شو رايكم بتصرفات خطيبي؟؟؟؟؟؟

أنا مع كل كلام أختى بنوتة مسقط

كل البنات بيخلطوا بين إنها تفوت بعد الزواج وتبدأ

تطبق الكلام ده قبل الزواج من فترة الخطوبة بحجة

إنها بتحبه

والله ثم والله إن غالب البنات الى بيشوفوا عيوب فى ازواجهم قبل الزواج ويقولوا هأغيره بعد الزواج

أو تقول هاصبر عليه علشان بأحبه
بعد الزواج وبعد ذهاب نشوة الحب

تبدا فى الصراع الحقيقى مع طباعه التى تكرهها وتنفر منها والزوج لا يتغير إلا إذا اراد ذلك فهو لم يجبرك على التغيير كما فعل خطيبك معك فهو خيرك وقال لك مش عاجبك كل واحد يروح فى حاله
يعنى بيقول لك هو مش هيتغير فإذا كنتى هتقبلى تتغيرى فده يكون لإقتنعاك التام وليس مؤقتا فقط حتى يتغير هو لأنه لن يقبل منك بعد ذلك إعتراضك على عدم تغيره كما قبلتى انتى تغيير نفسك

لذا لا تقولى احبه ولكنى أريد منه أن يتغير لأجلى

أنتى غير راضية عن طبعه ذلك (وإلا لما كنتى

كتبتى هذا الموضوع) فلتتكلمى معه وبكل بجد أنك

حقا غير راضية عن سلوكياته تلك معك فهى تدل

على عدم رضاءه عن حياتك كماهى الآن وعن

شخصيتك كماهى

وإذا كان هو غير مستعد من البداية للتنازل

قليلا فانتى أيضا غير مجبرة على القبول بسلوكياته

تلك فانتى ايضا لكى شخصيتك التى تعتزين بها

وتعلمين انك لا تقومين بفعل شىء خاطىء يغضب

الله وأنه إذا كنتى لا تعجبينه كما أنتى الآن فليذهب

كل واحد فى طريقه لأنه يبدو أنكما لا تناسبان

بعضكما البعض

فإن عرف خطأه وحاول التفاوض معكى فهذا يعنى

أنه مازال هناك بعض الخير بينكما أما إذا قال كلى

كما تريدين فلا تحزنى على فراقه فصدقينى هو

ليس بالشخص المناسب لكى

وصدقينى الحب وحده لا يصنع زواجا سعيدا

ولكن الإختيار المناسب للزوج يصنع الحب

ربنا يقدر لك الخير حيث كان ثم يرضيكى به


أختك فى الله أم سلمى

ياقلبى أنا معاكى فى إنه له مميزات كتير

بس الزواج مش صداقة ولا زمالة

ده إنسان هيتولى ولاية أمرك بدل أبوكى

وهتعيشى معاه بقيت عمرك

إنسى كل مميزاته الحين

وفكرى هل تقدرى تستحملى عيوبه

وتتعايشى معاها من غير هو ما يتغير ولا لا

وتحيلى الاسوأ هلى هتقدرى تتعاملى معاه

لأن موضوع إن عيبه ده يزيد او يقل مش مضمون

ده حاجة فى علم الغيب يبقى لازم تعملى حسابك

على الأسوأ

ها هل هتقدرى ولا لا

لو شايفة إن سلوكياته معاكى دلوقتى مش عاملة

لك إزعاج شديد خلاص يبقى توكلى على الله

وأكملى الزواج

أما إن كنتى تعبانة ومش قادرة على الإستحمال

أكثر من ذلك فليس امامك سوى الحديث معه

بشكل جاد حول ذلك الامر

وعموما إحنا نبهناكى ودى حياتك وإنتى الى

هتعيشيها وإنتى حرة فى إختياراتك

وربنا يسعدك مع الشخص المناسب لك


أختك فى الله أم سلمى