تجهيزاتنا للمولود الجديد و النفاس

ريموو فديتش الحب لو بغيتي تاخذي من الحفاظ اللي راوتنا اياه لولو عادي ، بالذات انها مدحت فيه واااايد ، خبرك ما جربناه ببلادنا وأحس ما يحتاج فعلا خخخ << مصرة على رايها

وبالنسبة للحلمة ، لا تتوتري ، تصير حلمات هالشكل بس أول ما يمسكها البيبي تطلع فديتش ، وبالنسبة للأداة صبروا بشوف لكم صورة إذا تحبوا تاخذوا شرواها ،،

وزن البيبي ( بنهاية ) وقلت ( بنهاية ) التاسع يكون 3 كيلو ( وهو الوزن المتعارف عليه ) ، فيه حريم أقل مثلا 2 كيلو و700 وهكذا ،،

أما بداية التاسع فلسه يكون تقريبا كيلوين ونص ويبدأ يزيد لين يوصل الثلاثة فهمتي علي ،، والله يسهل أهم شي ينزل سليم ومعافي ،،

قموورة ألف الحمد لله على سلامتك يالغلا ، أي زبادي كنتي تاكلين ؟

قمر الخليج 222;11371890:
بالنسبه للنفاس هاذي طريقه عائلتي وامي وكل العيله
نطحن (فلفل اسود_حلبه_حبه البركه)مع بعض ونحطها بعلبه وناكلها مع الاكل ونحط في كاس الحليب ملعقه الصباح وفي اي وقت
ونحط الرشاد مع تمر وسمن نحطه بحافظه ونخليه عندنا علي طول واكلي في اي وقت لان الرشاد حلو طول النفاس هاذي اهم شي والغسول المستخدم الملح الفارسي تنقعينه بمويه وتغسلين منه بس مادري هل هو في بدايه النفاس او نهايته هاذا اللي ابي اسأل عنه ؟؟؟؟؟

ومنكم نستفيد :037:

بالنسبة للملح حبيبتي من أول النفاس لين آخره ظلك عليه ، لأنه معقم سواء كنتي نافس أو لأ ،،

هذا اللي أعرفه وجرت العادة أسويه ويا عيالي ،،

هالمرة ما عندي شي لا ملح فارسي ولا مرة ولا رشاد اهئ اهئ :033:

بس بستخدم الملح العادي ، وأشوه باقي الأمور موجودة زي اليانسون والكراوية وووووو .. هاي اللي نسوي منها شاي أ عشاب ،،

ايه صح بعد عندي حلبة جبتها من البلد بس أنا وحدة ما تطيق شي اسمه حلبه في النفاس خخخخ وما راح أستخدمه أخافه يسمني زيادة وغير كذا يرهل الصدر :037: ..

خاطري لو عندي حب الرشاد ،، ريموو كان عندش طرشيلي شوي ، :01:

ريموو ضروري احلمة تغسلينها قبل لا ترضعين البيبي بأي حال سواء فيها كريم أو ما فيها ،،

الكريم حطيه بوقت يكون هو نايم وقت طويل فيه بححيث انه ما يحتاج يرضع ، أو ممكن تستبدلي الصدر بالغرشة وتحطي الكريم ،،

والكريم حطيه نهاية اليوم يفضل ،،

ريانتي وأنا بعد زي هاذي ،، ولا تستحين يختي هنيه عندهم كل شي عادي وأصلا حتى حريمهم ياخذون هالنوعيات ،،

وميزتها أوسع وأحسن ،

ريــمــا;10892665:
حمالات الصدر للرضاعة = Maternity Bra



كمادات للثدي :






Nursing Pad
فوط تمنع تسرب الحليب .. و هذا النوع مع لوشن ^_ :



حلمات من السيلكون .. لأصحاب الحلمات المتشققه و النازفة :


كريم لدهن الصدر .. لأصحاب الحلمة الجافة :



أداة لإبراز الحلمة المسطحة او الغائرة فورا ويدويا : تنفع للبكريات او الي حلمتهم غير بارزه اوصغيره





أداة شفط الحليب :

خخخخخخخخخخخخخ مدري من اللي راسه داير ريمووو :037:

الموضوع انتي نزلتيه ، رحت أدور عليه واقتبست ردك ،

يلا سويت فيكم خير :094:

ريموو فديتش نزلي صورة المعقم اللي شريتيه <<< تفكر تشتري بدل الوهقة خخخخ

وبرأيي ان المعقم يفضل يكون لجميع أنواع المرضعات يعني مو شرط يكون لمراضع ماركة معينة مثل أفنت وغيره ،،

لأن المراضع نغيرها بين فترة والثانية ،،

ايه صح بنات تذكرت ،،

لا تنسوا تحطوا الكيمرا الديجيتال بالشنطة عشان تصوير البيبي لحظة بلحظة في المستشفى ، وأيضا شاحن التلفون ( في وقته ) وأهم شي الأدعية والأذكار والحصن الحصين تحطونه عند راس البيبي في السرير ،،

