تذكر يوم;10890989:
سلام عليكم بنات
انااا حدي مستانسه مع انه اليوم ليلة السابع من محرم هههههههههه المفروض مااستانس
بس حلجي على طول سمايل تلقائي ههههههههههه
المهم بنات الحمدلله لك يارب
رحت سويت فحص دم بعد ما كتبت لكم وطلع بوزيتف
بقول لكم قصة حياتيييي
انا سالت ام حسون اسوي فحص قالت اذا ماتتاخر عليج سوي
انا قعدت افكر وافكر وافكر وافكر
يات الساعه خمس الا وقلت خلاص بسوي
صليت صلاه شكر لله ووووودعيت وقلت يارررررررب اذا فيه حمل يارب الحمدلله والشكر واذا مافي هم الحمدلله والشكر لك يارب ويارب عوصني بالحمل القريب يالله يالله من يجي الشهر الياي الا وانا حامل
وودشيت الحمام اوردي انا اوبي ادش الحمام هههههه الا يطلع لي خطين واحس روحي مومصدقه قعدت ارتجف اضحك واصيح ههههههههههه الحمدلله والشكر
وانا مخططه انه عيد ميلاد زوجي 28 اذا انا حامل بخبره بحملي ووهذي هديه عيد ميلاده مع اني شارية له هديه من زمان
لكن انا من الفرحه نسيت هالحجي كله ورحت لزوجي قلت له تعال برويك شي وانا اصيح واضحك
يقول لي شفيج قلت له تعال
رويته الفحص مو مصدق نضحك نصيح يحضني احضنه واصيح
بس نفس الوقت كان خايف يقول خلنا نروح نسوي فحص دم احسن علشان ننتاكد ما نبي نفرح بس جي
المهم رحننا وانا كنت يعني بصراحه مو شاكه مدام طلع لي خطين يعني اكيد حامل
وفعلا يات الهنديه قالت لنا كلمه وحده ^^فيه^^
ههههههههههههه خبله الهنديه قولي حامل اوفي حمل مو فيه
عالعموم استانسنا وايد
وردينا البيت علشان نخبر عمي وعمتي وخصوصا انه عمتي ما يابت الا ولد وبنت وبالغصب
كانت كله تجهض وكانت تنتظر اني احمل انه انا اعوضهم باحفاد
عاد قعدت عمتي تصيح وعمي يحضني وعمتي تحضني ومو عارفين شيسووون
وبعدين اناااا كل يوم بعد صلاه المغرب اروح بيت ابوي علشان اروح الماتم
وداني زوجي البيت وخبرنا الاهل وبعدين اهو راح الماتم وانا تميت في البيت
بس كملت قصة حياتي:lol:
ماشاء الله تبارك الرحمن الله يتمم عليج فرحتج يارب ويرزقج الذرية البارة