:::التجمع الرابع لكروشات شهر فبراير 2010:::

نور الدنيا ... مبين انك راح تكوني اول ولادة عندنا ... الله ييسر لك امورك يارب وتقومي بالسلامة ..

عاشقة السعادة .... ما راح نرتاح في الأكل والنوم الا بعد الولادة :(

"Lovely LoLo";10935228:
وينها سيندي مابينت اليوم
لاتكون ولدت:093:

شكلها بتاخذ الكاس وتولد اول وحدة

أم حسين القمر;10935660:
نور الدنيا ... مبين انك راح تكوني اول ولادة عندنا ... الله ييسر لك امورك يارب وتقومي بالسلامة ..

عاشقة السعادة .... ما راح نرتاح في الأكل والنوم الا بعد الولادة :(

وانتي الصاجة حتى بعد الولادة ما فيه راحة

لونا الجميله;10933311:

هلا يا حلووووووووووووووات ان شاء الله كل الكروشااااااااات بصحه وعافيه :025:

انااا من زمان ما دخلت التجمع بس كنت متابعه اخباركم لانه ساعات ما اقدر اعلق ...
دف الجليد سلامتك وماتشوفين شر ان شاء الله .
ومبررررررررروك لكل الي دخلوووو التاسع وان شاء الله يسهل الله علينا الولاده .:013:
ام شيووووخ شفت الحافات احلى شيء الثاني اذا مولودك بنوته والثالث اذا ولد حييييييييل حلووووين والله يقومك بالسلامه .
الحالمه اسم سيماا حلوووووو الله يجيبها بالسلامه ويخليك لهااااااا.
لولو الله يفرحك بولدك وتقومي بالسلامه والاسم غريب حيل .
وامااا عن اخباري الدكتوره كل موعد تعطيني موعد ولاده غير والله يسهل ان شاء الله واخر موعد قالت احتمال اولد نهايه يناير وانا احس بثقل حيل اسفل بطني بس كلهم يقولو عادي
مع انه ثاني حمل لي بس احس اتعب من الاول .
اي على فكره لولو جنس البيبي ولد ان شاء الله يجي بالسلامه لوني لي اسمي بالقائمه ياقمر بس الاسم للحين انا وزوجي ما قررنا بس يجي بالسلامه .
طولت عليكم بس هذا اخبااااااري وان شاء الله اياااااامكم كلها فرح وسعاده .
اي نسيت خلصت تجهيزاتي كلها تقريبا بعدين برجع اقولكم بالتفصيل .....:032:

لج وحشة الغلا عاد لا تقطعين لين تولدين

عروس ما تبي تعرس;10933635:
سلام عليكم كروشات شخباركم

فكتم

ما تجوفين شر

ماما حسووووووووووون

اليوم سالت الدكتورة عن الأمساك قالت لي هذا من حبوب الحديد ... اقول لها شنو انسوي ؟ قالت نكثر من السلطات والمشي وشرب السوائل

الحمد الله أخباركم تمام ... موعدي حاليا كل أسبوعين .... الله يسهل علينا وعليكم الولادة

الغالية

فيه انواع وايد حديد

انا اول ما خذت عطتني الدكتورة ار نيتال

بعدها سبب لي امساك وغيرته لي دكتورة ثانية

عطتني فيفول ومرة ارتحت عليه حتى الدكتورة قالت انه وايد مرتاحين عليه ما يسبب امساك

صباااااااااااح الخير للحلوووووووين .......
لولو تسلميييييييييييين يالغاليه ...:083:
عاشقه الشهاده آميييييين يارب يسلموووووو ياقلبي وعقبال ما تنتهي من تجهيزاتك .:016:
ورد الخريف يسلم قلبك ان شاء الله ما اقطع وانا متابعه لكم يا احلى امهااااااااات ...:072:
وسلااااااااامي لجميع الكرووووشات .:087:

نور الدنيا;10935409:
هلا كروشات ... مبروك التجمع الجديد ... بالنسبه حق اخباري ... انا الحمد الله رحت موعدي تاريخ 26/12 وكانت الدكتورة بترقدني عشان دمي وايد نازل 8.5 وبس بعد اسبوع بتحدد لي موعد للعملية وان شاء الله خير ...وانا على حسب الاتراساوند دخلت التاسع ..والحمد الله خلصت اغراضي واغراض البيبي امس ..

