sweet_toota;11052289:
ازيكم انا اللى زعل من موضوع البنت دى حمايا و بابا بس عادى يعنى هيعملوا اية و جوزى الحاجة اللى مزعلاه فى البنت انه كان نفسه ياخد ابنه معاه صلاة الجمعة قلتله متاخدها هى قالى لا خديها انتى خلاص
كتكت انا بردو استغربت انك اختفيتى امبارح بليل و قعدنا مستنينك انا و ميرو بس انا قلت خرجتى اية اللى حصل يا كوكو عيطى لية بس؟؟؟؟؟؟
لا انا حمايا الحمدلله عادي وكل الناس عادي وبالعكس عيلة جوزي اصلا بتموت في البنات واغلبهم بنات كتير ما شاء الله، بس بابا اللي متوقعتش منه خالص كده، اتغير اوي تفكيره عن زمان، اصلي كرهته في البنات زهق مني وجبتله العصبي، فحاسس ان البنت دي مأساة من الزمن :085::085::085:
انا يا ستي متفهميش لقيته فجاة قلب عليا وبيزعقلي وصوته عالي وانا قمت قايمة من قدامه وماشية لما لقيته كده وعيطت، قام اتنرفز زيادة وقعد يناديني وانا مش برد وبعدين لحقت نفسي ورديت عشان مش يفور اكتر والمشكلة تكبر لأنه بيكره الاسلوب ده، قلتله سيبني دلوقتي ومشيت بردو وجيت قعدت هنا، قام جاي ورايا وبيغلي وبيقولي تاني بتعملي نفس الحركة، مش بكلمك تمشي ومترديش وتسيبيني ومش عارفة اه يطاخ طيخ طوخ، وانا كل اللي بعمله بصاله كده ومذبهلة وبعيط ومتنحة وصعبان عليا نفسي وقلت كلمتين وبس وفضلنا كده باصين لبعض ومتنرزين وهو شغال وبعدين سابني وراح يكمل فرجة، وشوية ورجعلي تاني بيزعقلي وبيقولي انتي هتقضيها عياط يعني، وبعدين، قلتله والله لو عندك طريقة توقفه ياريت تقولي عليها، وانتي عرفتني كده وده اسلوبي، اومال عايزني ايه اقعد اضحك، لما الاقيك طلعت فيا فجأة كده وانا معملتش حاجة، فطبعا استفزيته اكتر وبردو شوية خناق كده ومشي ، وبعدين نداني قعدت شوية وكان الفيلم شغال ومش بنتكلم خااااااااااااالص ولا بنبص لبعض وطافي النور، وانا كل شوية ابص عليه كده ومنتظراه يصالحني او يقول اي حاجة ولما ملاقيش حاجة اعيط تاني بس في صمت عشان ميزعقش بكتم صوتي يعني وكويس ان الدنيا ضلمة عشان كمان بيتضايق اوي لما يلاقي عيني منفخة كده وورمت من العياط عشان بيكره العياط ده، وبيقولي دايما عاجبك كده، حلو اللي انتي فيه ده.
بس المهم قعدنا كده فترة وبعدين الفيلم التاني ابتدي يسقط وينام شوية ويرجع يصحي، وبعدين قام يلعب جيم وانا كملت الفيلم لوحدي، وبعدين قفلت التي في خالص وفضلت قاعدة فترة كبيرة اوي لوحدي علي امل انه يجي يبص عليا او يقول بقالها فترة والفيلم زمانه خلص بتعمل ايه، بس مفيش قمت رايحة المطبخ غسلت شوية حاجات وعديت من قدامه كده وهو ولا هنا، وبعد ساعتين تقريبا عصرت علي نفسي ليمونة وجيت قلتله عايزة الكمبيوتر، قاللي ليه هتعملي ايه، فسكتت، قلتله زهقت ومش لاقية حاجة اعملها، قاللي ما انا بسيبهولك بالساعات حبكت لما اجي اقعد عليه يعني، قاللي شوية طيب، قلتله ما انا بقالي ساعتين مستنية لوحدي، قلتله اه بقعد عليه كتير بس انتي مش بتبقي هنا، لما بتقي هنا مش بسيبك لوحدك كل ده، قاللي اه بكون بتفرج علي التي في، فسكت كده وقمت سيباه ورحت افتح تاني وطبعا مش طايقة وماليش مزاج بس هعمل ايه مفروسة وهطق والوقت اتأخر كمان ومش هعرف ادخل اسبقه وانام لوحدي هقعد اعيط تاني ومش هايجيلي نوم.
