التجمع الثامن للحوامل اللاتي سيلدن في يناير 2010 (كانون الثاني)

مرحبا كروشات
مبروك لكل اللي ولدو ويتربون في عزهم........

نووووور فديت اللي يسألون عني الله يسعدك :)
انا بخير وللحين صامده ماولدت ولو ولدت وش دعوه مااخبركم يالحبايب :)

بس عندي اختبارات الاسبوع الجاي(السبت الجاي) وقاعده اجمع الاوراق والكتب وارتبهم مالي نفس ادرس مع التعب بس يله خيره ولو كنت داريه كان أجلت هالمستوى
لان حاطين اختباراتي ورا بعض مافيه فاصل ولايوم الله يعين

اشتقت لكم والله كثييييييييييييييييييييييير ودايم افكر بكم وادعي لكم معي بعد كل صلاة بس ماولدتو هههههههههه
وبرضو مريت بظروف مع زوجي والحمدلله تصالحنا من كم يوم ادعو له الله يهديه ويبعد عنه رفقاء السوء اللي قاعدين يرسلون له مواقع شينه ويدخلها _الله يشغلهم بأنفسهم بهاليوم الفضيل عنه _

مايمدي اقرأ الواجب كله بس قريت قصة ام صقور الله يخليها لولدها ويتربى بعز والديه

خيشون ليه تدخلين وعندك اختبارات ههههههههه مثلي

ماتدرون عن كمبوره ولدت والا لا؟؟


الا على طاري الحف للحين ماحفيت مادري وش انتظر خخخخخخ

بسألكم كروشات من بداية التاسع تنزل معي افرازات اصفر غامق ولها كم يوم صايره خضراء والدكتوره يوم تاخذ لي عينه تقول مافيه شيء الحمدلله وشي هذي الافرازات طمنوني الله يخليكم

ابشيك عليكم كل يوم بعد ماتعدلت نفسيتي مع زوجي

احبكم كلللللللللللللللكم والله

العين مليانه;11012794:
الحين بقول لكم قصه ولادتي دام الحبيب راقد
ههههههههههه
..


اول شي انا قلت لكم رحت موعدي يوم الاحد تاريخ 20-12 كان لي يوم من التاسع بس
سوت لي الدكتوره سونار قالت لي كل شي تمام بس ماي البيبي ماااقص.. انتي نزل عليج ماي؟؟
قلت لها لا @@ قالت هو الطبيعي يكون من 2-8 سم
انتي الحين 2 سم بس
بطلت عيني @@
يعني الحد الادنى
قالت خلاص لازم اقرب ولادتج
بس تدخلين ال37 اسبوع بولدج وهو يصادف تاريخ 31-12
قالت عيل خلها 1-1 دام الفرق يوم وقلت اوكي احسن
وعطتني موعد بعد اسبوع علشان تتأكد من الماي يعني الاحد الجاي..
المهم ورحت اخلص اغراضي الباقيه بسرعه بسرعه
وطبعا كنت احاااتي وكنت احس بحركه البيبي اقوى واقوى واحس بالبوفاااق وايد وقالت لي هاي لان الماي كلش قليل فتحسين بحركته قويه
ماقدرت اصبر لي الاحد فرحت الخميس تاريخ 24-12
سوت لي سونار وخيره سبحان الله اني رحت لها
الا تقول ماي البيبي صار 1.3 في اكثر مكان وفي اماكن ثانيه 1 و اقل من 1
صار الوضع خطر @@
قالت خلاص بولدج هاليومين
قلت لها لا لاتدخليني اليوم دخليني بكره وولديني بعد بكره الصبح قالت اوكي
لاني لا رحت حفيت ولا شي على اساس باقي 3 اسابيع على موعدي
المهم سوت لي تخطيط مافيني طلق ودقات قلب البيبي زينه
رجعت البيت ارتحت عقب رحت اخلص باقي اغراضي واستلم التوزيعات واسكر شنطتي وشنطه النونو
وثاني يوم الظهر رحت الصالون وتسمكرت خخخخخخخخ وخلصت كل شي وجيت البيت سبحت ولبست ورحنا المستشفى دخلت ع ال9 تقريبا مساء الجمعه تاريخ 25-12
هي قالتلي انا بحط لج تحميله طلق صناعي يمكن في امكانيه تولدين طبيعي
مع ان الاغلب ان يكون قيصري لان مافي مجال ينتظرون علي الماي نااااقص والبيبي صغييير ومرتفع فوووق وعنق الرحم مسكر وخايفين الياهل يتعب وتقل دقات قلبه هاي اسباب القيصري
المهم ..
حطولي تحميله طلق صناعي الساعه 11 بالليل قعدت لي 5 مافيني شي
5 وشوي الفجر جتني آلام الطلق
وشوي شوي بدت تشتد وصارت كل 3 دقايق بعدها كل دقيقتين
جيكوني قالوا 2 سم
جيكوني بعد ساعتين تقريبا 2 ونص
استمر الطلق لي 1 الظهر
يعني طلقت 8 ساعات
اشتد الام علي
دخلوني غرفه الولاده عطوني ابره الظهر جيكوني بعدها الا انا 4 سانتي
بس البيبي متعلق فوووق راسه مو نازل بالحوض وهو ضعييف يعني مافي قوة يدفع
ودقات قلبه بدت تقل قالت الدكتوره خلاص قيصري
وقعوا زوجي ع اوراق القيصري
ودخلوني العمليات الساعه 2 الظهر تقريبا يوم 26-12
زيدولي الجرعه من ابره الظهر نفسها
وحطولي مثل الستاره قدامي
كنت احس بحركاتهم بس بدون الم يعني
تمت الدكتوره تضغط على بطني بقو علشان ينزل لانها لو شقت بطني وهو مرتفع جي صعب تطلعه
المهم كلها 5 دقايق شقت بطني وطلعت البيبي سمعت صياحه خنقتني العبره بس مسكت نفسي هههههههههه >> احسن يا قويه
عقبها تمت تخيط لي وجي تقريبا العمليه كلها من 20-30 دقيقه
جابولي البيبي وهي تخيطني قالولي مبروووك ولد والنرس فاتحه فخوذه تقولي شوفيه هههههههههه >> والله مصدقه انه ولد ههههههه
بعدها نقلوني ع سريري وطلعوني من العمليات
طبعا الكل برا ينتظر وفرحااان وزوجي مستااانس طبعا وباركولي
وودوني الغرفه
تميت بالهوز مال الشسمونه لي 2 يوم ممنوع اتحرك حتى للحمام وعلي السيلان بعد وسوالف ووايرات وايد وزر للالم كل ما حسيت به طقيته
يعطيني جرعه مسكن فالسيلان
الالم كان شديييد ومتعب اول 3 ايام بعدها شوي خف
اول يوم خلوه عندهم ما شفته لان قالوا ان عنده مشكله بسيطه فالتنفس الظاهر ان دخله هو في غرفه العمليات اول ما طلعوه فقالوا نخليه تحت الملاحظه افضل
بس زوجي صوره لي وشفت صورته حبيبي
يوم 2 جابوه لي وصار بخير
طبعا الرضاعه الطبيعيه مع القيصري متعب فكانوا يعطونه صناعي بس عطيته رضعتين تقريبا
وزيد الم بطني لان الرضاعه تشد الرحم وانا اصلا فيني جراحه .. يعني الالم صار دبل
بعدها قالولي لازم نخليه تحت الليت لانه فيه بوصفار خفيف ونصيحه لكم عطوا البيبي ماي وعرضوه للشمس شوي علشان تتجنبون البوصفار
بس كنت اروح له واشوفه واخذه ارضعه رضعه صناعيه لان ممنوع عليه الطبيعي لمدخ يومين مادري ليش
هو بعد من سبب البوصفار ان فصيله دمه غير عني .. فصيله دمه طلعت على باباته فديته
والحمدلله
تعبت لكن الشكر لله كل شي يهون علشان ولدي ونور عيني (( صقر )) بعد انتظار 4 سنين
اللهم لك الحمد والشكر



وهذي قصه ولادتي :>

اللاااااااااااااااي عيووونه مؤثره القصه دمعت عيوووني شوووي ,, سويت لي سيناريووو :01:

يالله الحمدلله يوم الله قومش بالسلامه وقووم صقوووووري ,, وعقبااالنا ان شاء الله

++مونيكا++;11014281:

مرحبا بنات شخباركم ..صباح الخير ... اني رحت الطوارىء البارحه وكان ضغطي اوكي والتحاليل بعد وسوا لي تخطيط وطلع عندي تقلصات بالرحم وجيكوني من تحت طلع عنق الرحم مقفل وطرشوني على جدحفص رقاد تحت المراقبه لانه الضغط خطير لكن وقعت وطلعت قلت بنام والصباح رباح برجع ليهم وهذاني قايمة برزت اغراضي بسبح وبروح وادعوا ليي بنات اشوفكم على خير

موووووووووني :047::047:

بي رقااد بعد ,, الله يكون في عونش ويقومش بالسلامه ,, وان شاء الله خير لاتحاتين

عروووووسه ,, وش اسووي بعد امتحاناتي الاحد والاثنين والله يستر :066:

بنااااااات شحوااالكم وحده وحده ,,

اليوم نويت على الشنطه وحطيت فيها شوي من اغرااضي ,, وابيكم تشوووفون وش نااقصني وتخبرووني عنه ,,:040::040:

طبعا حطيت لي بدلتين وثيابي الداخليه حطيت ليي كميه زينه عشاان الشسمه ,, وفوطه ,, وفرشاة ومعجون وشامبو وبلسم وكريم,, بس هاذي اغرااضي اللي حطيتهم ,, اي اي حطيت الاسفنجات مال الصدر :040:

وطبعا علااوي لحين ماحطيت ليه شي ,, قولوا لي وش احط ؟!! وجم بدله احط ليه ؟!!

سوووووووودي وووينش وشحتيني ,, :040:

وردوووونه مروووم ام علاااوي بروووء نبوووض جمووول بحبوح حروومات ثنتينكم موووني عيووونه عرووسه ام حسوون اسكريم ,, ههههههههههه وينش اختفيتين ليكون صار اللي صار

السلاااااااام عليييكم بنااات شلووونكم.. انا رجعت مع نفسيه احسن لانه الفتره اللي فاتت مع هالدكاتره نفسيتي صارت زفت..

مروووم وسيوود وموني فديتكم والله ما تنسووني انا موجوده بس مريضه فيني احتقان وزكام ماعرف شسوي

سيود ما عليييج منهم ترى نفسي كل مره اروح يطلع لي شي خليها على الله ولا تحاتين وما اعتقد لازم بعد تروحين لفهيمه متى ما الله اراد تطلع بتطلع

جمووول الففف حمدلله على سلااااامة رزووووقي ومايشووووف شررر يالله تحملي فيه عدل الحين

عيووون ياااااا عمري مشكووووره على كتابة القصه مأجوووووووره على هالتعب كله والحمدلله طلع صقوووووور بالسلامه ومافيه الا العافيه يالله عاد الحين ننتظر الصور.. عورتي قلبي يوم قلتي عن الرضاعه انه الم جرح والم يرجع الرحم مكانه :( بس ماعليه شوي شوي بتقدرين ترضعينه اكثر..

عروس نجديه الحمدلله انه امورج تحسنت مع زوجج والله يكون في عووونج الحمدلله عدت على خييير يالله ان شاء الله قدم البيبي يصير خير عليكم ولزمي الاستغفار تراها تقرب الزوجين من بعض.. بالتووفيق في الامتحانات

مووني يالله دخلي طمنينا شصاااااااار؟؟ امس كنت بطرش لج مسج بس كان الوقت متأخر يوم قريت شكاتبه

بحبوووحه ولاااااااااااااااااااااكم تووااا ما نوووووور التجمع وحشتينيييي يالدبة يالله عاد قولي حق علاوي خلاص يرتب رقاده عشان تدخلين :(



كل البنات الباقيات شلوووووووونكم؟؟ ماعليه سامحوني اذا فيه احد كتب شي ومارديت حواسي مو حااضر

هلاااااا خيشووون شخبااااااار ؟؟؟ اووووووووووه اخيييييرا استووعبتي انه ما باقي شي شطوووووره اللي تزحزت

امممم بالنسبة لج ناقص عطر ومشط وريشه وشيلات ونعال للحمام وانتي بكرامه وشبشب للغرفه وكوتكس احتياط يمكن مال المستشفى يضايقج


حق البيبي بتحتاجين فراش مع القماط والبساط ولحاف ثقيل وثلاث بدلات sleepsuit وتحتهم body suit وقبعتين واذا تبين قفاز وفوطه وانا حطيت بعد مسك ابيض عشان احط لها شوي على قماطها احب هالريحه فيهم.. وبس هذا اللي اذكره

عرايس شخباركم
الله يتمم عليكم ع خير يارب
بس ابغي منكم سؤال
في اى اسبوع عرفتو
جنس الجنين؟

هلاا بالنبض ,, اي ماقلتين اسمي يام دبه هااا :039::039:

زين زين يعطيش العافيه خيوو ذكرتيني بالعطر وبالشسمه ,, بسجلهم في ورقه عشاان مااانسى

عبوووره ,,, اني عرفت جنس ولدي :085::085: في السادس تقريبا

شلتها بين الحشا واليوم .. تسع شهور بكل اهتمام وخوف .. واليوم شرفت لحضني الغاليه نوف ..يازينها ويازين فيها كل الوصوف

