ǁ♥ǁǁǁ تجهيزات عرائس { مملكة البحرين } لشهر محرم 1431 - 2009 م / الجزء = 60 ǁǁǁ♥ǁ

حلومة ...
حبيبتي هاي الستايل مال الحنة اللي احبه بس احب كل الاصابع واليد متروسة



وهالصورة مالت قدرية من البومج بس ماقطت سمعت البنات ياخذونها ولا ادري يصبغ عدل او لا؟ولا اعرف جم تاخذ؟؟(على فكرة جفت صور غير تخصها بس ماحبيتهم ولاهم ستايلي)

ليلى الماحوزي تسوي في نفس مستواها؟؟؟

بعد في مرة سمعت عودي تتكلم عن حناية حنت اختها العروس في مدينة عيسى ، انتي شرايج فيها ؟ نفس ذوقي او لا؟؟(هاي اذا تعرفينها اعتقد قالت هند)

حصاصي;10948464:
انصحج اذا تبين شاليه النوفتيل بيكون اوكي وايد لج
او شاليهات الرتز بس وايد غاليه

ايه أنا كنت أبي الرتز بس حسيته مايسوى

:040:
وعن الجلايه عندج أم عاصم،،وهي اسلامي تعتبر بس طقها حلو وتاخذ 200 وشي أعتقد
وأنا ان شالله باخذها حق جلوتي

أنثى النقآء;10946306:

مشكورين بنات على الرد :f: ..

انزين الصبي سالني جم احتاج وسويت هالميزانية ابيكم تساعدوني فيها اذا ماعليكم امر :040:
فستان الخطوبة = 300
فستان الملجة = 150
الاغراض من مكياج وهالسوالف خليت 200 واشتريت ثياب من قبل
السفرة ماادري جم اسعارهم فخليت فحدود 150

اممممممممممم باقول لج أنا جم كلفتني بعض الأشياء في التجهيزات

فستان الخطوبه والملجه خذتهم من السعوديه
الخطوبه ب100
والملجه ب40 واثنينهم من فينيسيا في الخبر
بس يعني فستان الخطوبه مب منفوش ومادري شنو،، لأن أجوف هني كله يلبسون فستان جنه مال عرس بس الفرق انه ملون،،بس أنا خذت فستان سهره كله شك من فوق لتحت
وفستان الملجه بعد بسيط وكله شيفون

امممممممم حق الملجه خذت طقم من تويتي ب35 أعتقد
الشعر سويته بف وستريت يمكن ب10 والمكياج بروحي

يوم الخطوبه المكياج عند صفاء ب70 والشعر عند أشرقت ب20 مع الحشوات والاكسسوارات من عندي كانت ورود صغيره وكرستالات يمكن خذتهم ب5 دينار
الحنه ب35 أعتقد
الباقه ب20

الحلاوه وبدكير ومنكير على حسب الصالون اللي بتروجينه واذا تبين واكس ولا حلاوه واذا جسم كامل وهيك، بس حطي لج 30 دينار تقريبا

هاذي جم صار الحين؟؟ تقريبا 350

المكياج ماشريت لأن عندي واايد أشيا بس شريت لي جم شي كنت احتاجهم حق مكياج الملجه ومادري بجم
العطورات خذت 3 عطورات يمكن وطقم من البدي شوب وأحسهم بيتمون عندي سنيين :037:
العبايه خذت وحده بس وكانت ب50 وعقب الخطوبه فصلت لي غيرها
فيعني ميزانيتج ال200 زينه حق هالأشيا :thumbs_up:

وووبالنسبه لفساتين التفصيل في السعوديه فتحصلين رخاص ترى يعني هم عندهم فساتين أعراس ب200 يمكن فتلاقين حق خطوبه أرخص بعد
روحي السويكت ووريهم الموديل اللي عندج أو حتى تاخذين موديل فستان عرس وتسوينه ملون


و بسسسسسسسسسسسسس

طيف امل;10944384:
مشكورة حلومه بجرب بروح لهم بسوي قبل الخطوبة بجم يووووم


القمورة اي وصلتني الرساله ورديت عليش


اليوم رحت احجز فردوس للخطوبة وطلع ان يوم خطوبتي يوم اجازتها
ورحت صالون سلوى حجزت ليوم الملجة شعر نورية ومكياج لمياء
وسويت ليي دفة في عبايات الخدر واوردي كانو متصلين لي محل ليلتي عشان اسوي بروفا ورحت سويت
والحمدلله متفائله حاسه فساتيني بيطلعون حلوووين

الحين باقي حجز ليوم الخطوبة الاكيد اني بروح وحيدة شعر بس مكياج للحين محتارة يمكن اروح عند فاطمة اللبنانية او معصومة ماك بما اني ما حصلت فردوس ,,, شرايكم انتووون ؟

والله يمدحون الاثنين في الميك آب ..

وخصوصآ اذا كانت ملامحج بسيطه (( بيبي فيس )) يضبطونه لج عدل ..

وان شآء الله يفيدونج اكثر البنآت مني :)

وردالروان;10945463:


صج!!!
انه صراحة جفت الالبوم مال صورها ماحبيت الدانتيل وحسيت فيه فراغات او فتحات:091: بس بعد برد ارجع وادور من جديد وفديت العروس ماتقصرين

مآدري والله كل وآحد وذوقه ههههه .. آنه بعد كنت متخوفه وابي حنه هندي ..

