خطيبي طار

كل شيئ قسمة ونصيب اختي وياما فرق هالنصيب احباب


الله يعوضك بلي احسن منه والي يسعدك يارب

الله يعينج حبيبتي ويصبر قلبج

ان شاء الله الله يعوضج بالي احسن منه يارب

حبيبتي هوني عليك , هذا نصيب وخلاص الله يوفقه , وسبحان الله عسى ان تكرهوا شيئا وهو خيرا لكم وان شاء الله سعادتك مع شخص اخر , انسي الموضوع , والله يوفقك ويسعدك يااااااااااااارب

الله يصبرج يالغالية ويجبر في خاطرج....والله يعوضج ان شاء الله باللي احسن منه...ادري انه شي صعب وحاسه فيج...بس صدقيني مع الايام بتكتشفين انه في هالشي خيره وصلاح لج...ادعي دايما في صلاتج انه الله يعوضج باللي احسن منه...حافظي على صلاتج وداومي على قيام الليل....وتذكري دائما هاذي الجملة * ما ضاقت الا وفرجها الله *...
وان شاء الله نسمع عنج اخبار حلوة وزينة

ربي يصبرج ويعوضج باللي احسن منه ان شاء الله

بالعقل لو كان رزقش ما كان بطير على قولتش يمكن الله كاتب لش افضل منه

حبيبتي،،،اولا: لو حاسة انك فيكي دموع لا تحبسيها ابكي عشان ترتاحي ،،ابكي حتى لو لوحدك،نالمهم لا تخلي شئ داخلك لان هذا اللي بيجيب لك ضغوط و يقلقك...

ثانيا: فكري حبيبتي انك صليتي الاستخارة و الله ما اراد ان الزواج يتم فارتاحي و ريحي بالك ان هذه مشيئة الله و هو اكيد اختار لك هذا النصيب لانه لطيف خبير و ادرى منك سعادتك فين،،

تعرفي المقولة : لو علمتم ما في الغيب لاخترتم الواقع....

ثالثا : هو ممكن يكون شخص كويس بس مو شاريكي و لا ما كان اخذ ثانية و عليه فما نزعل و نبكي على حد مو سائل فينا اساسا و انا ما اهاجمه و لا الومه،،لان في الاخير انتو كنتو مخطوبين يعني لا عشرة و لا اولاد و لا شي ...

لا تهدري وقتك و طاقتك و تتعبي نفسك على شي حصل و التفكير و الزعل ما راح يغير شي...

الله يعينك ويصبرك و عسا ان تكرهو شيء و هو خير لكم يمكن لو كنتي تزوجتيه كان سود عيشتك و ندمك
ماتعرفي الخير وين اصبري و الله يعوضك بمن هو خير منه

الاميره خواطر;10859828:

فديتج والله،، وربي قطعتي قلبي

حاسه حاسه حاسه حاسه فيييييج عالاااااااااااااااخر

ماراح اجاملج بالكلام،، انا متاكده اني لو قلت وقلت ماراح يأثر فيج بقوه لان الشي ينبع من نفسج
يعني يالغلاا لازم تحسي بالرضى من نفسج انه هو ماكان من نصيبج
وواضبي ع الصلاه والاستغفاااار..................وربي سلاح خطييييير الاستغفار

ولا تستعجلي وتفكري تتزوجي عشان تنسي ياللي حبيتيه لا تغلطي فديتج
خلج ع الراحه وصلي استخاره ولزمي بالاستخاره ،، انج تسالي الله اذا بهالشخص ياللي متقدملج
جديد خير عشان تتزوجينه وتنسييين (( حبج لشخص السابق)) هالعباره بذات
لان مو كل زوج ينسي حب شخص قبله

ويارب يارب يارب ياخذج واحد يدلع ويكووون روميووو زمانه يموووت عليج
وينسيييج الدنيا بكبرها مو بس خطيب زمااان
آمين

وصدقيني ياما شفت بنات فكواا خطبيتهم وخذن غيرهم والله عوضهم الخييير
لدرجه والله اعرف وحده تقولي (( كيف كنت غيبه وانخطبت لفلان!!!! وفرحاااانه حدها انه خذت غيره ولحيييين
تمووووت ع ريلها لجديد وصارلها 3 سنوات حياتهم عسلللل بعسلللل))

الله يرزقج الزوج الصالح يارب

حبيبه قلبي والله كلامج حلو

انا ما افكر في الزواج

قبل كنت اشوفه الشخص المناسب

بس الحينه خلاص احس اني متضايجه فما ابا اسمع سيرة الزواج

ولا ابا حد يتقدملي وانا بهالنفسيه الارررررف

وفي نفس الوقت ابا انسى الموضوع وابا اهتم بأشيا اتفيدين احسن من اني انكد ع نفسي واموت مليون مره

الحياه حلوه

i miss u dad;10859960:
حبيبتي،،،اولا: لو حاسة انك فيكي دموع لا تحبسيها ابكي عشان ترتاحي ،،ابكي حتى لو لوحدك،نالمهم لا تخلي شئ داخلك لان هذا اللي بيجيب لك ضغوط و يقلقك...

