:::التجمع الرابع لكروشات شهر فبراير 2010:::

أم حسين القمر;11053305:
مستانسين دخلتوا التاسع .. ياربي متى ادخل يمكن أتفاءل شوي ..
مليت من الثقل أفففف ..

من منكم مشى من الثامن ؟!

>> ذكرى قديمه <<;11051699:


:087:

مشكوره ع المعلومات

وعنى انا الحمدلله بس الي كدرني اخر زياره لى للدكتور قال لي

راس البيبي فوق

والحمدلله ان شالله يتنشط هالفتره ويفتر يروح تحت :037:


وانتى اخبارك .. واخبارك مع التجهيز خلصتي ؟؟

"Lovely LoLo";11053206:
حبيبتي مااهاب عادي
لان راس البيبي نازل للحوض ويضغط عالعظام يعني افرحي ماباقي شي:093::093:
اللي خلصو الاسبوع 37 خلاص يعني البيبي تحت وجاهز للخروج:029:

أم حسين القمر;11053305:
مستانسين دخلتوا التاسع .. ياربي متى ادخل يمكن أتفاءل شوي ..
مليت من الثقل أفففف ..

من منكم مشى من الثامن ؟!

وردة البحرين1;11053499:

ما اهاب..

انا بعد بس اتعب او امشي يصيدني الم اسفل الضهر مكان العصعص عزج الله واسفل البطن

ام حسين
انا ببنتي الاولى كنت متحمله بنفسي وعاد كنت امشي من بداية الثامن كل يوم لمدة ربع او ثلث ساعه
ويوم دشيت التاسع قمت امشي من نص ساعه لساعه كل يوم

عاد كنت انا مستانسه بالحمال وزوجي كان مسويني يا دهينه لا تنكتين يعني كانت ايام الدلع ما خلصت

بس عاد الحين لا انا فاضيه ولا زوجي فاضي لي:041:

عاشقة الشهاده;11053664:
ما اهاب وعروس
نفس الالم بعظام الحوض من تحت يصيبني وسألت عنه الدكتورة
قالتلي انه عضلات الحوض برتخي والعظم بتوسع استعدادا للولاده
يعني اشي طبيعي

فتاة المستحيل;11053676:
ما شاء الله عليكم اللهم صلي على النبي وصلتوا هالصفحات انا صراحة ما قدرت اقرا كل الواجب ....المهم يا رب تكونوا كلكم بخير واشلون الثقل معاكم ؟؟؟

انا مستانسة وصلت الاسبوع 36 وبحط الشريط يالله هاااانت يا ربي ...بس والله مو قادرة انام بالليل اتعذب بشكل مو طبيعي والثقل من اي حركة واللي يضحك لو شي طاح عند رجولك اتحداكي تشيلينه بسهولة هههههههههههههههههه ولو قعدتوا بالارض يبيلكم ونش يشيلكم هههههههههههههههههه يا ربي لك الحمد....

اليوم وباجر عندنا عرس ما رحت لاني عارفة اني بروح بيزعجوني الحريم باسئلتهم اللي ما تخلص ...للحين ما ولدتي ؟؟؟ جم صار لج بالتاسع ؟؟ وش قالت لج الدكتورة ؟؟وووووووو ما راح نخلص قلت اقعد بالبيت ابرك لي ههههههههههههههههه

والله ولهت عليكم وااايد .....يالله عاد نبيكم تشدون حيلكم هالاسبوع ونبي بشارة ان في وحدة ولدت ؟؟ في احد ولد بعد ام رسيل ؟؟ يا ريت تحطين الجدول مالنا لفلي لولو .....

تكفون اللي تولد تدعي للبنات كلهم بتسهيل الولادة عليهم وتدعي للي محرومين بالذرية الصالحة ....انا ما راح اطول بس حبيت اسلم عليكم واقولكم تراني للحين ما ولدت اهئ اهئ ههههههههههههههه ما ادري مستعجلة على شنو على وجع العملية ؟؟؟؟!!!! والله هاليومين بس احاتي واحلم بكوابيس العملية انا بروحي مو قادرة انام عدل بعد لما اغفي احلم بكوابيس انا ناقصة ......يا رب سهلها علي وعليكم ....بحط لكم شريط الحمل ادعو لي تكفون ....وسلامي لكل وحدة بهالتجمع وحدة وحدة ....

وردة البحرين1;11053769:
نور الدنيا متى موعد عمليتها؟؟ انا ما لحقت اقرأ الواجب كله..

انا تحولت ببيت ابوي هاليومين علشان نعدل بشقتنا نسوي غرفه للبيبيات

عاد مادري اذا بقدر اسأل عنكم كل يوم

لاعت جبدي لا نوم عدل لا اقدر اقعد ولا اقدر اقوم ولا اقدر اكل

ياربي متى اتخلص من كل هذا...

بس ارد اقول خلني بمعاناتي احسن ما ابي اولد خايفه من الولاده حدددي