tassnime;10879819:
:(العناد وقلة الاكل و اخطر شي انها تهد كل العابها و تتعبث في يد او ويه اختها النونو اللي عمرها شهرين
بسمة أطفالي;10881871:كم عمره ؟؟ اذا اشهر ان شاء الله يكبر ويعقل :adore:
*ام وسام*;10885164:
اعتقد انه واضح في التوقيع ... بس معقول ما اتعرفي عمره يا بسومة :mad:
ماكنش العشم ... وكيف بس بفكر احمل وهو عمره شهور ,,
وسام عمره 3 سنوات و3 شهور
ماما حسون;10888314:
الكبير
لما يحط دوبه ودوب اخوه ما يبغيه يلعب او وياه او يقعد وياه ، او لما يشوش اخوه على شي ويطلع هو البرئ <<< سوسه هههههههههههههههه
وطبعا اصراره على مواقفه في بعض الاحيان
وحساسيته ساعات بسرعة يتأثر لأي كلمة او تصرف ويقعد يصيح انتوا ما تحبوني :thumbs_down:
ايي بعد نسيت تعلقه بالاطفال يعني عندي حماتي عايشة برا البحرين واذا تجي البحرين تنزل في شقة في بيت عمي وهي عندها اولاد اكبر من اولادي بس حسون متعلق فيهم وااايد واذا يجون كل لاصق فيهم واكره ما عندي لين يسحبهم يجيبهم الشقة ويقعدون يعفسون ، ومتعلق بعد بخواتي الصغار ( بما انهم الاحفاد الوحيدين في بيت ابوي يعني ما في يهال هناك الا خواتي الصغار ) فاذا نروح بيت ابوي ما نطلع الا بالغصب والصياح يبغون يباتون هناك خخخخ
الصغير
الله يعيييني علييييه :hysterical::badly:
حررررررررررررررررركي ما شاء الله عليه وما يخلي شي ما يتعبث فيه ما ظل شي في البيت صاحي سواء اثاث او العاب آآآآآآآآآآه منه مطفشني وفوق هذا كل يبغي يلعب مصارعة مع اخوه في البيت ويقعد يعض في اخوه وفي بيت عمي يبي يلعب مصارعة مع الصبيان الكبار 8o|
مادري بس بشكل عام ولدي الصغير واااااااايد تعبني في تربيته من صغره كان حركي ونومه قليل وما شاء الله عليه بسرعه انقلب وبسرعه قعد وبسرعه حبى وبسرعة مشى كان مستعجل على العفسة والشطانة هههههههههههههههههه
الله يخليهم ويهديهم ان شاء الله
مساكين حطيت عليهم وايد خخخخخ :struggle:
الله يخلي الحلوين باين الكبير ماشاء الله شعبي
والصغير كانش توصفين بنتي الكبيرة مستعجلة على كل شي وفي الاخير طلعت حركية ولسانها طويل هههه
والله يساعدش لما اجيبي الثالث :-#
&*أم علي*&;10894012:
انا اكثر شي متعبني في ولدي حركته الزايدة وعناده عنيد بشكل فظيع حتى بالحيلة ما يفيد معاه يغلبج في الكلام ما ينقص عليه
ونفس ولد ماما حسون يلعب مصارعة مع اخواني الكبار ومع ابوه وهم ما يرضون مسكين عنده نشاط يبغي يطلعه
"نسمات";10894035:
قلة النوم بالليل .. يعني كل يوم اروح الدوام او وجهي سايح
بنت الاصايل;10878049:
اشوف الشكاوى من الأمهات مساكين بزودها على الأكل والعناد..
انا مابي أحسد معصومة الحمدلله مووو متعبتني مثلات بعض اليهال بس لو خليت لخربت.. كل ياهل عنده طبع غير شكل..
عصوم ما شاء الله عليها طيبة وبريئة وهادية بس فيها بعض الخصال اللي ساعات تطفشني>>>شي طبيعي!
ما تحب تتمشط او تلبس ثياب الا اذا نبي نطلع مكان هي تحبه ومتحمسة له.. اما بالبيت الكشة قايمة على طول تتضايق من الخرز والريش.. هي شعرها حرير بس من النوع اللي يكش لأنه خفيف!
وبسرعة تتضايق من بعض الثياب.. تبي دوووومها شي فضفاض ومرييييح وما فيه خراخيش..
الجواتي لازم اللون اللي تحبه تلبسه مووو اللي يناسب.. أقنعها ان مثلاً ثيابج أحمر لازم تلبسين أحمر تقول لي لا ماما مو حليو امبي الوردي ههههههه
اذا رحنا سوبرماركت لازم تنط على الكاونتر صوب العلوج تشيل منه يااااحبها حق العلوج والحلاوة.. واذا فكرنا نمنعها تفضحنا..
مشكلة ثانية..
هي تحب ترسم وتخربش وااااااااااااايد.. طبعاً كله شخوط رسماتها.. تجي تقول لي ماما ارسميلي تفاحة.. ارسم لها بعد تبيني أرسم لها كل شوي أتملل صج ساعات أكووون مشغولة وهي ما تسكت لازم أرسم لهااااااااااا..
فيها حنة..
اذا تكلمني واكون مشغولة تعيد الكلام مليوووون مرة ليييين التفت لها واجاوبها ما يكفيها اني أهز راسي لها...
وآخر شي..اللي هو
لصقة في اليهال والناس اللي تحبهم يعني لين شافتهم ما تشبع تبي تقعد وياهم على طول واذا بيطلعون وراهم وراهم لازم تبي تروح وياهم وهالشي يسبب لها نوبة صياح قوية لين منعناها وهي ما تفهم ان هالشي ما يصير على طول..
هذا بشكل عام اللي فيها والا هي عسل..
منوى;10896527:
متعبني ولدي من نواحي كثيرة
أكله قليل حركته كثيرة
عفيس
عندهصفةالأصرار يصير على الشيء اذا يبيه و لايتناااااازل يتم يصيح و يزن
اريج;10899486:
موضوعك حلو اختي
جاني على الوتر الحساس
بنتي الكبيره عنيده ومابي ااكلها تبي تاكل لحالها وتغرق ملابسها بالاكل والعصاير وياليت لو تاكل
كله لعب في لعب
مجننتني في سالفة الاكل
والصغيره
ولا تشرب بالرضاعه ولا تشرب ماي ولاتشرب عصاير ماتبي غير ترضع طبيعي وانا حليب بكثره ماعندي
اخاف عليها يصيرلها شئ
الله يعينا على تربيتهم ويرزقنا برهم وحبهم
بسمة أطفالي;10860669:اكيد عمرها اقل من سنة !!
بنتي عمرها سنة ونفس الوضع آآآخ منها الله يهديهم بس :-o
&*أم علي*&;10917961:
اخ يا بسمة ولدي متعبني في سالفة وهو انه يمد يده ما ادري شصاده
من احد كبير يقول له لا او يمنعه عن شي رفع يده وساعات يضربه مفشلني والله