حياااكم في تجمع حوامل وامهات قطر لشهر محرم 1431 ه

ان شاء الله ماتكون بداية سخونة .. اخذي لج شاور دافي يريح الجسم ..

دوحانية;10908843:
ان شاء الله ماتكون بداية سخونة .. اخذي لج شاور دافي يريح الجسم ..

اتهقييين يعني؟؟؟

لا ان شاء الله

بعد شوي باروح باخذ لي شاور

مسا الخير

معليه تخلوني اتشكى عندكم شوي؟؟ :(
نفسيتي تعبااانة واايد واايد واحس جسمي كله يعورني

ترجيع ولدي من صوب وتفكيري فيه وعناد بنتي العودة من صوب ثاني
والله احس ان ماقدر افكر في حل
صرت بس اصرخ واعصب عليهااا لانها تصيح على اقل شي وتقعد تصرخ وقت نومي :(
واليوم بعد من الفجر صياح الا تبي تنام معاي فالسرير وماسكتنا الا 8 ونص الصبح يوم استسلمت ونومتها معاي

احس اني مب قادرة اوفق بين اليهال وبين راحتي
استغفر الله

والله افكر اذا رجعت البيت شبيصير :( الله المستعان

بس ابيكم تدعوون ان ربي يهديهم ويشفي ولدي ويزيد وزنه لان قالو لي وزنه قل
وبعد ادعولي ان خدامتي توصل بسرررررعه :(

بس خلاص
:)

ام الغاليين
اشربي لج قهوة وبتصحصحين ان شالله
نسكافيه مر يفي بالغرض :cool:

نور
ايييييييييه عليج
الله يهديهم لج يارب
عن ولدج ترا عادي نص عيال الدوحه هالشكل اقل من الطبيعي
بنتي لحين سنه وهي اقل من الطبيعي اهم شي انهم بصحه وعافيه
وان شالله بتوصل خدامتج بسرعه
وانتي اهم شي لاتفكرين وايد ... سواء فكرتي وتعبتي راسج والا ما فكرتي كله واحد يعني بتجي اسرع لو فكرتي؟
واتوقع بنتج تبي تجذب انتباهج باي طريقه حتى لو تصرخين عليها ... شفت مره برنامج الدكتورة تقول حتى لو ان الياهل يحصل منج ظرب بعد راضي بس اهم شي تلمسينه تخيلي !!!
انتي دايما ادعي ان ربج يعطيج طوله البال والصبر واستغفري وايد وان شالله خير :)

دوحانيه
سويت تحليل دم بس مب شامل شامل لا بس نص تقريبا عند اشعه الخليج

نوور

ماعليييييج شر حبيبتي

وان شاء الله كلها فترة وبتعدي

بس بنتج خلي حد من خواااتج او امج هالفتره يمسكها وانتي حاولي قد ماتقدرين تمسكييين اعصااابج عليييها لانها للحين صغيييرة وان شاء الله كلها ايااام وبيتعدل الوضع

camellia;10909067:
ام الغاليين
اشربي لج قهوة وبتصحصحين ان شالله
نسكافيه مر يفي بالغرض :cool:

لو ماكنت صااايمه جااان سويت لي اي شي


ب ر ب

كامي

فديتج صاااجه
مرات تقعدني من النوم بس عشان اجي امسكها :(
واذا شلت يدي تقوم
ويارب يعطيني طولة البااال
مشكورة فديتج

ام الغاليين

هذي من احد المشاكل
انها من ولدت انا وهي ماااتبي حد غيري
حتى اذا خذوها عني وطلعوووها تتم تصيح طول الطلعه :(
كاااسرة خاطري هي بس بنفس الوقت مابيها تتعود على اسلوب الصياح

نور :: اذا ولدج يرجع وايد وايد لا تخلينه رجعيه على الدكتور ولا غيري الدكتور اللي رحتي له آخر مرة .. فديت ويهه بروحه نتفة اييييه عليه ..
و بنتج ترى صغيرة ماعليه انتي معذورة نفاس و المزاج كلش و النفسية بعد بس ماعليه تحملي بنتج .. خلي خواتج ياخذونها ولا عماتها تطلع معاهم
تفج عنج شوي .. و اللي قاعدة تسويه ترى غيرة من أخوها لأنها فطنت و موجود طفل ثاني ماخذ الاهتمام و التركيز أكثر ماعليه حطي على نفسج و اضبطي أعصابج معاها و كل ما قدرتي قعدي معاها و عطيها الاهتمام اللي تبيه .. و الله يعينج ان شاء الله فترة و تعدي بس طولي باااالج ..


