في رايكم شنو الحل ..

اللي اقصده ان صديقتك تبغي الطلاق

بصراحة ما احب الحال المايل و زوجها بعد اذنك يحتاج لتربية ..

سؤال و ضروري تجاوبي عليا ...

اهل صديقتك ممكن يتقبل فكرة المحاكم و لا لا؟؟

في من اهل صديقتك رجل شخصيته قوية و يقدر يوقف معاها و لا لا؟؟

بقاايااا
ابوها صدق عايش
بس .. ما يشجعهاا على الطلاق مع انه عارف بالمر الي هي فيه واخوانهاا ولبهم على روحهم
مع انه لما كانت في بيتهم كانو ما يقصرون عليهاا وعلى ولدهاا
وانتين تعرفين الوضع عندنا
بيصبرون علييها يوم او يومين بس وبعدين؟؟؟
وهي الحين تحس ان قلبهاا ثقيل من صوبه بدا يصير حجر
تقول مو مهتمه فيه
الاول تشوفينهاا تقعد تصيح بس الحين مو مهتمه خلاص تعودت
وحتى لما يسبهاا تسكت وتغاور
تقول الحين بديت اكرهه وما ابغي اكرهه مهما يكون هذا ابو ولدي
وابغي ولدي يتربى ويا ابووه
:(

mademoiselleياسمين;10916382:
اللي اقصده ان صديقتك تبغي الطلاق

بصراحة ما احب الحال المايل و زوجها بعد اذنك يحتاج لتربية ..

سؤال و ضروري تجاوبي عليا ...

اهل صديقتك ممكن يتقبل فكرة المحاكم و لا لا؟؟

في من اهل صديقتك رجل شخصيته قوية و يقدر يوقف معاها و لا لا؟؟

بالضبط هذا الي اقول لهاا
جواب السؤالين هو
لااااا
للاسف

اللؤلؤه السوداء;10916415:
بالضبط هذا الي اقول لهاا
جواب السؤالين هو
لااااا
للاسف

أجل الله يساعدها

لو تشتاكي عليه في اي منظمة انسانية موجودة في منطقتكم او على الشرطة لو عندها جرأة

و ربنا يساعدها و يزيل غمها

mademoiselleياسمين;10916441:
أجل الله يساعدها

لو تشتاكي عليه في اي منظمة انسانية موجودة في منطقتكم او على الشرطة لو عندها جرأة

و ربنا يساعدها و يزيل غمها

الله المستعااان
مشكوره يا الغلاا

دام تقول مو صابرة تعيش معاه شلي مخليها تقعد عنده

والولد راح يتعقد لما يقعد في هالبيئة

فيه شي اسمه خلع تروح ترفع قضية خلع قبل ماتجيب غير هالولد

تنفصل عنه احسن من العيشة الي هي عايشتها

والله بيعوضها بأحسن منه ان شاء الله

طيب اختي .. بما ان كل الاقتراحات موجوده .. هل جربت انها تزعل ببيت اهلها .. وتلزمه بمصروف معين وهي في بيت اهلها ... وتحط شروط ولمن تشوف في تحسن بعدين تروح بيتها .. واذا ما حست ان زوجها تغير .. تقعد في بيت اهلها عقابا له.... ومنها تقعد مع نفسها تراجع روحها ومها تقعد مع اهلها وتشوف رايهم...

تحياتي

ام جنى

سلام عليكم..
ما حبيت اترك الموضوع بدون نهاية و ان شاء الله تكون خاتمة حل لصديقتج يارب
انا سألت والدتي الله يخليها وقالت لي هل البنت متزوجة منها ولا من اهلها يعني بما معناه هل هو عن حب كانت متزوجة ولا خطبة عادية؟ فاذا كان السبب هو اهلها فالافضل ان والدها يتكفل في مصاريفها بشكل مؤقت لين ما تتخرج و تشتغل ..اما اذا كان منها ومن قصة حب فالافضل انها تصبر في بيتها و تقعد مع زوجها وتتحمل الشتيمة والسب
كذالك امي عطتني سر عظيم و اذا داومت عليه بتنحل مشكلتها باذن الله تعالى
خلها تقرأ هذ الدعاء كل يوم ألف مرة وهو (يا قاهر العدو يا ولي يا مظهر العجائب يا مرتضى علي) و تصلي ركعتين قربة لله تتوسل بعدين و تدعي من ربها الله يهدي زوجها .. وترة هذا كلة فعايل بليس و الشيطان الرجيم اعوذ بالله منه
قولي لها كلة تتعوذ من بليس الرجيم و تستمر في الدعاء بالي عطيتش وياه و تصبر لانة السالفة مو في يوم و يومين اكيد يبغا لها وقت وكل ما احسنت الظن بالله اكيد بيكون الله معاها و بتشوف بتنحل كل العقد
زوجها بعد من النوع الي ما يحس بالمسؤولية وشكلة صغير بالعمر !! يعني وايد ازواج جدي مو بس زوجها فعليها تتصبر و تتذكر صبر السيدة زينب عليها السلام

