ǁ♥ǁǁǁ تجهيزات عرائس { مملكة البحرين } لشهر محرم 1431 - 2009 م / الجزء = 60 ǁǁǁ♥ǁ

عروس البحريين;11024998:
علبه الوان :

لاتحاتين ولا تخافين
بقوللج عن محلات ياجرووون وانتي افتري على المحلات
على راحتج واختاري اللي يناسبج


في خياط اسمه قصر الزفاف يسوي فساتين زواج او ملجه او خطوبه في عالي

في محل اسمه ليالي الفرح سوق واقف ايجاره تبتدي اسعاره 70 دينار

أم حسين في المجمع الهاشمي في جدحفص عندها موديلات حلوة

رومان ديزاين الي في شارع بوكوارة وايد راقي وخياط محترم بس برزي فلوسج لانه غالي على اجار

ومحل جودي في المحرق تقريبا اجارهم على 100 دينار

ومحل ازياء الزهرااء جدحفص

محل " أم عبدالله "
في الرفاع مقابل خمس دوائر الي يم المنتزة بوكواره


بنات انا سويت سيرج ودورت وهذي احسن الاماكن لتاجير فساتين الزواج يعني لحد يسألني اي صوب لاني مادل خخخخخ

بس حبيت اساعد الاخت علبه الوان

أبتعدي عن ( الزهراء ) .. لأن راعية المحل

هي نفسها إخت راعية ( فرشة العرايس )

يعني نفس السالفة , ونفس القصة .. ونفس الأطباع :041:

وكذا عضوة أنصادت من هالمحلات ,

ومحل ( أم حسين )

موديلاتهم مب ذاك الزود , وأكو محلات وايد أفضل

علبة الوان ترا فرشة العرائس اكبر جذابين واكبر نصااابين و اكبر منافقيييييين

كلة يقولون بنسووي لج حلوو و موديل ايدييد وكله على الطل

قمااش كجررة يلووع الجبد .. هذا رايي وانا اللي شفته شخصيا و سمعته من ناس مقربين جدا !

والاهم يوهقوون الوااحد

يعني يعطوونج فستانج يوم العرس و حالتة حالة .. حزت الحزة شنو بتسويين .. اختي لا توهقين عمرج وياهم

دوري لج محلات احسن منهم .. انا ما عندي فكرة في البحرين

بس في السعودية مليااان واسعاره رخصيه و في متفاووتة

والله يووفقج ان شاء الله و يسهل لج امووورج و تطلعيين قمر :)

علبة الوان;11024787:


ب 150.. يقول ان عندهم عرض مخفضين..
بس مو شرط يكون اول لبسه.. يعني اني بحجزه لتاريخ خطوبتي.. ولو احد طلبه قبل تاريخي ياجرنه عليهم..


خيه عروس البحرين.. بصراحه خوفتيني.. اني بكبري متخوفه من الفستان ان ما يطلع حليو عليي..
بس اشوة ان بيبرز على نهاية شهر 1.. والله لو ما عجبني باخذ فلوسي كامل.. وبروحي محل ثاني...

بس ابي اعرف وين في اماكن اسعارهم مقاربة لفرشة العرايس.. وموديلاتهم حليوة؟؟
صراحه قلبي نغزني .. وشكلي بروح افتر على محلات بعد..


ومشكورين.. والله ما قصرتين خيووو



تحياتي
علبة الوان

في خطوبتي اخذت منهم فستان كان على اساس البسه اول لبسه
بس هم قالوا لي مثل ماقالوا لش
لو جت عروس قبلش ولبسته عاادي؟ قلت لهم عاادي
ولبسته عروس قبلي بليلة او ليلتين
وكان ب 140 وحده واااااو ومرتب مرتب:ok:

هذيان;11025145:
في خطوبتي اخذت منهم فستان كان على اساس البسه اول لبسه
بس هم قالوا لي مثل ماقالوا لش
لو جت عروس قبلش ولبسته عاادي؟ قلت لهم عاادي
ولبسته عروس قبلي بليلة او ليلتين
وكان ب 140 وحده واااااو ومرتب مرتب:ok:

ههههه هذا بدون عرض كان 140.. واحين يقول لي عرض ب 150... اظاهر بين النصب من اولها ههههههههه... لا خلاص بطلت اخذ منهم شي... ما قصرو الاخوات فادوني.. جزاهم الله خير..

