تجمع ورغي حوامل مصر لشهر محرم 1431 - كل عام وأنتم بخير

miramiro;10898853:
يا بناااااااات مفيش اخبار عن حبيبه مادو؟
ومشمش روميو؟

لا مفيش بردو، مها انا رنتلها امبارح ومرنتليش زي العادة وبقالها فترة مش بترن ، مش عارفة بقي اخبارها ايه :|:|

ومشمش معقول محدش معاه رقمها خالص :badly::badly:

هو التهاب اللثة اعالجه ازاى؟ حاسة اللثة بتاعتى ملتهبة كده فى منطقة معينة

Princess_miro;10898906:
هو التهاب اللثة اعالجه ازاى؟ حاسة اللثة بتاعتى ملتهبة كده فى منطقة معينة

علاج التهاب اللثة و بثور الفم بالطب البديل :



نتيجة للعدوى البكتيرية أو الجراثيم التي تدخل الفم قد تحدث التهابات باللثة وتجويف الفم ، ولعلاج هذه الالتهابات ينصح بعمل الاتي :



- غرغرة الفم بغرغرة الكمون واليانسون والخل :



وتحضر كالتالي :



تضاف كمية من مسحوق الكمون واليانسون إلى خل مخفف لتكوين مزيج صالح للغرغرة



- غرغرة الفم بمحلول ملح الطعلم

- شرب الشاي الاخضر :



أثبتت الدراسات أن الشاي الاخضر يحتوي على مركبات البوليفينولات التي تعمل كمطهر للفم والاسنان ، كما انها توقف نمو ونشاط بكتيريا الفم المتسببة في تسوس الاسنان .



- شرب عصائر البرتقال والليمون :



فإن لها عظيم الأثر في تضميد الجروح وقتل الميكروبات .

طبعا كل شئ باوان يا ميرو
والحمد لله انا مش زعلانه خالص مش عارفه ليه حاسه انى بقى عندى لا مباااالاه هع هع هع

CuTie KaTkOoTa;10898938:
علاج التهاب اللثة و بثور الفم بالطب البديل :



نتيجة للعدوى البكتيرية أو الجراثيم التي تدخل الفم قد تحدث التهابات باللثة وتجويف الفم ، ولعلاج هذه الالتهابات ينصح بعمل الاتي :



- غرغرة الفم بغرغرة الكمون واليانسون والخل :



وتحضر كالتالي :



تضاف كمية من مسحوق الكمون واليانسون إلى خل مخفف لتكوين مزيج صالح للغرغرة



- غرغرة الفم بمحلول ملح الطعلم

- شرب الشاي الاخضر :



أثبتت الدراسات أن الشاي الاخضر يحتوي على مركبات البوليفينولات التي تعمل كمطهر للفم والاسنان ، كما انها توقف نمو ونشاط بكتيريا الفم المتسببة في تسوس الاسنان .



- شرب عصائر البرتقال والليمون :



فإن لها عظيم الأثر في تضميد الجروح وقتل الميكروبات .

هروح اجيب برتقالة بس هتزود الحموضة بس مش مشكلة بقى

miramiro;10898940:
طبعا كل شئ باوان يا ميرو
والحمد لله انا مش زعلانه خالص مش عارفه ليه حاسه انى بقى عندى لا مباااالاه هع هع هع

هههههههه
مسخرة يا بت انتى

بس حاسبي تلسعك اي اي

يا بنات
حد يقولى مواقع يكون فيها تعليم لفات طرح لو سمحتم بليييييييز

مساء الخيييييييييييييييييييييييييييييييييييييييييييييييييييييييييييييييييير

ازيكم يا بناويت
شوفتو مش انا تعبت الصبببببببببببببببببببببببببببح

نزلت زى ما قولتلكم واخدت صاحبتى معايا
واول ما وصلت الدقى هناك فى المكتب بتاع التوظيف السعودى ده دوخخخخخخخخخخخخت جامد اوى ووشى اصفر وشفايفى ورجعت :(
بس بعديها فوقت اوى
المهم مش اعمل عقله واروح لا كملت وروحت المشوار التانى كمان وانا اللى سايقه :(
بس والله كنت بقيت كويسه المهم روحت المهندسين وروحنا الحمدلله ووصلت عند البيت ونزلت من العربيه كويسه جداا والحمدلله قعدت اقول الحمدلله ربنا سترها
دخلت الصيدليه قولت اخد حقنه الفيتامين بتاعت الاسبوع ده
قولت للدكتوره انا دخت ورجعت تفتكرى تتعارض مع الحقنه قالتلى لا بالعكس حتخليكى اجسن
المهم دخلت اخدها فقولتلها انا حاسه بتكسير فى جسمى وصداع ومش عارفه ايه قالتلى طب تعالى اقيسلك الضغططططططط

