التجمع السادس للحوامل اللاتي يلدن في شهر 3 ( مارس/آذار ) 2010

عيل اذا هاللون زين ، لأني احس ان شنطة المنكيير مو كفايه بطلب شي بعد زياده احتياط ، شرايج اخذ نعالة المنكيير عشان يكون نفس الشي تقريبا والا شي ثاني؟

انا راجعه البيت ، وربي يعيني على الزحمه الهرانه اكي واصله لي وين :(
اشوفكم على خير وتحملوا بروحكم ...

دلوعه وبحرينية

انتبهوا على اعماركم

هلا بنات شخباركم انا اليوم في بيت هلي بانام اهني ريلي سافر السعودية رايح كشته الله يحفظه كم يوم وانا اليوم طلعت العصر رحت لاند مارك غيرت جواتي البيبي وخذت بدالهم لحاف حق اليهال وشفت الاغراض قلت باشوف التنزيلات متى لانه ابي سرير البيبي مال مذركير الخشب وشفت عندهم مخدة الرضاعه وكم غرض عجبني وبعدين رحت فصلت لي مرقد تقديم البيبي سويته اوف وايت مع دانتيل وعليه زيج كرستال وردي مع ورود ورديه على الجنب سوا لي اياه 200 ريال بكره باروح محل لمسات نيرة اليوم مطرشين مسج انه نزلوا بضاعه جديدة بروح اشوف حق اول يوم

امس بديت ازين التوزيعات طلعوا شي مكست بين الورد البنفسجي والورد الاوف وايت مدرج حق لون وردي مايل للبنفسجي والشريطه زيتيه طلع شي راقي

عيون المها والله انا يبي لي
بس اختي تقول وصي محل يسوي لج كل شي جاهز احسن

\\

انا رحت سنتر بوينت خذت جواريب وخذت طربال لتبديل الحفاظ
وبعدها رحت ماكس خذيت لي فوطه حق البيبي اللي ايي على الزاوية نفس القبعه
وايه رحت شو اكسبرس ريلي يقول دشي يمكن يعجبج شي خذي لج انتي
مسوين ديسكونت 60%
اول ما دخلت طاحت عيني على جوتي ايينن لونه ازرق عاد قلت الا اخذه
في جواتي هناك بعد حلوين
بس هذا يناسب البنت والولد
هو الاصل دينارين مع الديسكونت دينار
والباقي على دينارين ومئتين
بس رووعه جواتيهم .. قلت اذا عرفت جنسه بروح اخذ من هناك
اثنين

وشكلي ما باخذ معقم بس باخذ لي مسخن الحليب
من شيكو ب 13 دينار مدري 14 شي جذي

سنتر بوينت مسوين 20% على الثياب مو 50% مدري مين اللي قال 50
عجبني واحد من السليب باغ بس ماخذيته لأنه ازرق وزوجي قال شوفي جنسه بالاول
ما يصير
والمفارش ما حصلت هناك حلوين
قلت ما يصير الا اخذ من برى بشوف لي الحين انا قلت له بخلي ابوي يودينا السعودية
اخر شهر 1 لأنه يدلي ما قال لي شي .. قال عادي وهذا اهم شي
بودي معاي يمكن 80 او 60 دينار اخلص اغلبيه الاغراض
ما راح اكثر لأنه ام زوجي تقول له لا تشتري ولاشي
قلت له ما يصير ما نشتري انا ابي شي من ذوقي بعد
قال مو مشكله تشري .. قلت له باخذ الاشياء البسيطه من ذوقي

كل عام وانتوا بخير كروشات وربي يجعلها سنة خير ان شاء الله ونشوف بيبياتنا بصحه وسلامه :)

انا رحت النجم الجميل وحصلت لي جلابيتين حق النفاس وايد حلوين صراحه وفكيت عمري من روحة السعودية ، ورفيجتي بعد رايحه كويت وصيتها تييب لي من هناك اذا حصلت شي ...

انا شكلي ياتني النودة مادري شلون بانام من غير ريلي اهئ اهئ والله مادري مب شي جذي

كل عام وانتوا بخير كروشات

دلوعه وانتي بخير وصحه وسلامه يا رب

نازل مطر ما شاء الله خير وبركة على السنه الجديدة
جعله ايامنا كلها خير وسعاده وتسهيل من رب العالمين لولادتنا يارب

\\


عيون المها انا لو منج ما انام خخخخخ مو متعودة انام من دون ريلي الا بوقت واحد
اني اكون زعلانه منه بس بعد ارجع واروح يمه
ما يهون البعد .. ربي يعينج وتمر الايام بسرعه وتشوفينه قبالج يارب

قوووووووووووووووووة

اليوووم دخلت الثامن واخيرررررررررا

زمووو مبروووك عقبالي اللي مو راضي يمشي هالسابع
كل سنه وانتي طيبه

بنات اشلونكم

كل عام وانتم بألف خير وان شاء الله اتكون سنة خير على الجميع ....

طبعا انا نفس ما قتلكم سويته وصبغت شعري عاد هاي عقب ما سألت الدكتوره والي طمني ان اختي يوم كانت حامل ابنته وابولده صبغت ورحت وصبغة وشعري صار حده فن غير مزاجي وريلي استانس عليه وايد طبعا ما رحت لا حق نهاد ولا رنا ولا شي رحت صالون عندنا في الرفاع رفيجتي صابغه عنده وعجبني ....

وحفيت جسمي كامل وحواجبي وصرت نيولوك عدل واحس اني فرش ....

زيووون مبروك على النيو لوك
انا بعد ابي :(

اي صالون! شنو اسمه! اذا ما عليج امرخبريني
لو قايله من قبل انه عادي يصير
جان جمعت فلوس وسويت مفاجاة حق ريلي بعيد زواجنا بس الحين ما راح يصير لأنه مفلسه لول


بنات امس يلست افكر بالسليب باغ والمفرش والشنطه
وطرى على بالي محل بالمحرق
مفارشهم وايدحلوة وناعمين
مو مبالغ فيهم طبعا في تفصيل وفي جاهزين
جان اقول حق ريلي ابي اروح له لأنه هالمحل حيل حيل قديم بالسوق
وام زوجي تتعامل وياه وايد في كل ولادة تروح لهالمحل ويسوي لها تخفيض عدل
ف قلت فرصه ارو اشوف الجديد اللي عنده واشتري
لأنه مو غالي يعني اذا مع الشنطه والمفرش والسليب باغ عادي يكلفني بحدود الاقل من 25 دينار
اذا مع السله 35 دينار
بس يا ربي ناسيه اسمه
بس ان شاء الله اول ما اروح بقولكم عن اسمه

اوه نسيت صباح الخير
وجمعه مباركة عليكم
شخباركم !

صباح النور والسرور ...

زيون مبروك على النيو لوك واهم شي تغيرت النفسيه شوي ...

جود شكلج تقصدين محل الخاجه اللي في سوق المحرق لأني سمعت انه يسوي هالسوالف واسعاره زينه ...

هلا والله دلوعه شخبارج!

ما ادري والله بس هو محل واااايد صغير يعني يادوب يبين بين المحلات
صاير على جهة اليمين اذا كنتي داشه سوق المحرق من الاشارات