nooooooga;10943034:
ربنا يخليكى يا قمرايا يا رب
ومن عنيه حاضر هقولكم على كل الاسعار
بس انا كنت عايزة اقولكم ملحوظة بسيطة يا بنات
الحاجات دى اللى جابتها واحدة جارتى
وانا اللى اشتريتهالها لانها مش بتعرف اووووووووووى فى الميك اب
وانا اللى جربتهلها وفاصلتلها مع البياع
واشتريت منها بعد ما حطيت هامش ربح ليها
ليه انا عملت كده
علشان البنت دى يا بنات بتمر بتجربة صعبة جداااااااااااااااااااا
البنت دى سكر وكيوت وبنت ناس محترمين ومن نفس سننا تقريبا
زيكم كده يا بنات
كانت متجوزة وليها بنوتين وجوزها مسافر وبيجى اجازة كل سنة
وعانت معاه كتير جدااااااااااااا
لغاية ما ظروفه اتحسنت وحياتهم استقرت
بس اعوذ بالله يا بنات على الكيد والحقد اللى اتعرضت له البنت دى
تأمر عليها اخوات جوزها البنات ودبرولها مؤامرة ما فيش عقل يقدر يتصورها
خلو جوزها اتجنن وركبه الشك والغيرة
وفى لمحة عين لقيت نفسها مطلقة وبناتها اتاخدوا منها
وعقبال ما المحكمة حكمت لها بحضانة البنات
كان جوزها مطلقها وواخد البنات وهرب بيهم بره مصر
وفى شهرين لقيت نفسها حياتها كلها اتقلبت
رأسا على عقب
لكم ان تتخيلوا بجد حالتها
وضع كده من أسوأ الاوضاع اللى ممكن تتصوروها يا بنات
ربنا يكفينا الشر جميعا
علشان كده اقنعتها انا وصحابنا البنات انها تتماسك وتنزل شغلها من جديد وتبتدى تقف على رجلها تانى وتبقى اقوى
وتشغل نفسها شوية
واقترحوا عليها زمايلها فى الشغل موضوع انها تجيب ادوات ميك اب وتبيعالهم
وانا شجعتها جداااااااااااااااااااا
وعلشان كده نزلت اجيبلها الحاجات دى
لوجه الله تعالى والله يا بنات
فلو حد منكم حابب انه يشترى منها
مع العلم انها بتحط هامش ربح بسيط والله
وارخص كتير من تاجرات النت
يبقى ربنا يجازيكم كل خير
واللى مش حابب يا بنات طبعاااااااااااااااااااااااااااااااااا
ليكم مطلق الحرية ولو عايز اسعار الحاجة ابعتهاله على الخاص
انا بس حبيت اخد الثواب واقولكم والله
لو حد يحب يساند البنت دى معاناتها
واحنا كلنا اخوات يا قمرات
وربنا دايما يوقفلكم ولاد الحلال
الله يبارك فيكى يا قمرى
والموس على فكرة طلع مش كده سعرة ده اقل بكتير
ده انا كنت راجعة محولة ومش مركزة
والاسعار اللى بتقولى عليها دى فعلا جميلة مووووووووووووووت
بس تفتكرى هيتطلع عنينا فعلا فى الشحن
هندفع تمن الاصلى فى الشحن مش كده
هاهاهاهاهاهاهاهاهاهاها
بصى خلاص انا هقول للبنت دى على الموضوع ده واحنا نبقى ناخد منها
ايه رايك
واسكتى شوفت كومباكت بودر ماك نفس العلبة بالضبط شكلها كان واااااااااااااااااااااااااو
بس كانت غامقة معايا
لو نزلت تانى ولقيت درجة افتح هجيبها
لا حول ولا قوه الا بالله
ربنا يفك كربها ويصبرها يا رب
والله بجد ياريتنى كنت اقدر اساعدها واشترى منها بس للاسف انا من اسكندرية
بس بجد يا بنات ياريت كل اللى يقدر ياخد منها يعمل كده
هى حتى لو مش محتاجه فلوس ناخد الثواب انها تتشجع وتشتغل عشان تعرف ترجع لحياتها تانى
احنا بنصرف فلوس كتيرة اوى على الحجات دى يعنى مش هنخسر حاجه لو فيها كام جنيه زياده
ربنا يجازيكى خير يا نوجا على مساعدتك ليها وان شاء الله ربنا هيكافئك على اللى بتعمليه معاها ده