3-1-2010 الساعه 5:27 كانت بنتي ع صدري

حبيت اخبركم وان شالله راجعة لكم بالقصه :)

فدووووووووووووووووووووووووووووووووووووووووووته ,, الللاي الف الف الف مبروووك تتربى بعزكم ان شاء الله ,, الحمدلله يوم الله قومش بالسلامه ,و

ويالله ننطر القصه

هلااا عبيير انا عرفته في الاسبووع 16 اعتقد كان الشهر الرابع بدايته

خيشون يالدبه هذااااااااااني كتبت لش رد كاااااامل بروحش يعني سبيشل.. احم احم فديتني اللي اذكركم خخخخخخخ يالله كتبي مو تنسين..

واهم شي الكاميرا عشان تصورين لنا.. انا امس زوج خالتي راح اشتري حقي ورديه حق اتامي يقول عشان اتطالعني اذا اصورها

موووني ؟؟!!

ههههههههههههههه خرفت البنيه

الفففففففففففف الففففففففففففففففف مبرووووووووووووك فدووه لعيوووووووووونه حمدلله على السلاااااااامه وتتربى في عزكم

اللاااااااااااي اخييييييرا تحركووا البنات يالله ناطرين القصه

هههههههه سوووري خيشوون ماعليه ترى صج مخي مشيررررر تم تعديل الخطأ

ما شااااااء الله عمرها طووووويل مووني توها طرشت مسج بليييييييييز بنات ادعولها هي مرقده الحين في المستشفى عشان يراقبون الظغط عندها وقالولها اسبوع الجاي لازم طلق صناعي عشان يولدونها لانه خطر على البيبي.. تسلم عليكم

ايييييييييييي صح ماانتبهت ,, يعني نووووفااااا تفتح ولاادى البنااات وينش وردووونه تعالي عدلي اللسته

الله يسلمها ويحفظها وان شاء الله ماتحتاج صناعي ولا شي وتولد بطلق صنااعي وهالضغط الغبي يرجع طبيعي :039:

كلش موو حزاااته

ان شااااااااااء الله يارب افففف انه كلش موو حزاااااته اصلن شصااااااااير اغلب البنات قاعدين يقولون لهم طلق صناعي :(

الله يسهل علينا وعلييييهم


يالله وردوووووووون عدلي اللسته عندنا كتكووووووووووووووووته اخييييييرا (صج اللي فيهم بنات متعصبين لحزبهم ههههههه)

سلاام عليييكوووم كروووشاات شوو اخباركوون اليوووم :087:

:



نيوو مامي .. الحال من بعضووو بس شنسوي

كله بايد رب العالمين :083: .. على خير حبوبة وربي يسلمج


:


عيوونه .. يتربى في عزج صقوور :025:

تصدقين عاد خفت لان اني واجد احس مريوم عندها بو فاق

وينسمع وااضح وحركاتها قوية واحس كرشتي صايرة لينة واجد

ومتقلصة حسيتها :091: :060:

:



مووني .. مرحبتين حووبي

وماتشوفين شر حبوبة والله يوفقج :08:

:


عروس .. مرحبتتتين يا هلا

وبالتوووفيييق يارب :016: .. وعن الافرازات يمكن السدادة ويمكن التهاب

فروحي المستشفى تطمني احسن عشان لو التهاب تعالجينه

قبل الولادة لان مو زين للبيبي :072:

:



برووء .. هلوواات غناتي :065:

:

خيووش .. حطيتي في شنتطتج .. عطر ومزيل وجارج والكام وليفة السباحة نعال الحمام

كلينكس وصابونه و مشط وربطة ؟؟

:

وعن شنطة البيبي .. من كل شي 3 حطي للاحتياط

اني حطيت فوطة و 3 شباحات و 3 افرولات و 3 قبعات و 3 قماطات

وخيط للقماط وعدة السباحة و مشط البيبي و جواريب يد ورجول بعد ثلاث ثلاث

وشفاطة الحليب ورضاعه صغيرة طبعا فراش و سليب باق للطلعه


ايي بعد 3 مريلات و 3 فوط صغار وبس :041:

فدوووون ... الللللللف مبروووك حبووبة

واخيرا وحدة من امهات البنات فتحت لنا الطريييييق :013::013::013:

وناااااسة تتربى في عزكم نوووف

:


نبووضة .. ان شاء الله موني ما تحتاج لطلق صناعي

ربي يقومها بالسلامة :083:

:

خيوووش ونبووض .. ان شااء الله الحين بس دقايق ومعدلة اللستة :013::013: