ǁ♥ǁǁǁ تجهيزات عرائس { مملكة البحرين } لشهر محرم 1431 - 2009 م / الجزء = 60 ǁǁǁ♥ǁ

بنات شرايكم في لوون ارتكواز على حنطاويه وعينهاا خضره
تتوقعوون يطلع حلوو او اللون لايق على البيض بس

وج ود;11056642:

الله يسلمج الصالون يصير في مدينه عيسى
لؤلؤة مشكوووووووورة حبيبتي على الصور
الميك آب حدده رووعة
احس صابرين تنووع في الميك آب
يعني حسيت انها تسوي الهاديء الناعم
وف نفس الوقت تسوي الثقيل
بس ما يعجبني اللي تستخدم فيه شدو بقلتر :037:
احسه وايد يخرع هههههههههههههههههههههههههه:085:

تسلمين مرة ثانية على هالصور

ههههههههههه اهيه اللي فيهآ الزين .. تدمج الوآن وآيد حلوه

وتعرف تدمج اكثر من 3 الوآن بعد ..

هآذي الحلو فيهآ ..

اهي تميل للثقيل ..


بس اذا جفتي ميكبهآ على الطبيعه .. ترى حلوو .. وتسوي لج على اللي تطلبينه ..

انه جفت ميكبهآ على خوآت زوجي .. وآيد حلوو .. والالوآن تضبطهآ نفس الفستآن بالضبط

ووآضحه ..

حلم العذارى;11056686:
أولاً :

يعطيج آلف عافية .. عزيزتي "لؤلؤة المحرق" على هالصور , وما قصرتي

وما شاء الله أكو وايد مواضيع بعد في ركن عروس + قسم المكياج .. فيها صور متنوعة :ok:

ثانياً :

الشيخة "وجود"

فعلاً .. الحلو في ميك آب صابرين كمال

إنها تقدر تضبط لج أي ستايل :07:

من الناعم الخفيف , إلى الخليجي الثقيل وايد

أنا شفت صورها عالنت وما كنت هذاك الزود مقتنعة

بس بصراحة أنقلبت وجهة نظري عن مكياجها 360 درجة

عقب ما شفته في الطبيعة على عادي + عروس :009:

شي راهي ومرتب .. ويسوووووووى

+

بالنسبة للجلتر ,

إهي صج تحط جلتر وايد بس عادي تخفف لو طلبتي منها :092:

والتصوير أصلاً بكاميرا موبايل

فوايد يعكس الإضاءات واللمعة .. وظالم الشغل حقيقةً :043:

الله يعآفيج الغلآآ ..

كلآمج 100% مضبوو ط ..

آنه كنت بعد جذي .. كله اقول وآيد دفش ..

بس على الطبيعه غير ..

صج شوي تميل للثقيل .. لكن تسوي الوحده حلووه ..

وتسوي الوسط ..



///


شوقووووووووو ..

والله رفعت الاسعااااااااااااااااااار ابتسااااام هههههههههههههه :041:

حصاصي;11058228:
بنات نبغي نسوي جلوة باقل تكلفه ممكنه

يعني نبيكم تعطونا محل يسوي لنا مسرح بسعر اقل من 100 دينار

نبي محل عنده جلابيات كشخه ماتزيد عن 100 دينار

مطعم ممكن يسوي لنا بوفيه بسعر حلو

جلايه سنيه سعرها زين يعني اقل من 200 لان البحارنه كلهم مايجلون

بنات بليز ردو علي بسرعه

هلآ حصآصي ..

بالنسبه للمسرح ..

اذا تبون تأجرون ..

آنه اجرت المسرح ب30 دينآر ..

نفس الصور اللي حطتهم حلو العذآري ..

وآنه ضفت له جمن شغله مثل الليتآت الصغآر + والاشيآء مآلت لول استعرتهم ..


وبجذي التكلفه صآرت اقل ..

//

عندج بعد قريه الافرآح ..

في ب 100 دينآر مسآرحهم ..

//

وبالنسبه للجلآبيآت .. في محل اللي سويت عنده .. ب 150 في المحرق ..

وبعد عندج السعوديه ..

واذا مآتقدرون اجروو ..


وحتى المششمر الاخضر .. تحصلوونه على 20 دينآر في البحرين ..


//

امآ الملآيه مآعرف عنهآ شي ..

واذا تبين سنيه .. مآفي الا سلطآنه اللي تضبط لج الجلووه .. وحلوه في هالشي اهيه ..

بس عن السعر مآدري والله يمكن غآليه .. بس انتي تأكدي ..

والله يوفقكم ..

Happy Heart;11058545:

حلومة و لؤلؤة المحرق مشكوووورين وتسلمون لى الرد


يعطيكم الف عافية:025:

الله يسلمج الغآليه.. حآضرين لج في اي وقت .. :025:

*نور العيون*;11058549:
تسلمين على الصور وماشاء الله شغلها حلييو

الله يسلمج الغآليه ..

ميمي3;11058766:
تسلمين ام ماريا فديتج
عجبني شغلها بالصور بس في كذا وحده وايد فاقعه بالشدو :047:
شنو البودرة اللي تستخدمها صابرين كمال لا تقولون لي البودرة الحمره نفس العفراء :034:
زين حسيتها ماتحط داخل العين كحل صح لو لا؟؟:091:
ولو رحت لها وقلت لها ابي جذي وجذي ومابي جذي عادي تتقبل؟ لان بعضهم مايحبون احد يقول لهم شنو يسوون تقول لج انا شغلي واعرف شسوي :039: :035:

ميمي ..

اهي اكيد بتسوي الوحده على حسب طلبهآ + على حسب اللي ينآسبهآ ..

ومآفي مآكييره بتستغني عن الكحل .. :083:

أنا الشوق;11059133:
انزين باقول لكم تقريري مال أمس
طبعا ماكان عندي وقت،، كنت مشغوله بس قلت خلني أستفيد من وقتي شوي

أول شي رحت سكوب
جفت ألبوماتهم والصراحه شيء جميل جداً :037:
فرق السما والأرض عن اللي جفتهم يوم أروح حق الخطوبه،، أنا رحت فرع السلمانيه والصور تلوع الجبد والويه مدهن :085: وطلع مافي حجز وقلت اشوه هههههههههههه وطلعت وأنا اتحلطم على الضجه اللي مسويينها البنات وهو كلش عادي
المهم، جفت العروض وطبعا أقل شي 180 للصور والفيديو، والتصوير يكون لمدة 3 ساعات
20 صوره داخل الاستوديو و60 صوره برا الاستوديو يعني المجموع 80 صوره + فيديو 3 ساعات = 180 دينار
واذا بدون فيديو 80 صوره ب120
ألبوم المجله او الكتاب هاذي مايحطون فيه الا الصور اللي مصورينها داخل الاستوديو.. ليش؟؟؟
لأن هالتقنيه تحتاج اضاءه واااضحه وعدله ومضبوطه نفس مالت الاستوديو وهم حتى لو الكاميرا بروفشنال وجذي مايصيدون الاضاءه برا المحل
وطبعا سعره ب60 للحجم الكبير أو العادي، و35 للحجم الصغير
ويصير بعد دام العرض ان 20 صوره في الاستوديو تخلونهم هم حق المجله وتصورين 80 برا
سألتها عن عدد الصور والصفحات في المجله ماتذكر شقالت لي :085::085:
والمجموع يصير 180+60 للحجم العود = 240
أو
180+35 للحجم الصغير = 215
وترى حتى الحجم الصغير حلو وكيووت ومب صغير وايد قد الدفتر العادي بو 60 :041:

