تجمع ورغي حوامل مصر لشهر محرم 1431 - كل عام وأنتم بخير

فتافييت السكر;10921998:
السلام عليكم انا جيييييييييييييييييييت

وعليكم السلام يا دودو عاملة ايه

بنات انا تعبانه اوي الاسبوع ده علي طول بعد الاكل عندي احساس ان الاكل واقف في زوري ومش بيتهضم لدرجه اني بتعشي بالليل واقوم الصبح نفس الاحساس موجود وبلاقي نفسي مش قادره اكل مع ان اكلي كله خضار وفاكهه وممكن كرواسون وعلي طول من يومين كده حاسه بهبوط عندي كل ما اتحرك احس اني هقع من طولي اللي عندي ده طبيعي ولا ايه

CuTie KaTkOoTa;10921999:
عايزة اجرب اعمل البطاطس المحشية لحمة مفرومة دي ان شاء الله ونجربها لأول مرة، وبابا مفروض عايزني اعمله سمكة في الفرن.

الله ياكتكوته بتبقي حلوه اوي اوي انا بعملها وجوزي بيموت فيها اوعي ترمي قلب البطاطس ملحيه وحمريه هيتاكل وبيبقي مقرمش وتحفه

نفس اللي عندي يادودي بالظبط كانك بتوصفيني والله

ممممممممممم جوعتيني ياايمي وانا ماليش نفس اكل

فتافييت السكر;10921998:
السلام عليكم انا جيييييييييييييييييييت

وعليكم السلام والرحمه ازيك عامله ايه

zozokah;10921833:
صباح الخيرات علحلوين

صباح الفل ياقمر ازيك يازوزا

CuTie KaTkOoTa;10921999:
عايزة اجرب اعمل البطاطس المحشية لحمة مفرومة دي ان شاء الله ونجربها لأول مرة، وبابا مفروض عايزني اعمله سمكة في الفرن.

انا عملتها امبارح مع البيتنجان المحِشي حلوه اوي

فتافييت السكر;10922012:
بنات انا تعبانه اوي الاسبوع ده علي طول بعد الاكل عندي احساس ان الاكل واقف في زوري ومش بيتهضم لدرجه اني بتعشي بالليل واقوم الصبح نفس الاحساس موجود وبلاقي نفسي مش قادره اكل مع ان اكلي كله خضار وفاكهه وممكن كرواسون وعلي طول من يومين كده حاسه بهبوط عندي كل ما اتحرك احس اني هقع من طولي اللي عندي ده طبيعي ولا ايه

انتي عارفة اني لسه كنت بشتكي للدكتورة من نفس الموضوع ده بس هو عندي من فترة وانا مقولتش لأنه مش بيحصل كل يوم، لا فترة وفترة كده، موضوع الاكل اللي بحسه واقف ده او بفضل حاسة بطعمه وحتي اقراص الدوا مهما اشرب مية بفضل حاسة بيها في صدري كده مش زوري نفسه لا اخر الزور وبداية الصدر كده، وحتي لما بنام واصحي تاني يوم، بس هي قالتلي متاكليش قبل النوم ابدا وكلي حبة نونو مش كتير يعني زودي الفترات بتاعة الاكل وعلي كميات صغيرة عشان متكبسيش عليكي، قلتلها ما هو بيحصل كده حتي لو اكلت بدري عن النوم بردو، قالتلي ممكن عشان البيبي كده كده دلوقتي كبر وبيبقي ضاغط عليكي من فوق في المعدة والبطن.

