حياااكم في تجمع حوامل وامهات قطر لشهر محرم 1431 ه

العجمي /
انا سمعت عن الابرة اللي تاخذينها كل 3 مادري 6 شهور .. بس هذي اول مرة اسمع بها :)


صادقة /
في هالموضوع بالذات و انتي والدة قيصري .. استشيري الدكتورة أفضل ..

*همس الحراير*;11050614:
مساااء الخييير

كروشااات شررايكم في سميره الطائي ؟؟؟؟

اهم شئ اسلوبها وتعاملها ياليت تفيدوني

وخياط الخضري حد جربه ؟؟؟؟؟

مساء النور

سميرة الطائي كانت في الاهلي
وهي حليوه وشاطره كنت اتعامل معاها

خواتي جربوا الخضري وخياطه مرتبة

مساء الخير كروشات شخباركم

اول مره اسمع عن ابرة تنحط تحت الجلد وتمنع الحمل :I:

سمعت عن الابره بس قالوا اضرارها واااايد

عااااااجل

ماميز

بنتي امس مطعمتها
والحين حرارتها 38.5
مع اني ماعطتها ادول من ساعه

واحسها تهلوس قاعده تناغي وتضحك بروحها
خفت عليها
شاسوي
احط لها كمادات ماي فاتر على راسها؟؟
ولا شنوووو
ارجوكم ردو علي ضروري :(

الحين كملت ساعتين ولا نزلت حرارتها
شااااسوي
تكفون حد يرد علي :(

وهج العين مشكوووره ع الرد

************************

بسومه ما تشوف شر

حطي لها كمادات ماي دافي مكان الابره

وكل 4 ساعات عطيها الادول

واذا فيه تحاميل لعمرها حطي لها مفعولها احسن

وما عليها شر

بسومه
تحاميل الادول احسن كل 4 ساعات
والكمادات خليها بماي لاهو بارد ولا حار عادي حطيه على مكان الابره وماعليها شر ان شالله

بسومة /
خففي ملابسها بس تأكدي مافي تيار هوى او المكان بارد..
حطي مكان الابرة كمادات دافية ..
و على راسها حطي فوطة مبللة بماي عادي من الولف مب بااارد ولا حاار و حطي فيه بيالة خل .. و مسحي باقي جسمها بعد ..
و الأدول كل 4 ساعات و لا التحاميل ..
وحياتي لولا ماتشوف شر

همس الحراير - كامي - دحدح - الرميحي

كنت احط كمادات بارده

والحين بحط الدافيه لان كملنا يوم من طعمتها

متى يصير اعطيها التحميله؟؟
لان 5ونص عطيتها ادول شراب نص مل

والخل انطرها لين تقوم لانها توها نايمه
ولا البسها الدلاغ بالخل وهي نايمه ولين قامت امسح جسمها

والله قلبي معورني عليها


وجزاكم الله الف خير على الرد

فديتها ماتشوووفوون شر ...

اانا كنت احط في قاعه ريلها خل ترى وايد زين ..

واذا الادول كل 4 ساعات يعني على 8 ونص تعطينهاا ..

طمنيني عليهااااا

ان شاء الله بحطلها الحين
بس انطر الخل يوصل من الدكان ><

مدام

جربي صنية الروتي
سوي حشوة دجاج بالصلصه الحمره
او دجاج مع جبن ومايونيز

والتغطيه جبن وقشطه وشوي مايونيز

او بدال الروتي سوي نفس الحركه مع معكرونه
لزيزز

خخخخخخخخخخخخخخ

اشدراج ان احنا انحب هالاكله ..

قبل 3 ايام كنت امسويتها لهم ؟؟

ابي شي غير ..

لان مافي وقت ..

امممم

شنهي اللاشياء الي عندج

بقولج على حسب مقاديرج

كل شي عندي ..

انا اطبخ في مطبخ اهل ريلي ...

لان للاسف اللي عندي فالغرفه لشاااي واشياء مالها ريحه

اي شي عطيني ..

بسووومة
ليش ماتعطينها بروفينال ..
الشوش ماينزل حرارتها الا بروفينال والتحاميل ماحبها لان الشوش تصرخ معها وتقول لي انه يعورها فديتها انا ..
وبنوتج صح صغيرة بعدها تقدرين تستعملين التحاميل بس شوفي البروفينال .ز
ماتشوف شر ..


مدامووو
ليش ماتجربين تسوين سلطة ميمي قطر اخت بسومة سلطة الدجاج بالذرة ..يمي يمي سويتها بس ماكان عندي خلطة الرناش بس بعد طلعت حلووووووووووووووة
وخاطري فيها بس ابد ماعندي مقاديرها واهم شي الدجاج ..




احم احم



سالخير

يوعانه
وكلت قطعتين بقصم مع شاي حليب
شسوي ميته جووووع وابي اكل

مساااء الحب

بسووومة

ماتشوف شر لولا والبنااات ماشاء الله ماقصروا البناات

وانا مع لولو انا دوووم اعطي عيالي البروفين ومااحب التحاااميل

وانا بنتي عقب التطعيم زاد عليها الزكااام واليوم وديتها المستشفى طلع عندها التهاب ف الاذن وطبعا عطوها مضااااد

لاعت جبدي من المستشفى الحين 3 ايام ورا بعض انا يوميا ف المستشفى

يالا الحمدلله على كل حاااال

شخباااركم كروشاااات