مستشفيات الولادة (بنات البحرين )

archyna;10972434:
بنات شرايكم في دكتورة زينب الجفيري لمتابعه الحمل سمعتوا عنها ؟؟

زينب الجفيري كنت أتابع عندها لما كنت حامل ببنتي بصراحة تدخل القلب وايد طيبة وتهتم بالمريض يعني لوا أحمل مرة ثانية بعد أتابع عندها

ملكة العسل;10933790:
بصراحة انا توني اول شهر حامل وشكي بكمل متابعة عند دكتورتي فكرية وايد زينة

حتى رقم تلفونها الخاص عطتني اياه علشان اكلمها اي وقت

بس لحد الان مافكرت وين بولد بالذات ان اختي دكتورتها تقول لها ولد بالسلمانية افضل

لان لو في اي شيء طارئ بحولونج الخاص السلمانية على طول

عن تجربة مرتين عندها
ما انصحج تتابعين عند دكتورة فكرية
اول شي تاخذ 30 على الفاضي
ثاني شي على خبرتها يمكن قبل كانت تتعامل بشكل
جدي مع المرضى اما الحين ف اشوفها صايره ماديه اكثر

في اول 5 شهور من الحمل كنت اتابع عند د.فكرية
اللي حسيتها وااايد مو مهتمه بآخر الشهر
خاصه انها وصفت مثبت جل وقالت استمر عليه شهرين
وما راح احتاج ربط
ويوم صرت بالخامس سألتها قالت لي لازم اسوي فحص من تحت
وهالشي ما قالت لي اياه بالبدايه
ويوم صار قالت يحتاج لج يعني كلها لف ودوران وفلوس تيي وتروح على الفاضي

كنسلت الروحه من عندها ورحت عند د.عابدة
الصراحه ما عليها اي كلام
مرتاحه لها الحمدلله
وهي ما قصرت عطتني رقم جوالها لو عندي استفسار ارسله بمسج
وترد علي ما تتأخر

وناوية اولد بالعسكري و ان شاء الله هي تولدني
لأنه احس حالتي استثنائية
سويت الربط عندها و المتابعه عندها بس باقي الولادة
وابيها اهي تولدني

طبعاً ما في باكيجات ولادة بالعسكري
بس قالت الطبيعي سعرهم ما بين 450 و 600 دينار

والقيصري 1200 دينار

طبعا من دون الغرف

الغرف بجناح 19 الليله الوحده 70 دينار
واللي بجناح 13 الليلة الوحده ب 40 دينار

الجناحين غرفهم ما عليهم كلام
حتى حماماتهم نظيفة

جناح 16 ماعندي اي فكرة

јǿđ;11088098:
واللي بجناح 13 الليلة الوحده ب 40 دينار

الجناحين غرفهم ما عليهم كلام
حتى حماماتهم نظيفة

جناح 16 ماعندي اي فكرة

ملووووكة;11064380:
بنات اشرايكم في دكنورة عبير في النور اختي اتابع عندها ويوم رحت معاعا عشان نجوف الحجر مال الولادة الصراحة وايد وايد صغار حتى الستاند مال التوزيعات مادري وين انخليه والمشكلة ان اختي موعدها هالشهر ومو عارفين نغير المستشفى او وين نروح؟؟؟

اختي ولدت هناك في النور والي ولدتها عبير وكانت معاها ام زوج الدكتورة عبير عفاف الشافعي

كاانت الولاده اوكي وكل شي اوكي بس انا معجبني المستشفى والغرف مو شي حاسهم هااي رااي

اي كلش مو شي الحجر اختي غيرت الحين بتروح مستشفى الكندي عند دكتورة فضيلة النجار اليوم عندها موعد بنروح وبنجوف الحجر وباخبركم عن المستشفى انشاء الله يكون كل شي اوكي ادعو لنة بالتيسير

في انتظارج ملوكه

السلام عليكم

بصراحه اني كنت اتابع عند دكتورة كيرن واجد اوكي وفاهمه كل شي وتهتم واجد والحمد لله صار ليي الحين 3 اسابيع من ولدت وكنت والدة عندهاا في ابن النفيس ماجفت شي من الي قالوه وعندي وحده من الاهل نفس الشي ولدت عندها واوكي ماقالت شي عنها وبصراحه تهتم واجد لما ارتفع ضغطي رقدتني عندها علشان اتابعني وكلام الناس بتتعبون منه لان انه كنت بولد في التخصصي قالو اهو اوكي المستشفى بس مادي واجدبس كل واحد والمكان الي يرتاح فيه

*بيبي فيس*;11089447:

معلومة صغيرة أختي

جناح 13 كله جمعي ومب حق ولادة أصلاً

جناح 13 حق اللي عندهم مشاكل في الحمل أو حالات الإجهاض

وماياخذون ولا فلس على المريضة اللي تترقد هناك لأنه جمعي!!

والحمامات كرمكم الله قذرة بكل ماتعني الكلمة من معاني :095:

واللي تتكلمين عنه هو جناح 16 على ماعتقد

لا اختي جناح 13 وانا طلبت غرفه خاصه يوم رحت تنومت هناك حق الربط
والحمام نظيف
وكان سعرها 40 دينار

јǿđ;11125479:
لا اختي جناح 13 وانا طلبت غرفه خاصه يوم رحت تنومت هناك حق الربط
والحمام نظيف
وكان سعرها 40 دينار

Um Noor;11087423:
زينب الجفيري كنت أتابع عندها لما كنت حامل ببنتي بصراحة تدخل القلب وايد طيبة وتهتم بالمريض يعني لوا أحمل مرة ثانية بعد أتابع عندها

مشكووورة اختي ماقصرتي طمنتيني الله يوفقج
بس تابعتي معاها فترة الحمل ولا ولدتج وفي اي مستشفى تولد؟؟

أحلى شوق;11065967:
ما ادري ليش هالفكرة عن المستشفيات الخاصة !!

ترا حتى الدكنور بالمستشفى الحكومي اذا سوا قيصرية يعطونه فلوس اكثر وفي النهاية الأطباء بشر مو جزارين ومن خبرتي انا اشوف النظام في الخاص مثل الحكومي يلجأون أول للطلق الصناعي اذا صارت تعسيرة وبعدها للقيصري اذا كانت هي الحل الوحيد

وبالنسبة للسلمانية انا ما جربت هناك وما اعرف شي عنهم يمكن اللي جربوا يفيدونكم :065:

أول مره أسمع هالمعلومة منكم يابنات ان دكتور يشتغل موظف بالحكومة ويحصل فلوس على القيصيري انا سألت بنت خالتي مسؤلة ممرضات في السلمانية وصار لها 20 سنة ممرضه هناك ضحكت وقالت لو زين جان حتى احنا الممرضات بيعطونا والله احترنا من كلام الناس عموما كل وحده والدكتورة اللي ترتاح وتتوكل على ربها والله يقومكم بالسلامة :083:

للرفع

بنات شرايكم في مستشفى الدولي ومن احسن دكتورة عندهم

بسمة البحرين;11158606:
بنات شرايكم في مستشفى الدولي ومن احسن دكتورة عندهم

الدولي معروف انه من اقدم المستشفيات ويتمتع بالخبرة بس اسعارهم فوق فوق واحسن دكتورة سنجواني

للرفع

بنت الدانات الف مبروك والله يثبت

بسمة البحرين

في دكتورتين في الدولي اعتقد وحده هنديه ووحده عراقيه وانا جربتهم ثنتينهم الصراحه ممتازات

بس غااااالي



عندي استفسار بنات

انا احتمال اولد بالامريكي وانا اتابع عند الدكتوره لبنى
بس وقت الولاده يخلون الدكتوره اللي على الكول هي اللي تولد
وانا خايفه ما ابي اي دكتوره
من احسن دكتوره هناك؟؟ وشسوي لو طلعت لي دكتوره ما ابيها
وشنو تنصجوني؟؟

بنات شرايكم في الولادة في التخصصي؟
من احسن دكتورة للولادة؟



حالياً اتابع عند دالوال في ابن النفيس بس شفت غرف الولادة عندهم كلش صغار ..


وباقي شهر ونص عن موعد ولادتي .. شسوي ؟ وين تشورون علي؟

انا تجربتي الاولى للولاده كانت في مستشفى التخصصي على يد كيران

دكتوره فاهمه و شاطره و ماتستعجل على الوحده بالقيصري دام انها تقدر تولد طبيعي

رغم القصص اللي سمعناها حول تسببها بوفاة طفل ( و هذا يحصل بكل مستشفى ) و بعد احنا ماسمعنا القصه من اطرافها الاصليه

عشان جذي بحملي هذا بعد اتابع عندها وانا مغمضه لاني ما اوثق بولاده اي دكتوره ثانيه

صحيح الكل بيولدني بس طريقه الولاده ماظن احد يتجرأ يسويها غيرها و حتى الشق و الخياطه غير

و لهالسبب مقرره اولدد عندها في ابن النفيس رغم اني متضايقه من صغر الغرف

ولو تعرفون دكتوره تولد في السلمانيه ممكن تولدني بطريقه كيران و ماتشق شق العجان جانبي مستعده اولد في السلمانيه