يعني الواحد ما يبطل يستقبل الناس

آآآآآآآآآآآآخ ياقلبي والله جيتي عالجرح للاسف طريقة الزواج عندنا اساسها غلط وكمان اهل البنت لمن يتصلوا الخطابين يجلسوا يأهلوا ويسهلوا ويرحبوا وفي الاخر يروحوا ولا يرجعوا بدون مايردوا اي خبر ويا حرقة قلبي والله اني اشفق على نفسي وعلى بنات جنسي واقول لنفسي لمن اتزوج ما ابغه تجيني بنت عشان لاتتحطم وسط مجتمعنا المعقد والمتخلف بس والله في ناس تخاف ربها وتتقي الله في بنات الناس بس طبعا هدول الناس لايتجاوزون 2% من مجتمعنا الجاهل بحكيلكم قصه ام صديقتي هي عندها 3 بنات و 3 شباب بس بناتها كلهم تزوجوا على كبر ولمن جت تخطب لاولادها ومايصير نصيب تتصل على اهل البنت وتعتذر لهم بانه مافي نصيب مع انه هالتصرف مستحيل يصير عنا الفلسطينيين هدا بس لانها تخاف ربها وتتقي الله في بنات الناس وانا افضل فكرة اختصارالمشاويير ويجي الشاب مع امه مره وحده يشوفها لانه هو صاحب القرار النهائي يعني شو الفايده اذا عجبت امه و ماعجبتو تقدر امه تا خذ المعلومات عن طريق التلفون و خلصنا بالمناسبه تذكرت قصه صارتلي في يوم من الايام اتصلت وحده تبغى تخطب وكلمتها امي وطبعا حضرتها ما خلت سؤال ماسألته من اتفه الاسئله : طويله وكم طولها كيف شعرها ناعم او لا وايش لون عيونها بيضه او سمره وكم عمرها وتتشرط كمان ايش تقول لمن نجي نشوفها لا تستشور شعرها ولا تحط مكياج خليها على طبيعتها ووين ساكنين انا بصراحه مارتحتلها ابدا وكلامها ماعجبني قاعده تتشرط المهم امي قالتلها انا لازم اشاور ابو البنت بالاول وبعدين اردلكم خبر طبعا هي اخذت العنوان بس اكدت لامي انها ماحتجي قبل ماتردلها امي خبر من ابويا وطبعا ابويا رفض ، تاني يوم الحرمه ماتصلت تاخد رد ابويا من امي في نفس اليوم جالسه انا واخواني عالتلفزيون نشوف مسلسل حوالي الساعه 6 المساء ونسمع جرس الباب ومش متوقعين زياره وامي نايمه قلت قام اخويا يشوف مين جاه وقالي في حريم عالباب انا قلت بس والله هما مافي غيرهم رحت على طول صحيت امي ياحرام قامت مفزوعه حسبي الله عليهم فتحت الباب للحرمه امي ست محترمه رحبت فيها عالباب وقالتلها تفضلي بس ماحوريكي بنتي لانه ماهيك اتفقنا قامت هي مارضيت تدخل البيت اذا ما شافتني قالتلها امي براحتك وفعلا مشيت وراحت قلعتها بس يومتها كنت حموت بالجلطه من القهر والله يابنات كنت حأبكي لها الدرجه شايفينا الناس رخاص واهلنا بايعينا بس الحمد لله اهلي مش من هالنوع

والله ماقد سارتلي بس مرتين انخطبت ورفضت بس هذا هو ولاعاد جتنا لانها مسكتني شخصيا قلت لها لاا ماابي ابعدي عني كنت قليله ذوق معها بس هي بعد ماتفهم اقولها ماابغى اتزوج تقولي ليه انتي صبيه ايامها عمري 17 خخخخوالحين 19 اقول ليتني وافقت هههههههههههههههه
بس بجد ايامها كنت بريئه مااعرف الزواج الحين احس اني فاهمه شوي
يلا الله يرزقنا جمع يارب والله كريم

queen of naght صراحة عجبتني امك لن من جد الناس صارت قليلة ذوق يعني غصب بيشوفوكي ..حسبي الله

مشكروة كل الانوثة...وعروس الحب مشكورة وصراحة حتى انا فكرت ان الولد يشوف قبل امه عجبتني على الاقل لو رفض العريس هو صاحب الموضوع والله يرزقنا كلنا في هذي السنة وتكون سنة سعيدة يارب

belle vie;10917340:
queen of naght صراحة عجبتني امك لن من جد الناس صارت قليلة ذوق يعني غصب بيشوفوكي ..حسبي الله

هلا فيكي اختي _ والله من جد في ناس ما يمشي معاهم غير هالاسلوب ومايجوا غير بالعين الحمرا ليش يعني شايفين اهالين بايعينا واحنا راميين نفسنا على ولدهم وصدق اللي قال القرد في عين امه غزال كانه مافي رجال في الدنيا غير ولدها .

من جد يعني رضينا بالهم والهم ما رضي فينا يعني نحنا الي نتنازل ونوافق..وهم الي يتامرو وكان الوحدة مننا بايعة نفسها و لا ناقصة وما تكمل الى بولدهم ...بس صدق الي اختشو ماتو ...ونحنا نستنى على امل نلقى الي يقدرنا

اتوقع لازو نسوي شي عشان نمنع هذي المهزلة