هل هو ظالم ام لا؟؟

السلام عليكم..!!

عندنا مشكلة عائلية قدددديمة من فتحت عيوني وانا اشوف الخلاافات بين ابوي واخوانه..!!

بكتب لكم القصة بس بداية القصة انا ما اعرفها..يعني في مشاكل بينهم قبل لا انولد ومو عارفة شو القصة..!!

بس في سالفة حصلت قريبا...
جدي عنده اولااد وبنات كثار ماشاءالله..
4 من اولاده انتقلوا من بلد خارج الخليج و عاشو بدولة خليجية((هالكلام من 35 سنة قبل))
الدولة اللي انتقلوا لها وفرولهم منزل ((شبه مجاني)) عطوهم ارض وبيت ملك..((مثل ما قلت شبه مجاني بس رسوم رمزية بسيطة كل شهر كان يدفعها الأخ الأكبر))
هذا الأخ الأكبر كان شايل هم اخوانه الثلاث وهو اللي كان مهتم فيهم ماديا..علما ان واحد من الأخوان الثلاث كان يشتغل بس ما صرف عالبيت ابدااا

بعد حوالي 15 سنة كلهم اتزوجوا وانتقلوا لعمان وهذاك البيت اجرووه والأخ الأكبر هو اللي كان ياخذ الأيجار ويهتم بالبيت ويصلحه وكبره بعد((التكبير زوجته ساعدت بتكبيره بعد))
الحين من سنة قرر الأخ الأكبر انه يبيع البيت وطبعا عارفين مبلغ بيع البيوت الحين اضعاف قبل..


طيب المشاااكل اللي كان بين الأخواان كبرررررت بعد ما سمعو ان هالأخ قرر يبيع البيت ((يبوون نصيبهم من المبلغ))
الأخ الأكبر قرر ان يعطي كل واحد فيهم 10% من المبلغ والباقي له بس الأخوان الثلاث ما رضوا يبون المبلغ بالتساوي!
والأخ الأكبر رفض ... الحييين نص اخوانه ما يكلموووه!

علما ان..
1- البيت كان يعطى فقط للناس اللي مع عوائل ((الحكومة اعتبرت اخوانه عايلته))
2- البيت وارضه بأسم الأخ الأكبر
3-الأخوان ال3 ما دفعوا ولاااا شي والدليل والأثباتات موجودة((عنده كلللل الأيصالات اللي كان يدفعها شهريا))
4- الأخ الأكبر راح لكل من الأخوان الثلاث شخصيا علشان يعطيهم المبلغ بس رفظو
5-انا ذكرت ان زوجة الأخ الأكبر بنت البيت وكبرته..الحين هي طلبت تقسيم المبلغ 50% من المبلغ هي اخذته طبعا برضا زوجها

في رايكم هل من حق الأخوان الثلاث طلب المبلغ بالتساوي؟؟؟
الأخ الأكبر ظلمهم لما قرر يعطي كل واحد 10% من المبلغ؟؟

الأخ الأكبر لا ليله ليل ولا نهاره نهار كله يفكر بهالسالفة خصوصا انه خلاص عطى زوجته نص المبلغ والحين مو قادر يعطي اخوانه ((هالأخ طيييب لدرجة ما تتصوروها لدرجة انه قال لو ما عطيت زوجتي كنت بعطيهم المبلغ كللله ولا ابغى منه شي بس اخواني يردون يكلموني))

انتظر ارائكم..!!

الموضوع لعضوة ثانية بس للخصوصية ((لأنها مشاكل عائلية)) طلبت مني انزل الموضوع