كوباية مايه;11195668:
انا جيت يا بنات
بجد مبسوطه جدا جدا جدا جدا
لان لاول مره من يوم ما اتجوزت اصرف مصروف البيت بس ومزودش عليه لا وكمان وفرت منه الحمدلله
الف حمد وشكر ليك يارب
واللى احسن من كدا كمان ان الواحد فهم وعرف ايه اللى بيضيع الفلوس وايه اللى ممكن نوفر فيه
الحمدلله
وللعلم انا المفروص مصروف بيتى 1000 جنيه بس جوزى قالى مع قدوم النونو الجديد هيزود المصروف ب لسه معرفش كام بس انا الشهر دا كان 1000 جنيه
وكنت كل شهر بصرف فى ما بين 1400 ل 1700 جنيه وطبعا كدا بطااااااااااااااطس ولا فى اى توفير فى الدنيا
المهم الشهر دا وبلا فخر الحمدلله وفرت 350 جنيه من ال 1000 جنيه
يعنى صرفت 650 فقط لا غير الحمدلله يارب
الشهر دا هعمل ميزانيه مختلفه شويه لاختلاف الظروف وكدا
بس هبقى اقولككم الغلط اللى كنت بعمله قبل كدا ومبقيتش اعمله دلوقتى الحمدلله
ايه الحلاوة دى ايه الطعامة دى فين لايفدروب عشان الوسام ودى عشانك يا قمر دولوقتى :08::08::08::083: بصى بكده انتى عديتى التحدى ولما تزودى فى المصروف عشان البيبى بردك حالوى نفس الاسلوب عشان التوفير ده حيفيدك كتير انك تجيبى حاجات للبيبى او تفتحى دفتر توفير وتحطى فيه الفلوس دى باسمه ربنا يسهل ولادتك ان شاء الله وتجيبلنا احلى نونة
ملك حياتى;11196178:
[QUOTE=newlife;11183797
تعرفى انتى عسل بس مش انتى اتفقتى معاه ان التوفير ده بيبقى ليكوا وان ده اصلا مصروف البيت بتاعك يعنى لو وفرتى تبقى انتى الاولى وهو بقى يصرف على اهله من مصروفه هو او الفلوس التانية اللى مش ضمن مصروف البيت صح ولا ايه
اتفقى معاه ان مكافأة التوفير تكون بشرا حاجة جديدة للبيت انتى محتاجاها وبكده تحسى ان التوفير مفيد ليكى لاربنا يوفقك يا قمر واه من الرجالة وعمايلهم وربنا يهدى أهل الزوج
الله يخليكى يا قمر انتى اللى عسل والله
بس المشكلة امرى لله هاحكيها من الاول
استحملونى بقى معلشى :094:
انا جوزى مسافر والله باحاول اوفرلة طول السنة لانى عارفة هو بيتعب اد اية ومتبهدل هناك عشان الفلوس دى
بمجرد يا حبيبتى ما ينزل كل اللى عملتة فى السنة دى بيطير على اهلة والله كمان بنضظر نستلف يعنى سفرة ملوش اى فايدة وباكلمة بهدوء وقولة اننا محتاجين الفلوس دى فكر فى مستقبلك حاول تعمل مشروع عشان تبطل سفر وغربة
لكن لا حياة لمن تنادى كانى باكلم فى نفسى
واهلة بسم الله ما شاء الله قايمين بالواجب ومش بيصدقوا انة بيستلف ولا احنا الاتنين بنعمل اية عشان نقدر الفلوس دى
بجد انا متضايقة منهم لان جوزى عمرة ما هيقول لاهلة لالالالالالالا هيقولى انا بس هههههههههههه
لااهلة مش بيقدر يرفضلهم طلب
لو حد منكم عندة حل للمشكلة دى يقولى اصلى قربت انفجر منهم خلاص :039::039:
امممم معلشى انا رغيت كتير بس حابة اقولك على حاجة صغنونة
انا جوزى وهو مسافر باجى عند اهلى مفيش حد من اهلة....... دول بيفكر يسال عليا او يتصل حتى انا اللى باروح ازورهم واسال عليهم باقول صلة رحم
بصى يا قمر انا حاسة بيكى جدا لان مشكلتك شبيهة بحالى فعلا الغربة والبعد لازم يكون ليه تمن وبالخصوص لو فيع اولاد وتأمين مستقبل وتعليم ومدارس وغيره فمش ينفع خالص ان الواحد اللى يحوشه او يوفره يصرفه كده بدون عقل وكمان بيستلف لا حول ولا قوة الا بالله ده كده هم بيرتكبوا ذنب كبير عشان مش بيعينوه على بيته وحياته ربنا يهديهم جميعاااااااا بس انتى قوليله بص انا وفرت مثلا 500 جنيه حجيب بيهم اى جهاز انتى عاوزاه فى البيت او أى حاجة مهمة عشان تستفيدى منها وممكن لو فيه بنبينو تقوليله عشان مصراريف الولادة او السبوع او العقيقة او الهدوم بتاعة البيبى وكده عشان يعرف ان توفير أى حاجة من مصروف البيت يبقى بردك للبيت وهو لو عاوزى يدى حاجة يدى من مصروفه هو لان عليه حق ليكى انتى واولادك
