تجمع حوامل وامهات دار الزين ( مملكه البحرين ) لشهر محرم 1431ه.....وكل عام وانتم بخير

مشكورة ام عبود ما قصرتي
الام الحنون

انا بعد صادني جذيه في البداية وكنت اصيح دحتى مو بس تشقق حلمات الا كأن الحلمة بتنقص كان الجرح على جنب كانش بتشيلين الحلمة
وتميت اداويها بميبو جان تعرفينه اخذته عن الجرح الخياط وقريت في النشرة انه بعد للحلمات فاستعملته وبعد قريت عن طريقة الرضاعة مو تخلين البيبي يمص الحلمة لا دخلي ليه الهاله كلها من يبطل بوزه والله الكريم يومين والتأم الجرح الحمدلله وكنت انزل الحليب في هاليومين لا يتحجر صدري والحمدلله

بس اكو الحين ابتدا معايي الصدر الثاني والمشكلة ما عندي الكريم
فحطيت عليه افالون وان شاء الله يفيد

نصيحتي لش اقري عن الرضاعة الطبيعية بتفيدش المواضيع واجد

احس هذرت واجد بس ان شاءء الله شي يفيدش

تصبحون على خير

وعن ادرار الحليب حتى الحلبة الخضرة اللي مثل البرسيم تجي واااااااجد زينه ابو حن على راسي علشان اكل وبالفعل يدر الحليب

مع ان الريحة ما شاء الله بس شنوي لازم تضحيات بس احسها اهون منالحب كانش تاكلين خضرة ومالها طعم قوي عادي يعني

بنات متى ياتكم الدورة بعد الاربعين

ويهي طالع فيه حرار واقول يمكن الاخت بتشرف ما يندرى نسيت اعراضهااااا خخخخخخخخخخخخخخ

مفتكين منها تسع شهور الحين رجعنا للهم و الألم الحمدلله

واللي يرضعون طبيعي شلون دورتهم؟

الأم .. أمي كانت أتقول لي أنه حليب الأم بعد اتمسحينه على النيبلز

وكل ما يشرب البيبي أتصير أحسن .. حاولي معاه ترى بعدين مابيرضع منج وبتتأسفين

شروق .. انا ياتني بعد 3 شهور تقريباً وفي بعض الأمهات طول ما يرضعون ما اتيهم

..السلام عليكم شخبااااركم؟
ماادري من متى مغيرين الرموز.. حليوين صغار,,احسن من القبليين الدفشين
يالله بندور جان نحصل وياهم كرسي صوت هههه :041:>>>عجبني هالرمز

عيون بن عون;10913553:


اول شي عن العياده
تعرفين شارع الرفاع ( شارع ام النعسان) الي منه ممكن تدخلين الي اللولو هايبر

تدرين.. بخلي زوجي ينزل الماب من قوقل ايرث اسهل

وعن الاكل حاظرين عنوني
بكتب لج من الورقه وبنزله بموضوع احسن ان شاااااء الله باجر فليل واذا ماقدرت ان شاااء الله الي الاثنين..... وبعد تره في مواضيع بقسم التربيه والطفل فيها اكلات ممكن تستفيدين



بالنسبه عن الدكتور
مادري شاقولج انا وديتها لمحمود الفضل ومااستفادت منه
بعدين احترت اوديها حق مين
سألت هلي عن الدكتورة ناديه اذا تعرفونها وبنتها الدكتورة نضال . ناديه كانت مسافره وبنتها ترددت اروح لها
وبعد طبعا الدكتور حرب.. ونويا اوديها له. بس في اخر لحظه اتصلت لي امي وقال لي تره فلانه تقولج لا تروحين عند حرب لانه صار تجاري ومو نفس قبل وفلانه غيرها مااستفادت من علاج فروة راسها مع انها شهور وكورسات معاه.. غييرت وراحت حق محمد رضا وفي خلال شهر تشافت.. عشان جذي انا توكلت على الله ورحت له والحمد الله رب العالمين الله سخره لي وبنتي خفت الحساسيه عندها بوااايد..
يعني كل واحد مايدري وين نصيبه.....:)

..مشكوووورة.. وين الماب نسيتينها؟؟

ايي شفت موضوع عن الاكل في قسم التربية والطفل وسيفته عندي :ok:>>>الحين عاد كل حين بنحط رمز من الوناسة ههههه