:083:

علبة الوان;11025185:
ههههه هذا بدون عرض كان 140.. واحين يقول لي عرض ب 150... اظاهر بين النصب من اولها ههههههههه... لا خلاص بطلت اخذ منهم شي... ما قصرو الاخوات فادوني.. جزاهم الله خير..

:083:

شنو عرضهم؟
خبرش اني ماخذه الفستان من شنة وشهرين تقريبا
والاسعار صارت أغلى .. ومثل ماقالوا لش البنات هم واجد يسوون دقات
بس الحمد لله اني طفت بها :037:

علبة الوان;11025146:

مشكورين حبيباتي الي ردو...

بس اني دفعت الفلوس كامل.. اقدر استرجعهم؟؟
لاني خلاص مستحيل اواصل وانتظر.. بعد الي سمعته..
مابي بعدين انصدم وياهم..

للاسف اني ما رحت الا محلين بس.. الا هو ليدي مون وما عجبني شي.. وبعدين فوق عجبني فستان ملجه اخضر.. وهذا الي قال بسويه..
بس دام جدي.. نووو وووي اخذ منهم..


الف الف الف شكر.. والله يعطيكم مرادكم ان شاء الله,, ولا يحرمنا من الناس الطيبين الي مثلكم

احترامي
علبة الوان

مشكلتهم نصابين وحرامية .,

يعني فلوسج ما بيرضون يرجعونها لج لو شنو عطتيهم أسباب ومبررات

بس أختي .,

عطيناج لستة محلات أفتري عليهم وبتشوفين الأفضل + الأحلى أكيييييييد

موفقة :065:

موناليزا البحرين;11025432:

علبة الوان

بقولج تجربتي في عرسي مع محل الزهراء في جد حفص

انا عرسي كان بتاريخ 27\6 وانا رحت لمحل الزهراء بداية شهر 5 تقريبا قبل شهرين من العرس وكانت معاملتها حلوة والحجي الحلو تسمعينه المهم اخترت نفنوف عشان يفصلونه لي وبيكون لي ثاني لبسه واتفقت معاهم على السعر وكل شي بدايه شهر 6 رحت اجوف النفنوف..وطلع انها ماسوت ولا شي.... وقالت لي نسيتج تخيلي..:031:..(وانا وحده الصراحة ماحب اتهاوش او اصارخ كلش) وقالت لي لاتحاتين بيجهز نص 6 ورحنا لها نص 6 وماسوت شي بالمره وقالت لي 20 6 بيكون جاهز وبعد ماسوت شي وتوهم بدوا يخيطون النفنوف وقالت لي 24 بيكون جاهز النفنوف...

وتخيلي حالتي طوول هالفترة ليله الحنه يعني قبل العرس بيومين اتصلت فيني وقالت لي تعالي باجر اليوم موب جاهز وهذا كله وانا ساكته وصابره كنت حدي خايفة الصراحة.. المهم رحنا ثاني يوم العصر والحمدلله النفنوف جاهز وكاان حلو ومميز الصراحة.. بس الطرحة للحين ماجهزت والنفنوف كان يبيله تعديلات بسيطة...وقالت لنا تعالوا المغرب والحمدلله رحت المغرب وكان كل شي جاهز...اهني ارتحت واخذت النفنوف ..ومادفعت لها إلا 170 دينار بس لانها قالت لي النفنوف لبسه اولى 240 تقريبا ولبسه ثانية 170 ومع إني لبسته لبسه اولى بس كانت هذي غلطتها الصراحة.. بس صج صج تعبت نفسيا تخيلي ماتجوفين نفنوفج إلا قبل العرس بيوم بس:039:

يا سبحان الله .,

تصرفاتها مثل تصرفات إختها راعية محل (فرشة العرايس)

وأكو تقريباً عضوتين

أنصادوا صيدة كبيرة وايد .. وايد من محل (الزهراء)

وأنا بعد أنصدت بصراحة وتحسفت !..

والمفترض الواحد يتعلم من تجارب غيره

وما يروح إلا محل سمعته زينة وشغله نظيف !..

علشان ما يتغربل ولا يتآذى

علبة الوان;11024452:



مشكورة عمري ع الرد.. من فرشة العرايس.. بسوونه جديد..واني بتأجره..




مشكورة ع الرد.. والله شجعتوني..
بس رفيقتي حبطتني.. وقالت لي بسمرني..
خصوصا ان رحت لبست واحد مثل الوانه.. ولبست واحد مثل موديلة تقريبا..
فقالت لي بسمرني.. وان الموديل صاير مو فخم.. حق صالات.. جنه حق ماتم وحفلة بسيطة..

فخليته مثل الموديل بس يكون منفوخ اكثر.. وغيرت اللوون..
اخذت نحاسي على بصلي هذا التور فوق.. وتحت خلق بصلي ستن...


شنو تحسون افضل من اللونين؟.؟؟

اللون الثاني النحاسي صاير غريب شوي.. وبحط فيه شك لونه ذهبي.. حلو او لا؟؟؟
بحاول ادور صور لونه قريب وبوريكم..


انتظركم


تحياتي
علبة الوان

مابغي احبطج بس اللون الي الحين اخترتيه اهو بسمرج
لان البصلي مايناسب السمر
نصيحه رجعي على اللون الي قبله
وماعليج من كلام رفيجتج :01:

عروس البحريين;11024838:
اختي مسامحه اذا خوفتج بس مابيج تنحطين بهالموقف ....
وفي بنات غيرها وايد كاتبين تجاربهم مع هالمحل مرووو بنفس هالموقف

انه قريت اكثر من 4 بنات يذمون هالمحل وكان مسوي فيهم دقه :091: نصيحه نصيحه ابتعدي عنهم

حلم العذارى;11025083:
أبتعدي عن ( الزهراء ) .. لأن راعية المحل

هي نفسها إخت راعية ( فرشة العرايس )

يعني نفس السالفة , ونفس القصة .. ونفس الأطباع :041:

وكذا عضوة أنصادت من هالمحلات ,

ومحل ( أم حسين )

موديلاتهم مب ذاك الزود , وأكو محلات وايد أفضل

مثل ماقالت حلوومه
ترا الزهراء اعرف وحده مسويه عندهم وماجهزوه الا يوم الخطوبه الصبح
وطلع 360 درجه غير عن الي اهي اختارته :091: وكلش مأساه مأساه
قامت تصيح تصيح واخر لحظه استأجرت فستان ثاني :01:

علبة الوان;11025146:

مشكورين حبيباتي الي ردو...

بس اني دفعت الفلوس كامل.. اقدر استرجعهم؟؟
لاني خلاص مستحيل اواصل وانتظر.. بعد الي سمعته..
مابي بعدين انصدم وياهم..

للاسف اني ما رحت الا محلين بس.. الا هو ليدي مون وما عجبني شي.. وبعدين فوق عجبني فستان ملجه اخضر.. وهذا الي قال بسويه..
بس دام جدي.. نووو وووي اخذ منهم..

الف الف الف شكر.. والله يعطيكم مرادكم ان شاء الله,, ولا يحرمنا من الناس الطيبين الي مثلكم

احترامي

علبة الوان

خلاص فلوسج مستحيل تقدرين ترجعينهم
بس اسمحي لي اقولج شي
انتي غلطانه
يعني بس من محل واحد دخلتيه تقدرين تحكمين ؟؟؟ لا ومن وين ليدي مون :091:
ترا محلات شارع البديع مأساه
اهون واحد فيهم فرشه العرائس وبعد مو ذاك المستوى

عندج في سوق واقف في محلات حلوين
وفي المحرق في محل واايد حلو رفيجتي استأجرت من عنده شغلهم مرتب ونظييف

الحين انتي و حظج تبين تنتظرين وتجوفين اذا بجهزونه او لا
او تبين تروحين تفترين على المحلات الثانيه :091:

حلم العذارى هههههه والله صج شكلها طلعت نفسها صاحبه محل فرشه العرايس & الزهراء

لاكن الحمدالله البنات عرفووهم عشان لاتصييدهم مثل هالمواقف...

عروس البحريين;11025551:
حلم العذارى هههههه والله صج شكلها طلعت نفسها صاحبه محل فرشه العرايس & الزهراء

لاكن الحمدالله البنات عرفووهم عشان لاتصييدهم مثل هالمواقف...

لا خيتو مو نفسها هههههههههه

إنما هم خوات

وكل وحدة عندها محل :014:

بناااات ،

صالة أحمد كانو اللي قلتو عنها في دوار 2 حق جم شخص وفيها طاولات وكراسي او لاء وبجم أجارها ؟

عيونه سماي;11025684:
بناااات ،

صالة أحمد كانو اللي قلتو عنها في دوار 2 حق جم شخص وفيها طاولات وكراسي او لاء وبجم أجارها ؟

كنت بسأل نفس السؤال:ok:

بنات تعرفون أحد يأجر العدة مالت الدي جي ؟؟؟؟
أو أي دي جي بنت تكون رخيييصه،، لأن السيديات بيكونون من عندي ومابي غير سماعات وشي يشغل السيديات خخخخخ

وثاني شي عن فرشة العرايس والزهراء وااااااااااااااااااااااااااااااااااااااااايد وااااااااااااااااااااااااااااااااااااااااايد سمعت سوالف عنهم
ويوم اللي رحت السعوديه دخلت محل العروسه وقال لنا أن الزهراء وفرشة العرايس يتعاملون وياه وكله ياخذون من عنده
يعني جوفوا بجم ياخذونهم وهني شكثر يربحون فيهم،، يعني لو هم مفصلينهم ومشتغلين فيهم جان بعد أهون


ثالث شي
ادعوا لي،، ترى لاعت جبدي من كل شي
تعب تعب نفسي،، كل ناس يبون شي
بيتنا يبون شي وبيتهم يبون شي وأنا ضايعه في النص
آخرتها باشيل قشي ومابسوي شي وبسافر استنانس بس انا وهو :032:

يه :039:

عيونه سماي;11025684:
بناااات ،

صالة أحمد كانو اللي قلتو عنها في دوار 2 حق جم شخص وفيها طاولات وكراسي او لاء وبجم أجارها ؟

هاذي الصالات عادة تكون فيها كراسي على دار مدار الصاله يعني جنها ميلس
ومافيها الا طاولات صغار جدام الكراسي
وأسعارهم تكون رمزيه، 50 دينار جذي

أنا الشوق;11027035:

هاذي الصالات عادة تكون فيها كراسي على دار مدار الصاله يعني جنها ميلس
ومافيها الا طاولات صغار جدام الكراسي
وأسعارهم تكون رمزيه، 50 دينار جذي

اختي
يرضون نييب ملاية ولالا؟

لان عايشة المؤيد مارضو الملاية تستخدم المكرفون

أنا الشوق;11027023:
بنات تعرفون أحد يأجر العدة مالت الدي جي ؟؟؟؟
أو أي دي جي بنت تكون رخيييصه،، لأن السيديات بيكونون من عندي ومابي غير سماعات وشي يشغل السيديات خخخخخ

