تجمع ورغي حوامل مصر لشهر محرم 1431 - كل عام وأنتم بخير

بقولك يا فتفت جربتي انواع السمك يال هنا طبعا عجبك ايه؟؟ انا خايفه اجرب اي حاجه لاحسن ان افي السمك ررخمه شويا مجربتش الا الشعري العمانى وقليته عشان كان قريب من السمك البلطي الي في مصر

مشمش ام محمد;10925707:
يلا ايدي على كتفك يا فتفت انا هجيب سمك ولحمه وفراخ ده اساسي واجيب خضاار خيار وطماطم وفلفل وجزر وخضار ينطبخ بئا بس الخضار هنا بحس انه زي البلاستيك وجوزي بيشبط في الملوخيه المتلجه يال هنا وان اصلا مش بحببببها متلجه خاالص وووو اجيب بطاطس فارم فريتس قلي وحاجات كفته ولا بانيه احمره بالليل للعشا ومكرونات وزيت وسكر وزبده وحلللللليب عاااااااااا والفاكهه بئئئا
بس نفسي نحدد كل يوم اكله نعملها وننزل نجيب مقادريها انا ناويه الاسبوع ده اجرب اعمل الكبه الشاميه

انا بنزل كارفور او سفير مول انتي بتنزلي فين؟
انا هجيب اللي بتقولي عليه ماعدا السمك بروح سوق السمك بنجيب سمك وجمبري وكابوريا لاسبوعين كدا

يا برنسيس مش ساعات تصحى من النوم ميبئاش ليكي نفس تكلمي حد ولا تشوفي حد وتفضلي قاعده متنه كده طول النهار؟؟ بيحصل ولالا مش معنى ده ان جوزك مبيوحشكيش بس ممكن يعدي عليكي وقت تحسي فيه بكده وبعد كده مزاجك بيتعدل لوحده

مخاطر و مضاعفات الولادة القيصرية:



كأي عملية جراحية هناك بعض المضاعفات التي قد تحدث. و أهم هذه المضاعفات:

نزيف شديد أثناء العملية.

التهاب الجرح بعد الولادة.

و بشكل عام تعتبر الولادة القيصرية آمنة لكل من الأم و الجنين.


التخدير أثناء القيصرية:


يوجد نوعان من التخدير يمكن استخدامهما أثناء الولادة القيصرية:

التخدير الكلى:
تكون السيدة فاقدة للوعي تماما. و يستخدم هذا النوع من التخدير في حالات القيصرية الطارئة حيث أنه الأسرع.

التخدير النصفي :
تكون السيدة في وعيها لكنها لا تشعر بالألم نهائيا. و يكون عن طريق إبرة توضع في أسفل الظهر.
و هناك نوعان من التخدير النصفي:

النوع الأول : حيث يحقن المخدر في الظهر في السائل الموجود في النخاع الشوكي. و تكون السيدة غير قادرة على الحركة.

النوع الثاني : و هو الأكثر استخداما حيث يحقن المخدر في الظهر على مسافة سطحية اكثر بالقرب من النخاع الشوكي و لكن قبل الوصول إليه. و تكون السيدة لديها القدرة على الحركة، لكن الألم فقط هو الذي لا تشعر به نهائيا.
تستطيع الأم التحرك بحرية بعد 24 ساعة من إجراء القيصرية. و هناك بعض الأمور الطبيعية التي تحدث للأم بعد الولادة القيصرية و يجب عليها معرفتها حتى لا تسبب لها أي قلق و تطمئن أنها أمور طبيعية.


خلال ال 24 ساعة الأولى بعد إجراء الولادة القيصرية تشعر الأم ببعض الدوار و النهجان عند المشي أو التحرك. و عليها أن تتحرك و تمشى في هذه الفترة عقب العملية و لكن ببطء.

بعد إزالة القسطرة البولية تشعر الأم ببعض الألم المحتمل أثناء التبول. هذا طبيعي و لا يدعو للقلق فلا يجب أن يؤدى ذلك إلى خوفها الزائد من التبول و محاولة حبس البول. فهذا الألم البسيط سيزول نهائيا فيما بعد.

خلال 6 – 8 أسابيع الأولى بعد الولادة يتم نزول دم مهبلي أحمر اللون ( دم النفاس ) نتيجة أن الرحم خلال تلك المدة يبدأ يعود تدريجيا إلى حجمه الطبيعي قبل الحمل.

