ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

سامحينى يا جوهرة والله غير المركات ياحنونة غاليات الى قتلى :-oعليهن هضا عليش معقبتش الصراحة كان بنشريهم من بنغازى معناها 1000 جنيه ميجبلى حتى 5 حاجات على بعضهن سامحينى مش القصد والله طالما فتحتى الموضوع شنو الالوان الى ناخدهن حتى لو ماركة برجو وديبور وكل لون نشرى منة كل حاجة ؟؟؟؟؟؟؟؟؟؟؟؟؟؟ وبالنسبة لبرأة استلمت شوال البصل من tnt ارخص واحد على فكرة كان فى عروسة بتشرى شوال البصل تفضل خصوصا اذا كانت دبدوبة لاان الصراحة نيتى طارت منة:thumbs_down:

انسية مكان شركة tnt فى فندق تيبستى الدور الاول

نرجوسة المكياج حايسة فية زى حوستك ولمة نخش على قسم المشتريات منعرف عليش يحكن ويحنا ياخدن فى الزملتوات بالمئات

جوهرة2010;10872757:

السلام عليكم

كيف حالكن خيرها الحكاية كساد و خلاص هنو اني رايي من راي مدام غادة الفصول الاربعة كيف صار معاك انت و السيراميك ونبي نسألكن عن تشقير الوجه فوايده مشاكله كل شئ وحتى تشقير الحواجب ^o)^o)

والله عليك عصيدة معصدة قصة هالمكياج ربي يستر وخلاص

بنات بنسال سؤال توا العروس لازم تاخد معاها في المطبخ سواني احجام مختلفه متلا انا واخده طاقم غداء دايرته لاستعمال اليومي او سونيتين واسعات اشويه ناخد اغخري او انخلي بعد الفرح خير لانه بصراحه المواعين تاكل في فلوس واجد وتلقي روحك شاريه حاجات واجده

بنات القيت الخبازة و السكريات لوح انا بصراحه بناخد طاقم الساقن و الكواشيك لوح بنركبهن ع سلة المواعين و الخضرة بس المشكلة وين انخاف منه اللوح في الخبزة و السكريات عشان الواحد صاح اينظف بس ايخاف من البشبو ((الصراصير)):mad: ههههههههه شن رايكن :o

بالنسبة للتشقير لانكنه ماخش راسي هو فعلا لانه نحنا عرايس مش لازم انقوا حاليا فنلتجاو للتشقير بس بصراحه مش حلو خاصة في الحواجب و في المشعرة بالدات ايبان لونه مشعارفه كيف يعني ما عندك و ين ادسي الشعر ايبان ايبان حتي انكان مابان اسود ايبان اصفر واجد واحيانا ابيض وانا بصراحه وقت الزر نستعمل فيه حتي في ايدي

نرجس الشرق;10878913:
بنات القيت الخبازة و السكريات لوح انا بصراحه بناخد طاقم الساقن و الكواشيك لوح بنركبهن ع سلة المواعين و الخضرة بس المشكلة وين انخاف منه اللوح في الخبزة و السكريات عشان الواحد صاح اينظف بس ايخاف من البشبو ((الصراصير)):mad: ههههههههه شن رايكن :o

لا توكلي ع الله وخوذي لوح

ماتخفيش مع المحافظة واهتمام مافيش حاجه تجي

شورهم وعن تجربه فماتقلقيش روحك وديمه خوذي الي يعجبك هذا رأيي;)

في امان الله

نرجوسة بالنسبة للمطبخ خودي علي دوقك وانت ماشاء الله عليك دوقك راقي و بالك تقدري تفيدينا في موضوع العربي لان البدلة الكبيرة مش حنتدخل فيها المشكلة في الصغيرة اني بنشري وحدة وحنختار الثانية اللي بيجيبوها هما

السلام عليكم ورحمه الله وبركاته

كيف حالكم كلكم ؟

سؤال لبيسا .... ممكن رقم شركةtnt لو سمحتي

دزي ليا ع الخاص وبارك الله فيك مقدما

جوهرة2010;10887823:
السلام عليكم كيف حالكم بنات من عندها افكار جديدة لهدية راس السنة بصراحة بنهدي حاجة بسيطة لان فيه الفالنتاين وقبله عيد خطوبتنا لو انه قالولي انت ماتهديله في عيد الخطوبه هو اللي يجيب وانتو ايش رايكم حبيبة غويدة وينك نبو مساعدتك والله موضوع الهدايا يدوخ الراس

