رابطة امهات واطفال مصر لشهر محرم 1431 ....... كل عام وانتم بخير

ما كنتيش قلتيله كده ان محدش سال
قوليله اي حاجة تاانية متحطيش البنزين على النااااااااار

يعنى هوة عاوز مراتة من غير كرامة


معلش يا سمسمة هسهرك :(


وانتى من اهلو ياموها

ولية يتخانق معايا اصلا
لية ميوقفش وقفة حق
يقول لاهلو كسفتونى ادام مراتى وهلها

لااااااااااا حبيتي هو مش عايزك من غير كرامة
لكن هو يقدر يجي عليك لانك تستحمليه
لكن ميقدرش يجي على اهله ويكسب غضبهم وعدم رضااهم
انا سهرانة متقلقيش معااااااااك
بس مش تبصي للموضوع بغضب لانه مش حيحل وحيديق الموضوع
وانت معلش غلطانة تقولي لاهلك كده الموضوع حيشعلل خااالص وحتحمل الاسر ضغائن
وانت في النهاية حترجعي لجوزك وتتصلحي لكن هم حيفضل باصين لبعض بكره

لا يا توتى... جوزك بيحب اهله اوى
وممكن يكون بيقولهم كدة من وراكى بس شكلهم بيسخنوه عليكى

وبعد كدة يا توتى معتيش تقولى لجوزك اى حاجة عن اهله وحشة
ولما تكونى متغاظة منهم تعالى فضفى هنا ومتقوليش برضه لاهلك عن كلامهم

http://forums.3roos.com/showthread.php?t=503849

انا والله مش عاوزاة يكسب غضبهم
بس مش عيب لما يلاقي اهلة غلط في حاجة يلفت نظرهم
يعنى بلاش اى حاجة بس انا لفت نظرة كتير جدا ان محدش منهم بيتصل بطمن عليا ولا على البنت
يوم الجمعة اللى قبل امبارح اخر مرة فضلو ماسكين البنت تعبانة بردو روحت واخداها للدكتور السبت علشان يرتاحو وطبعا الحمد لله مفيهاش حاجة وبلغتو قلتلو انا روحت والبنت زوى الفل اتصل بيهم وهو معايا على النت قالهم مايا كانت عند الدكتور وكدة ومفيشششششش ولا حد قال اية الف سلامة مالها ولا حاجة ولا الدكتور قال اية ولا اى حاجة
وبعدين والله امبارح متفتحش اى كلام خالص خالص عن اى حاجة حصلت غير انة سئل روحتى هناك قلتلة لاء محدش اتصل بيا وانا مش هقدر اروح من غير مايتصلو اعد يزعق ويقفل في وشى السكة
وبابا انهاردة جاى بيزعقلى انة لية انا شيلة منهم من غير سبب كدة قلتلو لاء بسبب كذا وكذا علشان بابا من يوم ما اتخطبنا موقفلوش مرة واحدة حتى ودة اللى خلاه هو واهلو يعملو اللى في اخرهم
يعنى حماتى قبل كدة وانا حامل نزلتلى بيتى وقعدت تهزق فيا وانتى اهلك معلموكيش الاصول وانتى اعدة عند اهلك من خير ابنى طبعا امى وابويا اللى بيصرفو عليا طالما في بيتهم وهو مبيدفعش مليم وبردو ماما مقلتلهاش لية كدة حتى سكتت ومدخلتش وجوزى كان هيطلقنى وقتها علشان مكنتش عاوزة اطلع عندها بعد الكلام دة

والله ما عارفة اقولك ايه توتى ربنا يهديلك الحال ويصلح الامور بينكم
ويزيح عنكم الهم ويفك كربكم ويجمع ما بينكم على خير

يااااارب
انا قفلت الموبايل بتاعي
وبعتلة امبارح رسالة متحاولش تتصل بيا لانى مش هرد
لانة قفل السكة في وشى ومش قادر يحافظ عليا ولا على كرامتى قدام الناس دول
ومش عارفة الموضوع هيوصل لفين

يالله يا توتى انت تصرفاتك كلها نابعة من غضب
واحساس بالاهانة وقلة الكرامة
لو يا بنتي ده بيحصل فعلاااا هو ذنبه ايه
هو بيعاملك كده لاااااا
طب ليه اخرب على نفسي واخليهم يكسبو
واكيد زي ما ندى قالت انه بيكلمهم بس من غير ما يقلك
زي ما كلمهم قدامك وقال انك روحتى للدكتور
صلي لربنا وافتحي موبايلك ومش تقطعى اخبارك مع جوزك

ندى ساكتة ليه

روحتو فين يا بنااااات ؟؟؟

toty858;10970052:
يااااارب
انا قفلت الموبايل بتاعي
وبعتلة امبارح رسالة متحاولش تتصل بيا لانى مش هرد
لانة قفل السكة في وشى ومش قادر يحافظ عليا ولا على كرامتى قدام الناس دول
ومش عارفة الموضوع هيوصل لفين

متعملييييش كدة يا توتى
يا بنتى اكسبى جوزك متخسرهوووش
فكرى قبل ما تعملى اي حاجة ممكن تضايقه انه راجل وفى غربة والشيطان صايع وممكن يحب يرفه عن نفسه. شوفى بقى ممكن يعمل ايه بالحلال؟؟؟
انتى بتروحى تقعدى عند اهله كام ساعة؟؟؟ اعتبريهم تدريب للتحكم فى النفس وامسكى نفسك ومتقوليش لجوزك على حاجة
وان شاء الله يكون اللى انتى فيه دة تكفير ذنوب
اصبرى يا توتى وادعى ربنا وان شاء الله حتفرج



بس متخسريش جوزك ومتنكديش عليه

أم عمرومنة;10970063:
ندى ساكتة ليه

كنت بنيم جوجو:029:

عندك حق انا فعلا حسة بالاهانة اوى وقلة التقدير
اول ما اتخطبت قعدو يقولولى دى كذا بتعمل كذا مع حماتها وكذا بتعمل كذا مقارنة يعنى
اقارن انا بئة
في نسايب ميروح فرح نسايبهم من غير عذر او حتى كلمة مبروك
بنت عمتى اختها اتجوزت حماهتا راحت فرحها وبيتها باركت
في نسايب ميسلموش على بعض في الشارع
في نسايب عيد ولا مرض ولا اى حاجة مفيش تليفون
هو دة النسب

وبردو حسة منة بالاهانة لانة عاوزنى اروح بالغصب كدة

يا بنتى دة لما كان بيجيلهم اى ضيوف يتصلو هبة تعالى وهاتلنا مايا اصل كذا عاوز يشوفها وكنت بروح ورجلى فوق رقبتى قدر بئة انى لما محبش اروح اكيد بسبب قوى
اهلو اولا وانا مش مهم حتى لو متهانة

معلش حقوم اتوضى واصلي ركعتين
وادعيلك يا توتى وادعلنا بالهدااية وحسن الخاتمة

لاااااااااا يا توتى مش كده متصعبيش الامور على نفسك
الشيطان عمال يبخلك كلام وحش ويسوء تصرفات جوزك اكتر قدامك
انت عارفة ان الشيطان بايت مبسووط قووي انك وقعتى في خلاااف ممكن يكون اخره الطلاق
وده هو الى عايزه استعيذي بالله وصلي اهدي شوية
بطلي تفكري خااااااااااااااااالص في الموضوع وعدي كام يوم كده في هدوء
الفجر اذن عندي يااااااااااااارب يهديلك الحال ويسعد قبلك ويبعد عنك كل شر وكل امور الدنيا الوحشة
ويهديك للى فيه الخير ويصلح ما بينك انت وزوجك ويبعد عنك يا ستى اهله بمشاكلهم
وياااااااااااااارب بكرة الاقيك احسن وافضل نفسيا وانتبهى لبنتك هى اهم حاجة في الدنيااااا

يا توتى... هوا فيه مشاكل اصلا بين اهلك واهله؟؟؟


وخلى بالك يا توتى جوزك فى غربة ومش ةناقص نكد.....
والله يا بنتى انتى محتاجة جرعة برود عاااااااااااالية اوى
جربتى تكسبى ود حماتك بهدية محترمة...... حتعليكى فى عين جوزك اوى او تدخلى مرة عليهم باى حاجة

خليكى غلسة وباردة معاهم.... حتلاقيهم عايزين يغيظوكى وينكدو عليكى وخلاص
فانتى غيظيهم ببرود ومتحكيش لجوزك على اى حاجة بيعملوها عشان شكله بيقولهم انك بتشتكى فيسخنوه عليكى

انا ااااااااااااااااااااا لوحدى ولا ايه
طب سلااااااااااااام لحد ما اصلي وارجع اشوفكم تاااني

معلش الراوتر كان هنج

اة يا ندى من اول الخطوبة وكان فية مشاكل
بدايتها انهم كانو رافضين انة يتجوز اصلا لان اختة الاكبر منة متجوزتش وكانو عاوزينة يستنى فلما صمم حلفو يزهقونى وبطبيعة الحال محدش منهم اتجوز هما 3 بنات واحدة 29 وواحدة قدى وواحدة 23 ف عارفة اللى بيطلعو نفسيتهم فيا
ويقعدو غيظ فيا
انتى عارفة هما مزودين جرعة طولة اللسان معايا علشان انا مكنتش برد وبعاملهم زى ما بتقولى ياندى وبطنش فكل مرة يقولو حاجة انقح وكنت مطنشة بس لغاية انهم ميقولوليش انتى فين واروح بردو مش قادرة والله وهو المفروض يدعمنى مش يزهقنى
هما مش هيفرقوا معايا والله بس هو لازم مرة يقف وقفة رجالة في الحق
والله انا لسة بقول لماما احنا نعزل احسن من هنا
يعنى مثلا لو هما عاوزين مرة يشوفو مايا يجري اية لو حد منهم عدى علينا هنا
دى والله يابنتى مرة جوزى كان باعتلى فلوس معاهم اختة قالتلى انزلى خديها منى في الشارع
في اكتر من كدة بس