تجمع بنات مصر فى ركن العناية بالشعر الجزء الثالث عشر لشهر محرم1431

الحب هو الحياة;11003592:
ازيك ياقمرة عاملة ايه منورة التجمع
بالنسبة للقشرة هاتى شامبو بروتى كير ده طبى وحلو جدا والكل بيشكر فيه وبيدى الشعر حيوية ولمعة والقشرة بتخف وكمان هاتى بلسم هير كير بالفروالة لو شعرك جاف حيبقى حلو الشعر والهيشان حيقل حبة فى اخر شطفة بعد البلسم حطى معلقة خل تفاح على ازاة لتر مياه بس باردة وتحطى على فروة الشعر والشعر كله كاخر شطفة خل التفاح بيقوى الشعر وبيمنع القشرة وريحته حلوة
بالنسبة للزيوت لما تجيى تعملى حمام زيت حطى عليه حتة زبدة متسيحة ومعلقة عسل الشعر حيلم جامد من الهيشان واى سوال معاكى ياحبى :087:

شكرا يا حب انا عارفة انا كدا تعباكى دائما
علشان المخالفة لو انا عايزة اعمل كورس لشعرى قبل الفرح ابدأ من امتى و اعمل ايه؟

seymaa;11013479:
شكرا يا حب انا عارفة انا كدا تعباكى دائما
علشان المخالفة لو انا عايزة اعمل كورس لشعرى قبل الفرح ابدأ من امتى و اعمل ايه؟

لاتعب وعلى حاجة اسالى ياحبيبتى فى اى قسم يعجبك وربنا يسعدك يارب :087:
بالنسبة النتيجة فيه ناس بتاخد معاها وقت وناس لا المهم الغذاء الصح
ابداى الكورس من بكره حضرى ورقة وجهزى طلباتك زى شامبو وبلسم وحمام كريم ومكونات حمام الزيت 4 انواع زيت وخل تفاح وكريم تصفيف وانزلى اشترى وابداى على بركة الله

الحب هو الحياة;11013533:
لاتعب وعلى حاجة اسالى ياحبيبتى فى اى قسم يعجبك وربنا يسعدك يارب :087:
بالنسبة النتيجة فيه ناس بتاخد معاها وقت وناس لا المهم الغذاء الصح
ابداى الكورس من بكره حضرى ورقة وجهزى طلباتك زى شامبو وبلسم وحمام كريم ومكونات حمام الزيت 4 انواع زيت وخل تفاح وكريم تصفيف وانزلى اشترى وابداى على بركة الله

و الله انا مش اهتم بيه و لا ايه الفرش و لا حاجاتى و الشعر و البشرة ربنا يعنى
علشان المخالفة
لو فى حاجات انتى مجربها ياريت تساعدنى فى وصع اللستة
جزاكى الله خيرا ان شاء الله

seymaa;11013614:
و الله انا مش اهتم بيه و لا ايه الفرش و لا حاجاتى و الشعر و البشرة ربنا يعنى
علشان المخالفة
لو فى حاجات انتى مجربها ياريت تساعدنى فى وصع اللستة
جزاكى الله خيرا ان شاء الله

ربنا يقويكى ياقمرة
الشامبو بروتى كير البلسم هاتى هير كير بس نوع مناسب لشعرك
حمام الكريم بوناويل بالمشمش او جنين القمح
الزيوت زيت زيتون وخروع وزيت لوز حلو وزيت جوز هند لو شعرك جاف او زيت سمسم
خل التفاح من اى ماركت اى نوع هاتيه
كريم تصفيف فيه ايفا بالعسل حلو جداو دابر فاتيكا او دابر املا
واى سوال معاكى ياقمرة

وحراز ده فين اليكس ولا كايرو؟

ومتعرفوش الاقيه عند رجب العطار أو لأ؟

safa34;11013683:
وحراز ده فين اليكس ولا كايرو؟

ومتعرفوش الاقيه عند رجب العطار أو لأ؟

حزار ده فى القاهرة ولو تقصدى المشاط مش موجود غير عند حزار بس

ايوه اقصد المشاط هو حراز فين في القاهرة معلش لو بتقل عليكي بالاسئلة

safa34;11013810:
ايوه اقصد المشاط هو حراز فين في القاهرة معلش لو بتقل عليكي بالاسئلة

ولا يهمك ياحبيبتى اسالى زى ما يعجبك
المركز الرئيسى فى القلعة 15 ش احمد ماهر باب الخلق
القلعه 1 ميدان باب الخلق

ام نغم(ندى);11013050:
شكرا ليكى مياده وياريت تقولى لنا على النتيجه بتاعت المشاط

انا لسه حطاه في شعرى دلوقتى من ساعه فاضل اربع ساعات بكره هقولكم النتيجه

DR.smsema;11013336:
السلام عليكم يا بنات عندى كام سؤال 1- هي ايه عشبة السدر دي ومنين اجيبها سألت عليها مش عند حد
ونفسي اعرف بتتباع فين
2-عايزة الحق شعري قبل الفرح اغذيه واديله منظر صحي ولمعة واذا طول ماشي :03:
بس ياريت تقولوا لى على حاجات في متناول الايد متوفرة اقدر اجيبها مش ادو عليها :091:
وربنا يكرمكم بس ردوا علي بسرعة

انا جبت عشبه السدر فيه بتبقي مطحونه بودره وفيه بتبقي ورق انا جبت الورق وكنت بغليه و اعجن بيه الحنا
بلنسبه لتغزيه الشعر فيه زيت دابر املا الاصلى مش المصرى المضروب
وهتلاقيه في الصيدليات الكبيره زى العزبي
وعندك زيت ترشوب بيطول الشعر و بيمنع التساقط وبيتقله
وفيه المشاط بقي لسه هجربه واقول النتيجه

نواره2005;11013440:


مياده انتى جايبه المشاط ليه ولما تعمليها عرفينا الاخبار

المشاط عشان تطويل وتكثيف الشعر ومنع التساقط يعنى علاج لكل مشاكل الشعر
وهعرفكم بلاخبار

safa34;11013683:
وحراز ده فين اليكس ولا كايرو؟

ومتعرفوش الاقيه عند رجب العطار أو لأ؟

المشاط مش موجود عند اى عطار في مصر كلها غير عند حراز
مش هتعرفي تروحى حراز اشتريه من اى تاجره على النت في فتكات

AnNoSha;11013595:

ميرسى ياحبيبه قلبى ربنا يكرمك يارب انتى الاحلى

يابنات شعرى بيوجعنى اوى اوى اوى من الجذوز كدا راسى نفسها من ادام مش قادره حتى احط ايدى عليه ايه الحل غير انى احط مرهم بانثينول عليها

الف سلامه عليكي
انتي شكلك سرحتي شعرك على ادام او غيرتي اتجاه شعرك في التسريح ودا اللي عملك الوجع
انا لما بسرح على ادام و اربطه او ارفع شعري لفوق مكان ما اربطه يوجعني كتير ومش بكون قادره اسرحه ودي مش محتاجه لا تحطي بانثينول ولا غيره هي هتروح لوحدها
زي ما تكوني عامله رياضه ويجيلك شد عضل ملهاش علاج غير الراحه انتي ريحي شعرك ومش تسرحيه ولا تغسليه سبيه على الاتجاه اللي بيريحه على ورا وان شاءالله يومين وكله هيرجع زي الاول

DR.smsema;11013336:
السلام عليكم يا بنات عندى كام سؤال 1- هي ايه عشبة السدر دي ومنين اجيبها سألت عليها مش عند حد
ونفسي اعرف بتتباع فين
2-عايزة الحق شعري قبل الفرح اغذيه واديله منظر صحي ولمعة واذا طول ماشي :03:
بس ياريت تقولوا لى على حاجات في متناول الايد متوفرة اقدر اجيبها مش ادو عليها :091:
وربنا يكرمكم بس ردوا علي بسرعة

السدر موجود عند كل العطارين ده انا اشتريته من عطار صغير عادي خالص وندمت كتييييييييير علشان نشف شعري وخلاه هايش وضعيف وبيتكسر مش عارفه ليه مع اني مش استعملته لوحده كده انا حطيته علي الحنه (بس مش غليته زي مياده انا حطيته بودره زي ما هو )

AnNoSha;11016325:

ميرسى يانوشه ياقمر ربنا يكرمك يارب هوه كدا بالظبط جبته كله لادام وعملته كحكه هههههههههه كان عندى ارسال مباشر باين:08: واجارك الله لسه بفك شعرى كنت بصوووووت:040:

هههههههههه عادي منا بعمل كده بردو بس انتي مش تشدي شعرك اوي خليه على راحته لان الشعر متعود انه يكون على ورا لما تشديه ادام وتربطيه بيغير اتجاه المنبت وبيعمل وجع لو عايزة تعمليه لادام اعمليه بس مش تربطيه جامد ولا تشديه مش هيعملك وجع ان شاءالله