انا الحكايه دي بادئه معايا من الاسبوع السادس انتي في الكام انا بجد اي حاجه اكلها تقف علي قلبي وجسمي مكسر اوي اوي وعلي طول عندي احساس بالعيا غير ده كله بحس ان في طعم مر كده في بقي

ازيك يا فتافيت عاملة ايه يا قمراية

زوزو صباح الخيرااااااااااااااااات

انا النهاردة بدأت في الأسبوع السادس الحمدلله يا ولاء و يا فتافيت

فتافييت السكر;10922022:
الله ياكتكوته بتبقي حلوه اوي اوي انا بعملها وجوزي بيموت فيها اوعي ترمي قلب البطاطس ملحيه وحمريه هيتاكل وبيبقي مقرمش وتحفه

اه ما انا هعمل كده بردو ان شاتء الله.

zozokah;10922044:
انا عملتها امبارح مع البيتنجان المحِشي حلوه اوي

طيب انتي بتحطي عليها صلصة ولا نيس في ني كده لما تتحط في الفرن يعني، عشان انا عمالة افكر كده ولا كده، الطريقتين موجودين بس بفكر اعملها بصلصة خفيف كده علي اللحمة نفسها وفوقهم جبنة رومي بقي علي الوش.

sweetylolla85;10922064:
انا الحكايه دي بادئه معايا من الاسبوع السادس انتي في الكام انا بجد اي حاجه اكلها تقف علي قلبي وجسمي مكسر اوي اوي وعلي طول عندي احساس بالعيا غير ده كله بحس ان في طعم مر كده في بقي

وانا كمان قلتلها بردو وخصوصا من مية الحنفية، قالتلي طبعا ما هي المية زي الزفت لينا كلنا دلوقتي ومليانة بلاوي، قلتلها بس بقيت لما بجيب مية معدنية بحس ان الموضوع ده اقل او مش موجود ومش عارفة تهيؤات بقي ولا حقيقة

كتكوته انا بحط علي الوش صلصه انتي تقصدي ايه في ني في ني؟ انتي بتحشي البطاطس عصاج مش كده

مبروك يادندون عقبال متدخلي الشهر التاسع وتجيبي احل نونو

ولاء ازيك عامله ايه

انا حطيت عليها صلصه خفيفه امبارح ياكتكوت بس محطتش جبنه

فتافييت السكر;10922096:
كتكوته انا بحط علي الوش صلصه انتي تقصدي ايه في ني في ني؟ انتي بتحشي البطاطس عصاج مش كده

اه قصدي انها تبقي اللحمة كده بس من غير صلصة وعليها الجبنة علي الوش وخلاص، ولا احط صلصة خفيفة علي وش الحشو ولا اختيار تالت اني اسبك اللحمة نفسها قبل ما تتحشي، انهي تفتكري احلي في الطعم

ازيك يادندونه ياقمر عامله ايه النهارده

CuTie KaTkOoTa;10922059:
انتي عارفة اني لسه كنت بشتكي للدكتورة من نفس الموضوع ده بس هو عندي من فترة وانا مقولتش لأنه مش بيحصل كل يوم، لا فترة وفترة كده، موضوع الاكل اللي بحسه واقف ده او بفضل حاسة بطعمه وحتي اقراص الدوا مهما اشرب مية بفضل حاسة بيها في صدري كده مش زوري نفسه لا اخر الزور وبداية الصدر كده، وحتي لما بنام واصحي تاني يوم، بس هي قالتلي متاكليش قبل النوم ابدا وكلي حبة نونو مش كتير يعني زودي الفترات بتاعة الاكل وعلي كميات صغيرة عشان متكبسيش عليكي، قلتلها ما هو بيحصل كده حتي لو اكلت بدري عن النوم بردو، قالتلي ممكن عشان البيبي كده كده دلوقتي كبر وبيبقي ضاغط عليكي من فوق في المعدة والبطن.

انا مش باكل خالص قبل النوم والله ياكتكوته والاحساس ده عندي لما بقوم من النوم كمان يعني لسه فاضيه وانا اكلتي من اول الحمل خيار وتفاح تقريبا بس اه هتجنن بفكر ابعت اجيب بيبسي

انا جربتها بعصج اللحمه بالبصل عادي بس انا لما بعصجها بحط معاها معلقه صلصه صغننه بتديها طعم ولون حلو وعلي الوش بحط صلصه بتخلي شكلها حلو اوي والطعم روعه