التجمع السادس للحوامل اللاتي يلدن في شهر 3 ( مارس/آذار ) 2010

مساء الخير

شخباركم بنات !
اما ريلي حده مزاجي
يا ربي اكره هالشي
اليوم المفروض الاقي المندوب واستلم منه الاغراض
الا يقول لي ماعندي فلوس : \ يعني شنو !
قلت له من صجك انت ولا تمزح قال لاتأذيني وفر راسه ونام
بس مو مشكله اناا اعرف كيف اطلعه منه اليوم بالليل
بس ما عجبني رده
طرشت للاخت مسج قلت لها بكرة بلاقي المندوب واستلم الاغراض
اليوم ما يصير
وبكرة الصبح الساعه 8 بروح وزاارة العمل بشوف سالفه التأمين ضد التعطل
من شهر 5 انا مسجله ولا شفت شي منهم
بروح لهم بس شنو اقولهم عاد! اذا احد يعرف يقول لي
وبروح البنك بستلم بطاقتي اليديدة بما انه تاريخ 10 بيلغون البطاقات القديمه
صج لين الوحده تشتغل نعمه ما تعتمد لا على اهلها ولا ريلها
الحين حسيت بهالشي بس الله كريم

اما الريايل يبطون الجبد انا ريلي عندي بكرة حنة بنت عمتي الي تصير اخت ابوي من الرضاعه وماعطته خبر من قبل الا يقولي خير من قالج بتروحين مكان مافي روحه لاعرس ولا شي
انقهرت انا مارحت لهم ولا زيارة من 9 شهور كله ااجل قعدت اصيح وقلت حق امه قلت لها ليش موشارطين بالعقد انكم تبون وحده تروح حدها بيت اهلها وبيت يدها اما المعارف والزيارات لا انقهرت قلت لها مب لهذي الدرجه التحكم والمشكلة اني ماعطته خبر وحاجزه ومرويته الفستان يجي يقولي مافي روحه وسكري الموضوع قولوا شاسوب معاه قلت له انا بعدين وراي ولادة الواحد يبي يرفه عن نفسه ويغير جو قبل حكرتي مع الياهل ميته منقهره

عي المها ون;10974480:
اما الريايل يبطون الجبد انا ريلي عندي بكرة حنة بنت عمتي الي تصير اخت ابوي من الرضاعه وماعطته خبر من قبل الا يقولي خير من قالج بتروحين مكان مافي روحه لاعرس ولا شي
انقهرت انا مارحت لهم ولا زيارة من 9 شهور كله ااجل قعدت اصيح وقلت حق امه قلت لها ليش موشارطين بالعقد انكم تبون وحده تروح حدها بيت اهلها وبيت يدها اما المعارف والزيارات لا انقهرت قلت لها مب لهذي الدرجه التحكم والمشكلة اني ماعطته خبر وحاجزه ومرويته الفستان يجي يقولي مافي روحه وسكري الموضوع قولوا شاسوب معاه قلت له انا بعدين وراي ولادة الواحد يبي يرفه عن نفسه ويغير جو قبل حكرتي مع الياهل ميته منقهره

اهلين كروشات بصراحه رغم الضغووووووووط اللي امر بها في الدراسه إلا اني جيتكم طايره وفرحانه

لاني عرفة والحمدالله جنس الجنين






















































وطلعت احلا بنوته الله يخليها لي ويحفظها ويطول بعمرها ويطلعها سالمه ومعافى يارب
والله اني مره فرحانه ومستانسه حدي واخيرا بشتري اغراض ورديه وبنفسجيه عاد انا اموت في الالوان البنوتيه :)

عيون المها ربي يعينج انا توي منقهره من ريلي
يقول شنطة وسليب باغ ما يسسوون 13
قلت له كم تبي عيل! يقول بالسعودية ارخص
يا ربي قهررررني من قلب .. طلع اييب عشا ودزيت له مسج
قلت له لا تخسر فلوسك خلها لك انا بسوي لي عشا بروحي بالبيت
رد البيت وشافني اصيح
عاد الحين خله يلوم نفسه ما علي .. بس شكله بيعطيني عاد عقب شنو
عقب ما صيحني
\\

ربي يعينج عيون المها

...