بغيت أذكركم بعد بمناديل الوجه ، إذا بتحطي الميكاب تمسحين وانتي بالسرير بدل لا تتعنين كل حزة للحمام تكرموا ، وأيضا لا تكثروا عطورات وانتوا بالنفاس خطيرة على فكرة ، مدري ذاك اليوم من سأل عن بخور المسني ، هاي ريحته طيبة صحيح بس قوية ومضرة بالنافس انتبهوا ،، عليكم باللبان إذا تعرفونه ،، فديت أم عبادي بطرش لي لأن اللي عندي خلص وما شفته في المحل الإيراني بحط لكم صورة له مدري من كان يسأل عن شكله نسيت خخخ ،، هذا البخور مطهر ويقضي على الجراثيم وغير ريحته الطيبة ما شاء الله تحسيها تعقم جسمك يوم تشميها سبحان الله ،،

وإذا بتاخذين عطر ما تاخذين القوية يكفيك مسك أو عود شووووي منه ورا أذن البيبي وأذونك بس ،،

أيضا قربة الماي جابت سيرتها لولو جزاها الله خير ، اللي تولد طبيعي القربة مال الماي زينة لما بعد الولادة تحطينها أسفل السرة صوب الرحم عشان يرجع بسرعة لمكانه ، وأيضا عشان يذوب كل العقد الدمية بالرحم ويطلع الوسخ تكرموا أول بأول ،، أنا باخذها المستشفى عشان ظهري ورجولي بإذن الله ،،


والأذكار كل يوم اقري منها الله يهدي سريرة النافس بها ، وأيضا حماية لك من كل سوء بإذن الله ،،

يلا بخليكم الحمد لله حليت الواجب مال اليوم ، بسير أرقد ونشوفكم بكرة إذا شاء الله ،،

الله يعطيج العافيه ام المهند وماقصرتي وانا اللي سألت عن المسني اقول حلو تبخرين فيه ملابس البيبي وياليت اعرف من وين تشترين قربه الماي عشان اشتري زيها
استخدامها احطها كل يوم علي بطني ولا ايش الطريقه

ههههههههههه أم مهند جبتي في الواجب 10من 10 مشا الله ..

و الله نسييييييييييت .. اذكر ان انتي الي حطيتي الصوره خخخخخخخ .. :041:

مااا وصلتني اللهومات على قولتكم .. :037: .. ان شا الله اذا وصلوا بعطيج خبر .. :053:

عااد شلون اوصلهم لج !!

و على سالفة الجربه انا اساساً ما استخدمها في ايام الدوره .. بس بطلبها من البلد ..

هي ويا اللبان .. إن شا الله .. خلاص دخلوووا راسي ..

أم المهند هذا المعقم تلقينه في التارجت ب 20 $ ارخص من بيبي ار اص

أم المهند;11372151:
ريموو فديتش الحب لو بغيتي تاخذي من الحفاظ اللي راوتنا اياه لولو عادي ، بالذات انها مدحت فيه واااايد ، خبرك ما جربناه ببلادنا وأحس ما يحتاج فعلا خخخ << مصرة على رايها

وبالنسبة للحلمة ، لا تتوتري ، تصير حلمات هالشكل بس أول ما يمسكها البيبي تطلع فديتش ، وبالنسبة للأداة صبروا بشوف لكم صورة إذا تحبوا تاخذوا شرواها ،،

وزن البيبي ( بنهاية ) وقلت ( بنهاية ) التاسع يكون 3 كيلو ( وهو الوزن المتعارف عليه ) ، فيه حريم أقل مثلا 2 كيلو و700 وهكذا ،،

أما بداية التاسع فلسه يكون تقريبا كيلوين ونص ويبدأ يزيد لين يوصل الثلاثة فهمتي علي ،، والله يسهل أهم شي ينزل سليم ومعافي ،،

أم المهند;11372160:
ريموو ضروري احلمة تغسلينها قبل لا ترضعين البيبي بأي حال سواء فيها كريم أو ما فيها ،،

الكريم حطيه بوقت يكون هو نايم وقت طويل فيه بححيث انه ما يحتاج يرضع ، أو ممكن تستبدلي الصدر بالغرشة وتحطي الكريم ،،

والكريم حطيه نهاية اليوم يفضل ،،

تسلمييين ام المهند ماقصرتي ..

