نور القمرر;11011918:
بنات ابي اسألكم وماتخيبوني
اولا: شنو احلى في حفلة الزواج تحط العروس عطر عربي لو فرنسي؟؟
في الحالتين ابي :
احسن عطر فرنسي مناسب للعروس في حفلة الزواج 
احسن عطر عربي مناسب للعروس في حفلة الزواج ومن وين؟؟+ ابيه رخيص وقوي يعني مو اكثر من 10 دينار ويفضل اقل ويكون ثااابت
شنو احسن عطر فرنسي حق بعد ماتخلص الحفله يعني للنوم 
؟؟ يعني ابيه ناعم وهادئ وبنفس الوقت ريحته ثابته
بعد عندي سؤال: ابي عطر عربي ريحته مسك وحلو بس رخيص مو غالي ويكون رش ؟؟ 
اخييرا : شنو احسن انواع البخور للعرائس ولغرفة العروس ؟؟ ومن وين؟؟ وبعد شنو احسن معطرات للمفارش ويناسب العروس؟؟؟
واجد اسئله بس ان شاءالله ماتنطنشوني :072:
حق ليلة العمر ( العرس )
حطي لج عطر عربي + فرنسي .. وتبخري
العربي يفضل تاخذين لج شي دهن على أساس كونه مركز اكثر وثابت
والفرنسي طبعاً بخاخ
العربي حطيه في أمكان النبض : ورى الأذن , معصم اليد , مكان الصدر .. لأن بهلأماكن تتركز الريحة وتكون ثابتة جداً :032:
وكونه عربي لازم يكون فواح , والفرنسي خو بترشينه
والبخور لا بد منه للعروس
+
أفضل + أرخص شي
بشكل عام العطورات العربية رخيصة مب غالية
عندج : سيد جنيد , أجمل , أصغر علي , العربية .. إلخ
هاي محلات عريقة لعطورات عربية
وتبيع الغالي والرخيص
وكل عطوراتها عربية ومتنوعة :049:
+
معطرات ومرشات المفارش
أنصحج تروحين عطورات الشايع " المؤسسة الإستهلاكية / الرفاع "
هذيلا محلات عطورات كويتية
وهذي فرعهم بالبحرين
عندهم معطرات للمفارش .. تهوووووس
وايد , وايد , وايد روعة :032:
وطبعاً رخيصة جداً
ما تتجاوز 4 أو 3 دينار
+
البخور .,
إذا تعرفين حريم يبعون بخور أو بوتيكات تجيب بخور من برى , مثل الإمارات
تشري من عندهم
لأن حلا البخور إلي يجيبونه من برى مثل الإمارات أو السعودية
و وايد أكو حريم يبيعون في بيوتهم
أو بوتيكات صغيرة ,
أنا شخصياً أروح محل أخو صديقتي , يجيب بخورات من برى
وأسعارها مناسبة ومعروفة خو من 3 إلى 8 دينار
+
عطر حق النوم هادىء ونعومي , وبارد
بنصحج بالبنفسج " سيد جنيد " ب 10 دينار
ريحته تذبح وحدها مناسبة للنوم على قولتج , لأنها وايد هادئة وخفيفة وحلووووووووووووووة :ok:
+
العطورات الفرنسية .,
أنا شخصياً دائماً أتعامل مع " سفاري " في سوق واقف
وايد يراعيني بلأسعار وتعود علي كستمر عنده
وساعات إذا عطر مب متوفر عنده يوفره عادي لو طلبتيه
وكل العطورات الجديدة ألاقيها عنده
وآخر مرة شريت منه عطر .. قالي إنه جديد توه واصل وهاللون
وصج أماااانة :014:
بعد حوالي 3 أسابيع شفت إن توه منزلينه في " الحواج "
وساعات أغير وأروح الحواج .,
أنصحج كعروسة بعطر " دولسي آند غابانا " , :ok:
