شات بنات مصر لشهر محرم1431

هي ايه يابسبس

صباح الفل يا بسبس خير اية الحاجة دى؟

فى ايه يا ميكو مالك يا حبيبتى؟؟

ايه ايه يابسس

تعبانه يابسبس مخنوقه كده ومش بقدر اخد نفسي
بتنفس بعمق ومش عارفه اوصل للتنفس بردو او استريح

بصوا دلوقتى انا جوزى عايز يجيب تورتايه لباباه عشان عيد ميلاده

وهو كل ما نجيب حاجه يقعدوا يقللوا فيها ودا بيضايقنى يعنى نبقى دافعين ويضايقونا
يعنى جيبنا تورتايه فى العيد عشان يعنى لفته لطيفه من ابنهم انه فاكرهم وكدا

راحت مامته تقوله دى بقى حد جبهالك وانت جاى تجيبهالنا عشان ناكلها قبل ما تبوظ وتترمى
وطبعا دا مش صح لانه موصى عليها مخصوص ومختارها وحاجات كدا والله

وبردو فى رأس السنه هو لقى حاجات بابا نويل بتتباع فى الشارع فا قال انا هجيبها لبنت اختى تلعب بيها

وفعلا راح وجابها
راحت اخته تقوله ايه اللى انت جايبه دا لا لا دى اكيد افكار بسبس هى اللى تفكيرها غريب كدا


لا متشكرين احنا مش بتوع الحاجات دى


فا دلوقتى عايز يجيب تورتايه لابوه بيقولى شاف واحده وعجبته ب 80 جنيه

غير كمان خلاص حدد اننا هنعمل عزومه لابوه وامه واخواته الولاد الاتنين عشان اخوه جاى من السفر بكره ان شاء الله وكمان اخته وجوزها وبنتها

وعايز يجيب ديك رومى بقى وحوار

وانا قبل كدا عملتلهم عزومه والله كلفتنى 500 جنيه وطبعا بالنسبه لمصروف البيت دا كتير اوى اوى عليا

بصي يابسبس بالنسبه قله زوقهم المتناهيه ده يبقي ماتجابوش حاجات ليهم تانيه
اما بالنسبه للعزومه تتكلفي نفسك ليه وانتي اصلا تعبانه اولا من الحمل
ثانيا مش بيتمطر فيهم
موضوع تورته لبلباه ممكن يجبها وخلاص فرح بيه اهلا وسهلا مافرجش مافيش تاني لتورت وحلوياتو

وبعدين انا لما اصرف 600 جنيه فى يومين هكمل بقية الشهر ازاى؟؟



انا بصراحه مستخسره اجيب التورتايه والله مش بخل منى بس انا عارفه انهم مش هيقدروا حاجه زى دى يبقى اتعب نفسى واعملها ليييييييه؟؟؟

وبعدين العزومه انا صحيا دلوقتى مقدرش خالص عشان هعمل كميات اكل و هو بيطلب اصناف صعبه اوى وبتاخد وقت ومجهود ولازم كله يبقى تمام

انا مش عارفه اعمل ايه بجد

امبارح كنت بتكلم انى هظبطها اننا منعملش عزومات لقيته انهارده بيقولى اعملى حسابك هنعزمهم وحوارات كدا

انا شايفة ان ملهاش لازمة التورتة دلوقتى خليها الحلو بتاع العزومة و اهو منها احتفال بيه و منها الحلو و كمان ديك رومى لية انا قلتلك الافضل عشان متتعبيش انكم تجيبوا كام نوع سمك على جمبرى جاهزين و محدش مبياكلش السمك و الجمبرى و يبقى عليكى انتى الرز و خلاص و بدل ما تعملى الحلو جيبوا تورتة او جاتوه و تبقى بمناسبة عيد ميلاده و الحلو بتاع العزومة

مانا يا ميكو بقول كدا بس مينفعش اقوله مش بيطمر فى اهلك

انا قولتله الصبح ماحنا بنجيب ويرجعوا يقولوا انتوا شاحتينها وانتوا مش عارفه ايه طيب ليه نجيب ونحرق دمنا من الاول