تزيد كمية دم النفاس عند القيام بمجهود. فعلى الأم أن تجعله مقياس لها للتأكد أنها لا تقوم بمجهود زائد اكثر من اللازم.

يتغير لون دم النفاس مع الوقت ففي البداية يكون لونه أحمر فاتح اللون ثم يصبح بعد ذلك أحمر باهت أو أحمر غامق ثم في النهاية يصبح إفرازات صفراء أو فاتحة اللون.

تحتاج الأم لاستخدام المسكنات عند الشعور بأي ألم بعد القيصرية فعليها استشارة الطبيب حتى يصف لها المسكنات المناسبة و التي لا تؤثر على الرضاعة الطبيعية.

تتراوح مدة إقامة الأم بالمستشفى 3 – 5 أيام مادام لا يوجد أي مضاعفات.

بعد مغادرة المستشفى و الرجوع إلى المنزل ، يجب على الأم مراعاة الآتي:


يجب عليكي الالتزام بالراحة و عدم القيام بأي مجهود أو حمل أي شئ ثقيل. ليس عليها سوى حمل رضيعها فقط و الراحة في السرير قدر الإمكان.

ينصح بأخذ الفيتامينات.

يجب الإكثار من السوائل قدر الإمكان ، كذلك التغذية الجيدة و الوجبات الصحية الغنية بالفيتامينات.

عليكي بالمتابعة المستمرة لمكان الجرح و إبلاغ الطبيب فورا عند ملاحظة أي تغير غريب.

كما عليكي تجنب الآتي:


تجنبي العلاقة الزوجية إلا بعد استشارة الطبيب.

تجنبي استخدام الدوش المهبلي.

تجنبي حمل أى شئ ثقيل.

تجنبي طلوع السلالم بشكل متكرر.

تجنبي القيام بالرياضة إلا بعد استشارة الطبيب.

و عليكي الاتصال فورا بالطبيب في الحالات التالية:


ارتفاع في درجة الحرارة ( أكثر من 38 مئوية ).

صداع شديد بدأ بعد الولادة و مستمر بنفس القوة.

ألم شديد مفاجئ في البطن.

رائحة كريهة للإفرازات المهبلية.

ألم مفاجئ في منطقة الجرح و خروج صديد من الجرح.

انتفاخ ، احمرار ، ألم في الساق.

حرقان أثناء التبول أو وجود دم بالبول.

ظهور أي طفح جلدي.

حدوث نزيف مهبلي شديد أو نزول كتلة كبيرة من دم متجلط.

وجود جزء أحمر مؤلم بالثدي.

الشعور بقلق زائد و اكتئاب.

مشمش ام محمد;10925730:
بقولك يا فتفت جربتي انواع السمك يال هنا طبعا عجبك ايه؟؟ انا خايفه اجرب اي حاجه لاحسن ان افي السمك ررخمه شويا مجربتش الا الشعري العمانى وقليته عشان كان قريب من السمك البلطي الي في مصر

بصي انا من ساعه مجيت غالبا بناكل هامور بس وساعات بنختار السمك اللي بيعجبنا شكله كده ونخليهم في السوق يعملوه فيليه بيبقي حلو بس اكتر حاجه حلوه قوي الهامور انا بقليه بالبقسماط بتاعه كنور دي عارفاها؟

بنزل كارفور بردو بس بجيب السمك كمان من هناك بس بقولك انا اكتشفت سوق خضار هنا بيجيب الحاجه طازه اول باول وانضف من كارفور دوري كده انا بلاقي في كارفور الخضار بس بحس انه باهت كده وبلاستيك

انا جيييييييييييييييت

فتافييت السكر;10925714:
انا جوزي بيقوللي مهو عادي ان الاكل بيتكرر وهوه مش بيزهق بس انا ببقي زهقانه قويييييييييييييي

لا ده احنا الاتنين بنزهق اوي وهو اكتر بقي مني كمان.

Princess_miro;10925725:
انتو ليه مش بتردو عليا محدش رد غير ندى؟؟؟؟؟؟؟؟؟؟؟

علي ايه يا ميرو معلش مخدتش بالي عشان كنت بنقلكم الكلام ده.