خذيت الروح;10914881:
سلام بنات مأجورين جميعا



عيون == طبعا الشفاء بيد الله وفعلا يختلف من دكتور لدكتور ، بس انتي شفتي ويهي خخخخخخخخخخ قبل كان شوارع مانفعني الا حرب جان الحين انا متعقدة وقاعده في البيت P:

بس عن جد دكتور حرب استشاري دكتور محمد مثل ماقلت طبيب عائله يعني عط الخباز خبزه ، وعن التجاره من الحين مو تجاري خيتو عيل شقولج يوم كنت اتعالج عنده كل شهر ادفع 200 تقريبا تخيلي فلست صج فلست بس اهم شي صار ويهي عدل ويتشاهد

وترى في صديقه بعد قالت لي عن دكتور محمد رضا من بعد ماانتي قلتي لي جزاج الله خير قلبي

وعن الصيام اليوم عاشر انا ماصمت بعد مسويه دايت مخففه بس من اشوف الريوق كاني مجنونه

دموعه === ان شاء الله ماتحتاجين ولادكتور بس بالنسبه لمحمد رضا يصير وين لولو هايبر ماركت الرفاع لاتلفين يمين وتدشينه لا روحي سيدا بتلاقين العياده مطله عالشارع على ايدش اليمين

دكتور حرب العمري == وين رويان سند المجمع الطبي الي يمه الدور الثاني

..مشكووورة خيو على الوصف,, اني بجيك واحد منهم واذا استفدت منه اوكي..
مااستفدت بروح للثاني

الأم الحنون العطوف;10916478:
قنوت اني في حليب بس قليل هاي مشكلةوالثانية انه مايعرف دايركت من صدري فأخذت له حلمة بيجون ماعرف لها حلمة ايفنت ماعرف لها ماعرف الا بس لحلمة المرضعه العادية ويرتاح لها طيب المشكله انه لما يمص بها تتجرح --- مالتي استحي اقولها

وتتشقق ماتحمل واضطر اشفط له

وهاي هي كل المشكلة على امل اشوف حلمة شبيهه بحلمة المرضعه بدون ماتجرحني ويعرف لها

ام فروس ولا تزعلي شخباااااااااارج شخبار فرووووووس الانيق ترى محمد الساعي قديييييييييييييييييييم اني تعالجت عنده لما كنت بيبيه ووايد تمام ان شاء الله يشفى فروس على يده

خذيت الروح شلونج يالقمر بجرب اكل حلبة الهمها لهام افضل من المغلي احس لان كلش موووووشي وان شاء الله يدر الحليب درا هههه

..الام الحنون قلت لش جيكي جيكو واااجد زينة
لأنها لينة وتلصق على الصدر وتوقف تصير كأنها مالت الصدر
اني جربت له جم مرة بحلمة المرضعة وكان يشرب بها لأنه متعود يرضع بالمرضعة
بس كانت تضغط على الصدر وتألللللللم عدللللل
بحلمة جيكو كلش كلش مايألم,,
وجربي اكلي بعد رهش او سمسم واااجد زين لادرار الحليب

*فاتي*;10917167:
عيون دكتور محمد رضا متخصص لشنو امراض جلدية؟؟!! وفي وين عيادته صايرة
ياريت تكتبون ارقام او مواقع عيادات الاطفال لان حزة الحزة مادل ونتحير بأي افضل دكتور للي عندها خبرة ياريت تنزل موضوع:)

:092:خوووش فكرة,, يالله عيووون اشتغلي على الموضوع يا نحلة التجمع :014:

*فاتي*;10917215:
السلام عليكم بنات شخباركم كلكم عساكم طيبين بدون ذكر اسماء خوفي انسى وحدة او شي سهواً:)
مسامحة بنات مارديت عليكم كلكم لان ماقريت الواجب ولا عندي وقت كلش مضغوطة بهالايام العظيمة الله يعودنا جميع مأجورين
اجوفكم وقت ثاني ان شاء الله على خير
رايحة بيت ابويي مع السلامة

..الحمدلله احنا بخير,..شخبارش انتي وشخبار عمووووري
مثابة ان شاء الله فاتي

ღام عبودღ;10917462:

