رايكم في زواج الاهل

هلا اختي
موضوعك حلو وايد
بالنسبة لي الزواج من خارج العائلة أفضل لأسباب كثيرة منها اسباب صحية وشي ثاني عشان تكبر العيلة وتقل المشاكل
بالنسبة لي انا متزوجة من خارج العائلة
و البنسبة لولدك و بنت اختك الموضوع مستقبلي و بعيد
بالتوفيق

اولا الله يحفظلك عبادي وتشوفينه احلى عريس
ثانيا هالشي احسه يعتمد على 1_الاهل... يعني اساسا هم العائلتين متفاهمين مع بعض ومافي اي خلافات سابقه ..ومؤمنين ان كل شي قسمه ونصيب
2_البنت والولد والي هم اهم شي اذا كان في حب بينهم وتفاهم وخلوا سرهم ومشاكلهم بينهم اعتقد الامور راح تكون اسهل
لكن اذا اختفوا هاالحاجتين اعتقد ممكن تصير مشاكل حتى لو كان الخلاف بين الزوجين بسيط

ينقل الموضوع للمكان المناسب .. اختي

والله بصراحه ,, الزواج قسمه ونصيب ,, ماتدرين وين الخيره فيه ؟!

صباح الخير بنات
ههههههههههه اكلتوني بقشوري
ادري حبايبي قسمة ونصيب وادري لو طلعوا يبون بعض مااقدر اقول لا
بس لو قال لي مثلا دوري وحدة لي ماراح اقول لة ويش رايك في بنت خالتك
وادري انه هالشي تو الناس علية عبادي توه عمره سنتين ونص
واختي للحين ماحملت هههههههههه

بس اني قلت لكم السالفة علشان ابي اشوف رايكم في زواج الاهل

ما اشجعة وايد
لانة يزيد الامراض الوراثية بصراحة
كثير ناس اعرفهم ما انجبوا والسبب ان متزوجين من داخل الاهل
الله يخلف عليهم ان شاء الله

هلا ام عبادي موضوع حلووو

من رايي الشخصي !

زواج الأهل واللي الكل يذم فيه ،، اشوفه لما يكون الزوجين مناسبين لبعض طبعا ، وتكون العلاقة صافية بين العائلتين

ترى واجد افضل ، لان في الاخير انتين عارفة اطباع العائلة اللي مقبلة عليها

يا ما ناس تزوجوا من عوايل مايعرفون عنها شي ولما يعاشرونهم يشربون المر وياهم !!!!

ولكن لا انكر ان فيه ناس تدخل بيوت وتكون علاقات طيبة

وكله قسمة ونصيب

وفي الاخير اني بعد مااحب فلان لفلانة خليها على الله بس

والله يخلي عبادي وتزفينه معرس وية عروسته يارب

صحيح زواج الاقارب لازم يكون فيه مشاكل عندنا بالعايله
متزوجين من اقاربهم وبصراحه مشاكلهم كثيره

انا ابدا ما احب زواج الاقارب ولا ايده ..وعلى قول المثل خلك بعيد حبك يزيد

انا مع زواج الاهل وبقوة بشرط مثل ماقالت ام سلمى الاختيار يكون نابع من قناعة الطرفين بدون ضغوط وتدخل من الاهل وانا شخصيا متزوجه ولد خالتي ولو الف العالم ما بحصل زوج مثله والحمد للله حياتنا الزوجيه خاصه فينا ومافي اي تدخلات خارجية من الاهل ومتفاهمين الله لايغير علينا يارب

الزواج قسمة ونصيب
مو كل زواج اهل فاشل
ولا كل زواج من برى العايلة ناجح


وعن علاقتش بأختش لو صارت مشاكل بين ولدش وولدها
ماعتقد تخترب لانكم خوات ومالكم دخل في مشاكل اولادكم ..

اني بصراحة اتمنى ولدي ياخذ وحدة من بنات اختي يعني من اهلي مو من اهل زوجي اتمنى عددل بس اني ما بتكلم وحتى لو قال بيخطب ما بقول خذ فلانة ؟؟ لانة لو هي في باله انجان على طول بيقول خطبي اليي فلانة لانة يعرفهم
وفي حالة اخذها وصارت مشاكل لا سمح الله اني واختي ما الينا دخل في الموضوع
واني ولدي سواء اخذ من العايلة او برة يعيش بروحه وما اليي دخل فيه بالمررررة
وزواج الاقارب اني كنت ضده وبشدة بس الحين تغيرت فكرتي اشووي لانة ماخذة من الاهل <<<< اخر شي توقعته ههههههههههههه

والله يخلي عبادي يارب ويبلغش فيه معرس والله يرزق اختش الذرية الصالحة يارب
وكل شي قسمة ونصيب

انا مستحيييييييييييل آخذ من الاهل بس اذا كا مكتوبلي فسبحان الله
امي نقس الشي متفقين هيه واختها ما ياخذون من بعض عشان ما تخترب علاقتهم وبعد من ربيعاتها المقربات بعد رافضه

هلا اختى
انا عندى من الاهل افضل
وبالنسبه لى انا ماخذه من العائله

تسلمون حبوبات على المرور وابداء رايكم :)
وفي الاخير كل واحد ماياخذ الا نصيبة

مو دايم تسلم اجره