تجمع حوامل وامهات دار الزين ( مملكه البحرين ) لشهر محرم 1431ه.....وكل عام وانتم بخير

ينبوعُ الحب;11059292:
مس روز تسلمين من ذوقج وطيب أصلج..

نايس ربي يخليج ويبارك فيج .. عمري 20

صوت الحنان;11058676:
هلا مينسا
إي والله فدوة لقلبوهم الحلوات

الله يخلي لش بنوتتش
تشبهش ؟؟

روحي وليد;11054502:
اقروا المواقف و ضحكوا كثر ما تبون




تعرفون اغنيه (آدم) اللي اسمها كيفك انت..!! شفتو بالفيديو كليب البنت لما كان نايم جان تقعد تناقز بالفراش عشان تقعده والذرب بكل رومانسيه فتح عيونه والابتسامه شاقه الحلج
رفيجتي يعني طالعه فيها بتسوي نفس الحركه بزوجها يوم كان نايم
عاد بنت الحلال بطبوطه..تقول كشخت وقعدت اناقز بالفراش
توقعووون لما فتح عيونه زوجها شقال!!!!!!!!!!!!!!!!!!!!

انثبري لا اصفقج بالأباجورة هههههههههههههههههه

*****

كنت حامل بالخامس وعندي استقبال فمسويه شعري ومكياجي بمس ون ولبست بدله مع شال كبير غطيت فيه بطني
المهم لما رحت الاستقبال يتني وحده سلمت علي وسألتني انتي العروس؟؟؟؟
عاد انا طرت من الفرحه ورحت سيده دقيت على ابو الشباب وقلت له
تدرون شقالي

قالي خوش عروس حامل حشا صبوحه
خطبها نصيب !!!!!!

*****

بقولكم موقف موتني من الضحك على ريلي مرة انا كنت حاطة كحل ابيض على عيوني جان يقولي انتي ما تغسلين ويهج من الصبح ليش هالغمص بعيونج ابذمتكم مووووووووو احباااااااااااط ّ!!!!!!!!!!

*****

مره كنت شاريه كريم حق الايدين على ريحه ليمون يبيض و ينعم
عاد ذاك اليوم حاطته بالليل ودشيت فراشي ,,, ماشوف الا هاللي يشمشم شفيك شصاير
الا هاللي يقول ماجني داش غرفة النوم جني داش الفرضه (شبرة الخضره) لووووووووووووول>>>

*****

مره قعدت من النوم مبجر وقلت خل اقعدة من النوم بنعومة
جان اقوله باذنه احبك تدروووووووون شنو رد على ؟؟
قالي حبيني بعدين بنام الحين


*****

واااااااي انه تنبط جبدي من ريلي لمن اكون معزومه مكان وبسوي بف بشعري ويوقف يمي يسولف ويشوفني اكشش شعري عشان البف يقولي حبيبتي اشفيج عسى ما استخفيتي اوديج يقرون عليج
ويفشلني لمن نروح محل ألعاب او مكان فيه العاب حق اليهال اقوله خل ناخذ هذي اللعبة حلوه عشان ولدنا يتعلم جذي وجذي .. يقولي جدام اللي يبيع او اللي تبيع خلصيني قولي انج تبين تلعبين فيها هههههههههههههههه



وأعرف وحده سوت جو رومانسي حق ريلها يايه بتدلعه .. حطت له شموع بالدار وتقول لمن دش سوالها حركة البوذه ... يقولها داشين معبد بوذه احنا جذي مسويه واااااااااااااااااي دفشين


*****


الله يسلمكم انا يعني اسكت امسوي ليييييييييييييييله
وقايمه ماخذه هذيل الليتات من بو100 وقاصتهم لونهم وردي نفس داري وامنثرتهم بالغرفه وامسكره الليتات
وانا لابسه لبس فرعوني ايهبل ولابسه باروكه نفس مالت الفراعه وخاطه الكحله واقولكم حاااااااله
وقاعده على الكرسي الهزاز انطره المهم سمعت الباب رحت اركض وانخش ورى الباب
فتح الباب لقى الدار فيها شي فسفوري يلمع على الغرفه كلها
ولقى الكرسي الهزاز يتحرك ابروحه لاني قمت ابسرعه
يناديني وانا ساكته دخل وسكر الباب ولا انا وراه
وينقز نقزه من الخرعه بغى يوقف قلبه
جان يقولي يماااااااا جنج كليوباترا ههههههههههههههههههههههههههههههه