رياانتي .. العفوووو يا قلبي

اهلين حبيباتي شنو اخباركم؟؟
الله يجزاك خير شمس الاسلام علي الدعوه الحلوه
ريما شنو اخبارك الجربه ام المهند تقول حصلتها هني ؟؟

ريــمــا;11372246:
أم المهند هذا المعقم تلقينه في التارجت ب 20 $ ارخص من بيبي ار اص

ريما هاذا مال المكرويف صح احس انه يضر مادري ما ارتحت له اشتري الكهربائي احسن لج

قمر الخليج 222;11372216:
الله يعطيج العافيه ام المهند وماقصرتي وانا اللي سألت عن المسني اقول حلو تبخرين فيه ملابس البيبي وياليت اعرف من وين تشترين قربه الماي عشان اشتري زيها
استخدامها احطها كل يوم علي بطني ولا ايش الطريقه

صباح الخيرات قمورة ،،

يعافيك الرحمن حبيبتي ،، ولا يهمك فديتش أهم شي لا تستخدميه فترة النفاس ولو استخدمتيه لا تكثري منه ، لا يصيدك الشمم منه لا سمح الله ،،

وحتى لو ما بخرتي ثياب البيبي عادي ، أهم شي يكونوا نظاف إذا ما عندك بخور اللبان ،،

قربة الماي أنا جبتها وياي من البلد سبحان الله أحب أستخدمها لكل شي ولكل ألم أرتاح عليها ، وكأني شفتها هنيه بأمريكا بإذن الله بدور صورة لها ومن أي محل ،، ولاااا يهمكم ..

ذكرت طريقة استخدامها // تحطين داخلها ماي حار مغلي ولا من الصنبور بس يكون حار حار ، وتلفينها بقطعة قطنية مثل الفوطة مثلا وتحطينها على بطنك صوب السرة من تحت وين مكان الرحم ،، وغيري مكانها مرة البطن ومرة الظهر ومرة فخوذك ،، جدا مريحة ..

بالتوفيق ،،

ريــمــا;11372236:
ههههههههههه أم مهند جبتي في الواجب 10من 10 مشا الله ..

و الله نسييييييييييت .. اذكر ان انتي الي حطيتي الصوره خخخخخخخ .. :041:

مااا وصلتني اللهومات على قولتكم .. :037: .. ان شا الله اذا وصلوا بعطيج خبر .. :053:

عااد شلون اوصلهم لج !!

و على سالفة الجربه انا اساساً ما استخدمها في ايام الدوره .. بس بطلبها من البلد ..

هي ويا اللبان .. إن شا الله .. خلاص دخلوووا راسي ..

:037::037: شطورة فديتني خخخخخ ،،

المشكلة يوم تقولون أنا اللي حطيتها افتر راسي أقول أنا ما نزلت موضوع بهالشي ، كل الصور اللي حطيتهم تبعي خاص اللي شريتهم ،، عشان كذا أبيت إلا إني أفتش وأتأكد من خلال الصفحات الأولى وحصلته تقريبا في الصفحة الرابعة :03: ..

نحن بعد ما نسميها لهومات ،، مدري ايش اسمها معانا :094: بس عاد جبت الكلمة من خواتنا الخليجيات :ok:

قبل لا تطلبينها تأكدي انها مش موجودة ، كني شفتها بمكان والله بس ما أذكر وين يا ربي ،، اللبان ايه ضروري مليون مرة وعسى توصلك الأغراض بالسلامة :016:وبالنسبة للتوصيل لا تحاتي الله يخلي العناوين وتقدرين حتى تطرشينها بالبريد العادي ،،

اممم بشوف بعد والله يعتمد يمكن أكنسل :041:

ريــمــا;11372246:
أم المهند هذا المعقم تلقينه في التارجت ب 20 $ ارخص من بيبي ار اص

تسلمين ريمووو ، توقعتك شريتي واحد ينفع لجميع أنواع الغرش ، يعني مو بس ماركة أفنت لأني أريد أستغله لين قدام ، حتى بغيت للغرش الطويلة وما شابه ،،

عندك فكرة وين أحصل بما انك مريتي عليهم كلهم ،،

وشكل اللي وياك تبع الميكرويف ، وتراه أختك وحدة مخاصمة شي اسمه ميكرويف ما يدش مزاجي كلش من الي سمعناه يا كافي الشر والبلا ،،

تسلمين مرة ثانية حبيبتي ،،

شمس الاسلام!;11372295:

ريمووووووو مشاء الله موضوع اكثر من راااااااااااااااائع ..:040:

وان شاء الله ربنا يرزقني قريب وتعلم منكم الله يسهل لك ولادتك انتي وكل الحوامل يارب ..||

:065:

هلا بالزين كله ، مرحبتين وسهلين فيك شموسة ،، نورتي التجمع وعقبال يا رب يا كريم ما نشوفك فيه قريبا وعاجلا غير آجل ،،

وهالملف تراه متعوب عليه :037: ، المفروض عقب ما نولد كلنا يثبت :094: عشان الحوامل المغتربات يستفيدن منه ،، والله يقومنا جميعا بالسلامة ويرزق كل محرومة بالولد الصالح اللهم آمين ،،

خلينا نشوفك دوم حبيبتي ،، والله يسهل دروبك ،، :025: