مشكلة يديدة ×_×

ما حبيت اطلع بدون رد
الله يوفقك ويكتبلك الي به خير حبيبتي.. والله مالي الا الدعاء لك من قلب صادق
وكثري استغفار ودعاء بسجودك بان الله يسخرهم لك
وشكرا

عزيزتي ما تتركي الاستخارة بس صراحة اللي أوله مشاكل تاليه مشاكل ومن أولها صار مشكلة بين الاهل انا بالنسبه لي هذه اشارة انه الموضوع مافي خير بس بعد استخيري 3 ليالي متتابعة والله يقدملك اللي في الخير ياارب

سحاب;10877405:
ما حبيت اطلع بدون رد
الله يوفقك ويكتبلك الي به خير حبيبتي.. والله مالي الا الدعاء لك من قلب صادق
وكثري استغفار ودعاء بسجودك بان الله يسخرهم لك
وشكرا

مشكورة حبيبتي ويزاج الله خير ،، لا عدمناج

zeenat_albanat;10877415:
عزيزتي ما تتركي الاستخارة بس صراحة اللي أوله مشاكل تاليه مشاكل ومن أولها صار مشكلة بين الاهل انا بالنسبه لي هذه اشارة انه الموضوع مافي خير بس بعد استخيري 3 ليالي متتابعة والله يقدملك اللي في الخير ياارب

اختي الموضوع من اوله ماشي بكل سهولة ! حتى انهم خلاص اتفقوا عالعرس وحددوه
بس مادري من وين يت هالمشكلة سبحان الله

مشكورة يالغلا واكيد الاستخارة مالي غنا عنها

حبيبتي استخيري مرة ومرة ومرة
ونصيحة لا توقفي في وجه اهلك ترا ما بتتوفقي اذا ما راضين عنك

حاولي توصلي لحل يرضي الطرفين
تواصلي مع اخت خطيبك وخبريها تقنع اخوها اذا يبيك يصبر ع الاقل قبل العرس بشهر يملك

والله يوفقك

واحس السالفة فيها شغل عناد
يعني ابوك يبي يفرض رايه وخطيبك ما حب هالشي

ومن الموقف انا اقول انه خطيبك وابوه ما عجبهم وحسوا نفسهم مالهم راي عشان كذا تراجعوا في اليوم الثاني

انتي قولي لابوك دام الرجال زين وما ينعاب خسارة نخسره بسبب خلاف ع وقت الملكة
وانتي ما تضمني يجيك واحد مناسب سبحان الله الوحدة ما تجلس ترفض وترفض وف الاخير يجيها واحد اللهم يا كافي

روح السلطنة يزاج الله خير
ترا الحين اهي هاي المشكلة !! ابوي معصب ليش يردون بكلمتهم ونسى سالفة مهر وملجه وغيره
كل همه الحين وتفكيره ان الرجال عيب يرد بكلمته وووووو ..... سوالي محاضرة ليلتها

اكيد انا مستحيل اعاند ابوي وآخذ من غير رضاه لكن اللي مب عارفتنه شلون اقنع ابوي ان الولد زين وجذي

الولد بروحه بين نارين !! بين رأي ابوه ورأي ابوي

والله ياروح السلطنة ردج ساعدني ،، تسلمين يالغلا

لا يا اختي .. ابوج ما غلطان .. انتي قلتي انهم اتفقوا وكل شي كان اوكي .. بس من اللي فض الاتفاق .. الخطيب وابوه صح ؟

تعرفي ليش ابوج يقول انه ما رجال ؟ لان لما كانت السالفة بينهم اتفقوا .. بس الظاهر ان دخل راي رابع بينهم وغير راي الخطيب وابوه .. بدون ما يهتموا بالشخص الثالث ..

يعني الرجال سير يمين اسير .. سير يسار اسير .. ماعنده كلمة وحده

وردا على اختي روح السلطنة .. لما قالت ان الظاهر ابوج يبغى يفرض سيطرته .. الغالية من لما البنت صغيره هي عايشه تحت سيطرة ابوها .. جات على الزواج يعني ؟ وبعدين هي في بيت من متربية .. مو فبيته ؟

انا مااقولك رفضي .. لانه الموضوع ما يستاهل
اوقفي مع ابوج .. الرجال اذا قال كلمة .. هي كلمته ما يغيرها ..

خلي السالفة بين الرجال هم يتفاهموا .. بس سيري عند ابوج قوليلة اللي تشوفه خير لي سوه .. انا ما همني الا رضاك .. واللي ما يحترمك ماباه ..

واكيد ابوج بيفكر اكثر ..

اولا لا توقفي في وجه ابوش
ثانيا اول مره اسمع يستلم المهر وهو ما عقد شلون تصيييير

اول مره اسمع يستلم المهر وهو ما عقد شلون تصيييير

بنوتة مسقط;10877743:

وردا على اختي روح السلطنة .. لما قالت ان الظاهر ابوج يبغى يفرض سيطرته .. الغالية من لما البنت صغيره هي عايشه تحت سيطرة ابوها .. جات على الزواج يعني ؟ وبعدين هي في بيت من متربية .. مو فبيته ..

اختي ما فهمتيني ..

