بدي مساعدتكم صبايا

اولا الف مبروك ثانيا شوفي حبيبتي نوعي بالملابس بين البنطلون والبرمودا والتنانير القصيره والطويله والجلابيات بس لازم تحطي قائمه بالطلبات اللي تحتاجينها لان وقت التجهيز تضيعين ونصيحه لاتكثري استفيدي من ملابسك الموجوده عندك
واتمنى البنات يفيدونك كمااان

الله يوفقك حبيبتي ويسعدك يارب والله لو عرفت كان ساعدتك و لاكن ماعندي خبره
وان شاء الله الخوات ماراح يقصرون معكي

هاد رابط موضوعي نشالله يفيدك
http://forums.3roos.com/showthread.php?t=498875&referrerid=358052

مشكورين كتير صبايا ع المرور

بس انا حابة متل ما حكتلكم شغلات معقولة متل ما حكت الاخت برسباي يعني مو كتيرة

فرجاءا ممكن حد يوضحلي بشكل اكتر شو ممكن اشتري وكم قطعة؟؟؟؟

اول شي مبروك يا عروس
انا متلك بالبدايه كنت كتير محتاره بس الحمدالله مع التنظيم وترتيب الافكار قدرت جهز كل شي وعرسي رح يكون انشالله بعد 45 يوم وهيني خلصت جهازي كلو لاني كنت مخططه من البدايه اريح حالي وتفكيري قبل موعد العرس بفتره منيحه وهلأ مو ضايل علي الا شغلات بسيطه في بالي
والبدله والصالون


المهم
الجهاز بعتمد حسب ستايلك باللبس كيف بكون هاد بالنسبه لملابس الطلعه
اهم شي تجيبي ورقه وقلم وتقسميها لعدة اقسام
المكياج ما تجيبي كميات كبيره وعلب كبار ومشكله اشتري شغلات على قد استعمالك وما تكتري لانو المكياج الو فتره صلاحيه
العطور نوعي اشي تقيل لليل واشي ناعم للنهار طبعا مزيلات العرق
الشنط بنصحك تشتري الوان حياديه تنفع على اغلب لبسك يعني اسود ورمادي وابيض وكمان شنته سلفر او دهبي للحفلات وشنته للطلعات السبور
احذيه نوعي اشي عالي واشي مريح وهاد كمان برجع لزوئك
اكسسوارات ناعمه تلبسيها مع ملابس البيت مع ربطات شعر وبكل وخلاخل يعني زي هيك شغلات لانو مش معقول تلبس الدهب التقيل نع هيك ملابس قدام جوزك

ملابس البيت حسب زوئك باللبس
ملابس الطلعه نوعي سبور ورسمي تنانير او بنطلونات وجاكيتات وقمصان وفساتين يعني حسب
قمصان النوم اشي طويل اشي قصير ومخرم وشيفون وبعضو مع اروابهم وحاولي جيبي كل الالوان وما تكرري اللون والموديل
الملابس الداخليه للاستعمال اليومي كل جيبي قطن ميه بالميه وابعدي عن اشي اسمو نايلون اما الشغلات اللي للعرايس ولقمصان النوم اشتري شغلات غريبه ومو تقليديه

كم فستان سهره قصار ومفتحين تلبسيهم لزوجك ازا حبيتو تعملو سهره خاصه بس يكونو كتير سمبل

عبايه سودا مرتبه

كم طقم رسمي لمناسبات رسميه

كم بيجاما قطنيه نوعي يعني بنطلون و شورتات

بديهااااات فري سايز يعني لتستفيدي منها لقدام مع تغيير جسمك جيبي كل الالوان

ازا بتلبسي جينز جيبي جينز اسود وجينز ازرق

كم تنوره قصيره على كم شورت للبيت طبعا

واهم اهم شي لبس الصلاه والسجاده


انا هاد كتبتو حسب زاكرتي بالنسبه لاغراضي وصراحه ما بعرف ازا كنت نسيت اشي عمومااااا انا حاولت اعطيكي افكار بسيطه وبالنهايه الجهاز بعتمد على زوء كل صبيه وامكانياتها الماديه

مشكورة كتير اختي ع المساعدة بس حابة عرف اذا ان هالجهاز على حسابك او حساب خطيبك
واذا من خطيبك كيفطرحتى الفكرة عليه لاني خجلانة اطلب منو!!!!!!!

اختي طبعا اكيد على حساب العريس لانو هاد من المهر
وانتي بما انك من فلسطين ف العادات انو العريس بدفعلك مهر ومنو بتشتري الدهب والملابس طبعا على قد المهر بتجيبي كل هدول
انا مستغربه ليش ما صار معك هيك؟
يعني مهرك ما اخدتيه؟

معي المهر بس نحنا عنا المهر ما بيشمل اللبس بس الذهب ويادوب يكفي دهب لانو مهري 2000 دينار

في مرة طرحت الفكرة عليه ع اساس انو يعطيني كل شهر مبلغ بس حكالي هوة وأهلي انو اشتري اغراضي كلهم مرة وحدة قبل العرس
عشان هيك مش حابة اقترح عليه الفكرة مرة تانية
خجلانة منو

يلا الله يوفقك حبيبتي
اسمعي هو الكل نصحني ما تكتري بشرية الملابس لانو بعد فترة جسمك بتغير يعني هلأ انتي اشتري الشغلات الضروريه
وبس تتجوزي ما بصير حواجز او خجل بينك وبين جوزك ف بتصيري كل فترة وفترة تشتري شو ما بدك وخصوصا انو كل يوم بنزل موديل شكل وحلو
ف الا الملابس هاي مقدور عليها

مشكورة كتير اختي

انا كمان الكل نصحوني متلك اني ما اكتر ملابس لانو رح يتغير جسمي
ع كل حال مشكورة كتير ع مرورك ورردك