كامي :: أشعة الخليج .. اممممم والله اذا المختبرات يسوون أقرب لي المركز العربي .. مشكورة

دحدح

اي باذن الله اذا استمر جي بارجعه مرة ثانية هالاسبوع باذن الله
والله يعدل النفسية ويعدي هالفترة على خير يااارب
مشكورة فديتج :*

مرحبااا كروووشات ومااميز

شخباركم؟؟

مساء الخير والاحساس والطيبة << اخيييي هههههه

شخباركم؟


قصوبة

حلو وايد عليج بالعافية..
ما شاء الله عليج بسرعة تتمللين من اللوكات وتغيرينهم.. هههه بس روعة اللوكات ^.*

نور

فديتج الله يعينج.. ويحفظ غيالج ويهديهم..
مسكينة بنتج يحليلها.. قعديها عندج وحطي العابها جدامها ولعبي شوي معاها.. بتستانس..

مساء الورد F:


شخباكرم مااميز وكروشات ؟!



نور الدوحه

الله يعينج ومايشوف شر ولدج


ام الغالين

ماتشوفين شر حتى انا اليوم متلخلخه بس لاني امس يومي كله في البر

وناااااااااااااااااسه الجو


الجوري

الحمدالله على سلامتكم


دلوعه زوجي و غلا قطر

مادري باركت لككم والا لا الف الف مبروووووووك والحمدالله على سلامتكم


زينه قطر

الف مبروك والله يثبته لج وينقله لتمامه



قريت وااايد والحين نسيت على من برد

المهم Miss u كلكم

هلا نور

شخبارج؟

يغار

هلا والله شخبارج؟
واااو ما شاء الله روعة لوكج ^^

موازن

هلا حبيبتي انا الحمدالله انتي شخبارج وشخبار البطل ؟!

عنوونج الحلوه طلعت روحي لين سويته ههههههههههه

يغاااار...

وين هالغيبه وحشتينا..

اخبارج حبيبتي؟؟

ام الغالييييييييين..

الشر مايجيج حياااتو..

اللي فالبيت كلهم يسوون ريجيمات .. خواتي ومرت اخوي وكلللللللللللللللللهم .. ما شاء الله سبع بنات.. وماشاء الله نزلوا واغلبهم صاروا سمبتيك..
ويلعبون رياضه مع بعض.. وانا اطالع وشكلي بربي وانا الفيل فالبيت.. صادني احباط..

ماااميز وكروشات

انا بعد عندي مشكله مازمه لي قلق نفسي "^_^

انا اللي يسلمكم مشكلتي الغازات

احس بشي يركض في بطني كانه حس بيبي توه يتحرك غير الاصوات اللي مالها حلااااه

طبعا من بطني لايروح بالكم بعيد هههههههه

والله فشله مرات اقول الاصوات تطلع لما اكون جوعانه بس حتى لما اكل واشبع

بعد تطلع الاصوات بليييييييييييز ساعدوني شالحل اجيب مراخه

والا اروووح لدكتوره ؟!!

الحمدلله بخير والبطل تمام
ما شاء الله عليج..حلو ^^

مدام العجمي

مايوحشج غالي موجوده والله واتباعكم كل يووووم بس ماعندي وقت اقعد على النت

والبي بي مايقصر علومكم توصلني خخخخخخخخخخخ

انتي شخبارج ؟!

اي صح تذكرت انا يوم تطعيم بنتي من فتره كرت التطعيم ضايع ولا طعمووها قالو روحي الصحه الوقائيه

فتلعوزت الله يجزاها خير وحده تقرب لنا في المركز قالت ماعليج منهم

خذت المعلومات مني وطلعت لجولي كرت اخضر لانهم كانو معطيني نسخه بيضاء مصوره وبس طرشتهم بيتنا

انتي حني عليهم ترى بيسووون لج

هههههههههههههههه يغار نفس الحالة..
المشكلة كلشي يسوي غازات..
عن الاصوات اللي من البطن.. اللي يقهرني ما تطلع الا لما يكون الجو هدوء ههههههههههههه