والعزومه انا مقدرش عليها
قالى يا بنتى واحده واحده على نفسك وانا عارف انك شطوره وهتعرفى تظبطيها

قولتله انا صحيا مش هقدر قالى هساعدك ومش عارفه ايه

انا بينى وبينك مش فارق معايا التعب انا فارق معايا اننا حتى بعد ما هنعمل العزومه برددوا هيدونا كلمه كدا

يعنى العزومه اللى فاتت واخته قاعده تقول ايه بقى انتوا عاملينلنا العزومه دى عشان اللحمه اللى عندكو متترميش
قولتلها ليه يعنى وانا هغلب فى اللحمه؟؟ ماحنا هناكلها ولو مش كدا فى مليون حد نعزمه ببس احنا كنا عايزين ان البيت كله يتلم سوا

بس حسيتها بردو معندهاش دم يعنى انا واقفه اعمل فى الاكل كل دا وفى الاخر تقوليلى مش عارفه ايه

انا شايفه انها تعبانه والمفروض ماتعملش حاجه عزومه ايه وهي علي وش ولاده
يعني مصاريف وتعب وكمان مايقدروش
اعملي نفسك عندك مغص فظيع

sweet_toota;11009103:
انا شايفة ان ملهاش لازمة التورتة دلوقتى خليها الحلو بتاع العزومة و اهو منها احتفال بيه و منها الحلو و كمان ديك رومى لية انا قلتلك الافضل عشان متتعبيش انكم تجيبوا كام نوع سمك على جمبرى جاهزين و محدش مبياكلش السمك و الجمبرى و يبقى عليكى انتى الرز و خلاص و بدل ما تعملى الحلو جيبوا تورتة او جاتوه و تبقى بمناسبة عيد ميلاده و الحلو بتاع العزومة

العزومه هتبقى الاسبوع الجاى وباباه عيد ميلاده بكره

ومش هينفع نعمل الاتنين سوا

وبعدين هنا مفيش حد بيبيع سمك وجمبرى حلو وحاجات من دى

وبعدين هو عايز يوريهم شطارة مراته

قولتله بعد ما مراتك تولد هتوريك شطارتها
قالى لاااااااااا هيكون اخويا سافر وانا عايز دلوقتى

ايه قله الزوق بتاعه اخته ده
ايه اللحمه ماتتمرميش
مش عارفه اقولك ايخ خساره فيهم والله اي حاجه
يعني تعبانه وتتكلفي نفسك وبعدين مايترمش فيهم ويقلو ادبهم
بدل مايشكروكي

مغص فظيع امتى بقى؟؟؟ يعنى افضل عندى مغص من يوم ما يجى اخوه لغاية لما يسافر

اقعد عندى مغص 45 يوم؟؟؟؟؟؟؟؟؟؟؟؟؟؟؟؟

تعبانه ومش قادره اقف والدكتور منبه عليا ماعملش اكل ولا اقوم اصلا والمفروش انت خايف علي ابنك

ايه المشكله انقباضات الرحم
ان شاء تروحي للدكتور وهو الدكتور هايقولي لازم الراحه التامه

ما دا والله اللى مضايقنى

بس انا جوزى بيقولى هما لازم يقولوا كدا عشان ميحسوش انك احسن منهم وميحسسوكيش بكدا

قولتله اخته دى معندهاش زوق اصلا

قالى هى بتتغاظ خلاص عرفتى بقى ريحى دماغك منها

يبقى متعمليش حاجة يا بسبس بلاش هبل دول معندهمش زوق و محدش هيقدر تعبك و بعدين انتى خلاىص فى الاواخر و مش اد المجهود دة

والله يا ميكو مش عارفه خالص
انا والله اللى حارق دمى بس التعليقات السخيفه والحاجات دى بتضايق اوى

وكأنى كل مجهودى على الارض

والله يا توتا انا عارفه بس عايزه ارضى جوزى كمان وكدا عشان مزعلهوش وهو عايز يفرح بقى انه له بيت ومتجوز ومراته شاطره وبنعمل عزومات وكدا ومش عايزه اكسر بخاطره

بس لو عزمتهم وحد نطق بكلمه هشتمه