مساء الخير على الحلوات

شني قلتوا بدله كبيرة وصغيره عليك قصه تعرفوا انا نحب العربي الصراحه لكن نبيهم هما يجيبوا على ذوقهم مانبي نتدخل في كل شيء وحاجه تانيه اهم حاجه يجيبولي البدله الكبيرة البيضاء بالذهبي احلى من الفضي ومعاها قمجتها والصغيره هما احرار اي لون عادي .وطبعا نحن عندنا عاده في عيلتنا ان العروس اهلها يشرولها بدله حلوة تلبسها يوم الحفله وتلبس معاها ذهب اهلها اللي طالعه بيه .

وبالنسبة لحفله راس السنه تبوا الحق نحن احتفلنا بالسنة الهجريه الحمد لله احسن وخلاص هو خدالي خاتم حليو كنت شايفته وعاجبني وهو عارف مشى جابه ليا وانا خديتله جبوتي جلد ماهو يحب الجلد هو واجد لونه اسود .

Ghado;10887736:

بنات صباح الخير..

اليومين هادم نسمع علي مركز تجميل كبير .. قالوا في قرقارش جانب NIKE .. يحكوا عليه حاجة فظيعة بكل...

فيه حد سمع بيه أو أي معلومة؟؟؟..

أهلا يا أمورة،،،،،،المركز هذا يجي فوق نايكي وليه فترة فاتح اختي ماشيتله من قبل سنة و نص او سنتين تقريبا دارت فيه مانيكيير وبديكيير وقتلي انه اللي يخدموا فيه روسيات وكان مانيكيير بي اربعين دينار وبديكيير بسبعين طبعا هدا قبل سنتين اكيد توا اتغير واختي شكراته

مرات نمشيله اليومين هادوا ،،،، بإذن الله انجيبلك معلومات

مراحب بالغوالي و ليا عليكن ملام معقوله انغييييييب و محدش يسأل عني8o|؟؟؟؟؟؟؟؟
عموما ما علينا اكيد افتكيتو مني و من كلامي الواجد صح :thumbs_up:

ان شاء الله تكونن كلا بخير و صحه و كل عام هجري و انتن بالف مليون خير

اللي تسأل عن هدية رومنسيه تقريبا عروس رايقه معليش عاد الذاكره صفر
ممكن ليله رومنسيه و سهره حلوه كفايه و الهديه عاد انتي و ميزانيتك و قوليلي هو زوجك و الا خطيبك الموضوع يفرق عاد;)
ردي عليا لو تبي افكار سهرات خطيره لعيونك انا

و اللي تسأل عن العربي فيه محلات واجده في بنغازي و حتى طرابلس و اسعارهن حلوه حلوه بس المهم انك تتأكدي انه حرير و لو تبي سعر وسط (( مش غالي نار)) خوديه ربع فضه بس مش أكثر بس المهم اللون ايكون خيل عليك مش عاد تحصلي في لون ما يلتبس

و اللي تسأل عن التشقير لو كان الموضوع انك ما تبيش تلقطي حواجبك لانه حرام فخير ما تفعلي و صدقيني رضا ربي اهم من اللوك و مش ضروري التشقير لو تقدري و في حالة تبي اتمكيجي فيه كريم شمعي ممكن تشريه من محلات مواد التجميل هو زي الكونسيلر بس ثقيييييل و ممكن تحطي منه بعود تنظيف الاذن على حاجبك و تغطي بيه و يعطي نتيجه كويسه في الميك اب لانه ايغطيه الظل و هكي
و لو كان موضوع التشقير غير هكي فلك حرية الخيار

و اهم كلمه بنقولها اني استاحشتكم و انتي بالذات يا بيسا مش عارفه ليش:o

السلام عليكم ورحمه الله وبركاته

اهلا عسول نورتي التجمع

غاليتي لو عندك افكار للهدايا ياريت ماتبخليش

علينا حتي ولو بسيطة

في امان الله

صباح الفل

[ /SIZE] [SIZE="4"]كيف حالك عروس صهيب ونورتي مشكورة عزيزتي عالرد وعجبتني فكرة الكريم الشمعي قوليلي اسم الماركه و وين نحصله