سمكة من البحر;10958937:
عايزه أسأل المتزوجين على حاجه ، هو المصروف اللى إنتوا بتتكلموا عنه ده ، مصروف بتاخدوه من مرتب الزوج كل شهر ؟ وهل كمان الزوج بيدى مصروف خاص لزوجته يعنى ليها لوحدها ؟
ولو الزوجة بتشتغل بتحتفظ بمرتبها ولا بتدخله فى مصروف البيت الشهرى ؟
قريت كمان إنكم بتحوشوا وفى بنت كانت بتقول إن ليها حساب فى البنك ، طيب إنتوا إيه رأيكوا المفروض الحساب ده يعرف عن الزوج حاجه ؟ ولا مش بيبقى عارف عنه حاجه ؟
سورى ، أسئلتى كتير بس عايزه أفهم :040:
هى بتفرق من حد لحد
انا عندى حساب فى البنك مرتبى بينزل عليه فأكيد جوزى عارف الكلام ده
وبصراحة مش باخد منه مصروف ولا حاجة بس لما بنبقى نازلين وعايزة اشترى حاجة بيشتريلى اللى انا عايزاه
ولو انا نزلت لوحدى وجبت حاجات للبيت او ليا بجيبها من معايا
انا بالنسبالى مش فارقة معايا وانا وهو بنجيب سوا للبيت واللى فينا بيحوش حاجة كله رايح لولادنا فى الاخر