ثانيا: فكري حبيبتي انك صليتي الاستخارة و الله ما اراد ان الزواج يتم فارتاحي و ريحي بالك ان هذه مشيئة الله و هو اكيد اختار لك هذا النصيب لانه لطيف خبير و ادرى منك سعادتك فين،،

تعرفي المقولة : لو علمتم ما في الغيب لاخترتم الواقع....

ثالثا : هو ممكن يكون شخص كويس بس مو شاريكي و لا ما كان اخذ ثانية و عليه فما نزعل و نبكي على حد مو سائل فينا اساسا و انا ما اهاجمه و لا الومه،،لان في الاخير انتو كنتو مخطوبين يعني لا عشرة و لا اولاد و لا شي ...

لا تهدري وقتك و طاقتك و تتعبي نفسك على شي حصل و التفكير و الزعل ما راح يغير شي...

ترى هذا اللي احاول اسويه

بس المشكله 24 ساعه افكر فيه

والله حتى وانا مشغوله بشي احسه جدامي

بصراحه التفكير فيه صار شي ممل بس مب قادره اتحكم في نفسي

وبدون ما احس صورته اتمر جدامي

اتحرك واغير مكاني

بس ما شي فايده

الله يهنيه بس اتمنى ان حياته ما تدمر بسببي

لان كلهم كانوا يعرفون انه يحبني

وانا ما احب ادمر حياة اي انسان

هو اتزوج خلااااص الله يهنيه

اسيل!;10855428:

ابكي اليييييين ماتحسي انك بردتي خاطرك

وبعدين كل شئ فيه خيرة
ولو كان لك فيه نصيب كان تزوجتيه

ربي يرزقك بالافضل منه

انا خايفه يصير فيني شي من كثر ما انا كاتمه

والله لين الحينه ما نزلت غير دمعه وحده

يعني لين الحينه احس باشيا غريبه في داخلي

شعور غريب مب قادره اوصفه

نشيت الصبح وقريت قرآن والاذكار وخف هالشعور ورجع مره ثانيه ثاني يوم

أتأكدي أن الخيرة فيما أختار الله وأكيد الله أحتارلك الخير الانسان ما يعرف شو يلي مخباله عسى يكون الله مخبيلك عريس تحبيه ويعوضك عن خطيبك السابق وطالما أنك استخرتي خلص لا تحتاري

أنا كنت أحب شخص لأربع سنوات وكان هو بيحبني والظروف القاسية ومعارضة الأهل يأستني حتى انخطبت لشخص تاني وكانت هي الخطبة مفتاح لأنو أرجع آخد الشخص يلي حبيته والأن هو زوجي

حتسألي نفسك ليش لأنو الشخص اللي انخطبت له كان مغترب وأثناء الخطبة أنا كنت مو حاببته أبدا واسودت الدنيا بوجهي معاه كنت كل يوم أبكي ومن خلال التعارف على خطيبي اكتشفت أنو هو الو علاقات كتير خارج الزواج فرحت كتير لأني لاقيت السبب اني اتركه ولما تركته رجعت أخدت الشخص يلي بحبو والأهل وافقو والحمد لله والآن هو زوجي وكل حياتي وأنا زوجته وكل حياته

الله يعوضك بالي احسن منه يارب

حاسه بألمك وضيقت قلبج....بس ما اقول غير الله يعوضك بالزوج الصالح اللي ينسيك حب الشخص الاول.....ويملي عليك الدنيا كلها فرح وسعاده

بنات بس حبيت اطمنكم

نفسيتي شوي اتحسنت (=

الله يسعدك دوم يالغلا -- طمنتيني

حبيبتي هوه محرد انه خطبج وانتو رفضتو شو سبب انج متعلقه يه لهالدرجه
عليج بقراءة القرآن واتعوذي من ابليس
خلاص الانسان اتزوج وانتي اذا تميتي كارهه الزواج معناته انه كل ما ايي حد يخطبج بترفضين لانج اتفكرين فيه
وهوه بيكون عايش حياته انشاءلله وانتي متعلقه بآمال
فحاولي انج تنسينه ولا تنسين انه عنده حرمه هيه اللي من حقها اتفكر فيه واتغار عليه
والله يعينج

طالما انتي استخرتي فهذي خيرة ربي

احمدي الله والله قال.... وعسى ان تحبو شيئا وهو شر لكم)لاتكرهين من امر الله شي
اوصيك بالأستغفار ثم الأستغفار ثم الأستغفاااااااااااار والله مفعوله سحري وتذكري ان الزواج قسمه ونصيب لو انه من نصيبك كان خذيتيه بس الله ما كتبه لك برغم انك كنتي مخطوبه له وهذا حال الدنيا

اسأل ان يعوضك بمن يسعدك ودمتي بأحسن حال