حبيبي وعليه اخترع ماتسوى عليه

*****

انا وايد ريلي يعلق كله تعليقات احباط بس مو ذاكره شي معين الا يمكن الي كنت مزينه الغرفه بالشموع وموسيقى هاديه دش الغرفه والا يقول بسم الله الرحمن الرحيم شنو بتحضظرين ارواح

*****

كنت صابغه شعري بلياج وكانت اول مره اصبغه وريلي ما يحب
الالوان الفاتحه يحب الشعر الغامج
انزين وعاد طالعه من الاربعين وكاشخه وضعفانه وشعر الكل يقول
لي جنج باربيه الحين انا خايفه من ردت فعل ريلي
واول ماشاف شعري ولا يقول ووع شنو هذا جنه بلاليط
امبي كان ودي اروح لاي صالون اغير الون مع اني صابغته بشيء وشويات
قلت عاد لازم احلل فلوسه لوول ومامر ثلاث اشهر وغيرت اللون


ومره كنت لابسه تراجي المدورين وحيل كبار واول ماشافه ولا يقول
بسم الله شنو هالتراجي اسد بيمر منهم؟؟


ومره كنت شاريه صندل
يهبل وسعره 35 دينار ولا اقول له شرايك؟
ولا يقول شاريته حق الخدامه؟
ولا اطالعه جذي سكتت ولا اعطيه صج الخدامه من الحررره ولا يقول
لي بعدين اتغشمر معاج حلو من صجج انتي حزته بغيت اذبحه

*****

اما عن نفسي لما كنت حامل ما ادري شسوي بعمري خبركم الحامل اي شي تلبس تحس ان مو حلو عليها المهم مرة من المرات كنت لابسة قميص نوم قصير لون ابيض وكنت داقة عليه ولا اهو ياي بالطريج يعني ما يمديني اسوي شعري عاد تدرون فيني اموت عالبواريك جان اللبس باروكة شقرا مايلة على البياض اشوي واحط مكياج العين ناعم مع حمرة لون احمر ولا بعد رازة عمري وقاعدة بالصالة اول مادخل جان ينقز نقزة يقوووول والله عبالي ينية قمممممممممممممممممة الاحباط عاد حدي مو ناقصة وانا حامل بس تبون الصراحة شكله كان صج مخترع هههههههههههههههههههههه


*****

انا مرة كنت لابسة قميص نوم طويل اللي يصير كأنه فستان سهرة
المهم رافعة شعري وحاطة المكياج ولابسة اكسسوار ولبست عزكم الله الجوتي الكعب ولا الحبيب يقول لي بكل براءة: هاا بتطلعين وين بتروحين؟
وااااي انا لابسه قميص واطلع وشسمونه واهو يقول لي وين بتروحين

*****


مرة علق على بيجامه شاريتها من لاسنزا قالي :- خبازنا مضيع سرواله اليوم أثاريه عندك ..
طبعا احتريت منه قلتله صج مو كفو شاريتها ب15 وتعلق عليها بعد وصرت اعانده البسها دايم علقت عليها شسوي احب اعانده

*****

شريت بجامه مقلمه من بي اش اس... ما وعيت إلا ريلي يقول لبنتي شوفي هالشرشف شنو يشبهه بالغرفه ؟؟

لا وأنا رازه ويهي وأقول الفوطه
جان يقول : لا
وإهي تقول ويه المخده
جان يقولها يقولها : لا

عيزنا وإحنا ندور .... جان يقولها شوفي صروال أمج

الدفش ما يعرف حتى يقول بنطلون أمج وإلا بجامتها
والله عقبها حرمت أشتري شيء مقلم وألبسه أهو

*****

أحب قبل لا أنام أحط حمره ... كل ما شافني حاطه حمره قال ولييييييييه حطت ديرماااااااانه
كح كح يسمي الحمره ديرم

********

مره رفيجتي تقول لابسه شورت ولونه أزرق وفيه خط أبيض تقول لمن شافني ريلي قالي أيوه أيوه العنبري ...يعطيها لجاسم يعقوب وقوووووووووووووووووووووووووووووووووول

زاهبين حق التعليقات

روحي وليد;11054624:
يه يه كشخة نايس صح الطباخ بالممارسة ممكن تبدعيين فيه بس بعد يبي له مزاج
صح كلامج على البصل بس زوجي حالة خاصة مايتقبل حتى ياكلة عشان يعجبة اولا من قبل لا اتزوجة جذي حتى يوم العيد بما ان من الاهل كلنا ناكل غدا العيد الا اهو يخلون له اكل خاص بروحه مستحيل حتى يجرب حتى الفاست فود يوصيهم الف وصاة لايحطون له بصل لوو صار غلط في الاوردر مايشيل البصل وياكلة الا يقط السندويج بكبرة بس عشان كان في بصل مينني على هالسالفة الله يهدية ويصلحة بس

روحي وليد;11054692:

خنازير قوم عند قوم فوائد

وقف رجل في صف الباص عطس مرتين فاختفى كل الواقفين .

