شات بنات مصر لشهر محرم1431

طمطمايه حبيبتي انا جايه على شهر 4 بازن الله هكون في السابع وعاوزة اتابع عند حد كويس مع العلم اني من شربين جمب المنصورة لزالك بسال على حد في المنصورة

تيجى بالسلامه ان شاء الله ياحبيبتى انا بردو جيت فى اول السابع نا متابعه مع دكتور اسمه السعيد عبدالهادى وهو كويس وفيه محمد السعيد غريب بردو البنات بيشكرو فيه وفيه احمد بدوى وهشام شعلان دول اكتر اتنين مشهورين فى المنصورة بس طبعا لازم تحجزى قبلها بفتره طويله ومحدش بيرد على موبيلاته وكدة فهمانى عشان كدة مروحتلهمشى.

لودكتور عبدالمجيد فى ش النخله فى المنصوره عيادة سيدتى
ولو دكتورة ماجده البلى ممتازة عند محطة القطر عارفاها

طب جايز عندها مغص يا دموع شربيها كرويه ولا حاجه وبصى كدة فى جسمها جايز حاجه قرصتها

لودكتور عبدالمجيد فى ش النخله فى المنصوره عيادة سيدتى
ولو دكتورة ماجده البلى ممتازة عند محطة القطر عارفاها

عبد المجيد مشالى يا دموع ؟؟اسمه كدة اصل بابا قالى فى واحد صحبى اسمه كدة وكان عاوزنى اتابع معاه بس انا مسمعتش عنه فعشان كدة مرورحتلوش

الله يطمنكو يا بنات بجد بس اهم حاجه العيادات نضيفه؟ لان انا كنت هولد في الرياض بس اضريت انزل عشان اكون مع ماما

طيب وعندكو يا بنات في المنصورة بعد الولاده بتقعدي كام يوم في العياده

الله يطمنكو يا بنات بجد بس اهم حاجه العيادات نضيفه؟ لان انا كنت هولد في الرياض بس اضريت انزل عشان اكون مع ماما

ايوة طبعا عيادات نضيفه هو انتى ناويه تولدى فى عيادة؟

هو انتى عاوزة تولدى فى عيادة ليه يابنتى انتى تولدى فى مستشفى احسن وانضف وأأمن معدشى فيه حد بيولد فى عيادات اصلا قليل جدا لو الولاده طبيعى بتخشى الصبح تخرجى بليل لو قيصرى بتباتى ليله او اتنين على حسب حالتك يعنى

متعملي لماما زياره واولدي عندك اانضف يا بنتي وخلاص يعني الي في السعوديه مبيولدوش يعني متشحططيش روحك

انا ان شاء الله ناويه اولد هنا باذن الله هنا نضافه ورعايه بردو الولاده يا ستي اي حد بيولد دي الدااااايه كانت بتولد وعيال زمان كانوا زي الفل

متعملي لماما زياره واولدي عندك اانضف يا بنتي وخلاص يعني الي في السعوديه مبيولدوش يعني متشحططيش روحك

ليه يا مشمش بس خليها تيجى لو جوزها موافق ومفيش مشكله طبعا تولد هنا جمب اهلها احسن

لا يا طمطمايه انا بسال بحسب عندكو بتولدو في عياده

لا يا طمطمايه انا بسال بحسب عندكو بتولدو في عياده

لا فى مستشفيات يابنتى

انا برده مع مشمشمه تعملى زياره هنا احسن بكتير عن مصر
اه دكتور مشالى صح هو ياطماطم وبنتى شكلها عندها مغص ومش راضيه تشرب الينسون ابدا
ولا مافيش حاجه قرصتها ههههههههه
لو طبيعى ياسمر يوم واحد
ولو قيصرى تقريبا 3 ايام او اتنين حسب مالدكتور يقول

لا يا مشمش ماهيا ماما وبابا واخواتي اصلا مقيمين في جده وكنت هولد في الرياض وماما معايا بس حصل ظروف وماما مش تقدر تيجي ومش عاوزه اكون لوحدي فهولد وكده وبعدها بشويه هرجع انا وهيا

عارفه انا سالت دكتوره هنا عن حقنه التيتانوس عشان اخدها يعني قبل ماولد المفروض اخدهايف السادس يعني ضحكت وقالت لا مفيش الكلام ده هنا هنا نضافه لابعد الحدود ومش بنستخدم التطعيم ده لان مفيش مجال للعدوى من اساسه في مصر بئا اعتقد بياخدوها اغلب الستات

اممممممممممممم
كنت هقولك روحي اولدي في مستشفى الولاده في جده انا مولوده فيها تصدقي ههههههههههههههه
بس يلا خيررر سواء في مصر ولا يف الرياض ربنا يقومك انتي والنونا بالسلامه يارب

انا برده مع مشمشمه تعملى زياره هنا احسن بكتير عن مصر
اه دكتور مشالى صح هو ياطماطم وبنتى شكلها عندها مغص ومش راضيه تشرب الينسون ابدا
ولا مافيش حاجه قرصتها ههههههههه
لو طبيعى ياسمر يوم واحد
ولو قيصرى تقريبا 3 ايام او اتنين حسب مالدكتور يقول

بنتك اسمها ايه يا دموع وانتى شخصيا اسمك ايه؟:037:
انا من رايى مصر عند اهلها احسن نفسيا يابنتى عشان العقيقه والسبوع والناس والقرايب والفرحة بتفرق كتييييييييييييير بالذات اول بيبى يعنى

بس صدقوني الولاده في وسط اهلك في مصر احسن مليون مرة من انك تولدي لوحدك في الغربه وخصوصا الي هتولد اول مرة ومعندهاش اي خبرررررررررررة في معامله البيبي وكده وربنا يكرم بازن الله هنا او هناك

لو معاها اي حد من اهلها مش مشكله يا نسمه ان شاء الله ماما هتجيلي وتساعدي باذن الله هي شاطره يف تربيه العيال واقولكم بئاا حاجه
اولدوا بعيد احسن والله وبلاش عقيقات ولا سبوعات دلوقت عشان موضوع الانفلونزا ايل ماشي دلوقت غير ان البيبهات بردو الصغيره ممكن تتحسد في الحاجات دي وانا بخاف من الحاجات دي موت بس مسلماها لربناا وجوزي كمان كان خايف من الجيران والمعارف فقالي تعالي بعيد احسن ربنا يجبر بخاطرنا كلنا يارب اللهم امين

صح يا نسمه انا اصحابى الى جربو الولادة بره هما الى شجعونى ارجع مصر وجوزى اول واحد لانه كان شايف اخته كانت مقضياها عياط بعد الولاده واكتئاب وهيا لوحدها:(