شروق هذا اسم لكريم

Daktacort

دمعه شخبار حمود

هلا ام فروس شخبارش وشخبار فروسي
حاولي معاه من جديد كأنش اول مره تأكلينه

روحي وليد الله يرزقش عاجلا

الام الحنون مهما يكون حاولي ترضعينه لا يعيفه لش

..اهلييين ام جود.. الحمدلله حمود بخير ,,
شخبارش انتي وشخبار النونوة الحلوة؟؟:072:>>>عاجبيني الرموز

الأم الحنون العطوف;10917705:
شسوي ياام عبود احاول معاه بس هو مافيه صبر ويقعد يصيح مايساعدني يبي يشرب وبس وكاني اشتري بهالحلمات وبس يالله وحده تنفع
مس روز حبيبتي تعبت معاه بالمحاولة واله تذبحني هالتشققات بجرب امسحها بالكريم الي قلتي عنه ان شاء الله يفيد

..خيو تذكريني بمعاناتي ويا حمود :035::035:,,والله جتني ايام اصيح.. وخواتي كانوا يعطوني امل انه بيرضع مني
اختي تقول كلنا سووا لنا عيالنا جديه,, تقول لي انتي اول مولود والحلمة كلش كلش مو طالعة,, والجاهل يبي له صبر لما يتعلم,, وولدش عصبي وماعنده صبر
لكن حاولي وياه وبيرضع,, تقول بنتها لما كملت شهر,, واختي الثانية تقول عقب اسبوعين واني كان عندي امل انه بيرضع
بس اني مشكلتي مو بسبب الحلمة ولا قلة الحليب,, هو رافض الرضاعة الطبيعية رفض غريب :(.. حتى الكل يقول لي شي مو طبيعي اللي يسويه!! يمكن صابته عين,, لكن ماحد شافني ارضعه عشان تصيبه العين,, وماظل قرآن ولا ادعية ولا حرز الا وسويت له,, حتى قلت لزوجي شوف لي دكتورة اروح لها تسوي لي حل

تخيلي!! اول امس كنت رايحة بيت ابوي الظهر واني نازلة من السيارة كان شمس,, ماحبيت اغطي راسي.. نزلت وضميته وهو في الفراش .. وقربته مني ومشيت بسرعة عن تصيده الشمس.. ظل يصرررررخ عباله برضعه هههههههه
دخلت به البيت وامي تقول لي وش فيه؟ اقول ليها المخرف عباله برضعه,, صار لي مدة مااحاول وياه لأني خلاص يأست

شروووق;10917902:
وعن ادرار الحليب حتى الحلبة الخضرة اللي مثل البرسيم تجي واااااااجد زينه ابو حن على راسي علشان اكل وبالفعل يدر الحليب

مع ان الريحة ما شاء الله بس شنوي لازم تضحيات بس احسها اهون منالحب كانش تاكلين خضرة ومالها طعم قوي عادي يعني

..تدرين!! عمتي تحط لنا في الغداء حلبة ويا الخضرة لكن ماكان يجي على بالي آكله,, وصج يسوي ريحة الجسم كريهة
خاصة اللي يعرقون يصير ريحته اوووووف... بس اشوة الحين شتاء يعني اكليها امان ههههه :041:

@ام فروس@;10913410:
هلووووووووووووو يا حلوين

اخباركم ؟؟

روحي وليد اهلين عيوني ما شاء الله عليج وايد حبوووبة حبيبناج كلنا ويا رب نفرح بخبر حملج عن قريب :L::L:

فديتج ام فروسي العسل وفديت كلامج الحلو تئبريني والله:032:
وانا بعد حبيتكم وايد وسوالفكم ماشاء الله ماتنمل:072:
ان شاء الله الله يسمع منج يارب :065:

&&&
ماعليه شر فروس عن الاخصائي اللي قلتي اسمة مااعرفة بس اللي اعرفهم ثلاث استشاريين ممتازين للاذن والحنجرة عندج دكتوراحمد جمال في السلمانية وله عيادة في مجمع الخليج او الحكيم الطبي موذاكرة اي واحد فيهم بالضبط وعندج دكتور عراقي بعد وايد شاطر في البحرين التخصصي اسمة محسن الصياد هذليين الاثنين مجربتهم وايد شطار ويفهمون حتى عبد الرحمن غريب في جوسلين ويمدحون بعد السندي اللي يم فوزية كمال بس انا ماجربتة شوفي جربي تودينة لواحد منهم وان شاء الله ماعلية الا العافية

عيون بن عون;10913511:

