تجمع ورغي حوامل مصر لشهر محرم 1431 - كل عام وأنتم بخير

هقوم بقى كدا اختفى نص ساعه واجيلكوا تانى بعد ما جوزو ينزل بس اوعى حد يمشى بجدهزعل منكو

CuTie KaTkOoTa;10906670:
بصي انا جبت 6 بكم و6 كت وبس مرضتش اجيب بنص كمان عشان قلت ملهاش لزمة في الفترة اللي هولد فيها، هلبس اتنين بس مش تلاتة، فأجلت النص دي لما يجي الصيف بقي وابتدي اخفف واحدة واحدة هجيب النص عشان في فترة ممكن البسها لوحدها نص فهماني وكمان المقاس ممكن يكون اتغير فقلت اصبر احسن بقي وبتهيألي بردو انتي نفس نظامي رغم انك هتولدي بعدي بس بردو هاتبدأي بنفس النظام.
السالوبيت هحطلك بتاعي دلوقتي تشوفيه، وممكن تجيبي كوفرتتتين واحدة للبيت وواحدة للخروج عشان بردو تغيير الجو واحدة واحدة.

ولبس الخروج متكتريش فيه اوي لأنه مش هايرخج كتير اصلا في الاول وهاتيه من مقاس 0-3 ومن 3-6 ومتجبيش اي حاجة نيو بورن إلا طقم او طقمين بس عشان السبوع مثلا وكده.
وسالوبيتات البيت او البيجامات هاتي بقي كتير بس مش اوي بردو عشان المقاس بيصغر بسرعة، ولو هاتجيبي رجلهم مفتوحة هاتي شرابات، ولو مقفولة خلاص،

ربنا يخليكى يا كتكوت ياقمر هستنى السلوبيت اشوفه

طيب انا فى فترة الولادة بتاعتى البسه ايه فى البيت؟وفى الخروج؟وهحتاج البطانيه وللا كوفرته فى الأول؟ولاحظوا انى هولد هنا فى الرياض وماما او حماتى هتيجى وبعدين ننزل كلنا اجازة مصر وطبعا هيكون فيه خروج كتير فى ااجازة يعنى هحتاج لبس خروج

كوباية مايه;10906693:
لا انا هغسل الداخلى كله وكمان فى سلوبيتين كدا حاسه انهم متربين بفكر اغسلهم بس المشكله ان هنا وانتى ناشره هدومك بتترب

miko85;10906697:
ايمي جبت بجامتين روحي شوفيهم في التجههيزات وقوولي ايه رايك فيهم

حلوين اوي يا ميكو لسه شيفاهم اهو، لولو اوي واخيرا بدأتي بأدهم قبل لارا :lol::lol:

كوباية مايه;10906703:
بس خدى بالك يا كتكوته متنشريش الحاجات بره والناس تشوفها انشريها جوا عشان متاخديش عين من دلوقتى ولما يبقى النونو يجي بالسلامه ابقى ا نشريها بره بس انا مظنش انى هنشر بره كله هنشره جوا بصراحه

كنت لسه بقولك كده حالا في ردي فوق بس سبقتيني، انشريهم في منشر داخلي لو عندك عشان الناس وعشان التراب زي ما بتقولي

كمان يايمي جبتله تيشترتين خروج كده حلوين اووي وابقي اوريكي صورهم بكره
بقولك البجامات حلوه الوانهم حلوه
فارقه انهم بكم ولا لا

طب نغسلهم فى الغسلة مش حيكرمشوا يعنى ولا لونهم يروح من الغسيل ؟

*عروس حبيبى*;10906734:
ربنا يخليكى يا كتكوت ياقمر هستنى السلوبيت اشوفه

طيب انا فى فترة الولادة بتاعتى البسه ايه فى البيت؟وفى الخروج؟وهحتاج البطانيه وللا كوفرته فى الأول؟ولاحظوا انى هولد هنا فى الرياض وماما او حماتى هتيجى وبعدين ننزل كلنا اجازة مصر وطبعا هيكون فيه خروج كتير فى ااجازة يعنى هحتاج لبس خروج

بصي الاحمر بتاعي والتاني صورة كانت عندي.

miko85;10906751:
كمان يايمي جبتله تيشترتين خروج كده حلوين اووي وابقي اوريكي صورهم بكره
بقولك البجامات حلوه الوانهم حلوه
فارقه انهم بكم ولا لا

كميلة اوي يا ميكو بجد، لا عادي خللي بالك انتي مش هتلبسي كت عالطول لسه شوية بردو.