لسه واقفه حتقسلى الضغط لاقيت نفسى دوخت جااااااااااااااااااااااااااااااامد اوى ومش قادره اقف كنت بقع خلاص جابولى كرسى والبنت قاستلى الضغط طلع 70 على 40 :( كله كان متنح فى الصيدليه قولتلها طب عايزه ايفورتيل راحت جابته وجابتلى الكبايه وعملتهولى وادتهولى :)
وبقيت دايخه جدااااااااااا

سبحان الله كانت اختى لسه نازله فصحبتى اللى معايا شافتها قولتلها اندهلها اهى اختى برده تبقى معايا وكده
بس عقبال ما طلعت البيت كنت بمووووووووووووووووووووت وفضلت تعبانه اوى
وحرارتى كانت 38 :(

بس وقيست الضغط تانى لاقيته برده واطى اوى بس الحمدلله بقيت احسن دلوقتى

:( شوفتو اللى حصلى :(

الحمدلله

ادعولى بقى علشان انا لسه تعبانه اوووووووووووووووووووووى

الف سلامة عليكى يا منار ربنا يشفيكى و يعافيكى يارب..كلى حاجات حادقة و مخللات هترفعلك الضغط

مايونيز;10899205:
مساء الخيييييييييييييييييييييييييييييييييييييييييييييييييييييييييييييييييير

مساء النور يا قمر.

mashimaro16;10899208:

ادعولى بقى علشان انا لسه تعبانه اوووووووووووووووووووووى

الف سلامة عليكي يا منور، انا كنت لسه داخلة اسلم عليكي واقولك رحتي المشوار ولا عملتي ايه، طيب موضوع الضغط ده اول مرة تحصلك، انتي مكنتيش واكلة كويس او اتعرضتي لشمس كتير او مشيتي كتير.

الف سلامه عليكى يا منارF:F:F:F:F:
اكيد الضغط بايظ علشان نفستك كانت تعبانه امبارح
والله يا منار سبيها على الله و خلى بالك انتى من نفسك علشان البيبى و علشان متتعبيش كده

و عليكم السلام و رحمه الله وبركاته
ازيك يا مايونيز عامله ايه؟

الف سلامه عليكي يامنار وخدي بالك من نفسك وربنا يعدي الشهور دي علي خير
ازيك ياكتكوته عامله ايه

ازيك ياميرا ياقمر انتي عامله ايه

الله يسلمكم يابنات ربنا يخليكم يارب

والله يا كوتى انا كنت اكلت الصبح بعد الفجر كده سندوتش جبنه بيضه وشربت يانسون هما دول اللى رجعتهم وممشتش فى الشمس ولا حاجه انا نزلت ركبت العربيه لحد الدقى ومشيت اربع عمارات بسسس ودخلت المبنى وهناك بقى حدث اللى حدث :)

مش عارفه يا ميرا انا كان بيحصلى كده اول 3 شهور حتى لما قولت لجوزى قالى زى ما حصلك وانتى معايا مره واحده بتلاقى الموضوع ده حصلى بس النهارده فعلا كان غريب اوى بس قولت يمكن برد ولا حاجه

بس الحمدلله ان هبه جارتى كانت معايا والله مش عارفه كنت حعمل ايه من غيرها ربنا يباركلها يارررب

مايونيز;10899313:
الف سلامه عليكي يامنار وخدي بالك من نفسك وربنا يعدي الشهور دي علي خير
ازيك ياكتكوته عامله ايه

الحمدلله يا جميلة ، انتي ليه بتدخلي قليل اوي كده

mashimaro16;10899319:

مش عارفه يا ميرا انا كان بيحصلى كده اول 3 شهور حتى لما قولت لجوزى قالى زى ما حصلك وانتى معايا مره واحده بتلاقى الموضوع ده حصلى بس النهارده فعلا كان غريب اوى بس قولت يمكن برد ولا حاجه

انا بردو حصلي مرتين تقريبا الشهر اللي فات ده حاجة مشابهة اوي بس مقستش الضغط خالص ساعتها لأني كنت هديت شوية لما قعدت والناس لحقتني، واستغربت ساعتها بردو لأنه اصلا مكنش بيحصلي كده في الاول فتقوم تحصل في الاخر.

صحيح عاوزة اسألكم سؤال، هو انتوا بتلبسوا براهات في البيت ولا لا في فترة الحمل.

الحمد لله خير ان شاء الله يا منار
و خلى بالك اوعى تنزلى لوحدك اى مشوار بعد كده
لازم يبقى حد معاكى يا حبيبتى
ومش تسوقى كمان علشان جايز التركيز و الشده بيعملولك كده فى الحمل