وصايره مجلتهم نفس الكرتون الضعيف يعني الصفحه يااابسه مب نفس المصورات الباقيين اللي صايرين كأنهم ورق مقوى
وووووووووووو بعد شنو شنو شنو ؟؟ الصراحه شغلهم وايد عجبني وان شالله سوف أحجز عندهم

بعدين طلعت رحت النورس، سألتها عن العروض وجذي الا هي مفهيه وقالت لي مادري جم حتى ماركزت على كلامها،، كانت متوهقه مادري شفيها خخخ وأنا مادري شكنت اسوي لأن قلت مامنها فايده هاذي خخخخخخخخ
بس عندهم ألبومات ك "سامبل" وألبوم المجله في فرعهم الرئيسي في الحوره،، فرع مدينة عيسى مامنه فايده
بس الصور العاديه المعروضه حلوين :ok:ومعلقين عروض على التصوير وأسعارهم على 30 دينار وأقل وكاتبين انهم يطلعون ملامحج بدون تغيير يعني كأنج طبيعيه بدون تجميل خخخخ ويضعفون الجسم :041:

عقب قلت بفتر على البارسلات بس مريت البستاني لأن ما كان عندي وقت أفتر أكثره
قالت لي البارسلات على حسب الاكل اللي تختارينه فيعني السعر مب ثابت
وبعدين راوتني ألبوم صور فيه البارسلات،،أقل بارسل عندهم ب250 فلس أعتقد وفيه 3 قطع كأن وأغلى شي ب700 وتكون فيه يمكن 6 قطع، بس اتذكر ان فيه كب كيك وبيتزا وشي مادري شنو هو بس معجنات يعني وسندويش جبن وعندهم بعد خبز مهياوه :014:
أنا كنت ابي بارسلات اللي فيها مشويات وورق عنب وهالأشيا بس ماقدرت أمر على محل ثاني وبعدين كنسلنا سالفة البارسلات وقلنا بنسوي بوفيه :057:

فيعني خلاصة التقرير...... بنات خذوا سكوب حق التصوير :085:
واللي تبي بارسل فيه أكل وايد وبسعر زين، بالنسبه لي لأن ماعرف أسعار باقي المحلات، تروح للبستاني وأكله بعد حلو و وايد جربت أشيا من عندهم ولا مره طلع لي شي كريه :040:

وبسسس تعبت:060:
عاد قيموني يلا :029:

خوش تقرير شوقووووو ..

الله يوفقج ان شآء الله ..

وأهم شي عآجبج ..

والله ايسر امووورج يآرب ..

ميمي3;11059242:
بنات شفت لصابرين كمال هالصور شكلي بكنسل كلش غير الحين واني افتر بقوقل بعضهم نااااااااااااااايس وبعضهم مأساة :047:





اللي فوق ماعجبوني وبهالصورة فرق ماخليتها خليت الرابط لان اعتقد ممنوع الصورة كلها صح؟
http://go.3roos.com/cecsjqxja5x

وهاذي على مروة ماعجبني بالمرة :01:



http://go.3roos.com/QkKcwReISGV


وهذا على المذيعه سهير العصفور ماعجبني

http://go.3roos.com/u9kbuazflou

وهني لنفسها سهير بس حلو




ساعات اي ساعات لا


هني اللي طلبت وردي مع برتقالي احس تقريبي








وهذا ماعجبني









احسها ماترسم العين وايد وبعضه حلو وبعضه لا

حبيبتي ..

روحي انتي جوفي بنفسج ..

لاتحكمين من النت بس ..

علبة الوان;11059515:



لؤلؤة المحرق.. وفوفو البحرين.. حلم العذارى.. مشكورين على الردود..

بالنسبة للميزانية للمكياج حق الملجه.. ابي في حدود 25 الى 30 دينار.. ومابي يكون ثقيل.. عشان بعدين اتغير في الخطوبة..
صالون ايلاف زين للملجه عند فردوس؟؟ او في ضنكم في غير؟؟ ومن بالضبط..

اليوم رحت اجمل.. شريت العطر الي ريحته مثل الين..وفيه عطر من زمااان طالع اسمه مزيان.. اني بصراحه واااجد يعجبني.. وريحته تدووم وتدووم.. حتى بعد الغسل.. فاخذت لي منه 1.. مع ان رفعو السعر 750 فلس ما ادري ليش يعني..

وقال لي عن عرض مسوين عطر رجالي نيترون + ديودرنت + عطر اسمه المنت + ربع تولة مادري شنو قال الاسم بس فيه كلمه حب.. + عطر اسمه الحيوية.. بس ريحته مو حلوة.. المهم المجموع يصير 15 دينار.. عن يازعم الديودرنت + الحيوية مجان..

اني اخذت بعد هالمجموعه.. بالاضافة الى العطرين الي فوق..

ابيكم خواتي تعطوني قائمة عطورات من اجمل او سيد جنيد. تكون ريحتها ثابته وسعرها مناسب .. يعني ما يتعدى ال 10 دينار.. لان على حسب ميزانيتي.. وابي عطر واحد يكون فرنسي من اي ماركه.. بس ان ريحته قوية وثابته وحلوووة اكيد.. تنصحوني فيه..
وابي شي للجسم لوشن او سبري.. شنو تنصحوني؟؟

والف شكر لكم.. ولكل الي ردو علي..



احترامي
علبة الوان

ميزآنيتج حلوه للملجه ..

عندج وآيد مآكييرآت بهالسعر يسوون ميك آب ..

انتي قولي شتحبين من الميك آب ..

وبنقول لج اللي ينآسبونج من مآكييرآت .. :03:

عروس البحريين;11059522:
انا الشوووق يعطج الف عافيه على التقرير الحلووو

انا بخطوبتي صورت بسكوووب بس طلللللعت روحي لين جهزو تخيلي 5 اشهررررر وانا صابره على هالالبوووم خخخخخ.. وسويت لي اللي قلتي عنه مثل المجله بس كيوت وصغير والقهر الاكبر اهم اللي اختاروو الصور صصصصج نرفزوني

بس ليش مارحتي ستيديو المستقبل او صحاري عشان تشوفين عروضهم (( تتشرط بعد ))خخخخخخخ

لان يمكن ضغط عليهم ..

الكل جذي يأخرون ..

انه صحآري اخروني شهرين وشي جنه ..

3athba;11060938:
بنات شرايكم في لوون ارتكواز على حنطاويه وعينهاا خضره
تتوقعوون يطلع حلوو او اللون لايق على البيض بس

بيطلع اللون حلوو ..

لآتحآتين ..

وانتي اللي بتحلين المكيآج ..

لؤلؤة المحرق;11061046:




بيطلع اللون حلوو ..

لآتحآتين ..

وانتي اللي بتحلين المكيآج ..

تسلمين حبيبتي
لأنه حالياً محصله فستان ارتكواز وعجبني
بس آنه حنطاويه مايله للسمر وملامحي محدده وعيني حلوه
بس متخووفه من المكياج وأول مره بلبس هاللون
والمكياج برووح الى فاطمه اللبنانيه لأنه ابي شي ناعم تتوقعوون تضبطني عدل
ابدواا آرائكم ومنكم نستفيد

هذيان ...

وين اسمي ...


ليش ماحطيتيني بالسته ..؟؟

طبعا شيء اكيد مع العزابيه ..


ترى اتغشمر :)

اذا ماعليج امر حبوبة الاضافة ...

3athba;11060938:
بنات شرايكم في لوون ارتكواز على حنطاويه وعينهاا خضره
تتوقعوون يطلع حلوو او اللون لايق على البيض بس

هلا حبوبه لاتخافين ولا شي حلوووو ترى لون على الحنطيين والسمر

انه يوم بنت خالتي في خطوبتها فستانها تركواز وطلع حلوو ماشالله عليه ,اهي حنطيه

وبعد جفت صديقتي لابسه يوم عرسي فستان تركواز بعد كان حلووو عليه وأهي سمره

يعني لون يطيح حق البيض والحنطيين والسمر ، لا تتردديين ..



سوري طولت وايد:)

:P بنات لاتسولفون وايد ولاتتناقشون وايد
اخاف يفوتني شي
وراي امتحانات وكل شوي اطل عليكم اجوف شتكتبون :D

عروس08;11061421:
:P بنات لاتسولفون وايد ولاتتناقشون وايد
اخاف يفوتني شي
وراي امتحانات وكل شوي اطل عليكم اجوف شتكتبون :D

راجعي وتعالي لنا في البريك بس هه
موفقين يارب

وابي رقم صالة عايشة المؤيد
وفاطمة كانو واحمد كانو

M0Z00N;11061442:
راجعي وتعالي لنا في البريك بس هه
موفقين يارب

وابي رقم صالة عايشة المؤيد
وفاطمة كانو واحمد كانو

هههههههههههه ذي الي قاعدة اسوي
كل بريك اطل عليكم

مشكورة اختي


رقم عايشة المؤيد ممنوعة الأرقام عالعام

انة بغيت رقم احمد كانو و جاسم الشكر

عروس08;11061421:
:P بنات لاتسولفون وايد ولاتتناقشون وايد
اخاف يفوتني شي
وراي امتحانات وكل شوي اطل عليكم اجوف شتكتبون :D

خخخخخخخخخ درسي احسسسسسسسسسن لج

شوووفي الاعاااااااده خخخخخ


الله يوفقج :083:

3athba;11061097:
تسلمين حبيبتي
لأنه حالياً محصله فستان ارتكواز وعجبني
بس آنه حنطاويه مايله للسمر وملامحي محدده وعيني حلوه
بس متخووفه من المكياج وأول مره بلبس هاللون
والمكياج برووح الى فاطمه اللبنانيه لأنه ابي شي ناعم تتوقعوون تضبطني عدل
ابدواا آرائكم ومنكم نستفيد

اي خويتي لاتحآتين ..

هاللون حلو بيكون عليج ..

وفاطمه اللبنآنيه وآيد بنآت يمدحونهآ ..

واذا ويهج بيبي فيس ومآيحتآجه ميك آب وآيد .. عندج معصومه مآك بعد ..

وموفقه حبيبتي ..

مزوووووووون تسلمين حبيبتي ويسلمون كل البنات اللي ردوا علي طمنتوني وايد واليوم اتصلت في صابرين 3 مرات لايمكن تلفونها ابي اروح لها وحق احجز
واستقريت على الشعر عند سهام بالعفراء

هلا حبيبتي شوشو انا بعد باروح عند صفاء ان شاء الله ..

والجلوة بارووح حق عبير الرويعي صالون اشرقت .. وترقبواااا مكياجها .. لان بتنزل صوووووور حق السمر والبيض والحنطيين .. والله يوفقها يارب ..

عروس البحريين;11061570:
خخخخخخخخخ درسي احسسسسسسسسسن لج

شوووفي الاعاااااااده خخخخخ


الله يوفقج :083:

ما احب اجوف سوالفكم متأخر:041:
بعدين تفوتني المناقشة



عذبة ليش ماتروحين اول تجوفين شغل فاطمة اللبنانية قبل ماتحجزين
حاولي تروحين لها مرتين قبل ماتحجزين
علشان تجوفين شغلها عدل وتتطمنين اكثر
بس بشكل عام جفت شغلها وايد حلو
بس جفته على وحدة بيضة
ماجفت على حنطية

أنا الشوق;11057778:

أي صالون ذي؟؟
كساندرا؟؟



ايه الحين كل شي فيه شكر وفيه عيش بيرتفع :057:
أحسن عن المتون :085:

عروس08;11061421:
:P بنات لاتسولفون وايد ولاتتناقشون وايد
اخاف يفوتني شي
وراي امتحانات وكل شوي اطل عليكم اجوف شتكتبون :D

نور القمرر;11057064:
يعني هاي اسعار دهن العود - واجد 30 و40 هه

انزين المسك جم اسعاره ؟؟
وفي جنه هني احد تحجى عن مسك حلو من جنيد؟؟

-------------

شكرا لكل اللي ردوا على الساري
انزين تنصحوني اسويه بجم وله بدون جم؟؟

هذي اقل الاسعار:01: بعد الواحد اذا يبغي شي عدل لازم يدفع

ميمي3;11058766:
تسلمين ام ماريا فديتج
عجبني شغلها بالصور بس في كذا وحده وايد فاقعه بالشدو :047:
شنو البودرة اللي تستخدمها صابرين كمال لا تقولون لي البودرة الحمره نفس العفراء :034:
زين حسيتها ماتحط داخل العين كحل صح لو لا؟؟:091:
ولو رحت لها وقلت لها ابي جذي وجذي ومابي جذي عادي تتقبل؟ لان بعضهم مايحبون احد يقول لهم شنو يسوون تقول لج انا شغلي واعرف شسوي :039: :035:

ترا الماكيرات العدلين مايستعملون البودره الحمره الجييب :01:
مافي الا العفراء وطختهم الي يستعملون ماركات بو رخوص عشان جذي الويه نص ساعه ويزيت ويفرقع دهن

مريومه20007;11060093:
مرحبا حبايبي شخباركم وحشتوني وااايد واايد

المهم انه سمعت وحده منكم تتكلم عن مكياج فردوس او اذا كان يصلح للخطوبه او لا ..

انه فردوس مكيجتني في خطوبتي (سابقا لاني انفصلت .. الله يعوضني خير ان شاء الله )

ابصراحه واااايد حلو ابدااااع .. ومطلعتني كاني اميرة في الحفله .. والي حابه تشووف الصور ممكن تراسلني على الخااااص او اتلاقى معاها او اراويها الصور..

اما بالنسبه للتصوير .. انه ابصراحه سويت حفلتين خطوبه يوم الملجه نفسها سويت في البيت وصورتني ام فارس ..

وعقب يومين سويت حفله ثانيه في الفندق .. اخترت للتصوير المستقبل .. سويت الصور على هيئه شبه مجله والصور واااايد روعه وراااقيه وواضحه

الي حابه تشوفهم هم ماعندي مانع .. فديتكم تستاهلون كل خير

الشعر سوته لي وحيده.. مايحتاي اقوول ابدااااع ..

الله يعوضج بالي احسن ان شاء الله :014:

حبيبتي طرشي لي الصور اذا ماعليج امر :02: ومشكووورة:065:

تسلمين لؤلؤة المحرق..

اني حق الملجه ابي وسط الى ناعم.. يعني مابي شي ثقيل.. حق تبين زهوتي ليلة الخطوبة له..

شوفي اهني عيني.. احس ما يناسبها االون الاسود تحت وفي الطرف.. مو فن عليي..

ممنوع عالعام !..


يعني في نظركم من تضبط لي عيني من الماكيرات.. ؟؟ طبعا للخطوبة وللملجه..

لان لو يخلون لي مثل هالمكياج احس وجهي كله عيون..
بس نظرتي لين على جنب حلوة.. اما لين سيده ما ادري اشلون مثل اول صورة..

انتظر ارائكم.


احترامي
علبة الوان

عروس 08

الله يوفقش في امتحاناتش..
اني مثلش.. لين احاتي شي ادرس اشوي وارجع اشوف..
بس الحمد لله افتكيت من الامتحانات.. كملنا اخيرا.. والفال لكم ان شاء الله..
وعقبال ما نتوظف..

موفقين كل اللي يدرسون..


تحياتي
علبة الوان