وثاني شي عن فرشة العرايس والزهراء وااااااااااااااااااااااااااااااااااااااااايد وااااااااااااااااااااااااااااااااااااااااايد سمعت سوالف عنهم
ويوم اللي رحت السعوديه دخلت محل العروسه وقال لنا أن الزهراء وفرشة العرايس يتعاملون وياه وكله ياخذون من عنده
يعني جوفوا بجم ياخذونهم وهني شكثر يربحون فيهم،، يعني لو هم مفصلينهم ومشتغلين فيهم جان بعد أهون


ثالث شي
ادعوا لي،، ترى لاعت جبدي من كل شي
تعب تعب نفسي،، كل ناس يبون شي
بيتنا يبون شي وبيتهم يبون شي وأنا ضايعه في النص
آخرتها باشيل قشي ومابسوي شي وبسافر استنانس بس انا وهو :032:

يه :039:

اقوول
ماعليج من احد
سوي الي انتي يعجبج ويعجب خطيبج
ترا كلام الناس مايخلص
وكل شخص بقولج كلام غير :01:

أنا الشوق;11027023:
ثالث شي
ادعوا لي،، ترى لاعت جبدي من كل شي
تعب تعب نفسي،، كل ناس يبون شي
بيتنا يبون شي وبيتهم يبون شي وأنا ضايعه في النص
آخرتها باشيل قشي ومابسوي شي وبسافر استنانس بس انا وهو :032:

يه :039:

اهلش ويش يبون؟
واهلش ويش يبون؟


في النهاية اهم شي رايش انتين و:032:
ماعليكم من احد ، الي بيجي يجي والي مابيجي بتفوته طلتش البهيه:037:

علبة ألوان وكل الأخوات المقبلات على عرس أو خطوبة

لكم تجربتي مع أزياء زهراء

فضلت اخذ من أزياء زهراء لانهم منا وفينا ومعرفة بأمي وأهلي وقلت افيد القريب أولى من الغريب

اخترت فستان قبل شهر وشوي من تاريخ خطوبتي وقالت لي قبل اسبوعين او 20 يوم بنبدأ في فستانج ومري كل يوم بندخلج المعمل تشوفين
الشغل عليه بعيونج ودفعت لهم عربون وتوكلت على الله مرت الأيام وفي اليوم التقريبي الي بكون بدا الشغل على فستاني رحت لهم
قالت ليي لا حبيبتي مابدأنا فيه تبين نبدأ فيه وكل من جت تجربه وهو فستانج؟ احنا نحب نجهزة قبل بيومين وتسوين بروفه وتستلمينه ليلة الخطوبة

المهم بنبدأ فيه اذا آخر عشرة أيام ومرت الأيام وكنت في تجهيزاتي الأخيرة مشغوله اتصلت تقول ضروري تجوني الحين ابي اراويكم تركيبات قماش الفستان لاني ببدأ
تفصيل فيه وأنا حزتها منقهرة حدي ورحنا واخترنا وقالت بكره بكون فستانج في الشك وبالفعل كنت أروح يوميا أشوف لأن لما يشوفني اتردد عليهم بكون الشغل ماشي
لكن الوقت ماسمح لهم ينتهون من شغل الفستان اله قبل خطوبتي بيوم والطرحة مو جاهزة وكانت طرحتي شك من فوق لتحت
لما ضاق الوقت عليهم بس عدلو لي فستاني على مقاسي والطرحة ما شكوها غير انهم حطو الكرستالات الي تلصق بالمكواه فقط
استلمته الساعه 12 ووحده اني في الصالون تخيلو العذاب ؟؟؟؟؟؟؟

مع انه طلع روعه والكل سألني عنه ووايد فكروه مخيطته برا والي قالت رومان ديزاين بس ماتسوى التعب الي تعبته معاهم

وقلت مستحيل في الزواج آخذ منهم شي

مسامحة طولت عليكم بس مابغي احد ينخدع من لسانهم