كوباية مايه;10925766:
انا جيييييييييييييييت

ازيك يا بسبسة

عارفها بس الهامور جيبته قبل كده من سوق السمك واحد صاحب جوزي راح جابه لينا وجابهولي بكميه كبيييره لما عقدني منه وخلاني مش ط ايقه اشووفه بقولك بشوف سمك كده اسمه مكرونه حلو ده؟؟؟ وسمكه موسى لما بيخلوها بتتعمل ازااي

مشمش ام محمد;10925763:
بنزل كارفور بردو بس بجيب السمك كمان من هناك بس بقولك انا اكتشفت سوق خضار هنا بيجيب الحاجه طازه اول باول وانضف من كارفور دوري كده انا بلاقي في كارفور الخضار بس بحس انه باهت كده وبلاستيك

انا بجيب الخضار للطبيخ يعني الجاهز من سفير بلاقي نفس الانواع بتاعه مصر والجبن برضوا بلاقي الجبن المصري هناك وسفير بيعجبني ان فيه حاجات مصري كتيييييييييير
الخضار بقي زي الطماطم والخس وكده بجيبه من سوق السمك بيبقي طازه وتحفه

ولكموززززززززززززز يا بسبسه

السلام عليكم
انا جايه اسلم عليكم واطمن

ازيك يابسبس

مشمش ام محمد;10925774:
عارفها بس الهامور جيبته قبل كده من سوق السمك واحد صاحب جوزي راح جابه لينا وجابهولي بكميه كبيييره لما عقدني منه وخلاني مش ط ايقه اشووفه بقولك بشوف سمك كده اسمه مكرونه حلو ده؟؟؟ وسمكه موسى لما بيخلوها بتتعمل ازااي

مش عارفه لو مكرونه زي بتاع مصر يبقي حلو اوي انا بموت فيه اصلا بس ملقتوش للاسف

CuTie KaTkOoTa;10925771:
لا ده احنا الاتنين بنزهق اوي وهو اكتر بقي مني كمان.



علي ايه يا ميرو معلش مخدتش بالي عشان كنت بنقلكم الكلام ده.

على الكلام ده

متغاظة من جوزى اللى اتغير ده كل تصرفاته اتغيرت مش عارفة اعمل فيه ايه

يعنى مثال صغير اثناء النهار فى الشغل لما يتنقل من مصنع لمصنع أو بين الاجتماعات كان بيطلبنى و بيعد يكلمنى طوا الطريق
انهردة لما صحيت و مش لقيته اتصل و لا مرة و لا حتى الساعة 7 بعد العشا زى كل يوم اعدت انا اتصل بقى قام قافل عليا بعد 30 رنة كده و بعتلى مسج يقولى سورى انا فى مييتنج فى مكان كده انا عارفة انه بعيد عن المصنع مثلا بتاع ساعة
قلت فى نفسى حتى الوقت اللى ينفع نتكلم فيه مش بيكلمنى عااااااااااااا
:033::033:

و الصبح بقولو بطنى شادة وواجعانى يقولى اصل البيبي مش لاقى مكان يتحرك فيه علشان انتى رفيعة المفروض كنتى تخنتى شويةقلت له لأ مش هتخن انا كده سمباتيك يقولى مفهومك غلط عن السمباتيك
اتنرفزت عليه و قلت له انا مش هتخن انت اتجوزتنى كده و عرفتنى كده و هفضل كده و لو تخنت كيلو واحد هعمل دايت و دلوقتى اكتشفت انى مش عاجباك
هو اتصدم بقى منى و قالى لأ طبعا عاجبانى هو فى احسن من السمباتيك

عالم متجيش غير بالعين الحمرا :039::039::039:

احسن كارفور بروح اجيب طماطم من هناك بلاقيها خضرااااااااااااااااااااااااااااااااااااا

ضياء الجنه;10925781:
السلام عليكم
انا جايه اسلم عليكم واطمن

ازيك يا شيمو، ربنا يعوضك خير يارب يا جميلة ومتزعليش بجد اكيد كده كان احسن للبيبي وخير ليكي وله

ازيك يا ضياء و انتى يا بسبس

Princess_miro;10925786:
على الكلام ده

اها ده انا قعدت فطست علي روحي من الضحك عليكي وعلي الحوار، انتي مسخرة يا ميرو لما بتبقي كده.

بصي شوفتها يف كارفور عند قسم الاسماك لونها فاتح كده على محمر شوويا وصغيره مش كبيره ورفيعه ومدوره زي البوري كده وبتلمع هي دي المكرونه صح؟ طيب بتتعمل ازاي