التجمع السادس للحوامل اللاتي يلدن في شهر 3 ( مارس/آذار ) 2010

صباح الخير بنات

جووود لا تحاتين كل شيء بأيد رب العالمين توكلي على الله وما راح تخيبين ان شاء الله

وناسة بنات شوفووو شنو سويت وامس جهزوو

حنين ام;11029808:
صباح الخير كروشاااااااااااااااااااات

صباح الورد اختي :083:

الحلم الأزرق;11029813:

صباح الخير بنات شخباركم

صباح النور والسرور بأم أحلى بنات :087:

مسقطاوية للأبد;11029840:

دلوعة

هلا
صباحك ورد

صباح الحلوى العمانيه :041:

يتوم;11029844:
صباح الخير بنات

صباحج الصباحي والورد والتفاحي :049:

شخباركم كروشات وشنو سويتوا في الويكند؟ يوم الجمعه رحت السيف ويا ريلي وشرينا سرير من مذركير وفراش للبيبي ، وامس رحت الستي خذت لفه على المفارش عجبني مفرش في هوم سنتر بس ليحين متردده اخذه او لا وخذت لي صدريات للرضاعه من مذركير وبس ...

فديتكم ، اللي عندها فكره عن شغل ام منذر تقول لي لأني ناويه اروح لها ودي افصل مفرش وهالسوالف ابي شي حلو للمستشفى ، امس مريت مبروك اللي في ام الحصم تخيلوا مفرش البيبي بروحه ب60 دينار يزعم فيه فصوص وهالسوالف عاد كلش مايسوى ...

يتوم
ماشاء الله حده كيوت وحلو ، يتهنى فيهم البيبي ان شاء الله :)
قررتوا شنو ناويين تسمونه خلاص؟ وين فصلتيه حبيته وايد مرتب صار خاطري اييب ولد ...

الحلم الأزرق;11029940:

دلوعة حبيبتي شلونج شخبارج أي حزة رحتي الستي يوم الجمعة لاني كنت هناك مع ندى وأبو ندى

الحمدلله بخير دامج بخير ، انا يوم الجمعه رحت السيف وامس السبت رحت الستي ، حسافه ماتلاقينا ، بس انا قلت لج تأكدي لو شفت ندوي الحلوه بيي اكلمج وبقول لج انا وحده من التجمع :013:
وين رحتوا تتغدون؟ لووووسه انا :041:
هههههههههه كروشات نسيت اقول لكم مريت محل سبود مال الجكت بوتيتو طلع صندقه صغيره مجابل السيف قبل تيك اواي والمسيد صاير صراحه ماتوقعت عبالي مطعم عدل يعني وفيه قعده على الأقل بس هو مسوينه حق تيك اواي ويمكن يفتحون في مكان ثاني جريب على كلامهم، ويوم اروح قال لي الهندي حدكم اوردر مافي الا واحد بطاطا واحد هاي دليل على انه حلو ووايد ناس خذوا منه بس الصراحه طلع صج لذيذ الجكن والمشروم ...

صباح الخير الحلم الازرق

يتوم عليه بالعافية البيبي ان شاء الله يجي بالسلامة

مسقطاوية صباح الفل

دلوعة مبروك السرير والله يجيب البنوتة بالسلامة

حنين ام
تسلمين حبيبتي ، فديتهم بيصيرون ربع عاد ان شاء الله نتصادف ويا بعض حزة الولاده مثل موعدنا :)

Daloo3t_Obooy;11029907:
يتوم
ماشاء الله حده كيوت وحلو ، يتهنى فيهم البيبي ان شاء الله :)
قررتوا شنو ناويين تسمونه خلاص؟ وين فصلتيه حبيته وايد مرتب صار خاطري اييب ولد ...

الله يسلمكم كلكم .. وانا صج مستانسة علية لانة مرتب وحلو طلع مثل اللي ابية ..
والله يا دلوعة على الاسم للحين ما ادري بس اتوقع في اللحظات الاخيرة بيقول لي اللي انتي تبينة :02:

وفصلت البشت في محل بهاء في جدعلي .. والصورة خذيتها من المنتدى .. لانة سعر غالي اذا بطلبة وثانيا ما اظمن وخذيت الدزاين وسويت مثلة :)

يتوم
وين صاير بهاء في جدعلي بالضبط ؟ وبجم سوالج اياه ؟

ان شاء الله دلوعة الله يسمع منج

يمي عليكم بالعافيه ، انا بعد احب الأكل الايراني واكثر مطعم نروح له تخت جمشيد اللي في فندق الخليج روعه صراحه اكلهم ...

صباح الخير

شخباركم!!

اليوم عندي موعد وان شاء الله خير
مشكورين بنات على دعواتكم

ما تخيلت سبود مثل ما قلتيه وانا عالبالي انه مطعم فيه قعده

Daloo3t_Obooy;11030130:
يمي عليكم بالعافيه ، انا بعد احب الأكل الايراني واكثر مطعم نروح له تخت جمشيد اللي في فندق الخليج روعه صراحه اكلهم ...

محل صغير قبال بو صلاح مال الشوارما .. والقماش اختي جابتة لي والخياط في حدود 10 دينار كامل

јǿđ;11030161:
صباح الخير

شخباركم!!

اليوم عندي موعد وان شاء الله خير
مشكورين بنات على دعواتكم

ما تخيلت سبود مثل ما قلتيه وانا عالبالي انه مطعم فيه قعده

الحلم الأزرق;11030188:

إنشاء الله جود تروحين وتتطمنين على البيبي

آمين يا رب الله يسمع منك ان شاء الله
دعواتكم لاتحرموني منها:032: