انهاردة روحت لدكتور جلدية و صورتلك علاجى كلة

بنات ازيكم عاملين اية



انا انهاردة روحت لدكتور جلدية



لانى للاسف الشديد بقى يطلعلى حساسية جامد جدا فى جسمى كلة و بتعمل حبوب ملتهبة و لما تروح تعمل بقع فا جسمى الحمد للة اتبهدل على الاخر بصوا المشاكل الى سئتلو عليها كالتالى



1-حبوب و بقع فى ضهرى

2-- بقع فى الموخرة ( و عندى حبوب برضوا حساسية بتطلع بس نسيت اسئلو)

3-جسمى بيعمل حساسية من كل البودى لوشنز الى خلقها ربنا فا طلبت منة بودى لوش او كريم مرطب مش يعملى حساسية

4-- بقع فى رجلى و اثار خرابيش من القطط



المهم انا صورتلكم الحاجات الى كتبهالى فى الروشتة معادا حاجة واحدة لسة مش لقيها برة



و قالى على نصيحة احبكم تعروفها برضوا زى ما عرفتها:



و هى ان المفروض اننا منغسلش لبسنا بدونى دى او اى اضافات تانية غير صابون الغسيل الاساسى الى زى برسيل او اريال او الحاجات دى قالى انها علميا ممكن تعمل حساسية لناس معينة جسمها حساس لمواد معينة فى الحاجات دى و قالى بردوا ان المفروض لما الغسيل يتغسل تعملى دورة اضافية شطف تانى علشان تتاكدى ان مش فى باقيا صابون او كدة




العلاج بقى يارب يعمل معايا حاجة





















قالى اولا بالنسبة لظهرى



هستخدم كريم سيدوميسين بليل (Cidomycin)



و محلول موضوعى اسمة دالاسين تى الصبح ( Dalacin T)





بالنسبة لبديل الشور جل او الصابون كتبلى:



شور جل تقريبا من Uriage اسمة Cu-Zn دى هستخدمة عادى بدل الشور جل لانة شاكك ان الشور كريم من دوف الى بستخدمة هو الى بيعملى حساسية



بالنسبة بقى للبقع فى الموخرة و الرجلين :



هستخدم كريم اسمة Foldex P.H5 و هو كريم تفتيح لمدة 3 شهور مرة واحد بليل بس



و فى كريم لل scars اسمة سكار فيكس او ScarFix



هستخدمة على مكان فى رجلى معين و صوابع ايديى لانة متعور و مش فاكرة بصراحة تقريبا كان مرة واحدة الصبح حاجة كدة



و على فكرة قالى كلمة Scars دى مش بتتقال على مثلا حاجة خربشة او حاجة سابت لون غامق بس قالى لا الكلمةدى بتتقال على حاجة سابت علامة عميقة فاهمين زى واحد اضرب فى وشة بمطوة مثلا جامد متخيلين المنظر عميقة ازاى دى كدة سكار لاكن لما تبقى بس لون دى اسمها انها سابت لون و بس و بتتعالج بكريمات تفتيح بعد كدة و بس



بديل البودى لوشن دى الى لسة مش لقية فى الصيدليات خالص و مش عارفة اوى اقرى اسمة من الروشتة انتة عرفين خط الدكتارة بيبقى عامل ازاى



بالنسبة للاسعار هو فى حاجات غلية شوية فا الى عايز يسئل عن حاجة هيجبها اوك يسئلنى و هرد علية انشاء اللة



و ياريت تدعولى بجد اى حد استفاد منى باى حاجة فى حياتة يدعيلى


ممنوع نقل اى صورة من صورى من دون اذن منى اولا ثم ذكر اسمى و منتدى عروس