توتي هوا المشاط ده مياثر علي لون الصبغه ؟ اصل انا شاكه يكون في نسبه حنا وحنا مع صبغه احلي شغل فاكنت عايزه اعرف تاكيد المعلومه ديه وعايزه اعرف اخباره ايه معاكي وبتحسي بسقعه جامد زي الحنا؟

مفيش حل يا بنات للشعر النتقصف غير القص ؟
مش هاين عليا اقص شعري بس تعبان اوي وهايش ومبهدل من التقصيف مش عارفه اعمل ايه

مرمر 10;11017185:
مفيش حل يا بنات للشعر النتقصف غير القص ؟
مش هاين عليا اقص شعري بس تعبان اوي وهايش ومبهدل من التقصيف مش عارفه اعمل ايه

للأسف مفيش حل غير القص
ولازم بقى بعد كده تداومى على حمام الكريم
وماتلفيش شعرك كعكة عشان بتقصف الشعر

Eng. BoB;11017250:
للأسف مفيش حل غير القص
ولازم بقى بعد كده تداومى على حمام الكريم
وماتلفيش شعرك كعكة عشان بتقصف الشعر

مشكره اوي يا حبيبتي علي ردك
بس كان نفسي حد يضحك عليا ويقولي اي حل غير القص :091:
طيب انا شعري يا بنات لحد بعد كتفي بشويه كده هجتاج اقص الاطراف من تحت خالص بس حته صغيره ولا لازم اقص كتير من شعري ولا الكوافيره هي اللي هتحدد ولا ايه ؟
وانا اه دايما عامله شعري كعكه علشان منظره مش يتسيب اصلا بس اول مره اعرف ان الكعكه بتقصف الشعر .
وياريت تقولوي حمام كريم كويس وكريم تصفيف كمان علشان انا زهقت من كازانوفا وعاوزه اغير

مرمر 10;11017323:
مشكره اوي يا حبيبتي علي ردك
بس كان نفسي حد يضحك عليا ويقولي اي حل غير القص :091:
طيب انا شعري يا بنات لحد بعد كتفي بشويه كده هجتاج اقص الاطراف من تحت خالص بس حته صغيره ولا لازم اقص كتير من شعري ولا الكوافيره هي اللي هتحدد ولا ايه ؟
وانا اه دايما عامله شعري كعكه علشان منظره مش يتسيب اصلا بس اول مره اعرف ان الكعكه بتقصف الشعر .
وياريت تقولوي حمام كريم كويس وكريم تصفيف كمان علشان انا زهقت من كازانوفا وعاوزه اغير

معلش يا جميل . كلنا وقعنا فى المطب ده كتير:039::039:

بصى هى الكوافيرة هى اللى هتحدد الطول المتقصف اللى لازم يتشال

انتى ممكن تلمى شعرك تعمليه ضفيرة واسعة عشان يبقى ملموم وفى نفس الوقت مش يتقصف

حمام كريم ويلى حلو وجارنييه فروكتز حلو ... وفى بنات بتشكر فى بوناويل ولوريس بس انا ماعجبونيش بس طبعا بتفرق من شعر لشعر

كريم تصفيف لو شعرك تقيل خليكى فى الكريمات التقيلة زى بالمرز وكازانوفا .. لو شعرك خفيف شوفى ايفا بالعسل أو دابر أملا

Eng. BoB;11017375:
معلش يا جميل . كلنا وقعنا فى المطب ده كتير:039::039:

بصى هى الكوافيرة هى اللى هتحدد الطول المتقصف اللى لازم يتشال

انتى ممكن تلمى شعرك تعمليه ضفيرة واسعة عشان يبقى ملموم وفى نفس الوقت مش يتقصف

حمام كريم ويلى حلو وجارنييه فروكتز حلو ... وفى بنات بتشكر فى بوناويل ولوريس بس انا ماعجبونيش بس طبعا بتفرق من شعر لشعر

كريم تصفيف لو شعرك تقيل خليكى فى الكريمات التقيلة زى بالمرز وكازانوفا .. لو شعرك خفيف شوفى ايفا بالعسل أو دابر أملا

كلامك كله تمام بس الضفيره بتعمل تموجات للشعر وعن تجربه
وكريم ايفا دهني اكتر من فاتيكا وبيلزق الشعر
بالنسبه لكريم ويلي لو عندك صورة ليه وريهالي وعايزه اعرف عبوة كام وسعره كام (: