتي عليج الحين بالدعاء والتصدق والاستغفار بنية حفظ الجنين

وان شاء الله يا ربي ما يجي موعدج الياي الا وكل امورج عال العال

الله يحفظه لج انشاء الله ونولد كلنا شهر 3
ونشوف اولادنا بخير ياااارب

الله يخلي لج ولدج ان شاءالله في ايات يسمونها ايات القصبة حاولي كل يوم تقرينها واخذي ماي زمزم مقري فيه وشربيه ومسحي على بطنج عسى ربي يحفظة لج

هذا هو ريلي يقول اسألي كم اسعار التذاكر لمكه
يبغى يروح اسبوع واحد
قلت له انا ابغى اروح بس اذا ميزانيتك ما تسمح ماله داعي

وان شاء الله راح اسوي اللي بإيدي
وامي قالت الصياح لاتقربينه ان شاء الله هوالحافظ
لأنه النفسيه تتأثر

الله يسهل انا متفائله وايد انه يوم الاحد اسمع كلام طيب

جود حبيبتي لاتشيلين هم ان شاء الله الاسبرين بسوي مفعول خصوصا اذا معاه فيتامين شوفي انصحج تشربين الاسبرين فليل قبل النوم وحاولي تنامين على جهة اليسار لان يوصل الدم اكثر للبيبي

حاولي تكثرين وجباتج وكثري جوكلت لان السكريات تزيد وزن البيبي حتى لو وصلة له نسبه قليله من السكريات بتكون افضل من نسبه قليله من شي ثاني يعني لاتفكرين فوزنج بيزيد
واهم اهم نقطه الصلااه والقراان والدعااء من الله ياااارب يسوي الي فيه الخير ولاتتضايقين كلش خليهى على الله اذا لج رزق فلبيبي بيعيش لج




الحلم الازرق حلو المفرش نااعم بس احس النجم الجميل احلى شغله مادري يمكن لان شوي قديم الشغل ذي