ركب ووصل إلى عمله لأول مرة دون تأخير .

-----------------------------

وجد المراجعين يتدافعون خلف مكتبه ,عطس مرتين فاختفى كل المراجعين .

-----------------------------

وجدها فرصة , فطلب إفطارا .

عطس مرتين بوجه الحاجب , فترك الصينية وهرب دون أن يطلب بقشيشا .

--------------------------

رن الهاتف , فكان مديره طالبا منه أن يعتبر نفسه في إجازة مفتوحة حتى يشفى . فرح كثيرا وشكرا الله على نعمة انفلوانزا الخنازير .

--------------------------

ذهب إلى البنك لاستلام راتبه , فاخبروه انه لم ينزل في الحساب بعد .

عطس مرتين فأعطوه الراتب كله على أن يقتطعوه فيما بعد من حسابه .

---------------------------

ذهب إلى البيت , فوجد زوجته بانتظاره مع الأطفال للذهاب إلى السوق . عطس مرتين , فقالت له : العب غيرها . العطسة سهلة يا حبيبي . لو انك انقلبت خنزيرا أمامي , فما زلنا سنذهب إلى السوق .

وسلملي على انفلونزا الخنازير

صوت الحنان;11057462:
صباح الخيرات بنات
بل اليوم منفس اقدر ادخل و اشارك

فراولة هلا بأم روان .. ابي اشوف صورتها
ميس روز تسلمين حبوبة ما تشوفين وحش

عيون هلا و غلا شخبار نور الصباح ما اشوفها .. يمكن بعد موجودة و ما شفت لأن ما قريت المشاركات بس قريت مالت امس .. المهم سلمي عليها

فاتي .. يووووو سكتي يموتون على اختهم .. خصوصا علاوي ما يصخي عليها كلش كلش

باقي الأنثيات الأمهات و الحوامل .. كلكم بلا استثناء شخباركم ؟؟

أسور بتي داومت بس ما أشوفها ؟؟؟


شروق بروح اقرأ قصتش و بكتب قصتي خخخخخ

زهورحلوه;11057497:
صوت توه ما نور التجمع خيوه وشخبار توته صديقه بنتي

شخبارش خيتي وحشتني وووووووووووووووووووووووووووووووواجد

كل البنات عساكم بخير

بدون استثناء ما بذكر اسامي عشان ما انسى احد

صوت الحنان;11057766:
بنات هادي صورة بنوتتي فديتها قلبو

لاحظو تسبيطة الشعر خخخخخخ
امي موتها تسبط الشعر :D

صوت الحنان;11058801:
بسألكم بنات
وش أحسن حليب؟؟

أستعملت S26 صارت توتة كله ترجع
غيرت و أخذت نان المضاد للترجيع و صارت كله إسهال

أحترت وش أعطيها قلبو

ينبوعُ الحب;11059032:

السلام عليكم

شخباركم يا أخوات وحشتوني وايد ووحشتني طلتكم وسوالفكم
شخباركم وشخبار أطفالكم والحوامل شخبار حملكم .!؟

غبت فترة طويلة والحين راجعة لكم علاوي شغلني عنكم
بس الحين ضبطت نفسي ووقتي وتعودت عالوضع الجديد

وجاية لكم من جديد تذكروني لو نسيتوني .!!؟

صوت الحنان - بطة حلوة- عيون بن عون - زهور حلوة -أم علاوي -مينسا-
تهاني العروسه - أنثى - فاتي - زهرة السعادة - فراولة ملكية - دمعة - أم عبود - m!ss rose
- أم زينة - خذيت الروح - رنبن وكل الأخوات .....إلخ

ينبوعُ الحب;11059175:

علاويي كبر وهذا هو الحين الحمد لله بدأ يتفهم ويتبسم أول أمس طعمناه

زهرة السعادة;11060398:

احب اقرا قصص الولادة :013:

بنات حطوا قصصكم :02:

انا استخدم 26 S ناسب ولدي مع اني احسه ثقيل

بس اسمع يقولون نان 1 واجد زين