خليها تيلس معاه و تفهمه و تقوله شو الأشياء الي مب عايبتنها في تصرفاته .. لازم الزوجين يصارحون و يتناقشون في هالشي عشان محد منهم يتصرف بطريقه ما تعجب الثاني و يعيشون حياه حلوه

والله انا نصيحتي تستخير الله هل تطلب الطلاق او تبقى

انتي الحين قاعده تشوفين اراء البنات واكيد بتكون مفيدة بإذن الله
بس قبلها لاااازم تستخير الله لانه العالم سعادتها وين بتكون
صراحة واحد زي كذا ماراح اذل نفسي واقعد معه كأني دميه ما يجي الا وقت حاجته
لا لازم يكون لها شخصيييييييييييية خليها تستخيييير الله
وبعدها تتخذ قرار في صالحها هي لا تفكر في ولدها
لانه الحمدلله 5 سنوات خلاص كبير ولا ينخاف عليه وهي صراحة صغيرة
خليها تتلاحق قبل لا تحمل وتتورط بطفل من هالانسان عديم المسؤولية
ووقتها يصير الخلاص صعب


الله يرشدها للطريق الصح وييسر امرها وامر كل مسلمة ولا يحرمها اجر صبرها عليه
ويرزقها السعادة في حياتها ,,

حبيبتي اصعب شي في الحياه البخل بس خليها تكثر من الاستغفار لقوله تعالى ويرسل السماء عليكم مدرارا ويرزقكم باموال وبنين ويجعل لكم جناتا وانهارا

اختتتي خللها تقعد معاه وتكللمه اتقول له شنو فيني مو عاجببنك الا يخلييك اتسببني وجي خللها اهي اتبادر وتشجعه وتسمعه كلاام حللو عشان يكتسب منها بعض الصفات وسوييها وشجعها على دراسستها وشغللها خللها تدلعه خصوصا انا بعدهم صغااار..وربي يوفقها وفرج همها

طمنينا عصديقتج يارب خير

ما قرأت ردود البنات قرأت المشكله ورديت عليش دايركت

زوجها ضعيف شخصيه - لان على حسب كلامش ان يقول لها تطلقي بس ما يطلق -
ضعيف شخصيه وقرارته متقلبه بعد ( على سواياته ويحبها )؟؟غريب
ويمكن البنيه من النوع بعد الساكت يمكن يوم شافته في البدايه جدي ما كلمته ما تفاهمت وياه وصبرت واخذت على مبدأ (( اصبر عشان يفهمها ويعقل نفسه بنفسه واذا تكلمت بتزيد المشاكل )) وهي ما درت ان سكوتها يزيد المشكله
وعشان جدي قاعد يستقوي على شخصيتها لانها شافها ساكته

خلها هي تفرض شخصيتها قدامه وتخلي لكل شي حدود بعقل و حكمه
يعني خله يشوفها بشخصيه قويه وتاخذ قرارتها بدون تردد

اختي والله العظيم كانك توصفين زوجي ومن اول ماتزوجنا هو بهذا الطبع اناني بخيل علي وعلى الاولاد ودايما يعطيني بالقطارة ولكن على نفسه بيشتري اغلى الهدوم و العطورات والاحذية من افخم و اغلى الماركات ولينا دايما ما فيش معاه فلوس عدا عن الشتايم والضرب والبهدلة امام الاولاد وامام اصحابنا وانا صبرت عليه على امل انو يتغير ولكن الظاهر انو امل ابليس في الجنة ناس زي دول مستحيل يتغيروا دنا بقالي متزوجة عشرين سنة ولسه هو زي ما هو ونصيحة للاخت الكريمة انها تسيبوا وتشوف نفسها لانها صغيرة لسه وحرام تهدر حياتها وتدمرها مع شخص ما يستاهلش ضفرها و اياها تعمل زي و تصبر عليه لانها حتندم بعدين قوي زي انا دلوقتي
وربنا يسعدها يارب