أنا وأهل زوجي !!

بنونة ..
الله يعينش .. الواحد يحتاج أحد ياخذ أولاده عنه شوي ..
يعني لا وضعش مريح ولا وضعي بعد .. الله يعين

جناح الروح ..
اي أني أكره شي في حياتي يتسدح ويتبطح لي فوق السرير :039:
أحسه مكان خاص فيني وزوجي بس .. لكن عاد شلون تفهمين ..!!
المهم .. خبرينا شلون قدرتين تغيرين شخصيتش إلى النقيض .. يمكن نستفيد

عروسة حمود ..
بالعكس ما زعلت من كلامش خيو..
أني اللي يزعجني تصرفاتهم اللي ما تنبلع .. مو أني ما أبغيهم ياخذونه لا ..
ساعات أكون فعلا بحاجة أنه أحد يجوده شوي خصوصا إذا كنت مشغوله بالتنظيف .. وأني اللي أروح أخليه معاهم .. بس عاد مو 24 ساعة ..!!!!


مس توت ..
فعلا أنه ياخذونه بدون استئذان شي جدا مزعج ..
والأدهى والأمر أنه يلمحون أنه وجودي مو مرغوب فيه !!!!

داك الاسبوع كانت عمتي بتاخذه وكان وضعه بالضبط نفس ولدش .. ببيجاما البيت وتوه قاعد حتى مو امشط وبدون جوتي .. لو ما لحقت عليهم في اللحظة الأخيرة..
أقول لعمتي شلون بتطلعينه جدي .. تقول لي عادي ويش فيها ..:057:
أقول اي هي محد بيحط عليها .. لكن الكل بيلوم هالأم اللي هاملة ولدها وراضية ينطلع فيه وهو حالته حالة .. ما يدون أنه محد يخبرني لو بياخذونه..
في نفس الوقت ما أقدر أخلي الولد حتى في البيت ببنطلون وقميص وجوتي وآخر شياكة..


الصراحة ردودكم أثرت فيني وأحس نفسي ارتحت شوي .. وأكيد من اليوم ما راح أسكت .. وبوافيكم بالتطورات إن شاء الله

خيوو .. انا ما غيرت شخصيتي .. انا شخصيتي قوية على هدوء .. يعني عقلي على طوول شغااال ...

أنا بالبدااية تساااهلت وااايد لأني شفتهم طيبين من جهة ,, ولأني ماااااااا أحب اجرح أحد أو أختلق مع أحد مشكلة بأي حال من الأحوال ..

كانواا يدخلون علي الشقة من غير استئذاان وزوجي متعود على هالحركااات فمو حاس انهاا مشكلة أيداااااا ..

عااادي رجاالهم يدخلون غرفة نوومي !!! يعني اهم في بيتهم هالأمر ما يشكل مشكلة !! وانا تربيت على أن هالأمر شي مقدس وما دام عندي غرفة ثانية ما استقبل احد بغرفة نوومي .. واااااايد موااقف ..


كنت وااايد استحي اكلمهم .. الحين حتى حمياني الكبار أدبتهم بأدبي مش بقلة أدب أو شي لا سمح الله ..

الحمد لله انا صورة وانعكست على زوجي بشكل جميل بشهااادة أهله .. دايما يقولون لي قدريت ترسمين لأنفسكم حياة مرتبة .. وعندنا مثال ببيت عمي اهني كلهه بصراخ وحاااالة ومو قادرة توصل لحل لا كاسبة زوجهاااا وهم متصورعة اهي وعيااالها من كثر الحنة ,,,

الحمد لله دام لله جدام عينا .. نتصرف وفق المعقول ..