اللى عايزة تظبط مصروف البيت تتفضل بسرعة لو سمحت

miko85;10851963:
ندي مش عارفه المصرووف خسع اوي المره دي
صرفنا 4000 ريال الشهر ده مش عارفه ليه
عماله اجبها كده اجبها كده مش عارفه اصرفوا فين

lifedrop;10841545:

انا ان شاء الله ناويت انى كل ما جوزى يقبض اخد المرتب (ماعدا مصاريف العربية واحتياجاته) واعمل الاتى

1- اكتب الاساسيات اللى هحتجها الشهر دة


2- اقسمها


لحوم (فراخ كاملة وبانيه ولحوم وسمك)


وخزين البيت(الرز والمكرونة والفول والدقيق والسكر والزيت وخلااافه)


حاجة التلاجة ومنتجات الالبان ( اللبن والجبن بانواعها والزبادى والبيض وخلافه)


حاجة البيت ( ادوات التنظيف والمناديل والبامبرز والمسحوق وخلافة)


الخضار والفاكهة


مصاريف البيت (الكهربا والمية والغاز والنت )

اوكش؟!!!


3- بعدين فيه اجندة عشان يتكتب فيها اللى اتصرف يوميا يتعمل جدول


متقسم كل الاتى ( ملحوظة : خريجة كلية تجارة)

اليوم

الوارد

المنصرف

البند

ملاحظات

وكل ما جوزى او انا نصرف حاجة نكتبها عشان نعرف فلوسنا بتروح فين و نتكسف كل ما نجيب حاجة تافهة وملهاش لازمة ...


4- وبرضه خدت فكرة من ام بودى وزياد انى اعمل جدول بالاكل اللى حيطبخ .... يعنى كل اسبوع اشوف حطبخ ايه واخلى جوزى يجبلى الحاجات اللى حستخدمها مرة واحدة ( والاسر الصغيرة اللى زىى يفضل كل اسبوعين)


5- وعشان نحوش ان شاء الله فيه افكار عشان التحويش لاااااازم نتبع اى حاجة منها:


i) تجيبى حصالة وتلمى اى جينيهات معدن تبقى موجودة معاكى او مع جوزك ( ويفضل كل فترة تفتحيها وتطلعيها لله كصدقة... عشان ربنا يباركلكم فى فلوسكم)


ii) تعملى جمعية مع حد دى حتجبرك انك تقتصدى فى المصاريف


iii) تخدى مبلغ ما من المرتب وتبعديه عن ايديك كانه مجاااش اصلا وتنسيه خااااااالص ومتمديش ايديك عليه الا للشديد القووووووووووووووووووووووى


iv) تشيلى كل يوم 5 جنيه مثلا( او حسب مقدرتك) وتحطيها فى حصالة كانك جبتى بيهم شيكولاتة او عصير او حاجة ساقعة ....مش حتحسى بيها ان شااااااااء الله


دى كانت شوية افكار جمعتها من كتر ما انا بدور وببحث فى موضوع التوفير دة

ومحل تنفيذ عندى ان شاااء الله

واهم حاااااااااااااااجة اللى لازم تعملها عشاااان ربنا يرزقكم من فضله و يباركلكم فى فلوسكم وصحتكم وولادكم تكثرووووووووووو من الصدقااااااااااااااااااااات والاستغفاااااااااااااااااااااااااار وصلة الارحااااااااااام

والله يا جماعة ليهم سحر خطير

يلا قولو تعليقاتكم على الكلام دة وكل واحدة تدخل تقول بتعمل ايه وحتعمل ايه...

كوباية مايه;10853552:
ايه دا انا اول مره اشوف الحوار دا بصى يا ندى انا عملت كل اللى انتى كتباه فى الصفحه الاولى دى ولقيت ان مفيش مليم بيضيع على حاجه تافهه فا معرفتش اعمل ايه والله مع انى مش بصرف مليم على اى حاجه غير الاكل تخيلى


اعمل ايه بقى

lifedrop;10852114:
اكيد يا ميكو عشان بتجهزى حاجات ادهم ولارا.... ربنا يجيبهم بالسلااامة

بصى اعملى رينج معين لتجهيزات الولادة وحاولى متزيديش عنه عشان النوزضوع ميفتحش معاكى

جربى موضوع انك كل ما تصرفى حاجة تكتبيها.... حيبقى ضميرك مرتاح شوية