ǁ♥ǁǁǁ تجهيزات عرائس { مملكة البحرين } لشهر محرم 1431 - 2009 م / الجزء = 60 ǁǁǁ♥ǁ

انززين حبي ابي صالونات في المحررق يسوون كل هالشغلااات في مكان وااحد

يعطيكم العافية بنوتات وعرايس قاعدة أتابع ردودكم أول بأول :02:

وآنا زواجي بأذن الله بربيع بس للحين ماحددت أي تاريخ وللحين ماجهزت أي شي لي :01:

فوفو البحرين;10988351:
:01: روحي من الحين وش تنتظرين التاريخ وتعرفينه
مفروض كان تبتدين قبل اصلا لأن مافي وقت :058:

نور القمرر;10983495:
حصلت بسوق الحريم قميص نوم حق الليله الاولى ب 35 اقل شي
اقدر احصل حلوين وكشخه وارخص مكان ثاني؟؟؟
ماكانت نيتي هالسعر!!:(

بعد بغيت اسأل
بالنسبه الى المكاتب السياحيه اللي عندهم رحلات حق ايران
وين احصل مكتب سياحي رخيص حق اسبوع مشهد مع السكن والاكل؟؟ وبجم تقريبا يكلفني للشخص الواحد

اني بعد ارشح النصر رحنا وياه قبل كم سنة واستانسنا صراحة وارتحنا انتي بعد اتصلي واخذي التفاصيل احسن على فكرة هم كل مرة ينزلون اعلان في الوسيط

عروس08;10983649:
:( يابنات
محتارة بالنسبة للقاعة الي بسوي فيها الجلوة

كنت ابي قاعة عائشة المؤيد
بس قالو لي مايصير حتى ملاية :(
والحل؟

خيتو من اللي قال مايصير تجيبين ملاية؟؟ يصير احنا متصلين وقال عادي وحتى الدي جي قال عادي بس اهم شي الصوت مايكون مرتفع

QüeeN;10988524:

مرحبا

خطوبة بنت عمي في ربيع ان شاء الله وابي تدلوني على صالونات حق الشعر
شغلهم بروفيشونال بمستوى الرونق في منطقة المحرق او قريبة منها
حبيت اسأل اللي عندها شغل حق لمياء بصالون سلوى ممكن تطرشه اشوفه :040:
وياريت تطرشون لي رقم ابتسام كمال

شكرا

صآلون لولو نفس مستوى الرونق ..

ومحد يفوته ..

وبالنسبه للميك آب .. ابتسآم كمآل وبس ..

طيف امل;10988610:
صباحكم ورد بنات
صار لي فترة بس اقرا ما شاركتكم ولا عورت راسكم بالاسأله ههههه
للحين ما حجزت صالون للخطوبة والحناية عواطف اتصل عليها رنتها خارجية وما ترد :039:
المهم بغيت اسألكم
اذا كان فستان خطوبتي وردي طوبي وفيه شوي ذهبي في الدانتيل ماله شنو لون القميص والتاي اللي يناسب عشان يلبسه خطيبي
لان بصراحة صايرة حرب وهواش كل يوم بيني وبينه على هالسالفه ههههههههه :037:
وبعد اذا كان على اطراف الصدر في فستاني سوارفسكي وشك واشياء تلمع يعني البس تراكي كبار للتصوير والا لا ؟؟
ويصلح البس تراكي ذهبي او وردي احلى ؟
واممم بعد خاطري البس تاج بس احس بصير زحمه شنو رايكم يعني !!!

وادعو لجدتي بالشفاء العاجل والله يتمم اموري على خير :040:

حلم العذآري ردت عليج ههههه ..

موفقه اختي ..

والله يشآفي يدتج ..

miss designer;10989733:
اكيد السعودية ياجرون ؟؟؟ :047: واذا اي اي محلات اذا تعرفينهم ؟؟

لان توه وحده سألت اذا السعودية ياجرون ردوا عليها البنات ان مايأجرون يا تشترين يا تفصلين :042:

انا اوردي مخططه اروح السعوديه اخذ لي وايد اشياء من هناك ... لان صديقاتي جهزوا لزواجهم من هناك واشتروا وايد اشياء ارخص ... فاكيد بجيك كم محل فساتين وبشوف اقل سعر يطلع لي بسويه :ok:

وبالنسبة لل 300 خلاص مابزيدها وبتكيف عليها وعلى قدها بشتري اغراضي :014: ونفس ماقلتوا اكيد بتجيني هدايا بعدين وانا بشتري بعد !!

مشكورة عمري ماتقصرين عالرد :087:

يأجرون اي .. بس مآيسوى تأجرين وعلى ماعتقد لازم ثاني يوم تردينه ..

يعني بروحج تعبآنه وبعد تروحين تردينه ثانيي يوم ..

على الاجار اي يأجرون .. لكن القيمه + متى يودون الشنيول يعني يرجعونه مآدري والله ..

أنا الشوق;10989889:
يسسس
أنا عندي عقد كشوخي وايد وماخذته حق العرس
جان تذكرون اللي حطيت لكم صورته في يوم من الأيام خخخخخ
بس حاليا مادري اذا يناسب الفستان ولا لا
وكنت أبي ترجيه عوده وفخمه



في السعوديه ماعرف المحلات بالضبط
واذا ميزانيتج مفتوحه وتبين شي فخم عندج مجمع الذهب اللي في السيف :ok:
وعندج مجوهرات رفيع اللي في القضيبيه مادري شيسمونها المنطقه، عنده أطقم على 7000 :014: اللي تصير كلللها ألماس وفي عنده أطقم على 2000 وهيك
أنا خذت دبلتي من عنده



أول شي ميزانيتج تكفي
ومثل ماقالوا لج لا تكثرين وايد من المشتريات لأن تقدرين بعدين كل شهر تشترين شي وبيصير في خاطرج كل مره شي
أما الفستان فحبيتو كتييير :032:
وطرحتج نفس طرحتي :032::032::032::032:
المهم، في البحرين أنا مارحت الا محل واحد اللي صاير في سوق الرفاع، أتوقع أحلى العرايس اسمه
وقالت لي اللبسه الأول أقل شي 250، فمنشان هيك رحت السعوديه
فنصيحتي لج روحي هناك ودي لهم الصوره وفصليه هناك وكل شي وبيطلع عليج وايد أرخص من هني
بسسسسسس
اذا في الطبقات تبين كرستال كله هاذي يمكن يكلفج اذا كان أصلي
وترى جفت نفس الفستان تقريبا عند محل اسمه أمسيتي وقال لنا يصير أعطيكم اياه ب180




الله يبارك فيييييييييييييييج
:040:
يبيلي عيل أزور يوسف عبدالله+ الحلوين وأجوف شعندهم شماعندهم
وأشوه الاحساس عادي :085:
وعن التشري.. لا توصين
لأن أصلا الثياب اللي شريتهم حق الخطوبه للحين ماخلصتهم والمشكله كله أحس ان ماعندي ثياب وماعرف شنو ألبس :057:

وفي وين الميلس في زينة الأفراح؟؟



اممم السعر المعقول عندج ماركات لايف ستايل
وانتي دام بشرتج فيها عيوب راح تحتاجين تغطيه من متوسطه الى ثقيله، عندج بودرة ماك studio fix تغطيتها ممكن تتراوح بين المتوسطه والثقيله على اللي تبينه وسعرها يمكن وصل ال15 الحين :042: مادري


بودرة كانيبو بعد تغطيتها حلوه وشيسيدو وهاذلين ماذكر أسعارهم بالضبط بس أغلى من ماك بشوي أعتقد
وعندج بودرة NYX - the twin cake اللي تصير دائريه وسودا هاذي الحين صار لي فتره طويله استعملها وعاجبتني تغطيتها وسعرها بعد حلو أعتقد وصل الحين جريب ال7



وهاذلين كلهم ممكن تستعملينهم بماي وبدون ماي

عشان الهالات السودا راح تحتاجين كونسيلر، انا شخصيا ماستعمله بس وايد يمدحون كونسيلر ماك، واذا بتختارين كونسيلر لا تاخذين شي فاتح،، اخذي لون قريب من البقع اللي في ويهج او العيوب اللي تبين تخشينها، لأن ان حطيتي لون فاتح بيصير المكان أملح ورمادي مادري شلون :041:




اذا بشرتج جافه استعملي فاونديشن يكون كريمي واذا دهنيه اخذي السائل او الكومباكت (المضغوط) ويكون Oil Free خالي من الدهن

انا استعملت السائل مال NYX وكان حده عجيب بس طلع لي حبوب لآن فيه دهون وحاليا أستخدم ال Dream Liquid Mousse السائل من ميبيلين، وووو :ok:تغطيته مب قويه بس أحط فوقه بودرة NYX ويصير ويهي ناااعم ومب طبقات ويبين صافي



امممم بالنسبة للمسكرات،، أحلى شي جربته لوريال اللي تصير نصها أبيض ونصها أسود وحده اسمها Volume Shocking والثانيه Double Extension ،،




هاذي اذا تبين رموشج تصير كباار وطواال، أما اذا تبين شي يكون مايل للطبيعي أكثر عندج مسكرا ريميل الحمرا Volume Flash

وأهم شي اذا بتشترين الفاونديشن انج تروحين وويهج مافيه مكياج وخلهم يحطون لج منه وبعدين روحي تسوق او تعشي او حتى رجعي البيت وخليه يعني فتره طويله شوي وجوفي شيصير شكله على ويهج،، لأن ساعات اول ماتحطينه اوكي وبعدين ينقلب لونه غير مثل ماك انا ماناسبتني لأن تصير غامجه عقب
واختصارا للوقت حطي لج نص ويهج شي ونص ويهج شي ثاني وقارني :094:



عندج صور حق مكياج البستكي؟؟؟
حتى لو مقطع صغير :040: على الخاص،، على المسنجر،، في بيتكم :041:

وعن السعوديه انا لأني تقريبا رايحه وفي بالي موديل معين وقلت طبعا مابلاقي اللي ابيه فركبت مني مناك وصار لي شي خخخخخخخ
وتصدقين عاد من سنييين وأنا ايمع في صور فساتين الزواج اللي عاجبيني وموديلاتها وآخرتها رحت بدون ولا صورة :085:
والأحلام آآآآآآآآه من الأحلام،، كل مره شي بس أنا ماحلم وايد بالعرس بس يمكن مرتين
الوهقه ماقدر أرقد في الليل أرقد جريب ال3 وأقعد حق الشغل الصبح وبعدين أواصل لليل :047:
واليوم قعدت وراسي شوي بينفجر والنوده الحين واصله التوب



الاكسسوار يعتمد على قصة الصدر اذا نازله ولا واصله لفوق :041: والفستان اذا له يد ولا سيور ولا بدون شي ويعتمد بعد على الشك
بس انا اجوف ترجيه وتاج مابتصير زحمه في حالة قصة الصدر كانت عوده،، وأحسن شي الترجيه تكون كرستاااال، يعني تاخذين وحده كرستالاتها كبار والقالب مالها ذهبي، لأن شك فستانج ذهبي
ولا تلبسين ورديه :072:

أنا الشوق;10990318:
ايه ان شالله عرس واستقبال 2 في 1 :041: أفك عن العباله بعدين والناس بعد يفتكون
وعن المجاملات الزايده :085::085:
أتذكر على أيام عرس اختي قلت حق أمي سوي عرس واستقبال مع بعض الا تقول لا مايصير ومب عدله و و و والناس يقولون يبونا نيي نييب هدايا وصج محد كان متقبل الفكره
والحين اشوه شوي شوي ابتدت عقولهم تفهم خخخخخخ وعقبال مايسوون لنا bridal Shower ويعطوننا الهدايا قبل الزواج :037:

امممم سويت لي شنيول <<< من مخترع هالكلمه :085:
في السعوديه، الخبر-السويكت
ولونه الله يسلمج صاير اوف وايت على سكري مادري أي لون وفيه دانتيل لونه أغمج،، وفيه كرستال فضي أعتقد :057: أمس قاعده أفكر فضي ولا رينبو :042: الوهقه صورته بس التصوير مطل لونه غير ..يبيلي اتصل به ادردش شوي :037:
والتجهيزات للحين نفسج،، خذت لي قميصين نوم وبيجاما وباجوف الباقي ان شالله من المعرض وان رحت السعوديه وبس ماشريت شي عدل خخخخ
تاريخ الزواج للحين ماحددته،، في تاريخ في بالي وان شالله هاليومين نجوف الحجوزات

بنات ادعوا لي الله ييسر لي أموري
ترى احس اني خرفت صج :035:
صرت كله مفهيه :091: فيعني اذا وحده منكم سألتني شي أو طرشت لي مسج ومارديت عليها ترى مب تطنيش والله الا تفهي وتخرف :096:
فعادي ردوا سألوني وحنوا علي :040:

هلا شواقه .. يالنسآيه خخخخخخخخخخ ..

انتي وايد مدودهه روحج ..

انزين ترى العقد مآلج الطقم وآآآيد اينن ويبين عليه لمعته وايد حلوه .. انصحج تلبسينه ..

لان مب حلوه العروس تدش جذي خاليه .. حلاتهآ تبرق من فوق لي تحت ..

تحسين صج عرووس .. :040:

عروس البحريين;10990673:
:013::013::013:

بنااااااااااات لحقووووني

شوفو انا قعدت افتح مشترياتي من القمصان النوم :033:

وانا ماشريت غير قمصان النوم :047: في البدايه فققط

:08:

شوفو بنات بقولكم جم خذيت بس ساعدوني كل وحده تقولي زين او قليل او وايد او اخذ بعد اكثر اوووكي :093:


قمصان نوم ( الطويل )

خذت سبعه

قمصان نوم ( القصير)

خذت سبعه

الشورت القصير والبدي

خذت تسعه

البجااااااااااااااايم ياويلييي :041: احس ان وايد كثرت منهم

خذت 18

الارواب
خذت 3

بنات شنو اللي ناقصني من قمصان النوم ؟؟؟؟ :065:

اذا مافهمتوو كلامي موو شغلي هذا كله من الخووووووف

بسج لاتكثرين اختي !

وآيد مآخذه ماشاء الله عليج .. ليش هالكثر ..

بس لاتاخذين الهدايا بعد بتزيدج ..

عاشقة قلبه;10990714:
بناات الحيين اذا بخلي ميزانيه حق التجهيزات قبل الملجه من حفاف وشيره وبديكير ونيكير وفيشيال جم يبي لي


ايي بناات ابي محلات لتاجير فستان الملجة والحنه وتقريبا جم اسعارهم

تقريبا مثل ماقالت شواقه 80 دينار ..

يعني الفيشيآل اغلب الصآلونآت العآديه ب5 دينآر لكن لعروس واماكن عدله اكيد اغلى ..

والحمام المغربي على حسب يوصل بعد في لي 30 دينآر

والحفاف والشيره تقريبا يبيلج 10 او 12 دينآر

والبدكير 5 تقريبآ

انه عطيتج الاكثر سعرآ ..

يعني على الاقل اذا ماتقدرين على ال 80 خليلج 60 ,,

اما عن تأجير فسآتين الحنه والله مآدري .. بس اذكر رحت بوكوآره وجفت فستآن

حنه ب350 اجاره خخخخ ..

// حراير //;10991181:

جبت لكم تقرير زواجي متأخر وايد .. هههههههههههه .. بس لان بنااات سألوني قالوا لي احطه .. :072:

انا سويت 3 ليالي حناء + جلوة + زواج .. :ok:

تاريخ 28 حفيت + حلاوة في الصالون الصبح ..

ليلة الحنا كانت بتاريخ 28/11 وحنتني زينب من مدينة حمد .. كنت حاجزة ام محمود من المالكية لكن اعتذرت :091: قبل اسبوعين تقريبا .. واخذت زينب من مدينة حمد .. عجبني الحنااا واايد :032::032: لكن صراحة واايد كان غالي لان ما كان متروس اصلا .. اخذت علي 50 دينار .. :057: وطبعا ما تعدلت لان امي ما تحب ان يوم الحنا والجلوة نحط مكياج تحب يكون مثل أول :03: .. سوو لي عجفات وحطوا لي مشموم في شعري .. لان كنت متغطية اصلا ..

ويوم الجلوة 29/11 بعد مثل الشي كنت متغطية يعني ما تعدلت بس كنت مسشورة شعري .. واللي جلتني اسمها ام ابراهيم من صوب امي واايد حلوة كانت جلوتهااا :087: والجلوة عندي احلى ليلة رووووووعة وايد ونااسة ..

ويوم الزواج 30/11 الصبح قعدت وجهزت روحي واغراضي بسرررعة ..

رحت استلمت الفستاان (( ازياء الزهراء )) مختارة الموديل من مجلة .. وسووه لي ب 270 دينار .. كنت مسوية بروفة عليه قبل زواجي بيومين كلش غيررررررر عن الديزاين اللي طلبته :035: :035: .. وكان محتاج الى تضييق بس وقالت لي يوم الزواج الصبح بيكون جاهز .. و رحت و كان على حاله وضيقته لي انتظرت يمكن ربع ساعة .. و ما كنت شايفة الطرحة وصدمتني يوم الزواج الصبح من شكلها لانها ما كانت مثل ما ابيها .. لكن شسوي امري الى الله .. اصلا الفستان كله ما كان مثل ما ابيه ولا يسوى سعره ... حتى 150 ما احسه يسوى :023: .. بس حاولت ما اضايق نفسي .. اقص على روحي اقول حلو و اووكي :07: .. يالله الحمد الله على كل حال ..

