ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

صباح الخير عروسات
بيسا ماشاءالله علي ذوقك حلو الصراحة ، تتهني بيهم ان شاءالله

ماشاء الله يابيسا شطورة كل شيئ تمام وحلو

انا نموت في محل home sweet home روعة والله

نبي نسالك توه انتي شريتي امتاع الستان ابيض ومعاه

شرشاف واحد ثاني الي تلبسي في الورغان .؟

وهل هذا الي يبو يفرشوه لكي ع فراشك لما يفرشوا؟

تبيديهم بالهنا ان شاء الله كلهم حاجات حلوات ماشاء الله

وبارك الله فيكم كلهم يابنات ع المعلومات

لا لا هدوما يمك نفرشهم على السرير ويكونو داخليات بس ينحط فيه الحشو مش حنستعملة بس الورغان الاساسى مزلت ماجبتا انفكر انى نكسر القاعدة ونجيبا زهرى فيه ورد اكيد شفتيهم يهبلو:086::086::086::086::086::086:

هنو رايى تاخدى ورغان رسمى و2 عاديات ومفرش سرير رسمى 4 عاديات ملونات ومناشف لك ولعريسك 6 مناشف للاستعمال اليومى منهن مناشف ايدين

بيسا;10946071:
عروس ليبيا حبيبتى لو قصدك طقم السوانى خديتا من السنابل لكن والله مانى عارفة كم قطعة المهم كل حاجة منها 6 ومعاهم حتى كاس وكبيات امية وفنجيل شاهى بتباسيهم 285 دينار ولو قصدك على السكريات خديتهم من محل الجورى فى الفويهات الغربية بعد صيدلية الاسرة وحدة 29 وحدة 33 والملونة 6 دينار بس

هلا بيسا احلى عروسه هههههه

سلمها يار بخلاص ان شاء الله بناخد زيه بس قوليلي فيه منه اصفر في اخضر ؟

الصراحه سعره فيه راهو بجديات حتى شافوا الصورة خواتي هبلوا عليه

على اساس بيجيني هديه ههههههههه

سلمها يارب مشكورة جدا بيسا على ردك

دلوعة خطيبها نورتي التجميع

بالنسبة لبدله الصلاة انا ايبه من السعوديه بدليتن مطرزات ولونهم أبيض وحاجات حلوة بجد وقماشتهم حلوة بس لقيت مرة في محل تخفيضات بدله صلاة كيف متاع فله هههههههه لونها احمر في ابيض خديتها نحسها متاع عروسه هكي وقماشتها رطبه حلوة .

هنو الدلوعه;10948946:

ماشاء الله

الله وحد الله علينا ياعوينه ماضرينا
ماشاء الله علي وخيتي النويشطات سلمهم يارب بجديات تعاونكم مع بعض بجد يهبل ويفرح ربي يكمل علينا يارب وعام جديد كله أفراح
أن شاء الله ديمه أفراح ياربي وقلبي مرتاح ههههههههههههههههههههه جايتني على الغنا

ههههههههههههه عادي ان شاء الله ديمه تغني وفرحانه يارب

وسؤال

قداش ناخد مفرش للسرير مع الورغان ومناشف قداش ردوووووووووووو عليا مش طنشوني ؟

شوفي يا غاليه بالنسبه ليا بناخد ورغان كبير اسباني لونه سكري لما بناخده حنصوره ليكم بس حجزته في المحل مزال ماجبته عهدا لقيته ب475 دينار لكن الصراحه حاجه حلوة معاه مخدتين بس بس .

وبناخد ورغان تاني صغير لقيته ب100 دينار ابيض جوبير حلو حتى هو فيه منه الوان انا بناخده لون مخالف ,وبناخد حاجه 3 وراغين زي اللي خدتهم بيسا وانصولات كم وحده حتى هما ماهو اللي نسألها تقولي كتري منهم في البدايه تقعدي تغيري باستمرار فهمتيني :037:

السلام عليكم ورحمه الله وبركاته

بيسا الحلوة تسلمي ع رد ياعسول

انتي نفس كلمت ماما ع كسر القاعده ع الورغان

حتي ماما عاجبها بودري وخاطرها تاخذه ليا بس انا مازالت ماقرتيش

يعني كم وررغان المفروض تشيلوا حاجه 3-4؟

شكرا يا عروس ليبيا عللى ترحيبك بياوانا عندى خالتى فى السعوديه نبى نوصيها على حاجات من غادى ومش عارفه شن الحاجات يلى غادى خير لانه توا يجيبو ف كل شى بس بلكى نوصيها على بدلة صلاه
ولا شن رايكم شن نوصيها؟؟

يا عرايس سؤال انا دار نومى مزوقه بالمشماشى زعما شن المفروض يكون لون المفارش
والورغان يكون نفس لون المفارش ولا المهم يركب معاه وخلاص؟؟

ايوة دلوعه خطيبها من السعوديه تقدري توصيها على بدله صلاة قوليلها تلاقيهم في ابراج مكه بطرزات حلوة وفيه حتى الوان مش بس الابيض بس انا خديتهم ابيض,ووصيه على عبايه برضوا من ابراج مكه تلاقيه صح غاليات شوي يعني بقيمة 400 او 500 جنيه ليبي بس حاجه حلوة وتغنيك على العبايات كلهن .

وتجيبلك عطور زيتيه زي الكشخه ودهن العود حلووووووااااااااااااااات.

تفضلي انا في الخدمه يا غاليه

بالنسبة للون المشماشي يمشي معاه الابيض او السكري خصوصا انتي عروسه وربي يباركلك يا رب

بنات نزلت مشاركت بس ما لقيتهنش مش عارفة ليش:057::057:
عالعموم عروس ليبيا تسريحاتك حلوة تسلمى:087:
وبيس ماشاء الله عليك نويشطة وخاجتك حلوة تتهنى فيها :025::025:احلى شى عجبنى الستان السكرى رووووعة بكل:065: وطبعا ماركة تاك تهبل
هنودة ومادام غادة وينكن ياعسولات:057:
ويابنات ماتعرفنش احس دى جى فى بنغازى وين نلقاه نبيه نويشط ويحط الاغانى الى نبيهن وينسق الاغانى على وقت خشتى وحطت البروجكتر:016:

هلا عروس رايقه نورتي بالنسبة لاستفسارك اسألي بنات بنغازي

خيرات على السمحات بالنسبة للدجى شوفى الروز هو يدلك على احسن واحد وافضلهم وبالنسبة لبدلة الصلاة مكنتش داير حساب ان العروس ضرورى تكون بدلتها مميزة توا موال جديد الله يربحكن الى تعرف محل يببيع فيهن فى بنغازى ادلنى والورغان الى بمية وين يبيعو فيه وشنو شكلة ولو دارك لونها مشماشى ز مقالت البنوتة السكرى حلو وحتى البنى والبيج بس انت عروس يعنى الالوان الفاتحة احلى ومدام غادى وينهى على اساس بتعشى فى كروتنيا اليوم (انشالله ربى يهنيها) وتواهيا على السريع نحطلكن مشتريات اليوم مزالن ساخنات على فكرة كلهن من محل واحد الشامى للمفروشات الفويهات الغربية

مشاء الله بيسا تتهني يارب

بالنسبة للورغان اللي ب100 من البيضاء لونه ابيض وقماشته جبير وفيه ناستروا بالوان مختلفه انتي تختاري اللي يعجبك