التجمع السادس للحوامل اللاتي يلدن في شهر 3 ( مارس/آذار ) 2010

أنا يوم الأحد الصبح خذت لي فرة على المحلات شوي .. رحت النجم الجميل و عجبني قميص نوم و فراش ..
بس معاملة الهندي اللي هناك كانت كسيفة الله يغربله و استحمقت و طلعت .. يقول الا تاخذين الفراش مع الشنطة .. انزين مابي الشنطة !!! قال لا لازم .. قلت له انزين فصل لي فراش بروحه .. يقول لا اذا بافصل لج فراش لازم افصل لج شنطة بعد .. غصصصصصصصصصب ؟!!! مابييي .. فطنقرت و طلعت ..

عاد اختي كانت معاي و اهيه مهيأتني ان الهندي نفسه خايسة .. و ان اهيه صار لها نفس الشي يوم تجهز حق ولادتها و استحمقت و هدت كل اللي كانت بتاخذه و مشت ..

سخيف واحد .. !!! صج صج صج نرفزني .. من اتذكر انقهر :066:

و رحت بست موم الا صاك .. :091:

مريت محل في الرفاع اسمه فارنا .. خذت قطعتين ( الثياب الخفاف ) حق البيبي مع مهاداتهم ..

و كنت أبي مفرش حق السرير حق المستشفى .. قلت بامر دبنهامز او هوم سنتر .. بس دام معرض الخريف جريب فبانتظر .. اييبون مفارش حلوة ..

و حق سرير البيبي باخذ مفرش من ماماز ان باباز ان شا ءالله لأن السرير من هناك ..

الحلم الأزرق .. أف ان افتكيت من هالتحليل .. لوع جبدي .. ان شا اءلله النتيجة تكون زينة يارب .. :091:
و اي صارت مواعيدي كل اسبوعين .. بدينا بالجد .. :01: الله يستر

و عن راس البيبي الدكتورة قالت لي ان اهم شي بالاسبوع ال 37 يكون تحت .. الحين البيبي يتحرك .. انا يوم شفته كان منسدح على عرض .. :041:

јǿđ;10989484:
هلا والله بحرينيه افتقدناج سلامات وما تشوفين شر
انا بخير الحمدلله انتي شخبارج!
كل تحليل سكر لازم يشربونج عصير ولا شنو !

الله يسلمج حبيبتي ..

مادري والله انا أول مرة يسوون لي هالتحليل و شربوني جلوكوز و انتظرت ساعة ليما خذو مني دم ..

بس ما كنت صايمة قبلها .. قالت لي أهم شي ماكون ماكلة شي قبل 3 -4ساعات من الجلوكوز ..