أم التواتي;10917937:
سبحان الله
طيب ايش السبب
وكيف العناية بيه
السبب الرئيسي الاتهابات ... :( الي اكتشفوا بعدين انها من المني تبع الزوج ... لان قبل كنا ما نسمع الكلام .. بس تعلمنا الدرس عدل الحين ... والحين الجماع ممنوع كلش وسبحان الله مافي التهابات ...
سبحان الله انا من دخلت الشهر الثالث بدت عندي الآم طلق ... :( وبعدين كنت وايد اروح للمستشفى واترقد هناك .. لما خلصت الثالث سوو لي ربط .. وبعد الربط بين كل يوم ويو يجيني طلق خفيف ... وكنت استحمل ومرات اروح يعطوني ابره ... لما خلصت 22 اسبوع .. بدت الالم تزيد وايد .. فرحت المستشفى وسوو لي التراساوند وقالوا الرحم مفتوح عندي 2 سانتي ... وكيس الماي نازل جزء منه :( ... ودخلوني غرفة الولاده .. وبعدين خف الطلق .. فطلعوني فوق لان قالوا في اي لحظة ممكن اربي ... وتميم اسبوع وانا الطلق فيني شغال ما هدى .. بس عايشة على المسكنات .. وعطوني ابره الرئة لما وصلت 24 اسبوع .. ولين وصلت 25 اسبوع .. قام الرحم يفتح زيادة وزياده .. لين وصل 4 .. ونزلوني غرفة الولادة وتميت يومين والطلق كل ماله ويزيد .. فقالوا لازم يفتحون الربط عشان يخافون عنق الرحم يتمزق .. وتميت يوم كامل والطلق كان وايد حار ( سبحان الله من ايبوعين وزياده كله طلق طبيعي .. ما عطوني اي طلق صناعي ) ... لين فتح الرحم 10 سانتي .. وجبت جسومي ... وتميت نص يوم تحت لان حرارتي ارتفعت وايد بعد ما ربيت .. لما بدت تنزل طلعوني فوق ... بعدها تم جاسم في العناية شهرين و نص وفي الحضانه اسبوعين ... وسوو له عملية ليزر وهو في العناية ... ولما طلع سوو له عمليه افتاق ...
بعد ما طلع من المستشفى كان يبيله عناية خاصة من قلب .. فقعدت فبيت ابوي كم شهر وياه .. لين كبر .. وقدرت اخذه بيتي .. :)