DANDONA_2010;10906754:
طب نغسلهم فى الغسلة مش حيكرمشوا يعنى ولا لونهم يروح من الغسيل ؟

ممكن تغسليهم علي البارد اضمن بقي.

حقوم اصلى الفجرر
فاصل ونواصل

اصلي جايبهم لما يعدوا تلات شهور
كنت جبت احسن بنص ولا عادي ممكن اشمرهم

miko85;10906777:
اصلي جايبهم لما يعدوا تلات شهور
كنت جبت احسن بنص ولا عادي ممكن اشمرهم

طيب ما كنتي تصبري متجبيش حاجة لسن اكبر من دلوقتي لغاية ما تشوفي الاحوال ايه
بس هما مش هايحصل حاجة لو اتشمروا اه

هوبي تقريبا قالتلك كانت بتلبس بكم بردو لغاية 7 اظن

اه قالتلي كده اصلهم هما قطن وخفاف قولت مش فارقه وبعدين ب 10 رايال قولت رخيصه

miko85;10906803:
اه قالتلي كده اصلهم هما قطن وخفاف قولت مش فارقه وبعدين ب 10 رايال قولت رخيصه

علي رأيك وفعلا القطن حلو ومش هايحرر وهما لسه نونو كده

اه ليقتهم كده قولت للبيت باه وخلاص
انا خربت بيت محمد
اعمل ايه
اشتريت النهارده جيبه من مانجو جينز

كتكوتة ربنا يخليكي عالصور ياحبيبتي تسلم ايدك اه شفت سانوسان وشفت منه شامبو بس

الشامبو والشاور مع بعض احجلى ولا الشامبو لوحده؟؟؟

ولو مالوش زيت نجيب زيت ايه غير جونسون طبعا

miko85;10906823:
اه ليقتهم كده قولت للبيت باه وخلاص
انا خربت بيت محمد
اعمل ايه
اشتريت النهارده جيبه من مانجو جينز

:lol::lol::lol: معلش هو الجواز كده وربنا يستر علينا بعد كده ونقدر نواصل ان شاء الله.

جيبة ايه بتاعة حمل ولا عادية؟؟؟

نغسل حاجات البيبي باريال او برسيل ولا مسحوق خاص للنونو؟؟

أسارير البحور;10906832:
كتكوتة ربنا يخليكي عالصور ياحبيبتي تسلم ايدك اه شفت سانوسان وشفت منه شامبو بس

الشامبو والشاور مع بعض احجلى ولا الشامبو لوحده؟؟؟

ولو مالوش زيت نجيب زيت ايه غير جونسون طبعا

بصي اللي جربوه جابوه اللي هو اتنين في واحد ده وقالوا بجد حلو اوي اوي.
مش عارفة افيدك لسه في موضوع الزيت دلوقتي لأني لسه مشوفتش بصراحة ولا ركزت فيهم، بس هو الاشهر البيبي اويل بتاع جونسون.
لكن في الانواع التانية مش عارفة لسه

لاه عاديه يايمي بس لقيت عليها دسكوند جبتها

ياعيال بصوا محتاسه برده لسه

بصوا كده هقوللكم اللى ناويه عليه ولو فيه حاجه ناقصه او زايده قولوا

طقم شنطة البيبى مع مفرش مبطن طقم مع بعض(كانت اختى جايباه من الكويت ومش لاقياله وصف غير كده )

كارى سيت اللى البيبى بيتشال فيها زى الشنطه
سلوبيت مبطن للخروج

6 شايات بكم و6 بكت

سلوبيتات خروج

بيجامات بيت

فوط قشط

بافتات

بشكير

كريم التهابات

شرابات

جونتيات

طواقى قطن

كوفرته

بطانيه(بيبى كوت)بكباسين وسوسته









مشمع للتغيير

بامبرز

ببرونه

شاور جل وشامبو وجنسون بيبى اويل

القصافه والمقص والمبرد والفرشه والمشط


هااااااا حلو؟

ومتشكرة اوى ياكتكوت على الصورة وماشاء الله جميل اوى بس هو ده مع البطانيه و الكوفرته ولل لوحده


ومقولتوليليش البس ايه فى الاول كده