تجهيزاتنا للمولود الجديد و النفاس

شذى االورد;11495042:
:039: يعنى مايسبحونه بس تمسيح للجسم :047:...ماحاولتى تقوليلهم يسبحونه؟...طيب والاشياء الى تعلق بشعر البيبي وجسمه وماتنضف الا بماء كيف يتعاملون معها ..

أنا اللي أعرفه وفهمتني اياه النرسري في المستشفى أنهم يسبحونه بس بطريقة المسح ، ويمكن شفتي هالشي في اليوتيوب أو بالتلفززيون ، يعني يمسحون كل جسمه بالفوة الصغيرة ويتنظف حتى شعره ينظفونه بشامبو وما يتركون أثر ولادة فيه ،،

بس نحن بعمان البيبي ما يسبحونه بأول يوم يقولك المادة البيضا اللي تطلع ويا الطفل مفيدة جدا له وتحمي جلده بالمستقبل ، ويبدون يسبحونه اليوم الثاني ،،

jmj;11495047:
مشكوره اختي على ردك وعساني ماانحرم منكم يعني تتوقعين ان السبب ضغط البيبي على المعده ؟؟؟ وان الحل هو المشي ؟؟

آنا صايرة أحس بضغط غير طبيعي وبطلق خفيف <<< شكلي بولد قريب :037: قولوا آمين وطبيعي بعد :041:

بس لين الحين ما نزلت على افرازات اللي هي الدليل الأكبر على الولادة ،، :01:

عموما ما حسيت بالأعراض اللي تحسيينها يا فديتك ،، بعدني أقول شوفي الطبيبة وكلميها بهالخصوص والله يسهل علينا جميعا ويرزقنا الولادة السهلة الميسرة ،،

وردة خريف;11490142:

خيتوا جارتي نفس مشكلتج وكانت الاولى عمليه والحين وضع الطفل سليم ويبون يولدونها عمليه
حالتها حاله والدنيا ضايقه معها وماتطلع من البيت ولا تكلم حد اقولها تضرين نفسج والجنين مو راضيه تقنع
هي تقدر تنزل بس زوجي خلصت فيزته وماتبي تنزل بدونه وهو خايف ينزل ولا يعطونه فيزا
الله يعينهم بس

..

حبيبتي اذا الطفل سليم ووضعه كويس انتظري فرج ربج
ولا اتعبين نفسج بعمليه وهاذي نصيحتي لج ول، جارتي
يمكن ربي يكتب لج ولاده قبل موعدها اللي يحددونه
تدرين انا يوم اجهضت مات الجنين وخليته اسبوعين مو راضيه انزله
وبعدين حددت موعد يوم اثنين والله العظيم يوم الاحد بالليل الساعه 11 تعبت حيل
واجهضته بدون لا تنظيف ولا شي والدكتور قالي الرحم سليم ولا يحتاج تنظيف
وكليها للكريم حبابه

مشكورة حبيبتي وما قصرتي ، ما أخفيك يوم قريت ردك بعث فيني شوي أمل وعسى خير يا قلبي ، دعواتكم أرجو :087:

"Lovely LoLo";11490947:
لا احطه له بعد كل تبديل لان لازم تحطين شي يحفظ جلده من البول والبراز وانتي بكرامة
:08:

مشكورة لولو على الإفادة وشاكرين تواصلك ويانا يا الغلا وانتي بروحك مشغولة الله يعينك ،،

بالنسبة لي جايبة من البلد كريم علاج وبنفس الوقت حماية واسمه مشهور وأكيد تعرفونه اللي هو كريم سودو ،،

ما شفت منه بأمريكا وأحمد ربي اني جايبة وياي منه وهالكريم رم رخصه لكن مفعوله عجيييييييييب عن تجربة وتجارب البنات بعد ،،

بارك الله فيك ،

شذى االورد;11494759:
اهلين بالحوامل
شكرا ريمووو

قمر تغيير الاسم تنزلينه بقسم اخر المنتدى قسم الاستفسارات ...

لولو كم غيار اخذتى للمستشفى حق البيبي...

ابشركم السبرينق راح نسافر لالينوى تغيير للجو ..

يا سلاااام عيل ضروري تتقابلي مع أم عبادي هي هناك تسكن ،،

يا حظك ، أما أنا بنتظر فيه ولادتي قولي يا رب أولد فيه على الأقل زوجي يكون عدالي :032:

"Lovely LoLo";11494793:
اخذتله طقمين بس مااستخدمتهم
شفت ملابس المستشفى افضل لان خاصة مايغسلون البيبي بس يمسحون جسمه بالمنشفة يعني بعده مو نظيف

وبعد الممرضات من يبدلون ملابسه ياخذون الملابس لغرفة الغسيل حتى لو الملابس من عندج مايرجعونه خخخ هذا اللي قالته لي الممرضة

معقول يعني الشنطة اللي تارسينها ومزهبينها من كل نوع وصنف ما راح تستغل :042:

شكلي بعيد ترتيبب شنطتي :037: ، كلامك مقنع وأكيد الأمر عند كل مستشفيات أمريكا ،، أو تدرين ضروري أسأل هنيه قسم النيرسري في المستشفى وهم بيفيدوني بدل لا أتعنى وآخذ شنطة شكبرها وعقب ما أستغلهم ،

تسلمين حبيبتي على المعلومة الحلوة ،،

um.3badee;11488596:
تسلمي ياعسل ربي يقومك بالسلامه يارب وتسلمي على اطراءك على اهل عمان

اللهجة العمانيه صعبه خخخخ يعني اذا بدينا نتكلم انا وام المهند ماظن احد بيفهمنا ههه

:037::037::037:

تعتقدي أم عبادي ؟؟

فديتها شذاوي على هالإعجاب الغاوي ، ونحن حاضرين كان تريد تتعلم بس تأشر ،، :087:

"Lovely LoLo";11488935:
ابشركم اليوم لبست الجينز اللي كنت البسه قبل الحمل :013:

تصدقون للحين ما وزنت نفسي كم نقصت خخخ بس احس وزني نزل مررة وماعندي كرشة:093:
بس خطوط التشققات صاير خريطة:039:

مبروووووووك لولو ، البكرية ينزل وزنها بسرعة طبعا مع المحافظة على الأكل ، أهم شي يكون أكل صحي ومفيد ،،

عقبالنا ياااا رب ،،

أما الخطوط والتشققات يبالها وقت صبري عليها يالغلا :094:

زين حليت الواجب الحمد لله ، فديتكم لا تنسوني من دواتكم حبيباتي والله محتاجة لكل دعوة وبتكون غالية على قلبي ،، والله يسهل علينا جميعا ياااا ارب ، ويآجرنا على تعبنا ..

شرايكم بتوقيعي ،، :040:

عساني ما أكمل الأربعين وأولد قبل قولوا آميييييييييييييين ،،:095:

أم المهند .. الله يكتب لك اللي فيه الخير يارب ..

ارتحت لأنج مطمئنه لقرارج ..

و التوفيق من الله ..

أدعييييييييييييي

أم المهند;11498319:
شرايكم بتوقيعي ،، :040:

عساني ما أكمل الأربعين وأولد قبل قولوا آميييييييييييييين ،،:095:

:037: و اخيرا وصلتي 37 الحمد لله ..

يلا ننتظر jmj و بعدها على طول انتي ياارب

بالسلااااااااااااااااااااااااااامه

:032:

مشكورة ريمووو ، وربك كريم حبيبتي ، المشكلة هنيه بأمريكا كل شي ترهيب في ترهيب ، ويخلونا في أكثر من رأي يا سبحانه ،

ما تتصوري شكثر كنت أريد العملية بسبب كلامهم وتخويفهم ، بس عقب ما اطمنت على نفسي وفحوصاتي وفحوصات البيبي شفت اني فعلا ما ضروري أولد قيصري خصوصا ان الأمر هذا عادي أهم شي ما يكون فيه مضاعفات ،،

ويا رب يا كريم ما تصير وياي أي مضاعفات ،، دعواتكم الغالية ،،

ريــمــا;11498324:
:037: و اخيرا وصلتي 37 الحمد لله ..

يلا ننتظر jmj و بعدها على طول انتي ياارب

بالسلااااااااااااااااااااااااااامه

:032:

لاااا ريمووو خلاص أنا أمشي بالـ 38 :041: ، كملت الـ 37 الحمد لله ،،

وفعلا توقعت أنا الأول بس شكل jmj بتسبقني الله يقومها بالسلامة يااا رب ويقومني عقبها قادر يا كريم ..

بنات تذكرون مرة سألت لولو عن الحزام إذا أخذت وكنت أريد أشوف النوعية اللي وياها ، بس فديتها جابت لي صورة لتانك توبس تقول انه يضغط على البطن ،، المهم ما فهمت قصدها ، وبالصدفة اليوم كنت بالسامس وشفتهم !! وما قصرت في نفسي شريتهم وبصراحة اقل ما أقول عنهم انهم رائعين ومطاطين وحلوين ،

وسعهرهم حلو ، الثنتين ب 19 $ .. أنصحكم فيهم بدل بهدلة الحزام وضغطه وتعبك وياه ،،

نسيت أقولكم الحين بديت في نفسي أشرب زعفران مخلوط بماي الورد ، وآكل تمر كل ما تذكرت ( تبدون تاكلونه طول الشهر التاسع ) ،،
وأيضا نقعت كف مريم في مطارة ماي أشربها وقت الطلق فقط بإنه تعالى ،،


يلا المهم حبيت أطمنكم على نفسي حبيباتي ،، وبإذن الله ينشرح صدر شذاوي لقراري والله المسهل ،،

بسير أتسدح شوي ، وأشوفكم على خير يا رب ،

أم المهند .. الحزام لي الحين مب مقتنعه فيه ميه بالميه ..

لان دكتورتي ما نصحتني ..

و لاني ما اعرف مقاسي شلون بيكون .. لازم اشتريه بعد الولاده ان شا الله

صباح الخيرات والانوار والسعاده والتفاؤل
اصبحنا واصبح الملك لله الواحد القهار

ام المهند ,,
يارب يارب يقومك بالسلامه يارب وماتحتاجي لا عمليه ولا شي ,,,,,

شذى الورد ,,
انا اسكن بالينوي ( بالتحديد شامبين اربانه ) مري زوريني

افرلفلي ,,
فعلا البكر تفقد وزنها بسرعه ,,,, وياعمري فديته النونو بسم الله ماشاء الله يجننن بالصور

والله كل ما مريت على صفحتكم اقول الله يعينكم ويسهل عليكم

السلام عليكم ورحمة الله وبركاته

مساءكم خير وسعادة

ربي يسهل على جميع الحوامل ويقر عيونكم بشوفة أطفالكم بصحة وعافية

وألف مبروك للأمهات ألي ربو عقبال البقية

لا تستغربون وجودي .. لاني مو حامل داخله عرض تحملوني هههههههه

أم المهند تفسر لكم سبب وجودي

سعيده باخبارك الطيبه حبيبة قلبي أم المهند ويااااااااارب تقومي بالسلامة ويرزقك الولادة الطبيعية

متابعة لاخبارك وأتمنى الإطمئنان عليك