النرجس مبرووك وربي يتمم لج على خير ان شاء الله

صباح الخيرات
شخباركم؟

على ما اتوقع بكرة بالليل بروح بيتنا
ما فاد ويا زوجي اي اقتناعات
مصر اروح بيتنا
حسيته تملل مني :(
ولو اني ادري الخوف عنده اكثر

صباح الخير جود؟؟
لا تقولين ان زوجج تملل منج هو اكيد خايف عليج وعلى البيبي

هلا والله انجنيرا شخبارج وشخبار حملج!
بس انا اتملل لا رحت هناك
اهني احسن اخذ راحتي اكثر من هناك
هو مو يالس يفهم انه النفسيه تلعب دور بالحمل

بروح وزارة العمل انتظر اختي تمر علي
ابشوف قصه التأمين ضد التعطل من شهر 5 انا مسجله وما نزل لي اي شي
بس شنو اقولهم لا رحت هناك ؟
مدري اروح اراجع مكتب التوظيف اشوف لي وظيفه ولا ايلس مكاني واستريح

اي احسن معقم افنت للمراضع ولا شيكو؟
شكلي ما بشتري السليب باغ والشنطه .. لأنه بيكون مخمل وانا ولادتي بيكون الجو معتدل
بشتري المعقم احسن احسه اهم

الحلم الازرق صباح الخير شخبارج؟ وشخبار حملج وندوي؟

الحمدلله انا بخير وحملي تمام

زين والله ان شاء الله دوم يكون بخير اهم شي انج طمنتي قلبج

صباح الخير كراريش ،
شخباركم وشلون بيبياتكم ؟ والسنه اليديده وياكم ؟

النرجس
مبروك حبيبتي البنوته وربي ينقلج لي تمامج ان شاء الله ، زادوا البنات ماشاء الله :025:

جود
قعدي محلج وين تشتغلين الحين ماباقي لج شي ان شاء الله وتربين ، بس روحي شوفي سالفة التأمين ضد التعطل وشنو يقولون لج وان شاء الله خير وتحصلينهم بأثر رجعي يارب، هو مو المفروض تروحين المركز التابع حق منطقتكم ؟ لأني ماقط سمعت احد يروح وزارة العمل :01:

الحلم الأزرق
هلا بالغاليه ، شلونج وشلون البنات؟
الحمدلله انج تطمنتي على البيبي وانا احس بعد من هالأسبوع المفروض ينزل الراس تحت ، وان شاء الله يتمون بيبياتنا على هالوضع ونولد طبيعي بالسلامه ربي يسهل علينا قولوا امين ...

Daloo3t_Obooy;10978838:


جود
قعدي محلج وين تشتغلين الحين ماباقي لج شي ان شاء الله وتربين ، بس روحي شوفي سالفة التأمين ضد التعطل وشنو يقولون لج وان شاء الله خير وتحصلينهم بأثر رجعي يارب، هو مو المفروض تروحين المركز التابع حق منطقتكم ؟ لأني ماقط سمعت احد يروح وزارة العمل :01:

ههههههههههههههه ايه ما باقي لي شي ادري :037:
ما ادري والله عن هالموضوع بس قلت بروح براجعهم
انزين ابسأل انا اشتغلت شهرين ويوم فنشت ع طول يحولون بطاقتي لين عاطله ولا كيف؟

الحلم الأزرق;10978853:

جود لاتزعلين من زوجش ولا شي صدقيني الزوج لين عنده ما بقصر على زوجته ولده ويمكن هو رد عليج جذي لأن مضغوط أو أي شي ثاني وهذي الأمور تتأجل في وقت عندنا بعد للتجهيزات إذا مو هالشهر الشهر الجاي وعن بيت أبوج فهميه وقولي له إني جنبك أرتاح أكثر واني ما أقدر اتم بعيدة عنك وفي النهاية هو إذا أصر ترى خايف عليج والله لا يحرمكم من بعض وعن الشغل ألحين إنتين لا تفكرين تشتغلين إلا بعد ما تولدين بالسلامة وشوفين وضعج ترى صدقيني لما يجي البيبي بتشيلين فكرة الشغل من راسك نهائيا لما يكبر شوي والبيبي ما يجي إلا برزقه والله كريم

ان شاء الله خير يا رب
والله هالتأمين اذا نزل لي بيحل امور وايد ووالله

طيب ما خبرتوني يا الغاليات

اي احسن معقم افنت ولا شيكو للمراضع وشنو اسعارهم

انا بحاول وياه اليوم قد ما اقدر اني اتم معاه بالشقه
وبشوف وش يقول اتمنى اتمنى يوافق

Daloo3t_Obooy;10978849:
الحلم الأزرق
هلا بالغاليه ، شلونج وشلون البنات؟
الحمدلله انج تطمنتي على البيبي وانا احس بعد من هالأسبوع المفروض ينزل الراس تحت ، وان شاء الله يتمون بيبياتنا على هالوضع ونولد طبيعي بالسلامه ربي يسهل علينا قولوا امين ...