والحمدالله سوت نفس اللي آبي ..

والصوره اللي حطيتيهآ .. اللي سوت لي اكثر ههه ..

ان شآء الله تحصلين اللي تبينه الغآليه .. :083:

نور القمرر;10949244:
لؤلؤة مششكورة حبيبتي على الرد
والحين في بالي اسوي الباقه ورود بيضه مع ورد وردي فااااتح ووياه ورود بنفسجيه اغمق منها مع اكسووراات وكريستالاات اضافيه

----

موفقه خويتي .. :083:

&& العنيدة &&;10949590:
شخباركم بنوتات عروس

حلم العذاري ضيفوني وياكم في القائمة زواجي تاريخ 13 / 3

بنات اني حجزت الصالة والصالون بس باقي الفستان والاغراض الثانية في اي وحدة عندها فستان ابيض او اوف وايت وحابة تأجره ما تبخل علي

واذا ما عليكم امر بغيت رقم الحناية أم محمود - سترة و الحناية زهرة سلطان

بطرشه لج ع الخآص .. :014:

علبة الوان;10950098:
مشكورة خيو.. القمورة.. وحلم العذارى وكل الي ردو..

اشوف ان الكل تقريبا اجمع على سلوى للصالون.. شكلي بروح سلوى..
بس صديقتي قالت لي عن الشعر في الرونق.. والمكياج عند شويطر.. بس ياريت اذا احد يعرف كم اسعار الرونق وشويطر.. ومقارنه بسلوى اروح لمن؟؟


اما عن سالفة الكحل في التوزيعات فكرت فيها بس ما دشت في بالي..:042:
مرة شفت توزيعات عبارة عن شبه ونقضه يعني سوالف الشبة.. محطوطه في قصاصه ورق على شكل عصارة حنه بس حكم صغير كلش ومربوطه بشريطه.. صاير شكلها حليو.. واهي عن الحسد مرة وحده.. تقدرين تسوين لش..


اذا تعرفون صالون يسون حمام مغربي بس ابيه يكون مضمون ويلمعوني عدل وبيضوني هههه:03:.. لاني محتاجه ضروري لحمام مغربي..
بس تقولون لي اسمه ووين يكون.. وكم سعره.. واكون شاكرة لكم..


اممم.. محتارة اشتري ذهب او لا؟؟




في انتظاركم..




تحياتي
علبة الوان[/CENTER]

آنه انصحج تسوين اشيآء بسيطه ومومكلفه ..

ولو قآريه تقريري في التوزيعآت اللي سويتهآ يكون احسن ..

سويت فوق ال 5 توزيعآت .. بس مآكلفتني وآيد .. :014:

علبة الوان;10950314:

اختي وجود..

تاجرين فستانش لو احد حب يتاجر؟؟

وبعض الاشياء الي خليتها في السفرة؟؟

ياريت تردين عليي.. لان ما اقدر اطرش رسائل خاصه ...الا اذا وصلت مشاركتي 15..

انتظر ردش عزيزتي

تحياتي

علبة الوان

امممم قصدج لؤلؤة المحرق هههه .. لان انتي مسويه اقتبآس على تقريري ..

اذا قصدج فستآني انه حآليآ وحده تبي تآخذه ااجره عليهآ .. بس مآدري اذا كآن قدهآ او لآآ ..

لان المقآس سموول .. :037:

...

شوقو .. انصحج بنوفوتيل .. لان مو مكلف وآآيد وحيآه ثآنيه هنآك مع زوجج اكيد ..


بس مآدري بعد جوفي البنآت شيقولون لج ..

امممم قصدج لؤلؤة المحرق هههه .. لان انتي مسويه اقتبآس على تقريري ..

اذا قصدج فستآني انه حآليآ وحده تبي تآخذه ااجره عليهآ .. بس مآدري اذا كآن قدهآ او لآآ ..

لان المقآس سموول .. :037:

مسامحه يمكن من كثر الردود تخربطت ههههه.. العتب على النظر ياختش..

اني شفت التوزيعات الي انتي سويتيها وعجبتني واجد.. اخذت منها الفكرة وبسوي ان شاء الله..

بس الفستان يصير تراويني صورة ليه.. ؟؟ ( قريب بيتفعل الخاص عندي ) اني طولي 154 ووزني 58.. يعني مو طويلة مو متينه.. يمكن يناسبني..



اني اقصد الاشياء الي حطيتهم بالسفرة.. مثل الدله وما ادري شنو.. لاني احب الدزاين القديم.. ويمكن البس ثوب نشل للحنه..


مشكورة ع الرد..



تحياتي
علبة الوان

بنات مرمريز 1 عندهم 80 صورة داخل الاستديو والصاله محسوبين لو بس الصاله

يعني مايحتاج احجز بالاستيديو؟

ناس قالوا لي اروح الاستديو واخبرهم عن اليوم اللي حاجزته وارتب وياهم صح؟
يعني يصير اربعين صورة بالاستديو واربعين صورة بالصاله؟؟

Happy Heart;10942032:

بنوتات وين اقدر احصل علب عسل صغار؟

وتقريبا كم اسعارهم

+

ممكن احصل رقم الحناية ام محمود اللي من سترة؟

في محل مال العسل على شارع جدعلي اذا جايه من طريق الحلي وحسن محمود