الله يكتبلك اللي فيه خير ويسهل عليج يارب
والحمد لله انك كملتي اغراضك

وردة البحرين1;10936306:

هلا حبيباتي وشكرا لمروركم على موضوع تجهيزاتي...

خلوني اقول لكم عن اخر اخباري..

اول امس دشيت احمم بنتي وطحت لي طيحه عدله على الضهر والمقعد

وامس طول اليوم احس ان مكان الطيحه صاير كانه زجاج مكسر بجسمي والم شديد

بس قلت مدام احس بحركة الجنين ما ابي اروح المستشفى

عاد امس بالليل بنتي طاحت على ضهري وكملت علي.. مو قادره من الالم

بس بعد قلت بصبر موعدي يوم الخميس وان شاء الله ما يصير اللا الخير

اللا صج سندي وماما حسون وينهم الله يستر من هالغيبه :01:

سي يو

سلامتج حبيبتي
بس الافضل ما تتاخرين
روحي تطمني قبل موعدج حتى لو البيبي يتحرك
وان شاء الله مافيج الا العافية

اختي وردة البحرين ... ماتجوفين شر سلامات ... روحي تطمني احسن لج ...
اختي ام الشيوخ ... الروابط مافتحت ..
اختي ورد الخريف .. والله انا ماقررت هم الي قررو لانه البنت عندي معترضه والحوضي صغير ... فعشان جذيه قالت لي الدكتورة ماراح انغربلج وننطر الطلق وانتي عملية ...

صباح الخير بناااات....

اخباركم اليوم..
وردة البحرين>>>>>ما تشوفين شر فديتج تمي كله منبطحه على ظهرج ورافعه ريلج لين تريحين انتي توج في السبوع ال31 تقريبا مب زين من الحين ...

نور الدنيا>>>>> الله يقومج بالسلامه ان شاءالله...وين قررتي تسوين العمليه في حمد والا الاهلي؟ راوينا شنو جهزتي ومن وين حق التقديمات :)

عاشقة الشهاده>>>>> اكلي خيار او شربي لبن هذا يخفف الحموضه بس اول شي وقفي كل شي فيه دهون لنه اهي الي تسبب الحموضه وتزيدها

اليوم ان شاءالله بقعد انا واختي وباقرر على اي واحد اخذه لأني صج محتاره وايد ولين خلصت بطلبه وباروح اذا عندي وقت اخذ لي اغراض حق المستشفى الباقيه اول ما اتفق على لون لحاف بقدر اسوي كل شي وان شاءالله الله يسهل...

اليوم كان ريلي وخواته بيروحون الحسا والخبر نفس ماقتلكم بس كنسلوا عاد انا باقوله اروح معاه اهم كيفهم خخخخ في خاطري والله مع اني امس زعلانه عليه وايد بس يمكن اذا قتله الحين يرضى واروح اغير جو ولو شوي اروح حق اهلي بالبحرين....لو قالي لا صج انه مايبي يوديني :( وبزعل زياده وباخلي الصياح يطلع مره وحده الي محبوس من اسبوع ههه

باقي تقريبا 10 ايام وادخل التاسع والله الايام ترررركض وانا كلش مابي افكر فيها...
بنات ماتحسون انه البيبي وااايد وااايد يعور من تحت وتحسون انه كلش كأنه بيطلع ويعوووور وايد؟؟انا جي حتى دبتي احسها نازله اكثر من قبل...الله يستر وما ربي اول ما ادخل شهري

نور الدنيا>>>>>>>عندي لج خبر خطيييييير لو ولدج يحب بارني تره يوم الخميس الجاي مسوين حفلته في قطر فاونديشن في احد مسارحهم هناك تره الحق ماتلحق حق اليهال الي اقل من 3 سنوات ببلاش اما الكبار في ب 300 والي ب500 قالولنا خلصوا....انا شكلي باودي ولدي شرايج نروح ومنها نتعرف على بعض :)

نور الدنيا .. الله يكتب لج اللي فيه الخير

عاشقة السعادة .. وردة البحرين .. تصدقون صج صج عيالنا بدت الغيرة عندهم من الحين

حتى امس ولدي من اقعد جا يقعد على بطني
وامس وانا اصلي ركعت الا هو جاي حاضني بقوة عشان ارفعه معاي وما خلصت من صلاتي الا ظهري يعورني

قلت شكلي بولد .. بس تحممت وارتحت ورجع كل شي طبيعي

طيب بنات بستشيركم بشغلة
بما ان عندي تكلس في المشيمة .. التاخير بالحمال مو زين لمثل حالتي
فقلت بشرب زهورات لان فيها مريمية .. وبقول لريلي اييب لي اناناس طازج

لان بصراحة احاتي وايد هاليومين ..

لفلي لولو .. بما ان تاريخ ولادتنا بيوم واحد متى يصير ندش التاسع ؟؟

كاندي يوينها شكلها صج راحت تولد !!!!!

وردة الخريف
هي والله انا بنتي استوت عدوانيه وعنيده بشكل قبل ما كانت جي ما ادري شو الي غيرها .
ام شيوخ
صدقتي الياهل وااايد نازل تحت وضغط زايد والله كل شي احس بالام اقول خلاص بربي بس تعتقدين نحن الي مجربات الولاده ولادتنا بتكون اسرع عن قبل يعني يمكن انربي في بداية التاسع .ان شاء الله

بنات ابي انزل صور اغراض البيبي بس مافي موقع يرضى يحولي اياهم مادري شاسوي....
مب كل شي صورته الحين الي عندي ابي احطه والباقي بصوره هاليومين بس الي تعرف ادلني على موقع مايوهق

نسيت اسالكم بنات

احيانا لما يتحرك البيبي احسه يتجمع في مكان ويالمني ويصير متحجر

تصير لكم هذي ؟؟

لان خفت لا يكون متضايق ويسوي هالحركة

لان ولدي الاول اذا اتوتر او اقعد في مكان ازعاج يصير كذا

ورد الخريف>>>>>لا عاادي هاي حبيبتي يكون نايم وتام في مكان ما تحرك او حتى لو يكون قاعد حتى مرات تشوفين مكان في بطنج اكبر من مكان ويعوور ويصير يابس بس هاي عادي دونت ووري:)

أم شيوخ;10939948:
ورد الخريف>>>>>لا عاادي هاي حبيبتي يكون نايم وتام في مكان ما تحرك او حتى لو يكون قاعد حتى مرات تشوفين مكان في بطنج اكبر من مكان ويعوور ويصير يابس بس هاي عادي دونت ووري:)

مو يالغالية جايني هوس من احس بحركة اقول هذا اكيد الياهل افر وتغيرت وضعيته

متعقدة من ولدي الاول

هلا كروشات شلونكم
مبروك التجمع الجديد
كلللللللللللوللللللللليش
وان شاء الله اللي يدخلون التاسع يولودون قبل لايمدي ينفتح التجمع الجديد

اهلين بنات أخباركم ...

عاشقة السعادة ... الحموضة متعبتني حيييل موم عارفة شسوي لها ... شربت حليب ولبن وكل شي مافاد ... الله يعينا ..

وردة البحرين تجهيزاتش حليوة ... تدرين اني بعد بولدي لبسته وردي بس اكثر شي بيج :)
وردة وماما حسون وعروس يبغي لمنا ناخذ ارقام بعض علشان من تولد وحده تخبر التجمع ان فلانة ولدت ومنها نتواصل هههههه ...

اليوم مفكرة أمشي ... وبالنسبة لغيرة البيبيات اللي عندنا ولدي زايد هالأيام وكلشي أجيبه حق أخوه له يقولي حق دادوو ويبغي يلبسه ..

أشتريت بعض أغراض البيبي من الصيدلية .. مو كلها وباقي علي أشياء كثير بس يستوي تلفوني الخربان بصورهم لكم ..