سنه طويتها بكل ما فيها وبدأت سنة جديدة ، لا أدري ماذا تحمل لي الأقدار فيها ولكن ،،
كلي إصرار على التقدم ولو لخطوات يوم سجلت فيه وعد وعهد أني ما حييت سأبقى كما عهدتني الأيام قوية لا تهزني الرياح ولا تهزمني الجراح .
يوم ميلادي 28/12/2009
في يوم ميلادي .. تناسيتُ أحزاني
وسخرتُ من أيامي .. تماديتُ في ضحكاتي
وتجاهلتُ كل سنيني .. وعبثتُ في جراحاتي
في يوم ميلادي .. أطفئتُ شموعي
وذرفتُ دموعي .. وأغلقتُ أبوابي
وفتحتُ كل جروحي ..آلمتُ نفسي
في يوم ميلادي .. تخليتْ عن شموخي
وظهرتْ انكساراتي .. بكيتْ على سنيني
تعبتْ من كبريائي .. تعبتْ من ذكرياتي
في يوم ميلادي .. اعترفتْ بأخطائي
أني أحببتْ بإحساسي .. أسرفتْ بعطائي
جاريتْ أحلامي .. وخضعتْ لأوهامي
في يوم ميلادي .. رحلتْ لآخر آمالي
وتركتْ أحلامي .. وبقيتْ مع حرماني
قلبتْ أوراقي .. وأدركتْ سبب أحزاني
في يوم ميلادي .. ودعتْ كل أعوامي
واستسلمتْ لأيامي .. ورضيتْ بأقداري
صافحتْ أول أيامي .. وابتسمتْ رغم أحزاني .
المهم فتيات F:
قررت بعد ماياني اتصال ان بيطلعوني يحتفلون فيني شالبس واي عطر احط ابي اتحنى ابي وابي الخ.....
وتوصلت اني لازم اسوي تقشير للبشره وادلع ويهي بالروب ويا العسل
واسوي لي حمام زيت خفيف بدون اي اضافات لان مستعيله مايمدي لي وقت زايد:-o
والحين الموووهيم:cool:
بالبس بدله خضره وورديه
تنوره وبدي ونفس التايور المخرم
حبيته من عقب ماسويت الدايت بين معالم جسمي:adore:والكل قالي انه حلوو علي :!!:
وباسوي شعري بالستريتنر يعني سيده على طوله شعري طويل اول شي احط سيروم ليما يمتصه شعري وابدي اسويه باستشوار ليما يضبط لي صار الشعر مستوي نوعا ما استخدم الستريتنر مره ثانيه عاد بشرط احط سيروم خفيف من يديد:adore:
تصير الشعره تينن سيده وان بغيت اسويه حلزوني اسوي شعري بالفير
والميكب انه كوني موقفه حفاف حواجب صرت ماحط شدوو وهالاشيه ليما اتعلم تغطيه الحاجب بس بعد حلوو اطلع نعومي
فقلت باحط لي بس بيس ويا بودره وكحل وماسكرا مكثفه ويا روج وردي مايل للفوشي وبلاشر مخملي وردي
صايره درجتها انعم ومظلومه بالصوره
والمنيكير بحطه وردي للامانه الصوره من النت بس نفس الدرجه تقريبا
طبعا انيي للعبايه
بالبس عبايه مسويتها لي رفيجتي الغاليه القطريه رفيجه عمري وقلت مابالبسها الا بهاليوم باذن الله
معنه بنات بامكاني البس عبايه خضره بس قلت مابي ابي اغير واقصد هالعبايه
او عبايه فيها وردي نفس هاي
وهاي الله يعزكم الصندل اول مره بالبس شي كعب متخوفه ههههه بس يالله بحط شي سبير وياي حيطه وحذر
هاي للاحتياط ههه
وهاي اكسسووواراتي ان شاءلله
ونيي بالاخير للعطور والدخون
بحط عطر مونتال الوردي &عطر الحيا&عطر سديم&عطر الجفري
والدخون مجموعه من العود الخشب والمعطر
وباحط لي دهن عود اميري او دهن عود قديم من اجمل بالاضافه الى مخلط زهره العود:thumbs_up:
اول شي حطيت عبايتي بالكبت وحطيت الدخون وياها ليما تشبعت ريحتها وصكيت الباب عليها
باقي ثيابي اليوم احطهم بنفس الطريقه وقبل لا اجهز باكون حاطه زبده الجسم بنكهه الستروبري ليما ينعم الجسم باحط بودره الف ليله وليله على جسمي وبالاخص بين الصدر لان الريحه تثبت بهالمنطقه :o
وعقب ماخلص هالمرحله وانا اتدخن باتعطر من مجموعه عطوري وباحط الدهن العود والمخلطات ورى اذوني وعند الرقبه وبين الصدر وبين الساعد والمعصم :adore:
وبعدها بقرى على روحي المعوذات وبحصن روحي وبتوكل على الله وباروح لهم
دعواتكم لي ان الله يسر اموري وتكون سنه خير علي وانرزق بالزوج الصالح فيها واتخرج عاجلا غيرآجلF:
واذا عجبكم مووضووعي لاتنسون التقيم
ولحد ينقل المووضوع الا بذكر اسمي