انا اقصد بعض الاباء يفرضون رايهم ع الناس الغرب يعني على اللي بياخذ بناتهم

تحصليه يجيب طلبات وشروط غريبة عجيبة

وفي وضع اختنا انا حسيت ابوها يبي يفرض رايه عليهم لما رفض الملكة ولما طلب المهر بدون عقد !! ما قصدت يفرض رايه ع بنته لانه هذا شي معتاد في خليجنا :lol:

حبيبتي اقفي مع ابوكي خطيبك و ابوه غلطانييين انهم رجعو في كلمتهم
بس مو فاهمة كيف ياخذ المهر من دون كتب كتاب
و استخيري الله يكتبلك اللي فيه الخير يا رب

دونو;10877662:
روح السلطنة يزاج الله خير
ترا الحين اهي هاي المشكلة !! ابوي معصب ليش يردون بكلمتهم ونسى سالفة مهر وملجه وغيره
كل همه الحين وتفكيره ان الرجال عيب يرد بكلمته وووووو ..... سوالي محاضرة ليلتها

اكيد انا مستحيل اعاند ابوي وآخذ من غير رضاه لكن اللي مب عارفتنه شلون اقنع ابوي ان الولد زين وجذي

الولد بروحه بين نارين !! بين رأي ابوه ورأي ابوي

والله ياروح السلطنة ردج ساعدني ،، تسلمين يالغلا

أختي احنا ما نعرف الظروف اللي خلت خطيبك يتراجع عن رأيه ..

يمكن في أحد قاله ليش خليت ابوها يفرض رايه عليك وراح خطيبك وغير في رايه وكذا ,,

انتي عندك اخو كبير ؟!
روحي وتكلمي مع اخوك وقولي له الرجال زين وانا اريده وما زين ايلس ارفض الناس بدون اسباب مقنعة واخوك بدوره بيقنع ابوك


بس لا تبيني انك مفجوعة ع الزواج وواقفة ضد ابوك


بالعكس

قولي لابوك الراي رايك بس لا تحكم ع الرجال من موقف

وانا اذا انت ما راضي ما بتزوجه وعارفة انت تهمك مصلحتي

هالكلام يريح الاباء انه بناتهم ما طالعين من شورهم


ترا هالحركات انا سويتها خخخ :lol:

سألي مجرب

انا زواجي كان شبه مستحيل
لانه ما من العايلة ولا من مذهبنا بعد

بس انا انطبيت وسكتت وكنت ادعي

والرجال تم يحوس ويحوس شهور لين اهلي وافقوا بس انا ابد ما وقفت في وجه اهلي

سبحان الله تسهلت الامور بدون ما يكون لي دور

يعني وافقوا عليه مع انه ما من العايلة ولا من نفس المذهب

وتو مرتاحة وايد الحمدلله واهلي مرتاحين له بالحيل ويحبوه !

ربي يسهلها عليك

ما فهمت اشلون تبون تستلمون المهر قبل العقد ؟ !!
هذا ما يصير عندنا

يتم تسليم المهر عند العقد

بس يا اختي يا روح .. في هالشي بالذات من حقه الاب يشترط على بنته .. وكلن بظروفه

اخوي خاطب وابو البنت شرط ان الملكه تكون بينها والعرس فترة بسيطه .. لان عندهم فترة الملكه ما لازم تكون طويلة .. وطبعا اخوي احترم عاداتهم وتقاليدهم.. ودامه خطب يعني مصيره بيمتلك .. والتفاهم زين من البداية .. مو كلمة اليوم وكلمة بكره

وسالفة المهر قبل العقد عاديه عندنا في عمان واظن حتى فيه فبعض الخليج .. يوم نسميه الحق او المشترى .. نفس اليوم يجوا اهل المعرس جايبين معهم المهر والهدايا .. ومعظمهم قبل الملكة يسلموا المهر ..
ما نسويها سلم واستلم .. هذا عندنا .. يمكن هم عندهم عادي .. مادري

حتى فيه ناس نفس اليوم اللي يحددوا فيه كم المهر .. يكون المبلغ معهم .. ويعطوا البنت عشان تتجهز .. خصوصا اذا الملكه قريب من يوم العرس ما بتلحق تتشرى

الله يوفقك و ينولك الي فيه الخير احسن شيء تحاولي تكلمي خطيبك عن طريق اخته او اي حد و خليه يتفاهم شوي وان شاء الله ما يكون غير الخير باذن الله

انا اشوف ان ما له داعي اللي صار و ما اعتقد لن له داعي تأخير الملجة للعرس واذا وافقوا على التأخير لازم يكون من الطرفين
و الرجال ما جا وطق بابكم الا لانه يبي يتزوج

وبالنسبة لسالفة المهر غريبه المفروض يسلم يوم الملجة او العقد حسب المعروف و اذا الموضوع خالص و الثقة موجوده الرجال شاريج مو بفلوسه الرجال شاري بنت ناس و على خلق ودين .. يعني ماله داعي كلش تخلون المهر هو سبب المشكله والرفض !!<< هذا لا يرضاه الله ولا رسوله بصراحه

ع العموم ما لنا الا الدعوة لج بتيسير الامور .. و ان الله يسوي اللي فيه خير وصلاح لج ..

تحيتي

ما احس انها مشكلة بس هم مكبرين السالفة و يصير كثير خلافات فترة الخطوبه وسبب العناد
انا ولدي كان رافض الملكه بدري الي ما تحدد وقت الزواج و المهر سلم بعد العقد يعني من حق ولدك يرفض الملكة اذا كان فترة الزواج غير محدده لتجنب المشاكل