ورحت الصالون الساعة 12 تقريبا (( صالون اشرقت )) شعر نرجس + مكياج نورة الكعبي ..

المكياج ما اقدر اقول عنه انه واااااااو شي ما صار و مميز .. حتى احس ان زواج اخوي مكياجي كان احلى منه بواايد .. بس الحمد الله حبيته :016: كان نااعم وانا اصلا اول ما قعدت على الكرسي قلت لها ابي كلش نااعم .. يعني اوكي عجبني .. :02:

الشعر ما عجبني واايد مع ان كنت متطمنة من الشعر ومتخوفة من المكياج :060: .. لكن صار العكس و اخذت علي 90 دينار :023: وكلش ما كاان يسوى .. والاكسسوار كان في كلش حلوين في الصالون وقلت لها ابيهم بس هي قالت بتختار على ذوقها حلو كان لكن هي دفشته قامت حطت تور حواليه .. ولان دخلت لي كذا نوع من الاكسسوار :066: واحس الحركة دفشة و مو حلوة كلش بس اللي في الصالون الكل كان يقول حلوو وخليته .. بشكل عاام ما اقدر اقول عن الشعر سيء .. كان حلو .. بس الاكسسوار خربه وايد ..

باقتي كانت عبارة عن الوردة الوحدة الكبيرة .. لونها فوشي من لامركيز .. وصلوها لي الصالون .. اوكي عجبتني .. :083: بس الاكسسوار ما كان مرتب كلش ..

وكنت حاجزة تصوير عند سكوب (( المجلة )) + صحاري تبع الصالة (( داخلي + خارجي )) .. طلعت رحت صحاري اول شي .. الصاعقة ان تصويري كان فوق :034: .. كملت ورحت سكوب والصاعقة الثانية ان بعد فوق :071: .. وبعد ما كملت تصوير نسيت الباقة في الاستديو وما تذكرت إلا يوم وصلت الصالة وكانت المصورة تبي تبتدي التصوير وانتبهت انها مو عندي .. راح زوجي اخذهاا .. :035:

زواجي كان في صالة الدااانة مقابة .. دخلت الصالة على الساعة 11 تقريبا او متأخر اكثر يمكن ما اتذكر .. كانت امي مسوية لي زفة بأسمي وبأسم زوجي ودخلت والزفة ليحين ما اشتغلت للاسف .. وكنت امشي كلللللش بسررررررعة .. ولما اشتغلت الزفة وانا بنص الطريق كااااان ودددددددي اصيييييييح .. :060: وبعدين ارتحت لما وصلت المسرح بس كان فيني الصيحة حددددي ومقهوورة كلش من الداااخل .. وبس تمت المصورة تصور (( صحاري )) والى الساعة 2 ونص يمكن تمينا تصوير تصوير الى ما دخت وتمللت اخر شي تصورني وانا كلش تعباانة ومتمللة ..

وبسبب ها التاخير :058: :058: زفتنا الى الشقة ما كانت كلش حلوة لان نااس وايد تمللوا ومشواا خالات زوجي وخالاتي .. اللي بقوا خواتي وخواته بس .. وحتى اخوه كان متجهز مع اصدقائه حق الزفة بس تمللوا لان واايد تأخرنااا .. :01::01: ووصلت يمكن الساعة 3 سوو لنا واتريمبوو هههههههه وبعدين نمنااا .. :075:

ويوم ثاني الصبح عمتي بعد سوت لي جلوة كان ناذرة علي وتعدلت وصورت واستاانست .. :04: وتاريخ 2/12 سافرت شهر العسل .. :051: وبس ..

والحين خاطري ارد اسوي عرررررررس مرة ثانية >> ولا في الاحلاااااام :08: ...

ونصيحتي لكل بنت لا تفوتين على روحج ليلة الزواج ولبس الفستااان الابيض لانها ليلة من العمر وما تتكرر .. احنا نسوي واشياء ما تصير مثل ما نبيهاااا ونتحسف .. ونتمنى تنعااد ها الليلة شلون اللي ما يسوي شي خير شر !!!!! احسها حرررة في الجبد .. يعني على الاقل الوحدة تلبس فستان ابيض وتصور .. :087:

تسلمين حبيبتي على التقرير الحلو ومبروووك وربي يتمم عليكم ويبلغكم بلذريه الصآلحه ..