اييييييييه نفسي انا بعد الصراحه كسوله واقوم ارتب عدل عدل بمزاج
يعني شوفي متى ايني المزاج خخخ
مع اني ساكنه بغرفه في بيت اهل زوجي
بس بعد اتعب
من اخلص من قصايد بس مابي اسوي شي
ابي ارتاح ولا ابي اشغل نفسي
صاير جسمي كله يعورني
وخصوصا ظهري
لما كنت في النفاس كنت اقوم وايد
وقالوا لي لا تتحركين وايد تره بيطلع عليج بعدين بس ماسمعت الحجي
والحين اعااااااني والله جني عيوز
:(

هذي مشكلتنا الكسل والمزاج الله المستعان ربات منازل فشلة حدنا:013:
وصج كان المفروض تريحيين روحج قد ماتقدريين في النفاس بس يله الواحد ساعات مايدري شبصير له
وانا مثلج احس اني عيزت وين قبل ايام الرشاقة واللياقة ولت من غير رجعة خخخ :066:

عيون بن عون;10913553:
هلا هلا هلا

عيون بن عون;10913553:

كل عام وانتوا بالف خير
:L:

وانتي بخير وصحة وسلامة قلبي:072:

عيون بن عون;10913562:


بنات صمتوا اليوم؟؟؟
ومن بتصوم باجر الاحد ان شاااء الله؟؟؟؟

انا ما صمت لانه فيني ام الخضر والليف:039:

شروووق;10914991:
روحي وليد ما شاء الله عليش نشيطة في التجمع
انتين تشتغلين في التربية لا؟ وين تشتغلين يمكن اعرفش؟<<<فضولية ترى

هلا هلا ام فتوم الحلوة
اي ا انا موظفة بالمنطقة التعليمية الثانية بالوزارة :041:
يله ان شاء الله تطلعين جارتنا بالدوام ونشوفج ونسولف وياج:072:

..روحي وليد وفاتي اشوفكم قاعدين تطلون
روحوا ناموا>>>>اسمع من يتكلم ههههههههه

&#4326;ام عبود&#4326;;10918005:

اني الحمدلله للحين ما جتني

بخصوص التشققات
اني صادني وتولولت فيها ومرتين رضعت جود وكان ينزل ليها دم ورجعته
بس بعدين من ارضعها احط لي المرهم وعقب ما تخلص رضاعه احط لي لين ما راحو

بيتادين ماادري شنو اسمه المرهم لو عندي اياه قلت ليكم عنه بس عطيته خالتي :093:

اني جتني عقب 5 شهور من ولادتي بعموري وداك الشهر جاتني بس يومين وهالشهر الحمدلله نزلت طبيعية بس بوقت مختلف يعني دورتي غير منتظمة:091:
اما عن الرضاعة حالتي نفس حالة ام عبود بالضبط عموري رجع دم يوم كان في الاربعين وحزتها خفت عددددددل وتميت اوسوس رحنا الطوارئ قالت الدكتورة مو منه من صدرج لان عندج تشقق في النيبلز واستعملت مرهم اللي عطوني اياه نسيت اسمه بعد العتب عالذاكرة:042:

هااااي

شلونكم شخباركم

دمعة;10919298:
..روحي وليد وفاتي اشوفكم قاعدين تطلون
روحوا ناموا>>>>اسمع من يتكلم ههههههههه

ابي انام بس مقاومة خل احس ان اجازة:093: وبعد لان اليوم توني داشة مامداني اهذر وياكم:041:

دمعة;10918690:
..السلام عليكم
..الحمدلله احنا بخير,..شخبارش انتي وشخبار عمووووري
مثابة ان شاء الله فاتي

حلوة؟؟:072:>>>عاجبيني الرموز

هلا وعليكم السلام ام حمود دووم ياربي:)الله يهديه حمود ويرضع منج طبيعي ويرتاح بالج:)

هلا عيون وروحي كيف احوالكم خواتي العزيزات وينها نايس؟؟!!

اهلين فاتي&عيون انا بخير الحمد لله وانتو اخباركم شمسويين؟
ايي نايس فاقدينها هلايام ان شاء الله المانع خير ياربي

دمعة;10919298:
..روحي وليد وفاتي اشوفكم قاعدين تطلون
روحوا ناموا>>>>اسمع من يتكلم ههههههههه

ههههههههههه عفر عبالش الناس كلها نفسش تشاخرين من كثر النوم:041: وين يخلف الله ويعاوض مايحصل لي انام حتى ولو نام ساعه ساعتين عقبها بيقعد نومه متقطع وراسه خفيف على اقل دقله يقعد اني وابوه نتساسر بالليل علشان مايقعد الحلوو:08:

انا بعد دورتي صارت مو منتظمه يعني تجدم كل شهر 4 او 5 ايام

وعن الدكتور اهو على مااظن مكتوب في بنر العياده انه دكتور طب عائله وجلديه..

وعن ارقام ومواقع العيادات يلا الي تعرف تكتب
وبعد سوو سيرج في المواضيع لانه جنه في موضوع عن الدكاتره
مايصير ننزل يادموعه وبعدين بيصير مكرر....


روحي وليد
دعيت لج عند الافطار

روحي وليد;10919411:
اهلين فاتي&عيون انا بخير الحمد لله وانتو اخباركم شمسويين؟
ايي نايس فاقدينها هلايام ان شاء الله المانع خير ياربي

دووم يارب نسأل عنج خيوو اي ان شاء الله خير:)!!

عيون بن عون;10919377:
هااااي

شلونكم شخباركم

..هاااايات عيووون..الحمدلله احنا بخير
شخبارش؟؟

روحي وليد;10919381:
ابي انام بس مقاومة خل احس ان اجازة:093: وبعد لان اليوم توني داشة مامداني اهذر وياكم:041:

..اييي استانسي بالاجازة :08:

روحي وليد;10919411:
اهلين فاتي&عيون انا بخير الحمد لله وانتو اخباركم شمسويين؟
ايي نايس فاقدينها هلايام ان شاء الله المانع خير ياربي

..اي والله فاقدينها هالايام,, وهي في لندن يعني كان عندهم اجواء الكريسمس.. راحت تحتفل معاهم :041:
السنة اللي راحت كنا في شهر العسل,, ونااااسة الفندق كشخة بس احنا كنا تعبانين من التسوق ولا نزلنا

*فاتي*;10919413:
ههههههههههه عفر عبالش الناس كلها نفسش تشاخر من كثر النوم وين يخلف الله ويعاوض مايحصل لي انام حتى ولو نام ساعه ساعتين عقبها بيقعد نومه متقطع وراسه خفيف على اقل دقله يقعد اني وابوه نتساسر بالليل علشان مايقعد الحلوو:08:

..ويلي على روحي,, قالت لكم قنوت كل نوم وصدقتونها :040::040: ..اني قالوا لي نظمي نومش ويا نوم البيبي.. ينام 10 او 11 مااعرف انام هالحزة..متعودة على السهر.. لكن يرد يقعد عقب ساعة .. وانيمه.. ويرد يقعد لي عقب ساعة او ساعتين.. ماأنام الا عقب الساعة 1.. وتالي بس انام لي شوي يرد يقعد
وكل مايقعد اقوم اسوي له مرضعة
وتعرفين بعد شلون تسوي المرضعة يبي له وقت .. مو مثل الرضاعة الطبيعية .. طلعي البتاع وخلاص هههههههه
اقوم اشيل المرضعة من المعقم واغسلها بالماي واسويها له وبعدين ابدل حفاظته وتطييييييييير النومة من راسه واقعد انيم فيه فوق الساعة :057:

واذا على الراس الخفيف ..عجل وش اقول لش عن حموووودي.. على اقل صوت يقعد.. لدرجة ان يوم اللي ولدت جوا لي بيت عمي ..وحماتي بتصوره عقب ماولدته بس بجم ساعة.. صورته وقعد من صوت الفلاش..
حتى مشيتي في الحجرة مثل الحرامية ههههه

عيون بن عون;10919418:
انا بعد دورتي صارت مو منتظمه يعني تجدم كل شهر 4 او 5 ايام

وعن الدكتور اهو على مااظن مكتوب في بنر العياده انه دكتور طب عائله وجلديه..

وعن ارقام ومواقع العيادات يلا الي تعرف تكتب
وبعد سوو سيرج في المواضيع لانه جنه في موضوع عن الدكاتره
مايصير ننزل يادموعه وبعدين بيصير مكرر....

..ماشفته الموضوع.. في اي قسم؟؟التربية والطفل؟

هلا فاتي
انا بخير الحمد الله شخبار انتي وعماري؟؟؟