بالنسبة بقى للسؤال بقت سمة عامة مفيش حد بيسأل عن حد باين احنا عايشين فى متاهة ولا ايه انا بردك اللى بسأل واروح مش عارفة باين فاكرين ان ده واجب عليكى مش عليهم ربنا يهديهم مع ان السؤال بيديم المحبة ويوطد العلاقة معلش كلنا لها عشان رضى جوزك بس ولوجه الله وعلى فكرة انا قريت ان صلة اهل الزوج ليست بصلة رحم هو اللى عليه هذه الصلة يا قمر انتى بس بتعملى كده ارضاء لجوزك ولله وبس
كوباية مايه;11197392:
صوا يا حبايبى انا محرمتش نفسى من حاجه خاااالص الشهر دا
يعنى كل اللى محتجاه الحمدلله جيبته وجيبت حاجات كمان مكنتش عاملاها ميزانيه وبردو مفرقتش معايا عشان كله بالعقل
بصوا بقى اللى ظبطها معايا
انا حسبت ان كل اسبوع هجيب ب 30 جنيه خضار هتقولولى كتير هقلكم مانا اسبوع كنت بجيب خضار ولو اتبقى مثلا من المصروف دا 10 جنيه كنت بخليها والاسبوع اللى بعديه احط 10 على ال 10 اللى وفرتها واجيب فاكهه
يعنى الخضار اهو والفاكهه كانوا ب 120 جنيه فى الشهر من غير لحمه وفراخ ماشى كدا
اللحمه والفراخ حسبت انا هعمل كام اكله من دا وكام اكله من دا
وجيبت على قد الاكلات بالظبط
فا جيبت 2 كيلو لحمه ب 80 جنيه
وجيبت الفراخ بقى جيبت فرخه واحده بس صحيحه عشان انا وجوزى مش بنفضلها اوى وجيبت كيلو ونص فراخ بانيه ودا عملى تقريبا 8 اكلات وكنت مقسماهم كل 6 حتت فى كيس ويبقوا طبخه او اكله يعنى
فا جيبت الفرخه ب 20 (كيلو ونص) والبانيه ب 45 جنيه الكيلو ونص بردو
الرز والمكرونه بقى دول حوااااااااااار
انا جوزى كان بيجبلى اغلى نوع رز واغلى نوع مكرونه
طيب ليه يا ابن الحلال ما فى انواع بتبقى حلوه ورخيصه
فا بالنسبه للرز جيبته سايب مش اكياس بس روعه والله بصراحه
المكرونه بقى قسمتها جزء جيبته سايب وجزء جيبته اكياس
يعنى احنا بنستهلك لسان عصفور كتير عشان الشوربه اليوميه طبعا اساسى عند جوزى فا جيبته سايب رووووووووعه
والمكرونه الصغنونه خالص دى اللى هى مربعات صغنونه مش عارفه اسمها ايه بس بتتحط على الكشرى
دى بعملهاله محمره دايما بردو جيبت منها سايب
اللى جيبته اكياس المكرونه الفرن والاسباجتى لانهم مينفعوش يتجابوا سايبين خالص
الزيت بدل ما كنت بجيب كريستال ال 3 لتر وبيقعد معايا 3 و 4 شهور
جيب زيت حلو اوى اوى انا شيفاه احلى من كريستال اسمه الاصيل ومجيبتش 3 لتر جيبت بس لتر ونص واهو ماشاء الله لسه مخلصتش ربعه
السمنه بقى كان عندى نص علبه يعنى كيلو
فا قولت انا ايه اللى يخلينى اجيب علبه تانى دلوقتى مش مستهله ولو احتاجت مش معضله ابقى اجيب وفعلا مجيبتش ولسه اهى خلصانه انهارده وقولت هجيب واحده اول الشهر
فا اللى عندى مجيبتش منه
العيش جيبت ب 30 جنيه عشان انا بجيب الرغيف اللى بنص جنيه دا
مش قليل 30 جنيه بس ودى شاملة الفينو والبقسماط والذى منه
حساب الوجبات دا بقى وفر معايا جدااااااااااا بصراحه
وكل حاجه بالعقل مش اقعدى اشترى وخلاص
وكنت عامله 100 جنيه عشان نخرج نتغدى بره بس لظروف خارجه معرفناش الشهر دا فا قولت خلاص هشيلها
بس منفعش لانى روحت للدكتور و كمان جيبت تورتايه فا بدل مااشيلها حطيت عليها كمان عشان نجيب اللى عايزينه
ولان مش كل اسبوع كنت بخلص فلوس الخضار كلها فا اللى كان بيتبقى كان ممكن اجيب فاكهه زى ما قولتلكوا او انى كمان اجيب اى حاجه لب سودانى ايس كريم شيكولاته بيبسى وهكزا
ممتازة ربنا معاكى يا قمر ويبعد عنك العين يا رب ويرزقك ويوسع عليكى كده تمام حتاخدى الوسام انتى فين يا لايفدروب فين الوسام بتاع كوبايه:087::065::03::083::08::025:
* كلاسيك *;11201006:
انا النهارده زعلت مع ماما بسبب المصروف وعيطت كتير ههههههه
وقولت مش همسك المصروف تانى بس لما صالحتيني بقى قولت خلاص
علشان مش تزعل
لا يا قمر مش تزعلى مع ماما حبيبتك وان شاء الله تثبتى انك ادها وادود