رابطة امهات واطفال مصر لشهر محرم 1431 ....... كل عام وانتم بخير

http://forums.3roos.com/showthread.php?t=506260

افيدونى افادكم الله

دودى حمدالله على سلامتك والف مبروك بصى موضوع الصفرا ده متقلقيش ابنى كانت عنده بنفس النسب بالظبط والله نفس اللى حصل مع ابنك والدكتور كتبله لبن صناعى ومنع الرضاعه الطبيعى ومكتبلوش ادويه خالص والمد لله النسبه قلت لغايه مانزلت لان الدكتور قالنا ان النسبه مدام موصلتش ل14 يبقى مفيش خوف ان شاء الله يبقى كويس متقلقيش ان شاء الله ربنا يطمنك عليه

ما هى أعراض صفراء حديثى الولادة؟

يجب أن يراقب الأبوان طفلهما جيداً بعد العودة من المستشفى بعد الولادة. (كثير من المستشفيات تطلب من الأم أن تعود بالطفل للكشف عليه بعد بضعة أيام من الولادة حيث أن هذا هو الوقت الذى تظهر فيه صفراء حديثى الولادة.)
اصفرار لون الجلد هو أوضح العلامات لصفراء حديثى الولادة. يبدأ الاصفرار من الرأس حتى يصل إلى القدمين. كثيراً ما يظهر الاصفرار بشكل أكثر فى بياض العين وتحت الأظافر. لاختبار وجود صفراء حديثى الولادة، اضغطى برفق بإصبعك على جلد طفلك ثم ارفعى إصبعك، إذا كان الجلد مصفراً، فاحتمال أن يكون طفلك مصاباً بصفراء حديثى الولادة.

من الأعراض الأخرى التى يجب أن تلاحظيها:

* عدم الرغبة فى الأكل.
* انخفاض مستوى نشاط الطفل.
إذا لاحظت أية أعراض، اتصلى بطبيب الأطفال على الفور. سيكشف الطبيب على طفلك وسيطلب عمل تحليل دم لأنه أدق طريقة لمعرفة مستوى البليروبين.

ما هى طريقة العلاج؟

سيضع الطبيب عدة عوامل فى الاعتبار قبل تحديد نوع العلاج. رغم أن صفراء حديثى الولادة الخفيفة كثيراً ما تختفى من نفسها خلال أسبوع أو أسبوعين، إلا أنه يمكن علاجها فى البيت بتعريض الطفل لأشعة الشمس.
يجب أن تتوخى الحذر جيداً وأن تتبعى تعليمات الطبيب بدقة حيث أن جلد الأطفال يمكن أن يصاب بسهولة شديدة بحروق الشمس.
عرضى ذراعى الطفل وساقيه فقط لأشعة الشمس فى الصباح الباكر لمدة 5 إلى 10 دقائق حيث تكون أشعة الشمس غير قوية. (إن تعريض الطفل للشمس مرتين، فى كل مرة 5 دقائق أفضل من تعريضه 10 دقائق فى المرة الواحدة، حيث يحد ذلك من تعريض الطفل المستمر للشمس.) قد ترغبين فى تغطية رأس الطفل بقبعة بيضاء لحماية رأسه من الشمس.
إذا لم تنخفض نسبة البليروبين، فغالباً ما سيحتاج طفلك إلى علاج ضوئى، وهو استخدام لمبة فلورسنت معينة تبعث أشعة فوق بنفسجية ذات طول موجات معين. العلاج الضوئى متاح فى المستشفيات التى تحتوى على حضانات.
بما أن هذه الإضاءة قد تكون ضارة بعين الطفل، يجب أن يتم تغطية عينى الطفل باستمرار. إن ضوء الفلورسنت الموجود فى البيت لا يفيد.
من الضرورى كذلك زيادة كمية السوائل للطفل وقد ينصح بعض الأطباء بزيادة عدد الرضعات، وفى بعض الأحوال يطلبون من الأم التى ترضع طفلها رضاعة طبيعية أن تضيف رضعات صناعية. الجلوكوز لا يعالج صفراء حديثى الولادة ولا يجب أن يعطى.
إذا استمرت صفراء حديثى الولادة رغم ذلك لمدة أطول، قد يعنى هذا أن الطفل يعانى من حالة أخرى يجب أن يتم تشخيصها. لكن فى أغلب الحالات يقوم العلاج بحل المشكلة سريعاً وتستمتع الأم بمولودها الجديد.

معلومة مهمة
هناك نوع نادر من صفراء حديثى الولادة يسمى "الصفراء المرتبطة بالرضاعة الطبيعية"، ويكون سببها هو لبن الثدى. عادةً تشخص هذه الحالة عن طريق إيقاف لبن الثدى لمدة 24 ساعة واستخدام اللبن الصناعى بدلاً منه. إذا انخفضت الصفراء، فإن الطفل يعانى من الصفراء المرتبطة بالرضاعة الطبيعية. ينصح بعض الأطباء بأن تتوقف الأم عن الرضاعة الطبيعية وتحل محلها الرضاعة باللبن الصناعى إلى أن تختفى الصفراء.

يا بنات هو لبوس الجلسرين بيوجع الاطفال اصلى حطيت لزوزو واحده وعمال يعيط

لا يا سالاد مش بتوجع خالص بس اللبوسة بتعمل انقباضات علشان يعمل بيبى فتلاقيه بيعيط من كده..هو بدأ ياكل ولا لسه؟ممكن الاكل يعمله امساك

DodyCat;11043572:
السلام عليكم
أدعولى قوى الولد تعب تانى ونسبة الصفرا علية وعايزين يودوه المستشفى تانى حد حصله كده؟؟
لو حد عنده خبره بالموضوع يطمنى
النسبة كانت 12 نزلت ل 9 ورجعت طلعت ل 11 تانى انا منهاره ومش قادره اتخيليبعدوه عنى تانى

والله يا دودي انا كمتن يوسف لما اتولد الصفراء كانت عالية وصلت ل 13.4وطبعا كان جو رعب بس مرحش مستشفي او حاجة اخد فيتامين ينشط الكبد بس انا قلقانة دلوقتي لان لون اصفر اوي

سالى ازيك عامله ايه واخبار الحمل ايه وحمودى عامل ايه دلوقتى ربنا يطمنك عليه دايما يارب الواد العسوله ده

زيزو بدأ ياكل انا كنت بديله هيرو بيبى بس قلت اغير واديته سيريلاك بس الواضح انه عمله امساك تقريبا لانه من يوم ما كله معملش كيكي

البرج اليسير لازم تودى ابنك لدكتور مدام لونه اصفر زى ما بتقولى وبعدين النسبه عاليه ربنا يطمنك عليه يارب ويشفيه هو وكل اطفال المسلمين

اه نسيت اقولك عن السؤال الل كنتى بتسالى عنه عن الطهاره ابنى برده كده والدكتور قالنا يومها انه سايب الجزء ده عشان لو العضو وقف وقال انه قاسه وقالنا منقلقش ممكن تطمنى برضه وتوديه لدكتور

على فكرة جنى برضه كان عندها الصفرا
وودتها لدكتزر ادانى دوا كان تقييييل جدا عليها خلى البت اتسطلت وخوفت تكون حصلها حاجة
وبعدين روحت لدكتور تانى قالى متديهاش اى حاجة وكل شوية رضعيها كل ما تعوز ترضع رضعيها ولو عايزة تنام سيبيها تنام
ولو النسبة زادت حندخلها حضانة
المهم انا عملت كدة وكنا حندخلها حضانة لقينا خلال يوم ىالنسبة بتقل فمدخلنهاش الحضانة

الووووووووووووووووووو

.....................................

بنات الجروب بتاع الفيس بوك بتشتركوا فيه ازاى

ازيك يا فراشة بتنطى الحبل انتى و النونو

ههههههههههههه

ازيك يا توبى عامله ايه


شويه ترفيه

وبعدين ده انا لوحدى مش انا والنونه هى ورايا ورايا

انتى بتبعتى رساله لبنات هنا فى عروس بس مش فاكره هما مين والله

اسالى فى تجمع الحوامل هايقولولك

يعنى بتلعبى لوحدك وتسيب النونو هى ولد ولا بنت واسمها ايه و
عندها اد ايه

مدموازيل ريم

عندها 8 شهور وايام

صحيح انتى اسمك ايه

اسمى منه وعندى محمد سنتين
ريم بتعملى معاها ايه دلوقتى اكلتيه طبعا

انا بحب اسم منه اوى


ريم اه طبعا اكلتها من زمان

دلوقتى باكلها كل حاجه بس ساعات بتغلس فى الاكل شويه


انتى منين يا منه



على فكره انا اسمى فاطمه